Kryeministrja e Ukrainës Yulia Svyrydenko, reagoi në një mesazh në Telegram ku shkroi se; “për herë të parë, ndërtesa e Qeverisë u dëmtua nga një sulm armik – çatia dhe katet e sipërme të saj”.

“Ekipet e shpëtimit po e shuajnë zjarrin”.

Dëshmitarët e Reuters panë katin e sipërm të ndërtesës kryesore të qeverisë ukrainase, të vendosur në lagjen historike Pecherskyi, duke u djegur, me tym të dendur që ngrihej në qiellin e kaltër të pastër menjëherë pas lindjes së diellit.

Forcat Ajrore të Ukrainës, thanë në Telegram se Rusia lëshoi ​​805 dronë në Ukrainë gjatë natës dhe 13 raketa, me njësitë e mbrojtjes ukrainase që rrëzuan 751 dronë dhe katër raketa.

Ky ishte numri më i lartë i dronëve që Rusia ka përdorur për të sulmuar vendin, që kur Moska nisi pushtimin e plotë të Ukrainës në shkurt të vitit 2022.

Timur Tkachenko, kreu i administratës ushtarake të kryeqytetit, tha se trupi i foshnjës u nxor nga rrënojat në lagjen Darnytskyi, ku një ndërtesë katërkatëshe u dëmtua.

Një grua e re vdiq gjithashtu si pasojë e sulmit në rrethin, i cili shtrihet në lindje të lumit Dnieper, tha Tkachenko.

Zyrtarët e emergjencave shtetërore, thanë se 18 persona u plagosën në sulmin e natës që shkaktoi zjarre në të gjithë qytetin.

Moska nuk komentoi menjëherë mbi sulmet. Të dyja palët mohojnë se kanë synuar civilët në sulme, por mijëra kanë vdekur në luftën që Rusia nisi me një pushtim në shkallë të plotë të Ukrainës në shkurt të vitit 2022.

Më herët, kryebashkiaku i Kievit, Vitali Klitschko, tha se një grua e moshuar vdiq në një strehë bombash në Darnytskyi dhe një grua shtatzënë ishte midis të plagosurve.

Zyrtarët e emergjencave shtetërore, thanë se një zjarr shpërtheu në dy nga katër katet e një ndërtese banimi në lagjen që u godit nga sulmi me dron, me strukturën e saj të shkatërruar pjesërisht.

Mbeturinat e Dronëve

Në lagjen perëndimore të Sviatoshynskyi, disa kate të një ndërtese banimi nëntëkatëshe u shkatërruan pjesërisht, thanë Klitschko dhe zyrtarët e emergjencës.

Mbetjet e dronit që binin shkaktuan zjarre në një pallat 16-katësh dhe dy ndërtesa të tjera nëntëkatëshe, shtoi kryebashkiaku.

Svyrydenko bëri thirrje për më shumë armë për Ukrainën dhe që bota t’i përgjigjet sulmeve ruse.

“Ne do t’i rindërtojmë ndërtesat”, tha Svyrydenko. “Por jetët e humbura nuk mund të kthehen. Armiku terrorizon dhe vret njerëzit tanë në të gjithë vendin çdo ditë”.

Tymi dilte nga ndërtesat e apartamenteve, disa me dysheme pjesërisht të shembura dhe fasada të shkatërruara, treguan fotografi në mediat sociale të postuara nga zyrtarët e emergjencës.

Rusia “po godiste qëllimisht dhe me vetëdije objektiva civile”, tha Tkachenko, administratori ushtarak i Kievit, në Telegram.

Dhjetëra shpërthime tronditën gjithashtu qytetin qendror të Ukrainës, Kremençuk, duke ndërprerë energjinë elektrike në disa zona dhe duke dëmtuar një urë mbi lumin Dnieper, tha kryebashkiaku i qytetit Vitalii Maletskyi në Telegram.

Sulmet ruse në Krivyi Rih, gjithashtu në Ukrainën qendrore, kishin në shënjestër transportin dhe infrastrukturën urbane, tha në Telegram Oleksandr Vilkul, kreu i administratës ushtarake për qytetin, por nuk u raportuan të lënduar.

Në qytetin jugor të Odesës, infrastruktura civile dhe ndërtesat e banimit u dëmtuan, me zjarre që shpërthyen në disa blloqe apartamentesh, tha guvernatori rajonal Oleh Kiper në Telegram.

Ndërsa Ukraina perëndimore përballet me kërcënimin e sulmeve ajrore, Polonia aktivizoi avionët e saj dhe të aleatëve për të garantuar sigurinë ajrore, tha komanda operative e forcave të armatosura polake.

Raportimi nga Pavel Polityuk dhe Valentin Ogirenko në Kiev dhe Lidia Kelly në Melbourne; Redaktimi nga Ëilliam Mallard, Clarence Fernandez dhe Christian Schmollinger.

The post Rusia sulmon Kievin me 805 dronë, reagon kryeministrja Yulia Svyrydenko: Çatia dhe katet e sipërme të selisë qeveritare u dëmtuan appeared first on Albeu.com.

Ngjarja u shënua mëngjesin e kësaj të premteje. Pre e këtyre sulmeve ishte edhe fasada e jashtme dhe disa hapësira brenda godinës së Ambasadës së Republikës së Shqipërisë si dhe ambasadave të pesë vendeve të tjera.

Në reagimin e saj, Ministria e Jashtme shqiptare e konsideroi këtë akt si një sulm të drejtpërdrejtë ndaj themeleve të demokracisë ndërkombëtare. Ajo theksoi gjithashtu se ky sulm ka vënë në rrezik jetën e personelit diplomatik dhe ka shkaktuar dëme të konsiderueshme në Ambasadën Shqiptare në Kiev, përfshirë dëmtime të fasadës së jashtme dhe hapësirave të brendshme të godinës.

Në kuadër të këtyre sulmeve ajrore, përveç ambasadës shqiptare, janë dëmtuar edhe misionet diplomatike të pesë vendeve të tjera, duke përfshirë Argentinen, Maqedoninë, Palestinën, Portugalinë dhe Malin e Zi. Të gjitha këto ambasada janë të vendosura në të njëjtën ndërtesë, e cila pësoi dëme të mëdha nga sulmet raketore ruse.

The post Sulmi ndaj ambasadës shqiptare në Kiev, Ministria e Jashtme thërret në takim ambasadorin rus appeared first on Albeu.com.

Përmes një njoftimi për mediat, bëhet e ditur se është dëmtuar pjesërisht fasada e jashtme dhe disa hapësira brenda godinës së Ambasadës, duke vënë në rrezik jetën e personelit.

Ministria për Evropën dhe Punët e Jashtme ka dënuar këto sulme, të cilat i ka quajtur brutale.

Njoftimi për median:

Një seri sulmesh ajrore të Federatës Ruse tronditën Kievin të premten në mëngjes, duke shkaktuar dëme të shumta në disa zona në kryeqytetin e Ukrainës. Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev dhe ambasadave të pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale.

Ministria për Evropën dhe Punët e Jashtme dënon pa asnjë mëdyshje këto sulme brutale. Ky akt i pakuptimtë është një sulm ndaj themeleve të vetë diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht.

The post Sulmet ruse në Kiev, dëmtohet edhe ambasada e Shqipërisë (PAMJET) appeared first on Albeu.com.

Oleh Kiper, guvernatori rajonal i Odesës tha se personat që vdiqën në periferi të Odesës të shtunën mbrëma ishin një çift i martuar dhe se një person tjetër u plagos në sulm. Të paktën 41 persona u plagosën pasditen e së dielës kur një bombë ajrore ruse goditi një ndërtesë shumëkatëshe banesash në Kharkiv, tha kryebashkiaku Ihor Terekhov, duke shtuar se bomba e komanduar goditi katin e 10-të të ndërtesës dhe zjarri u përhap në katër kate. Ai tha se u dëmtuan edhe dymbëdhjetë ndërtesa të tjera.

Ndërkohë, Ministria ruse e Mbrojtjes tha se ka rrëzuar 29 dronë ukrainas gjatë natës së të dielës mbi rajonet perëndimore dhe jugperëndimore, pa shkaktuar dëme. Ministria tha gjithashtu se një tjetër dron ukrainas u rrëzua të dielën në mëngjes mbi rajonin perëndimor të Ryazanit.

Ndërsa Ukraina dhe Rusia kryejnë rregullisht bastisje me drone gjatë natës në territorin e njëra-tjetrës, zyrtarët ukrainas në përgjithësi nuk konfirmojnë ose mohojnë sulmet brenda kufijve të Rusisë.

Sulmet e fundit vijnë pasi Ukraina bëri një thirrje të re të shtunën ndaj Perëndimit për ta lejuar atë të përdorë raketat me rreze të gjatë veprimi të dërguara nga vendet partnere të Ukrainës, për të goditur objektivat në thellësi të Rusisë, ndërsa forcat ukrainase luftojnë për të frenuar përparimet ruse në Ukrainën lindore.

Deri tani, Shtetet e Bashkuara e kanë lejuar Kievin të përdorë armë të dërguara nga Amerika vetëm në një zonë të kufizuar brenda kufirit të Rusisë me Ukrainën. Zyrtarët e Kievit argumentojnë se armët janë jetike për të dobësuar aftësinë e Rusisë për të goditur Ukrainën dhe për ta detyruar atë të largojë aftësitë e saj sulmuese nga kufiri.

Presidenti ukrainas Volodymyr Zelenskyy i bëri thirrje përsëri të dielën thirrje Perëndimit që të ndryshojë politikën për përdorimin e armëve me rreze të gjatë veprimi, duke vënë në dukje se Rusia kishte lëshuar “rreth 30 raketa të llojeve të ndryshme, më shumë se 800 bomba ajrore të komanduara dhe gati 300 dronë sulmues kundër Ukrainës” këtë javë.

“Ukraina ka nevojë për mbështetje të fortë nga partnerët tanë për të mbrojtur jetë përballë terrorit rus – mbrojtje ajrore, aftësi me rreze të gjatë veprimi, mbështetje për luftëtarët tanë. Gjithçka që do të ndihmojë ta detyrojë Rusinë t’i japë fund kësaj lufte”, tha zoti Zelenskyy në platformën X./VOA

The post Moska dhe Kievi shkëmbejnë sulme me dronë dhe raketa, dy persona humbin jetën appeared first on Albeu.com.

Vizita e saj nuk ishte paralajmëruar paraprakisht për shkaqe sigurie.

Ministrja gjermane bëri thirrje për më shumë mbështetje ndërkombëtare për mbrojtjen ajrore të Ukrainës, në një kohë kur Rusia po kryen një ofensivë të re në rajonin e Harkivit.

Kjo është vizita e shtatë e Baerbockut në Ukrainë, prej se Rusia e nisi pushtimin e shtetit fqinj në shkurt 2022.

Gjermania është njëra prej mbështetësve më të mëdha të Ukrainës në luftën e saj kundër pushtuesit rus.

Në fillim të këtij muaji, ministri i Mbrojtjes i Gjermanisë, Boris Pistorius , tha se vendi i tij do t’ia dërgojë Ukrainës tre sisteme të tjera raketore të artilerisë me lëvizshmëri të lartë, të njohura si HIMARS.

HIMARS është një raketahedhës i vendosur në kamion, i cili mund shkrep raketa të shumëfishta përnjëherë.

Në prill, Qeveria gjermane njoftoi se do t’ia dërgonte menjëherë Ukrainës një kundërajror Patriot, një sistem mbrojtës ajror, me të cilët presidenti ukrainas, Volodymyr Zelensky, u ka bërë thirrje aleatëve perëndimorë ta furnizojnë Kievin.

Ushtria ukrainase është duke u përballur me trysni të madhe në javët e fundit nga një ofensivë e re e Rusisë në rajonin e Harkivit. Trupat e Kievi po përballen po ashtu me mungesë të municioneve.

Rusia pretendon se i ka marrë nën kontroll një sërë vendbanimesh gjatë kësaj ofensive.

The post Ministrja gjermane vizitë të paparalajmëruar në Kiev appeared first on Albeu.com.

Blinken do të takohet me presidentin Volodymyr Zelensky, kryeministrin Denys Shmyhal, dhe ministrin e Jashtëm ukrainas, Dmytro Kuleba.

Sipas zëdhënësit të Departamentit amerikan të Shtetit, Matthew Miller, kryediplomati amerikan dhe udhëheqja ukrainase do të diskutojnë për “më të rejat nga fushëbeteja, për ndikimin e ndihmës së re amerikane në fushën e sigurisë dhe ekonomisë dhe për zotimet afatgjata për siguri dhe zotime të tjera”.

Vizita e Blinken vjen ndërsa ushtria ukrainase po përballet me sulme të ashpra nga Rusia, sidomos në rajonin e Kharkiv, i cili u sulmua mbrëmë. Ushtria e Ukrainës pranoi se Rusia “po arrinte sukses taktik” pasi filloi një sulm tokësor të premten që rezultoi në evakuimin e afro 6,000 njerëzve. Por presidenti Volodymyr Zelensky theksoi se Ukraina kishte dërguar përforcime dhe se një “kundërsulm” ishte duke u zhvilluar:

Blinken ka mbërritur në Kiev 3 javë pasi Kongresi amerikan miratoi ndihmën prej 61 miliardë dollarësh për Ukrainën.

Përpara mbërritjes së Blinken në Kiev, një zyrtar i lartë amerikan tha se armët e financuara nga Amerika që mbërrijnë tani në vijën e frontit përfshinin interceptorë të mbrojtjes ajrore, artileri dhe raketa me rreze të gjatë veprimi ATACMS.

“Ne kemi filluar tashmë të dërgojmë artileri dhe ATACMS me rreze të gjatë, si dhe sisteme të mbrojtjes ajrore që synojnë të përmbushin nevojat më urgjente”, tha zyrtari.

The post Blinken vizitë të paparalajmëruar në Kiev! Rusia bombardon Kharkivin appeared first on Albeu.com.

Burime të sigurisë thanë për BBC se tetë avionë të tjerë u dëmtuan rëndë dhe 20 persona mund të ishin vrarë ose plagosur.

Baza e Morozovsk strehon avionë Su-27 dhe Su-34 të përdorur në vijën e frontit në Ukrainë, thanë burimet.

Nuk ka pasur asnjë koment nga Rusia mbi njoftimet për një sulm në aeroport.

BBC nuk ka qenë në gjendje të verifikojë në mënyrë të pavarur raportet.

Megjithatë, zyrtarët rusë thanë se më shumë se 40 dronë ishin drejtuar në rajonin, i cili kufizohet me Ukrainën.

Analisti ushtarak rus i BBC-së, Pavel Aksyonov, thotë se një sulm nga kaq shumë dronë në një hapësirë ​​të shkurtër kohore mund të kishte mposhtur mbrojtjen ajrore.

Ministria ruse e Mbrojtjes tha se rajonet Saratov, Kursk, Belgorod dhe Krasnodar ishin gjithashtu në shënjestër. Ai tha se të gjithë dronët u rrëzuan.

Në rrethin Morozovsk të Rostovit, një nënstacion elektrik u godit, duke lënë rreth 600 njerëz pa energji për disa orë, tha Guvernatori i Rostovit Vasily Golubev në kanalin e tij Telegram.

Ai shtoi se ka pasur disa dëmtime në një bllok banimi 16-katësh.

Në një postim të mëvonshëm, ai tha se tetë persona ishin plagosur nga eksplozivi që shpërtheu në një nga dronët e rënë gjatë një hetimi në vendin “jo shumë larg aerodromit”.

Ukraina ka shtuar sulmet me dronë ndaj objektivave brenda Rusisë kohët e fundit, duke synuar objektet ushtarake dhe energjetike.

Ajo ka paralajmëruar vazhdimisht se ushtria e saj po përballet me mungesa të mëdha municioni, por ka vendosur si objektiv prodhimin e një milion dronëve brenda vendit këtë vit.

Të martën ajo mori përgjegjësinë për një sulm me dron në Tatarstan, më shumë se 1,300 km (807 milje) nga kufiri Ukrainë-Rusi.

Sulmet, që synojnë një fabrikë dronësh dhe një rafineri nafte, janë më të thellat në territorin rus që nga fillimi i luftës. Dymbëdhjetë persona u raportuan të plagosur.

The post Kievi: Gjashtë avionë rusë u shkatërruan nga dronët, 20 të vdekur appeared first on Albeu.com.

Rusia ka shtuar bombardimet e saj ndaj vendit fqinj në javët e fundit, duke synuar kryesisht infrastrukturën energjetike, si hakmarrje për sulmet e Ukrainës në provincat e saj kufitare. Sot ishte sulmi i tretë ajror në kryeqytet në pesë ditë.

Një 65-vjeçar u vra nga një predhë artilerie në fshatin Vovchansk, në rajonin e Kharkiv. Shpërthime u dëgjuan në Kiev menjëherë pas dëgjimit të paralajmërimit kundërajror. “Ishte një re pluhuri, xhamat e makinave dhe xhamat e dyqaneve u thyen, gjithçka u shkatërrua”, tha një banore e kryeqytetit, Oksana, e cila ishte në punë në atë kohë.

Shërbimet e shpëtimit publikuan fotografi që tregojnë ndërtesa të dëmtuara rëndë dhe një krater pranë një shtëpie. Sipas kreut të administratës ushtarake të Kievit, Serhiy Popko, dy raketa balistike të lëshuara nga Krimea e aneksuar u kapën.

11 persona të tjerë u plagosën gjatë natës, nga sulmi i avionëve rusë pa pilot në rajonet Mykolayiv dhe Odesa. Në Odesa, 300 mijë njerëz mbetën pa energji elektrike deri në orët e vona të mbrëmjes së sotme, sepse infrastruktura energjetike u shkatërrua nga sulmet, sipas autoriteteve lokale.

The post Dhjetë të plagosur nga predhat e raketave ruse në Kiev, 300 mijë njerëz pa energji elektrike në Odessa appeared first on Albeu.com.

“Çelësi i suksesit qëndron në ruajtjen e ndihmës perëndimore për Kievin”, shtoi ai.

Duke përfaqësuar më pak se 5% të buxhetit të mbrojtjes së SHBA-së, ai është një investim relativisht modest me kthime të konsiderueshme gjeopolitike për Shtetet e Bashkuara dhe kthime të dukshme për industrinë amerikane.

Armatimi i duhur do ta vendos Ukrainën në një pozitë më të fortë nëse shfaqet një mundësi për negociata serioze”, shtoi ai.

The post Shefi i CIA-s: Braktisja e Kievit do të ishte një ”autogol historik” për SHBA-të appeared first on Albeu.com.

Sejourne tha se Ukraina do të mbetet prioritet i Francës, derisa Moska i sulmoi rajonet ukrainase me raketa dhe dronë të shtunën.

“Ukraina është dhe mbetet prioritet i Francës. Në Ukrainë po ndodh mbrojtja e parimeve thelbësore të ligjit ndërkombëtar”, tha Sejourne në një konferencë për media në Kiev përkrah homologut të vet ukrainas, Dmytro Kuleba.

Ai shtoi se Rusia po shpreson se Ukraina dhe mbështetësit e saj do të lodhen, duke shtuar se “vendosmëria jonë është e paluhatshme, ne nuk do të dobësohemi”.

Kuleba e falënderoi Sejournen për vizitën në Kiev “pavarësisht bombardimeve të mëdha të radhës nga Rusia. I jam mirënjohës atij për guximin, që nuk kthye mbrapsht”.

Sejourne mbërriti në kryeqytetin ukrainas pak orë pasi Rusia filloi t’i sulmoi rajonet e saj jugore dhe lindore me raketa dhe dronë.

Ukraina po e ka të vështirë të sigurojë të holla nga Shtetet e Bashkuara dhe Bashkimi Evropian për luftën e vet kundër pushtuesit rus, me këtë të fundit që po ballafaqohet me kundërshtime nga anëtarja e vet, Hungaria.

Ministria e Jashtme e Francës e postoi një fotografi të Sejourne dhe shkroi se ai “mbërriti në Kiev për vizitën e tij në terren, në mënyrë që ta vazhdojë aksionin diplomatik të Francs atje dhe ta ritheksojë përkushtimi e Francës ndaj aleatëve dhe popullsive civile”.

Më herët gjatë ditës, Shtabi i Përgjithshëm i ushtrisë ukrainase tha se Rusia i shkrepi 40 raketa dhe dronë në drejtim të territorit ukrainas.

Sipas tij, mbrojtja ajrore i zmbrapsi tetë sulme, ndërsa 20 të tjera nuk e goditën cakun.

Raportohet se cak i sulmeve ruse ishin rajonet Harkiv, Luhansk dhe Donjeck.

Në disa rajone të Ukrainës u lëshuan sirena për të paralajmëruar për sulme ajrore.

The post Rusia bombardon Ukrainën gjatë vizitës së ministrit të ri francez në Kiev appeared first on Albeu.com.