Në Camp Film City në Prishtinë, karabinierët italianë dhe ushtarët çekë të angazhuar në Njësinë e Specializuar Shumëkombëshe (MSU), në kuadër të misionit të KFOR-it të drejtuar nga NATO, kanë realizuar stërvitje me helikopterë.

KFOR bëri të ditur se ky ushtrim synonte të rriste gatishmërinë operacionale, si edhe të përmirësonte bashkërendimin mes ekuipazheve ajrore dhe personelit në terren.

Gjatë aktiviteteve u zhvilluan transporti i personelit, evakuimi i trupave dhe ushtrime të bazuara në skenarë emergjentë, me qëllim mbajtjen në nivel të gatishmërisë operacionale dhe të ndërgjegjësimit situativ të personelit të KFOR-it.

Sipas KFOR-it, këto stërvitje dëshmojnë angazhimin e pandërprerë të misionit për të siguruar një ambient të qetë dhe të sigurt për të gjithë qytetarët që jetojnë në Kosovë.

The post KFOR mban në Prishtinë stërvitje me helikopterë për të shtuar gatishmërinë operacionale appeared first on Albeu.com.

Një person ka humbur jetën dhe dy të tjerë janë lënduar si pasojë e një aksidenti të ndodhur sot në rrugën Prishtinë-Pejë, konkretisht në fshatim Leshan.

Mësohet se lëndime të rënda trupore ka pësuar personi që dyshohet se ka shkaktuar aksidentin. Lajmin për mediat në Kosovë e ka konfirmuar zëdhënësi i Prokurorisë Themelore të Pejës, Shkodran Nikçi. Nikçi tha se personi i dyshuar për shkaktimin e aksidentit është dërguar për mjekim të mëtejshëm në QKUK në Prishtinë.

“Si pasojë e një aksidenti trafiku në magjistralen Pejë-Prishtinë, në komunë të Pejës, një person ka ndërruar jetë, ndërsa personi që dyshohet se ka shkaktuar aksidentin ka pësuar lëndime trupore për çka është dërguar për trajtim mjekësor në QKUK dhe është është ndaluar për 48 orë”, tha Nikçi. Më herët, në media u raportua se në aksident janë përfshirë një automjet i KFOR-it dhe një kamion.

The post Aksidenti tragjik i makinës së KFOR, humb jetën ushtari italian, plagosen dy të tjerë appeared first on Albeu.com.