Katër ndeshje do të luhen këtë fundjavë në kuadër të javës së dytë të Albi Mall Superligës së Kosovës, ndërsa dueli i shumëpritur ndërmjet Prishtinës dhe Dritës është zhvendosur për një datë tjetër.

Takimet e xhiros së dytë janë planifikuar të zhvillohen më 21, 22 dhe 23 gusht.

Programi hapet të premten me ndeshjen Malisheva-Drenica. Kjo përballje do të nisë në ora 16:30 në stadiumin “Liman Gegaj”.

Dy sfida të tjera do të luhen të shtunën, të dyja me fillim në ora 16:30. Dukagjini do ta presë Feronikelin ‘74 në stadiumin “18 Qershori” në Klinë, ndërsa Ballkani do të përballet me Vushtrrinë në stadiumin e qytetit në Suharekë.

Një ditë më pas, Llapi do të luajë si vendas ndaj Gjilanit. Ndeshja do të zhvillohet në stadiumin “Zahir Pajaziti” në Podujevë dhe do të nisë në ora 16:30.

Përballja ndërmjet Prishtinës dhe Dritës, e cila pritej të ishte një nga sfidat kryesore të javës, nuk do të zhvillohet në këtë xhiro për shkak të shtyrjes.

Federata e Futbollit e Kosovës do ta caktojë në një moment të mëvonshëm datën e re të këtij derbi, që pritet të tërheqë interesim të madh.

The post Programi i javës së dytë të Superligës së Kosovës, shtyhet derbi mes Prishtinës dhe Dritës appeared first on Albeu.com.

Sezoni i ri i Superligës së Kosovës ka nisur me ritëm të lartë, teksa skuadrat treguan forcën e tyre në fazën sulmuese që në xhiron hapëse.

Në pesë ndeshjet e javës së parë të elitës së futbollit kosovar u shënuan gjithsej 25 gola.

Përballja më efikase ishte ajo mes Dritës dhe Llapit, ku u realizuan tetë gola. “Intelektualët” siguruan pikët e plota duke triumfuar me rezultat 5-3.

Një tjetër fitore bindëse u regjistrua nga Malisheva, e cila mposhti 1-6 skuadrën e sapopromovuar të Vushtrrisë.

Gola të shumtë pati edhe në duelin Prishtina – Ballkani, me “Plisat” që dolën fitues me shifrat 4-2.

Në ndeshjen e fundit, Gjilani mori tri pikë si mysafir ndaj Feronikelit ’74, pas fitores me rezultat 1-3.

Drenica – Dukagjini ishte takimi i vetëm ku rrjetat mbetën të paprekura, pasi të dyja ekipet u ndanë me barazim 0-0. Në këtë mënyrë, xhiroja e parë u mbyll me plot 25 gola.

The post Spektakël golash në hapje të Superligës së Kosovës, 25 realizime në javën e parë appeared first on Albeu.com.

Prishtina e ka filluar sezonin e ri të Superligës së Kosovës me një sukses bindës në shtëpi, pasi mposhti Ballkanin me rezultatin 4-2.

Vendasit kaluan në avantazh pas vetëm 10 minutash lojë, kur Albin Krasniqi realizoi një gol të bukur. Sulmuesi i Prishtinës u shfaq sërish në minutën e 19-të, duke përfituar nga një aksion i shpejtë dhe duke e dërguar topin në rrjetë nga afërsia.

Ballkani reagoi pas dy golave të pësuar dhe, në minutën e 24-t, fitoi një penallti. Valentin Serebe u tregua i saktë nga pika e bardhë dhe riktheu skuadrën e tij në lojë.

Megjithatë, Prishtina e mbylli pjesën e parë me epërsi të dyfishtë. Assane Diatta shënoi në minutën e 45+1’ për ta çuar rezultatin në 3-1.

Mysafirët e nisën më mirë fraksionin e dytë dhe në minutën e 50-të ngushtuan diferencën përmes Engjëll Ajazajt.

Detyra e Ballkanit u komplikua më tej pasi Ivica Batarelo u ndëshkua me karton të kuq. Pas një devijimi nga gjuajtja e lirë, Kastriot Selmani shënoi në minutën e 64-t për të vendosur rezultatin përfundimtar 4-2.

Me këtë fitore, Prishtina e nis kampionatin me tre pikë, ndërsa Ballkani duhet të reagojë sa më shpejt pas humbjes.

The post Prishtina nis sezonin me fitore ndaj Ballkanit, Albin Krasniqi shënon dy herë appeared first on Albeu.com.

Stadiumi i Prishtinës do të presë përballjen mes skuadrës vendase dhe Ballkanit, e vlefshme për javën e parë të Superligës së Kosovës.

Të dyja ekipet hyjnë në këtë takim me të njëjtin synim: triumfin dhe një nisje sa më pozitive të sezonit.

Ballkani vjen në këtë sfidë pas disa ndeshjeve të luajtura në arenën evropiane, ndërsa për Prishtinën kjo është paraqitja e parë zyrtare për sezonin e ri.

Trajnerët kanë përcaktuar tashmë lojtarët që do ta nisin ndeshjen:

Prishtina:

Ballkani:

Ndeshja është programuar të fillojë në orën 19:00.//

The post Prishtina përballë Ballkanit në startin e Superligës, publikohen formacionet zyrtare appeared first on Albeu.com.

Java e parë e edicionit 2026/27 në Superligën e Kosovës vijon sot, të dielën, me dy ndeshje, ndërsa sfida që pritet të marrë vëmendjen kryesore është ajo mes Prishtinës dhe Ballkanit.

Takimi i parë i ditës do të zhvillohet në stadiumin me bari sintetik në Gjilan, ku Drita do të presë Llapin.

Përballja është planifikuar të nisë në orën 16:30. Të dy ekipet synojnë ta hapin sezonin e ri me rezultat pozitiv dhe të marrin tri pikët.

Drita do të përpiqet të përfitojë nga avantazhi i fushës, ndërsa Llapi do të kërkojë të largohet nga Gjilani me pikë.

Programi i ditës mbyllet në orën 19:00 me derbin e madh në stadiumin “Fadil Vokrri” të Prishtinës, ku skuadra vendase do të përballet me Ballkanin.

Prishtina dhe Ballkani kanë objektiva të larta për këtë edicion, ndaj përballja që në javën e parë pritet të shoqërohet me spektakël dhe interes të madh nga tifozët.

The post Superliga nis me dy përballje, Prishtina dhe Ballkani përballen në derbin e javës appeared first on Albeu.com.

Sezoni 2026/27 në Albi Mall Superligën e Kosovës nis këtë fundjavë, me pesë ndeshjet e javës së parë që do të luhen gjatë tri ditëve, nga e premtja deri të dielën.

Takimi hapës zhvillohet më 14 gusht në Drenas, ku Feronikeli ’74 do ta presë Gjilanin. Ndeshja në stadiumin “Rexhep Rexhepi” nis në orën 16:30.

Programi vazhdon të shtunën, më 15 gusht, me dy sfida që fillojnë në orën 16:30. Në stadiumin “Bajram Aliu” në Skenderaj, Drenica luan si vendëse ndaj Dukagjinit, ndërsa Vushtrria takohet me Malishevën në stadiumin me bari sintetik në Hajvali.

Të dielën, në orën 16:30, Drita do të jetë nikoqire e Llapit në stadiumin me bari sintetik në Gjilan, në një tjetër duel interesant të xhiros së parë.

Ndeshja që pritet të marrë vëmendjen më të madhe është derbi ndërmjet Prishtinës dhe Ballkanit. Përballja do të luhet të dielën nga ora 19:00 në stadiumin “Fadil Vokrri” dhe pritet të zgjojë interesim të lartë që në hapje të kampionatit.

Fakti që Prishtina dhe Ballkani, dy prej skuadrave më të spikatura të futbollit kosovar gjatë viteve të fundit, takohen që në fillim të sezonit, ia shton rëndësinë javës inauguruese.

The post Superliga e Kosovës starton të premten, Prishtina dhe Ballkani përballen të dielën në derbin e xhiros së parë appeared first on Albeu.com.

Një mundësi e artë u është ofruar dy lojtarëve të rinj të FC Prishtinës, Lorik Mehmeti dhe Rin Ahmeti, të cilët janë përzgjedhur nga Paris Saint-Germain për një program special vlerësimi.

Gjiganti francez, i cili mban titullin e Ligës së Kampionëve, ka zyrtarizuar ftesën drejtuar dyshes së talentuar të klubit kryeqytetas për t’u bashkuar me Akademinë e PSG-së.

Gjatë kësaj periudhe, Mehmeti dhe Ahmeti do të vendosen në kampusin stërvitor në Poissy, ku do të punojnë nën mbikëqyrjen e stafit teknik të akademisë franceze dhe do t’i nënshtrohen një procesi të detajuar vlerësimi.

Sipas komunikimit zyrtar të Prishtinës, eksperienca është planifikuar të shtrihet nga data 27 korrik deri më 9 gusht të vitit 2026.

Kjo ftesë përfaqëson një shans të jashtëzakonshëm për të dy futbollistët e vegjël, të cilëve do t’u jepet mundësia të shpalosin aftësitë e tyre në një nga terrenet më prestigjioze të zhvillimit të talenteve në Europë.

FC Prishtina e ka konsideruar këtë si një vlerësim të merituar që reflekton cilësinë, potencialin dhe angazhimin e vijueshëm të të dy sportistëve.

Në njoftimin e klubit theksohet se kjo ngjarje konfirmon përkushtimin ndaj riorganizimit dhe modernizimit të Akademisë së të Rinjve, e cila synon identifikimin, rritjen dhe promovimin e talenteve vendase.

Drejtuesit e skuadrës ‘bardhekaltër’ kanë një vizion të qartë që akademia të bëhet burimi kryesor për ekipin e parë në vitet që vijnë, me elementët e rinj që pritet të marrin peshë gjithnjë e më shumë në formacion.

Po ashtu, Prishtina e lidh këtë ftesë me bashkëpunimin e frytshëm që klubi ka ndërtuar me emra të mëdhenj të futbollit europian, duke iu hapur rrugën lojtarëve kosovarë drejt niveleve më të larta të lojës.

Tani Mehmeti dhe Ahmeti kanë para vetes një fazë mjaft të rëndësishme, ku për afërsisht dy javë do të kenë rastin të integrohen në ambientet moderne të akademisë pariziene dhe të dëshmojnë para trajnerëve dhe zbuluesve të talentëve aftësitë e tyre.

The post PSG-ja fton në Paris dy talentët e Prishtinës për fazë testimi appeared first on Albeu.com.

Prishtina ka konfirmuar zyrtarisht afrimin e Assane Diattas, i cili bëhet një tjetër përforcim i skuadrës kryeqytetase për sezonin e ri.

Futbollisti i ri i bardhekaltërve i është bashkuar menjëherë grupit në Bolu të Turqisë, vendi ku ekipi po zhvillon përgatitjet nën mbikëqyrjen e stafit teknik. Prishtina synon të arrijë formën optimale për ndeshjet e kampionatit dhe sfidat në garat evropiane.

Diatta transferohet nga Malisheva, pas një edicioni të suksesshëm me këtë skuadër. Në 31 paraqitje në Superligën e Kosovës dhe Kupën e Kosovës, ai shënoi 11 gola dhe regjistroi shtatë asistime.

Falë cilësive në sulm, shpejtësisë dhe aftësisë për të shënuar apo krijuar mundësi për bashkëlojtarët, ai pritet të ketë rol të rëndësishëm te Prishtina gjatë sezonit 2026/27.

Postimi pa ndërhyrje i Prishtinës

Edhe një emër i ri i bashkohet bardhekaltërve. Assane Diatta është përforcimi më i ri i Prishtinës, duke iu bashkuar ekipit në Bolu, aty ku skuadra po zhvillon fazën përgatitore për sezonin e ri.

Diatta vjen pas një sezoni mjaft të mirë, në të cilin regjistroi 11 gola dhe 7 asistime në 31 paraqitje në kampionat dhe Kupën e Kosovës te skuadra e Malishevës.

Me karakteristikat e tij sulmuese, shpejtësinë dhe aftësinë për të krijuar rrezik në repartin ofensiv, Diatta pritet të jetë një vlerë e shtuar për ekipin në edicionin e ri.

Mirë se erdhe në familjen bardhekaltër, Assane!

The post Prishtina prezanton Assane Diattan si përforcimin e radhës appeared first on Albeu.com.

Mesfushori Arjol Bllaca është prezantuar zyrtarisht si lojtari më i ri i SC Gjilanit, duke u bashkuar me skuadrën kuqe e bardhë që nga kjo e martë.

Klubi gjilanas njoftoi se ka finalizuar marrëveshjen me FC Prishtinën për blerjen e kartonit të futbollistit, ndërsa vetë Bllaca ka vënë nënshkrimin në një kontratë afatgjatë që e mban të lidhur me ekipin deri në përfundim të sezonit 2028/2029.

Në komunikimin zyrtar, Gjilani thekson se 22-vjeçari është një talent premtues dhe se pritet të jetë një element kyç në përmbushjen e synimeve të klubit gjatë viteve të ardhshme.

“Sport Club Gjilani ka kënaqësinë të konfirmojë se ka arritur akordin për kalimin e Arjol Bllacës në radhët tona. Pas marrëveshjes me FC Prishtinën për të drejtat federative, lojtari ka firmosur një kontratë që shtrihet deri në qershorin e vitit 2029”, thuhet në deklaratën e publikuar nga klubi.

Drejtuesit gjilanas kanë shprehur mirënjohje ndaj Prishtinës për qasjen korrekte gjatë negociatave, teksa i kanë dëshiruar Bllacës suksese me fanellën e re.

Kjo lëvizje përforcon strategjinë e Gjilanit në këtë peridhë merkatoje, ku skuadra po punon intensivisht për të kompletuar organikën përpara nisjes së sezonit të ardhshëm.

The post Arjol Bllaca firmos me Gjilanin, kontratë deri në verën e vitit 2029 appeared first on Albeu.com.

Prishtina ka bërë publik zyrtarisht afrimin përfundimtar të mesfushorit ofensiv Albin Krasniqi.

Pas një periudhe gjashtëmujore si i huazuar nga skuadra ukrainase Kolos, drejtuesit e klubit kryeqytetas kanë vendosur të blejnë kartonin e futbollistit nga Kaçaniku.

Lajmi u konfirmua sot (e mërkurë) nga klubi më i trofeshëm në Kosovë, i cili njoftoi firmosjen e kontratës me Krasniqin, një lojtar që edhe më herët ka qenë pjesë e Prishtinës dhe ka fituar trofe me këtë skuadër.

“Rrugëtimi i Albin Krasniqit me fanellën bardhekaltër vazhdon. Mesfushori ofensiv ka nënshkruar kontratë me Prishtinën, pasi në pjesën e dytë të sezonit të kaluar ishte pjesë e skuadrës si i huazuar nga klubi ukrainas Kolos”.

“Krasniqi rikthehet zyrtarisht te bardhekaltërit, ekip me të cilin fitoi Kupën e Kosovës në vitin 2025. Gjatë pjesës pranverore të sezonit të kaluar, ai regjistroi 16 paraqitje, shënoi 2 gola dhe kontribuoi me 1 asistim”.

“Në total, Albini ka zhvilluar 77 ndeshje me fanellën e Prishtinës, në të gjitha garat”, thuhet në njoftimin e Prishtinës.

The post Prishtina zyrtarizon marrëveshjen e përhershme me Albin Krasniqin appeared first on Albeu.com.