Klubi nga Malisheva e bëri prezantimin e tij përmes rrjeteve sociale, teksa i shprehu mirëseardhje dhe i uroi suksese me fanellën bardhekaltër.

“Njoftojmë transferimin e sulmuesit Kreshnik Uka, i cili do të jetë pjesë e skuadrës sonë”, thuhet fillimisht në njoftimin e Malishevës.

Uka vjen te kjo skuadër pas një sezoni shumë të suksesshëm me Drenicën, ku u shpall golashënuesi më i mirë i Superligës së Kosovës në edicionin që sapo përfundoi.

Me 19 gola të shënuar, ai u veçua si një prej futbollistëve më vendimtarë në repartin ofensiv.

“Uka vjen pas një sezoni të jashtëzakonshëm me Drenicën, ku u shpall golashënuesi më i mirë i Superligës së Kosovës për edicionin që lamë pas, duke realizuar 19 gola dhe duke konfirmuar cilësitë e tij si një nga futbollistët më vendimtarë në repartin ofensiv”.

“Klubi ynë i uron Kreshnikut mirëseardhje dhe shumë suksese me fanellën e FC Malishevës”, mbyllet njoftimi i nën-kampionëve të Kosovës.

Kalimi i Ukës te Malisheva konsiderohet një përforcim me peshë për skuadrën, që synon të zhvillojë një sezon sa më të suksesshëm në garat vendore dhe ndërkombëtare.

The post Malisheva zyrtarizon afrimin e Kreshnik Ukës appeared first on Albeu.com.

Lajmi u bë publik nga klubi përmes një njoftimi zyrtar, ku u shpreh kënaqësia për marrëveshjen e arritur me teknikun gjerman, i cili së fundmi ishte në krye të Drenicës.

Sipas klubit nga Malisheva, Brdaric vjen me përvojë në drejtimin e skuadrave në nivele të larta të garës dhe vlerësohet si një trajner me vizion të qartë, i aftë të sjellë strukturë dhe organizim në ekip.

Drejtuesit e klubit janë të bindur se eksperienca e tij në futbollin profesionist do të japë ndikim pozitiv në ecurinë e Malishevës dhe në ndërtimin e një mentaliteti fitues për sezonet e ardhshme.

Në njoftimin e plotë të klubit thuhet:

FC Malisheva ka kënaqësinë të njoftojë emërimin e krye-trajnerit të ri Thomas Brdaric.

Trajneri gjerman sjell me vete përvojë të pasur ndërkombëtare, si në futbollin evropian ashtu edhe në atë aziatik, duke drejtuar klube në nivele të larta garimi.

Si figurë që ka kaluar nëpër kategori të ndryshme të futbollit profesionist, Brdaric me përvojën dhe vizionin e tij presim të sjellë strukturë, organizim dhe një kulturë fituese në klub.

Trajnerit i urojmë shumë suksese në krye të FC Malishevës dhe e mirëpresim në familjen tonë.Mirë se erdhe, Thomas!

The post Thomas Brdaric zyrtarizohet si trajneri i ri i Malishevës appeared first on Albeu.com.

Si nënkampione e Kosovës, Malisheva do të ndeshet me Vllazninë e Shkodrës, në një duel që pritet të jetë i balancuar dhe mjaft konkurrues.

Ballkani, në anën tjetër, do të matet me skuadrën nga Uellsi, Connah’s Quay Nomads, një ekip me përvojë në kompeticionet evropiane.

Të dy përfaqësuesit kosovarë do t’i luajnë ndeshjet e para si mysafirë më 9 korrik, ndërsa takimet e kthimit janë paraparë për 16 korrik, një javë më pas.

Në një zhvillim tjetër, Dukagjini, që është fitues i Kupës së Kosovës, do ta nisë rrugëtimin evropian nga raundi i dytë kualifikues dhe kundërshtarin do ta kuptojë në ditët e ardhshme.

Edhe ekipet e tjera të rajonit tashmë kanë mësuar rivalët e tyre.

Elbasani është shortuar përballë gjigantëve bjellorusë të BATE Borisov, ndërsa Shkëndija do të luajë kundër Europa FC nga Gjibraltari.

Ndërkohë, Deçiqi do të ketë përballë skuadrën letoneze Liepaja.

The post Malisheva e Ballkani zbulojnë rivalët e parë në Ligën e Konferencës appeared first on Albeu.com.