Gjilani e ka filluar me fitore edicionin 2026/27 të Albi Mall Superligës së Kosovës, pasi mposhti në udhëtim Feronikelin 74’ me shifrat 3-1, në përballjen e javës së parë.

Në minutën e dytë, Feronikeli 74’ pati një mundësi të artë për të barazuar, me Indrit Prodanin që realizoi një gol spektakolar. Festa e skuadrës vendase, megjithatë, u ndërpre shpejt, pasi goli u anulua për prekje të topit me dorë nga sulmuesi Ivan Delic gjatë aksionit.

Rezultati u zhbllokua herët nga skuadra gjilanase. Granit Jashari shënoi në minutën e shtatë, duke kaluar mysafirët në epërsi 1-0 dhe duke përcaktuar ritmin e ndeshjes që në fazën fillestare.

Edhe pjesa e dytë nisi në mënyrë ideale për Gjilanin. Në minutën e 48-të, Hamdi Namani realizoi golin e dytë për epërsinë 2-0, duke e bërë edhe më të vështirë situatën për ekipin nikoqir.

Fitorja e mysafirëve u vulos në minutën e 84-të. Bleart Tolaj u tregua i saktë nga pika e penalltisë dhe e çoi rezultatin në 3-0.

Pesë minuta më vonë, në minutën e 89-të, Feronikeli 74’ shënoi golin e nderit, po ashtu nga penalltia. Shpresim Zogu ekzekutoi me sukses dhe fiksoi rezultatin përfundimtar në 3-1.

Ky sukses i siguroi Gjilanit tri pikët e para të sezonit të ri. Në anën tjetër, Feronikeli 74’ e shënoi rikthimin në Superligë me humbje, pas një viti të kaluar në kategorinë e dytë të futbollit kosovar.

The post Gjilani hap sezonin 2026/27 me triumf 3-1 ndaj Feronikelit 74’ appeared first on Albeu.com.

Edicioni 2026/2027 i Superligës së Kosovës nis me përballjen mes Feronikelit 74’ dhe Gjilanit, me skuadrën nga Drenasi në rolin e nikoqirit.

Pas sigurimit të rikthimit në elitën e futbollit kosovar, Feronikeli 74’ kërkon ta hapë sezonin e ri me fitore.

Në krahun tjetër, Gjilani synon një fillim të mbarë të kampionatit, pas ndryshimeve të shumta në përbërje që erdhën si rezultat i disa largimeve dhe prurjeve të reja.

Trajnerët Elon Berisha dhe Debatik Curri kanë përzgjedhur lojtarët më të mirë që kanë në dispozicion për ta nisur këtë takim.

Formacionet zyrtare:

Feronikeli ’74: Pas pak…

Gjilani: Coric; Limani, Krivanjeva, Jashari; Thaqi, Boshnjaku, Namani, Potoku; Bilalli, Zeka, Tolaj.

The post Feronikeli 74’-Gjilani hap sezonin 2026/2027 të Superligës së Kosovës, formacionet zyrtare appeared first on Albeu.com.

Albi Mall Superliga e Kosovës rikthehet sot, të premten, me nisjen e edicionit të ri 2026/26, ndërsa takimi hapës do të zhvillohet në Drenas.

Sezoni 2026/27 ngre zyrtarisht siparin me përballjen ndërmjet Feronikelit ’74 dhe Gjilanit.

Drenicasit do t’i presin gjilanasit në stadiumin “Rexhep Rexhepi”, në një ndeshje që fillon në orën 16:30.

Kjo është sfida e vetme e elitës së futbollit kosovar e parashikuar për sot dhe shënon fillimin e edicionit të ri.

Feronikeli ’74 dhe Gjilani kërkojnë një nisje pozitive, pasi sigurimi i tri pikëve në javën hapëse mund të ketë peshë të konsiderueshme në vazhdimësinë e sezonit.

Programi i javës së parë do të vijojë të shtunën dhe të dielën. Vëmendja kryesore do të përqendrohet te derbi ndërmjet Prishtinës dhe Ballkanit, i cili luhet të dielën në mbrëmje në stadiumin “Fadil Vokrri”.

The post Superliga e Kosovës hap sot sezonin e ri me një takim në Drenas appeared first on Albeu.com.

Sezoni 2026/27 në Albi Mall Superligën e Kosovës nis këtë fundjavë, me pesë ndeshjet e javës së parë që do të luhen gjatë tri ditëve, nga e premtja deri të dielën.

Takimi hapës zhvillohet më 14 gusht në Drenas, ku Feronikeli ’74 do ta presë Gjilanin. Ndeshja në stadiumin “Rexhep Rexhepi” nis në orën 16:30.

Programi vazhdon të shtunën, më 15 gusht, me dy sfida që fillojnë në orën 16:30. Në stadiumin “Bajram Aliu” në Skenderaj, Drenica luan si vendëse ndaj Dukagjinit, ndërsa Vushtrria takohet me Malishevën në stadiumin me bari sintetik në Hajvali.

Të dielën, në orën 16:30, Drita do të jetë nikoqire e Llapit në stadiumin me bari sintetik në Gjilan, në një tjetër duel interesant të xhiros së parë.

Ndeshja që pritet të marrë vëmendjen më të madhe është derbi ndërmjet Prishtinës dhe Ballkanit. Përballja do të luhet të dielën nga ora 19:00 në stadiumin “Fadil Vokrri” dhe pritet të zgjojë interesim të lartë që në hapje të kampionatit.

Fakti që Prishtina dhe Ballkani, dy prej skuadrave më të spikatura të futbollit kosovar gjatë viteve të fundit, takohen që në fillim të sezonit, ia shton rëndësinë javës inauguruese.

The post Superliga e Kosovës starton të premten, Prishtina dhe Ballkani përballen të dielën në derbin e xhiros së parë appeared first on Albeu.com.

Feronikeli 74 ka zyrtarizuar lëvizjen më të fundit në merkato, duke konfirmuar ardhjen e mesfushorit Gjelbrim Taipi.

Skuadra nga Drenasi bëri të ditur se Taipi i bashkohet ekipit, duke sjellë me vete eksperiencë, aftësi dhe udhëheqje në qendër të fushës.

Përmes një njoftimi, klubi shprehu gëzimin për faktin që lojtari tashmë mban zyrtarisht fanellën e Feronikelit 74.

Mesfushori vjen pas një rrugëtimi të pasur në futbollin shqiptar dhe atë ndërkombëtar, ku ka grumbulluar përvojë të vyer dhe ka përfaqësuar disa ekipe.

Me afrimin e tij, drejtuesit synojnë që lojtari të kontribuojë me qetësi, rendim dhe personalitet në lojë, duke u shndërruar në një nga shtyllat drejtuese të formacionit për sezonin e ardhshëm.

Më parë, Taipi ishte pjesë e skuadrës së Prishtinës.

The post Konfirmohet kalimi i Gjelbrim Taipit te Feronikeli 74 appeared first on Albeu.com.

Klubi e bëri të ditur lajmin përmes një komunikate zyrtare, ku njoftoi se me Berishën është arritur marrëveshje për një kontratë dyvjeçare.

Sipas drejtuesve të klubit, ky emërim është pjesë e një projekti afatgjatë që synon ndërtimin e një skuadre të fortë, konkurruese dhe të qëndrueshme, me objektiva të qarta për të ardhmen.

“Me kënaqësi ju njoftojmë se Elon Berisha është emëruar trajner i ri i ekipit të parë të FC Feronikeli 74. Klubi ka arritur marrëveshje me trajnerin Berisha për një kontratë dyvjeçare, duke dëshmuar besimin në vizionin e përbashkët dhe projektin tonë afatgjatë”, thuhet në njoftimin e klubit.

Nga Feronikeli 74 vlerësohet se ardhja e Berishës përbën një moment të rëndësishëm në përpjekjet për rikthimin e sukseseve dhe përforcimin e ekipit në sezonet që vijnë.

Klubi i ka përcjellë trajnerit të ri urimet për punë të mbarë dhe sa më shumë fitore në drejtimin e skuadrës.

“Me ambicie të qarta dhe një plan të mirëfilltë për të ardhmen, besojmë se kjo është një hap i rëndësishëm në ndërtimin e një ekipi konkurrues dhe të qëndrueshëm. I urojmë Elon Berishës shumë suksese dhe sa më shumë fitore në krye të ekipit tonë”, përfundon komunikata e FC Feronikelit 74.

The post Feronikeli 74 zyrtarizon Elon Berishën si trajner të ekipit të parë appeared first on Albeu.com.