KF Elbasani ka zyrtarizuar një transferim të bujshëm gjatë këtij afati kalimtar, duke afruar në skuadër mbrojtësin e djathtë senegalez Moussa Wague.

Wague iu bashkua Barcelonës në vitin 2018, pasi kishte spikatur me paraqitjet e tij për kombëtaren e Senegalit. Gjatë periudhës te klubi katalanas, ai ndau dhomën e zhveshjes me emra të mëdhenj të futbollit, mes të cilëve edhe Lionel Messi, ndërsa luajti me fanellën e Barcelonës edhe në Ligën e Kampionëve.

Në prezantimin e afrimit më të ri, klubi elbasanas vuri në dukje përvojën e gjerë ndërkombëtare të mbrojtësit. Eksperienca e tij e fundit ishte në Superligën greke me Panserraikosin, ndërsa më herët kishte debutuar me Barcelonën në La Liga dhe në Ligën e Kampionëve, përpara se të kalonte në Ligue 1 te OGC Nice.

Karriera e senegalezit përfshin gjithashtu përvoja në elitën e futbollit grek me PAOK, në Kroaci me HNK Gorica dhe në Qipro me Anorthosis Famagusta.

Sipas njoftimit të KF Elbasanit, Moussa Wague ka regjistruar 21 paraqitje me përfaqësuesen e Senegalit dhe ka shënuar edhe në Kupën e Botës 2018. Tashmë, pas aventurave në disa kampionate evropiane, ai do ta vazhdojë karrierën si pjesë e skuadrës shqiptare.

The post Moussa Wague zbarkon në Elbasan, ish-mbrojtësi i Barcelonës që luajti me Messin në Ligën e Kampionëve appeared first on Albeu.com.

Shënjestra e tij kryesore ishte Egnatia dhe presidenti Demrozi, të cilët sipas tij janë ata që përfitojnë më shumë nga situata të tilla, duke akuzuar se kontaktojnë gjyqtarët në mënryë të padrejtë.

“Elbasani favorizohet nga arbitrat? Me fjalë apo me fakte?
Absolutisht jo, t’i marrim nga java e parë deri tani. Në javën e kaluar a luajta në Rrogozhinë? U dhanë dy penallti ku e para nuk u shihte nga asnjë kënd ndërsa e dyta nuk ishte penallti dhe u dha. Unë nuk reagoj kurrë te arbitrat. E njëjta gjë ndodhi me Flamurtarin në Kupë, u dha penallti, e nuk ishte se nuk kishte VAR në Kupë. Pra më thoni ku jam favorizuar.

Ankesat e Demrozit?
Demrozi është mjeshtri i këtyre gjërave. Mjeshtër do të thotë që Demrozi thotë që unë nuk komunikoj e nuk bëj dhe është i vetmi që debaton me arbitrat në pushim të ndeshjes në të gjitha rastet që kam qenë unë në Rrogozhinë. Unë nuk debatoj kurrë. Merrni të gjithë arbitrat që kanë drejtuar Elbasanin nga dita e parë që kam shkelur në Elbasan, që në Kategorinë e Parë, nëse u kam shkruar apo thënë që keni hyrë në hak. Në rastin e fundit, te penalltia e dytë, i gjithë krahu i zotit Demrozit u hodh e tha “me dorë, është penallti. Ne nuk reaguam as si staf e president. E doli mbrapa që nuk ishte penallti. Ku jam favorizuar unë se nuk e kuptoj? Njerëzit kanë qejf të flasin sa të duash por unë nuk jam favorizuar fare.

Të prekur nga gjykimi?
Nuk them që jam i prekur se i bie që të gjithë që dalin të flasin për arbitrat e të thonë jam i prekur. Nuk e kam tipin të ankohem, mund ta vërtetoni me të gjithë arbitrat, nëse i marr në telefon apo të kem thënë ndonjë gjë. Kam shkuar pas çdo ndeshje te dhoma e arbitrave, që nuk lejohet, u kam marrë leje stjuardëve dhe u kam thënë “Faleminderit, natën e mirë”. Nëse nuk është kështu, verifikojeni.

Edhe zotin Daja që unë e respektoj dhe e njoh shumë përpara se të hyja në futboll si president, gjithmonë më kujton një ish-trajnerin tim që gjente gjithmonë alibi te të tjerët e nuk mbante asnjëherë përgjegjësi te vetja. Për rastin e ndeshjes të fundit e kam.

Egnatia si ekip, duke qenë se është edhe qytet i madh shumë, kanë një të mirë këto që dalin me VAR-i 1, VAR-i 2, VAR-i 3, se nuk dua të merrem me këto historitë e Egnatias. Te episodi i tretë e nxorën dje, se këto kanë një parim që gjithmonë ankohen, por gjithmonë përfitojnë”, tha Llupa në “MCN”.

The post Presidenti i Elbasanit, Kujtim Llupa, akuza të rënda ndaj presidentit të Egnatias appeared first on Albeu.com.

Mbështetësit e Elbasanit përmes rrjeteve sopciale kanë bërë me dije se skuadra thjeshtë është bllokuar nga Drejtoria e Tatimeve Elbasan për mosshlyerjen e borxheve dhe mungesën e investimeve.

“Pas publikimit të kalendarit 2022-2023 të Kategorisë së Dytë mediat, portalet dhe gazetat postuan një lajm ku flitej për shkrirjen e ekipit historik “KF ELBASANI 1913” gjithashtu humbjen e trofeve të tij gjë që nuk është e vërtete.

Si në deklaratën e mëparshme, ju informojmë se ekipi “KF ELBASANI 1913” nuk është i shkrirë, por i BLLOKUAR nga Drejtoria e Tatimeve Elbasan. Pra, Elbasani ynë historik e ka ende historinë dhe trofetë, por ndodhen të bllokuara për shkak të borxheve të pashlyera dhe mosinvestimit në të.

Në ekstratin e nxjerrë nga Qendra Kombëtare e Biznesit mund të lexoni informacionet e ekipit privat (Elbasani 1913) i themeluar më datë 24.09.2020, pra ekipi me 2 vite krijim dhe jo ekipi historik i 1913.

Ekipi privat i (Elbasanit 1913) me vit krijimi “2020” është ekipi i shkrirë dhe jo ai i “KF ELBASANIT” 1913.

Ju lutemi të mos përhapni informacione të pasakta dhe të mos luani më me ndjenjat e një qyteti që e do sportin dhe futbollin.

“Tigrat Verdheblu”, 21.09.2022”, kanë shkruar tifogrupi i Elbasanit.

The post “Shkrirja” e Elbasanit, reagojnë “Tigrat Verdheblu”: Ja çfarë ka ndodhur me klubin appeared first on Albeu.com.