Një valë e re entuziazmi po përfshin futbollin kosovar, teksa stadiumet e pajisura me ndriçim modern po bëhen arenë e një atmosfere krejtësisht të ripërtërirë. Iniciativa e Federatës së Futbollit të Kosovës për vendosjen e reflektorëve tashmë ka tejkaluar thjesht përmirësimin e infrastrukturës, duke nxitur një rritje të prekshme të pjesëmarrjes së publikut në tribuna.

Tri stadiumet e para që kanë përfituar nga ky projekt janë “Bajram Aliu” në Skenderaj, terreni i klubit Drenica; stadiumi i qytetit në Gjilan, i përbashkët për Dritën dhe Gjilanin; si dhe “18 Qershori” në Klinë, shtëpia e Dukagjinit. Zhvendosja e ndeshjeve në orarin e mbrëmjes, kryesisht në orën 19:00, ka gjeneruar një dinamikë të re si për lojtarët, ashtu edhe për spektatorët.

Kreu i FC Drenicës, Halim Bajraktari, në një prononcim për Telegrafin, shprehu kënaqësinë e tij të thellë për impaktin e menjëhershëm të projektit. Ai vuri në pah se ndeshja e parë nën dritat e reja në “Bajram Aliu” u ndoq nga një numër jashtëzakonisht i lartë shikuesish, duke e cilësuar si një mbështetje dinjitoze për klubin. Sipas tij, ky interesim i shtuar është një pasojë e drejtpërdrejtë e orarit të përshtatshëm të mbrëmjes, i cili u mundëson më shumë tifozëve të jenë të pranishëm. Ai e lidhi këtë sukses organizativ edhe me triumfin bindës 4-0 kundër Llapit në atë debutim. Në fund, Bajraktari falënderoi FFK-në, kryetarin Ademi, si dhe Komunën e Skenderajt dhe kryetarin Sami Lushtaku për kontributin e tyre, duke theksuar se frytet e kësaj pune do t’i gëzojë gjithë komuniteti sportiv në vitet që vijnë.

Efektet pozitive ndjehen fuqishëm edhe në Gjilan. Menaxheri i SC Gjilanit, Drilon Sylejmani, konfirmoi për Telegrafin se vendosja e reflektorëve ka sjellë përfitime të shumanshme. Ai përmendi një rritje të ndjeshme të fluksit të tifozëve dhe një organizim më të mirë të ndeshjeve. Për më tepër, ai theksoi se të luash në mbrëmje ofron kushte optimale, veçanërisht për shkak të vështirësive që paraqet terreni sintetik gjatë vapës së lartë. Sipas Sylejmanit, edhe futbollistët e kanë mirëpritur këtë ndryshim, pasi tani jo vetëm ndeshjet, por edhe disa seanca stërvitore mund të zhvillohen në orët më të freskëta, duke shmangur temperaturat ekstreme.

Në Klinë, kapiteni i Dukagjinit, Elton Basriu, flet për një përvojë unike. Ai thotë se të luash nën dritat e reflektorëve në stadiumin “18 Qershori” krijon një ndjesi të veçantë dhe i jep ambientit një pamje tërësisht tjetër, duke shërbyer si një burim shtesë motivimi për ekipin. Ai e quajti të shkëlqyer vendimin për të zhvilluar ndeshjet në orën 19:00, duke e konsideruar një lehtësim të madh për lojtarët përballë temperaturave të larta të muajve të fundit. Megjithatë, ndikimin më të theksuar Basriu e vëren te publiku, duke deklaruar se në çdo takim si vendës, stadiumi ka qenë i stërmbushur. Ai nënvizon se kjo prani masive dhe energjia e tifozëve gjatë gjithë ndeshjes u jep lojtarëve një shtysë të fuqishme për të luftuar në fushë dhe për të synuar rezultate pozitive. Kapiteni shpreson që kjo atmosferë të vazhdojë dhe i falënderoi përzemërsisht tifozët “Hithat” për pjesëmarrjen e tyre gjithnjë në rritje.

The post Reflektorët transformojnë futbollin kosovar, klubet nga Skenderaj, Klina dhe Gjilani raportojnë rritje të ndjeshme të tifozëve appeared first on Albeu.com.

Drita regjistroi një fitore të vlefshme në transfertë, duke mposhtur Dukagjinin me rezultatin 2-1 në stadiumin “13 Qershori” të Klinës, në ndeshjen e vlefshme për xhiron e shtatë të Superligës së Kosovës.

Miqtë nga Gjilani e kontrolluan më mirë fillimin e takimit dhe në minutën e 34-t gjetën golin e avantazhit. Liridon Balaj shërbeu Blerim Krasniqin, i cili nuk gaboi në përballjen me portierin dhe e dërgoi topin në rrjetë për 1-0.

Vendasit u përpoqën të reagonin para mbylljes së pjesës së parë, por nuk arritën ta thyenin mbrojtjen e Dritës. Kështu, skuadrat shkuan në pushim me epërsinë 0-1 të gjilanasve.

Drita e nisi edhe pjesën e dytë në mënyrën më të mirë të mundshme, duke e thelluar avantazhin. Pas një situate të rrëmujshme në zonën e Dukagjinit, Besnik Krasniqi reagoi shpejt dhe nga distanca e afërt shënoi për 2-0.

Dukagjini nuk hoqi dorë nga përpjekjet dhe arriti ta ngushtojë diferencën. Dienit Isufi realizoi për 2-1, duke i dhënë ekipit klinas besim për të kërkuar barazimin.

Vendasit e shtuan presionin në minutat e fundit dhe në kohën shtesë patën rastin më të mirë për ta barazuar rezultatin. Megjithatë, goditja e tyre u përplas në shtyllë, duke i mohuar Dukagjinit mundësinë për një rikthim.

Drita e ruajti avantazhin deri në vërshëllimën përfundimtare dhe u largua nga Klina me tri pikë. Pas kësaj fitoreje, skuadra gjilanase shkon në kuotën e 11 pikëve, ndërsa Dukagjini mbetet i treti me 12 pikë.

The post Drita merr tri pikë në Klinë, Dukagjini ndalet nga shtylla në shtesë appeared first on Albeu.com.

Dukagjini dhe Drita do të matin forcat në stadiumin “13 Qershori” të Klinës, në përballjen e vlefshme për javën e shtatë të Superligës së Kosovës.

Ekipi nga Klina ka zhvilluar një sezon të mirë deri tani, me tri fitore dhe tri barazime në ndeshjet e luajtura.

Drita, kampionia aktuale e Kosovës, në pesë takimet e para ka marrë dy fitore, ka barazuar dy herë dhe ka pësuar një humbje.

Armend Dallku ka zgjedhur Iljesa Zulfijin, Stevensonin dhe Dienit Isufin për repartin ofensiv të Dukagjinit.

Te skuadra gjilanase, Rron Broja rikthehet në formacion, ndërsa në sulm do të luajnë Jashari, Balaj dhe Bletrimi Krasniqi.

Të dyja skuadrat hyjnë në këtë duel me synimin për të marrë fitoren, në një ndeshje që pritet të sjellë rivalitet në elitën e futbollit kosovar.

Dukagjini: Haxhihamza, Bardhoku, Sinani, Basri, Bytyqi, Hugo, Pefqeli, Rexhaj, Zulfiji, Stevenson, Isufi.

Drita: Maloku, Besart Krasniqi, Pëllumbi, Salihu, Ovouka, Broja, Dabiqaj, Limaj, Jashari, Balaj, Bletrimi Krasniqi.

The post Publikohen formacionet e Dukagjinit dhe Dritës, Dallku e Nuiu synojnë fitoren appeared first on Albeu.com.

Superliga e Kosovës vijon sonte me dy ndeshje që pritet të sjellin rivalitet dhe emocione.

Në Klinë, Dukagjini do të jetë nikoqir i kampiones Drita, ndërsa Llapi do të udhëtojë për t’u përballur me Drenicën, me synimin për të siguruar pikët e plota.

Interesimi kryesor do të përqendrohet te dueli në Klinë, ku “Intelektualët” kërkojnë të reagojnë pas formës së dobët dhe të dalin me fitore.

Dukagjini, ndërkohë, po gëzon një ecuri shumë të mirë, pasi nuk ka pësuar humbje në pesë ndeshjet e fundit dhe synon ta ruajë të njëjtin ritëm.

Një takim interesant parashikohet edhe mes Drenicës dhe Llapit, dy skuadra që kanë si objektiv të largohen nga pjesa e poshtme e tabelës.

Të dyja përballjet do të fillojnë në orën 19:00.

The post Dy duele sonte në Superligë, sytë drejtohen nga përballja në Klinë appeared first on Albeu.com.

Për herë të dytë në stolin e Dukagjinit, Armend Dallku kthehet me ambicien për të krijuar një formacion solid që do t’u vështirësojë jetën të gjitha ekipeve në Superligën e Kosovës, duke e shndërruar klubin e Klinës në një kundërshtar aspak të lehtë.

Sezoni ka nisur në mënyrë premtuese për Dukagjinin, i cili ka grumbulluar tre fitore dhe tre barazime, si dhe mburret me mbrojtjen më eficente të kampionatit aktualisht.

Në një bashkëbisedim për Telegrafin, trajneri tregon për motivet që e shtynë drejt rikthimit në Klinë, përshtypjet nga paraqitjet e deritanishme, parimet e tij të drejtimit, synimet e klubit dhe përballjen e radhës me Dritën, kampione në fuqi.

“Jam tejet i kënaqur me atë që ka shfaqur Dukagjini. Nuk e kisha fantazuar një nisje kaq të mirë, veçanërisht duke ditur se kemi bëë shumë lëvizje në përbëerjen e lojtarëve,” u shpreh Dallku fillimisht.

“Kemi futbollistë që nuk na niohin, të tierë që indirekt kanë dëgjuar pëer ne po që nuk kanë pasë ras tin të bashkëpunojnë me stafin tonë. Por na kahnë ndihmuë shumë edhe ata lojtarë që i kemi të njohur nga periudha e mëparshme, sepse ata e kupëtojnë menjëherë çfarë kërkojmë,” vijoi ai.

Për Dallkun, rikthimi në Klinë nuk ka qenë çështje bindjeje të gjatë. Ai e njeh thellë atmosferën e ekipit dhe ka vijuar të ketë raporte të afërta me presidentin Fabian Veseli edhe në kohën kur nuk ishte pjesë e stafit teknik.

“Nuk kishim pse të bindeshim për asgjë te Dukagjini, pasi e dimë fare mirë se ku po punojmë dhe me kë. Aty kemi një president si Fabian Veseli, të cilin e falënderoj për besimin. Lidhja jonë shoqërore ëhtë e fortë dhe kemi ruajtur komunikimin edhe gjatë periudhës time jashtë klubit,” rrëfeu ai.

“Sapo morëm ofertën, e pamë si një mundësi të shkëlqyer. Në Klinë kemi kushte pune fantastike, me dy terrene stërvitore afër njëri-tjetrit dhe një fushë me bar natyral që mbahet në gjendje ideale. Çdo ditë stadiumi po fiton një pamje gjithë e më europiane,” shtoi Dallku.

Trajneri 43-vjeçar ëhtë i bindur se rezultatet e tanishme nuk janë të rastësishme dhe se Dukagjini mund të bëhet një provë e fortë për këdo. Parimi i tij udhëheqës është që skuadra të mos bëjë dallime në varësi të pozitës së kundërshtarit në renditje.

“Pa dyshim që Dukagjini do të jetë një kafshatë e vështirë për këdo. Motoja jonë, që tani e kanë përvetësuar lojtarët, është se do të përballemi me secilin rival njëlloj, pa marrë parasysh se ku ndodhen në tabelë, nëse janë në majë apo në fund të saj,” theksoi ai.

“Ne do të hyjmë në fushë si të barabartë me të gjithë. Kjo është filozofia jonë: respekt për këdo, por frikë nga askush,” deklaroi më tej.

Një faktor kyç në suksesin e deritanishëm, sipas Dallkut, mbetet grupi dhe jo një emër i veçuar. Ai këmbëngul që skuadra të veprojë si një bllok i vetëm dhe të mbajë një frymë të fortë konkurrence brenda.

“Shtylla kryesore është padyshim kolektivi, sepse ne synojmë vazhdimisht të krijojmë një ekip konkurrent dhe shumë luftarak. Nuk mbështetemi vetëm te një individ, pasi një lojtar mund të vendosë një takim të vetëm, por të gjithë sezonin nuk e përballon dot i vetëm,” spjegoi Dallku.

Kjo optikë lidhet ngushtë me synimet e klubit. Tekniku refuzon t’i vërë tavan skuadrës dhe kërkon që ekipi të jetë në pikun e përgatitjes në çdo përballje.

“Qëllimi ynë parësor është të paraqitemi në çdo ndeshje dhe t’i bëjmë ballë çdo kundërshtari. Në futbollin kosovar dallimet nuk janë aq të mëdha, prandaj fokusi është që për çdo takim të përgatitemi në maksimum, sepse mundësitë i kemi pa diskutim,” pohoi ai.

Raundi i ardhshëm rezervon një test të rëndësishëm për Dukagjinin, të cilët presin në shtëpi Dritën, ekipin që mban titullin kampion. Dallku shpreh respekt të thellë për rivalët, por skuadra e tij do të kërkojë rezultatin më të mirë të mundshëm.

“Në javën tjetër na pret Drita. Edhe atë do ta mirëpresim në mënyrën më dinjitoze. Ne do të orvatemi të nxjerrim maksimumin nga kjo sfidë, duke qenë të vetëdijshëm se Drita është një ekip shumë i fortë, me plot individualitete dhe mund ta konsiderojmë si formacion europian, falë përvojës së grumbulluar në garat kontinentale,” përfundoi Dallku.

“Respekt për çdo kundërshtar, por unë e di se në grupin tim kam lojtarë me karakter dhe pres që në fund t’ia dalim të marrim maksimumin nga kjo ndeshje,” mbylli ai.//

The post Dallku: Respekt për secilin rival, por pa asnjë frikë – Planet e Dukagjinit për këtë sezon appeared first on Albeu.com.

Xhiroja e gjashtë në Superligën e Kosovës është përmbyllur me përballje që sollën shumë gola, por edhe me ndeshje ku rrjetat mbetën të paprekura.

Prishtina e zgjati ecurinë fituese duke e mposhtur Feronikelin ’74 me shifrat 3-0. Malisheva, ndërkaq, shkëlqeu si mysafire dhe triumfoi 4-0 kundër Llapit.

Edhe Drenica siguroi fitore 3-0, duke kaluar Vushtrrinë. Pa fitues dhe pa gola u mbyll derbi ndërmjet Dritës dhe Gjilanit, 0-0, ndërsa i njëjti rezultat u regjistrua edhe në duelin Ballkani-Dukagjini.

Pas këtyre takimeve, Telegrafi ka përzgjedhur formacionin më të mirë të javës së gjashtë, të rreshtuar në skemën 3-4-3.

Arijon Ymeri i Drenicës është zgjedhur për portën. Ai bëri një paraqitje të nivelit të lartë dhe e ruajti avantazhin e ekipit të tij gjatë periudhës kur Vushtrria po përpiqej të kthehej në lojë. Ymeri vazhdoi me ndërhyrje të mëdha edhe pasi Drenica realizoi golin e dytë, duke mos lejuar që sfida të bëhej sërish e hapur.

Reparti defensiv nis me Hajdin Salihin e Dritës. Ndonëse u ndëshkua me karton të verdhë që në minutat e para, ai i përmbushi detyrat e tij pothuajse në mënyrë të përkryer.

Në këtë repart përfshihet edhe Egzon Sinani i Dukagjinit, i cili u dallua me një paraqitje të jashtëzakonshme dhe neutralizoi thuajse çdo aksion që mund të sillte rrezik nga kundërshtari.

Mbrojtja me tre lojtarë kompletohet nga Anio Poci i Prishtinës. Ai po përshtatet gjithnjë e më mirë dhe nga java në javë po regjistron paraqitje të mëdha. Poci ishte pothuajse i pagabueshëm në prapavijë edhe përballë Feronikelit ’74.

Në mesfushë është përzgjedhur Altin Vojvoda i Drenicës, i cili po kalon një sezon pozitiv. Kundër Vushtrrisë, ai zhbllokoi rezultatin dhe përbëri kërcënim të vazhdueshëm për portën vushtrriase.

Lorik Boshnjaku ishte shtylla e Gjilanit në derbin me Dritën. Ai doli fitues në pothuajse të gjitha duelet dhe kontribuoi që skuadra e tij ta zhvendoste lojën përpara.

Krahas tij renditet Arijanit Fazlija i Prishtinës, protagonist ndaj Feronikelit ’74 me një gol dhe një asistim. Paraqitjet e tij në këtë fillim sezoni dëshmojnë se po kalon një formë të shkëlqyer.

Pozita në krahun e majtë i takon Omer Bajraktarit të Malishevës. Me depërtimet dhe rolin udhëheqës në ndërtimin e aksioneve, ai ishte i pandalshëm. Në stadiumin “Zahir Pajaziti”, thuajse të gjitha sulmet e rrezikshme të Malishevës ndaj Llapit u zhvilluan përmes krahut të tij.

Xhemajl Ibishi i Malishevës zë një nga vendet në repartin ofensiv. Me një gol dhe një asistim, ai u shndërrua në një problem që mbrojtja llapjane nuk arriti ta zgjidhte.

Në qendër të sulmit është Donat Mehmeti i Drenicës, i cili bëri një paraqitje të fuqishme kundër Vushtrrisë. Në kohën kur epërsia ishte ende minimale, Mehmeti e krijoi vetë golin, fillimisht duke ia rrëmbyer topin kundërshtarit dhe më pas duke mposhtur portierin.

Assane Diatta i Prishtinës mbyll treshen sulmuese. Futbollisti më në formë i skuadrës kryeqytetase realizoi dy herë ndaj Feronikelit ’74 dhe po vazhdon të jetë ndër lojtarët më të spikatur të këtij fillimsezoni.

Për trajner të javës është përzgjedhur Orges Shehi i Prishtinës. Nën drejtimin e tij, ekipi ka arritur fitoren e pestë në po aq ndeshje. Kryeqytetasit shfaqën nivel të lartë kundër Feronikelit ’74, ndërsa edhe ndërhyrjet e Shehit përmes zëvendësimeve po japin rezultat.

Ndryshimet në formacion nuk kanë ndikuar në rendimentin e Prishtinës. Skuadra vazhdon të prodhojë shumë raste dhe gjatë këtij sezoni po shfaq efikasitet më të madh përpara portës.

The post Më të mirët e xhiros së gjashtë në Superligën e Kosovës appeared first on Albeu.com.

Përballja e xhiros së gjashtë të Superligës së Kosovës mes Ballkanit dhe Dukagjinit u mbyll me rezultat 0-0.

Në ndeshjen e luajtur në Suharekë pati luftë të fortë në fushë, ndërsa vendasit krijuan disa raste shënimi, por nuk arritën t’i shndërronin ato në gol.

Dukagjini regjistroi barazimin e tretë në këtë sezon dhe, së bashku me tri fitoret e arritura, grumbullon 12 pikë. Skuadra vazhdon të jetë e pamposhtur pas gjashtë xhirove.

Për Ballkanin, ky ishte barazimi i parë i sezonit. Ekipi tani numëron 10 pikë dhe vazhdon të renditet në pozitën e pestë të tabelës.

Para kësaj sfide, Ballkani kishte pësuar humbje 1-0 nga Gjilani, kurse Dukagjini vinte pas triumfit 2-0 kundër Malishevës.

Vendasit morën një pikë nga kjo ndeshje, ndërsa Dukagjini konfirmoi vazhdimësinë pozitive, duke mbetur një prej skuadrave të vetme që ende nuk kanë pësuar humbje në fillim të kampionatit.

The post Dukagjini mbetet pa humbje pas barazimit pa gola me Ballkanin appeared first on Albeu.com.

Ballkani do ta presë Dukagjinin në kuadër të javës së gjashtë të Superligës së Kosovës.

Skuadra nga Suhareka synon të reagojë pas disfatës kundër Gjilanit, ndërsa Dukagjini vjen në këtë përballje pa asnjë humbje gjatë këtij sezoni.

Formacionet zyrtare të të dyja ekipeve janë bërë të ditura.

Ballkani: Pas pak…

Dukagjini:

Ndeshja është programuar të fillojë në orën 16:00.

The post Ballkani kërkon rikthimin te fitorja ndaj Dukagjinit, publikohen formacionet appeared first on Albeu.com.

Në Superligën e Kosovës do të zhvillohen këtë të hënë edhe dy përballje mjaft interesante, në kuadër të xhiros së gjashtë.

Ballkani do ta mirëpresë Dukagjinin në Suharekë, në përballjen që pritet të jetë mjaftë dramatike.

Klubi nga Thëranda synon t’i rikthehet rezultateve pozitive, ndërsa Dukagjini për të vazhduar me fitore ngase nuk di për humbje në pesë ndeshjet e fundit.

Në anën tjetër, Llapi do ta presë Malishevën në “Zahir Pajaziti”. Skuadra e Batatinas shijoi fitoren e parë ndaj Vushtrrisë, andaj do të provojë të shkojë me të njëjtin ritëm.

Kurse, Malisheva u njoftua me humbje në xhiron e fundit prandaj do të bëjë çmos për mos ta regjistruar të dytën radhazi.

Të dy përballjet do të nisin nga ora 16:00.//

The post Superliga e Kosovës vazhdon me dy përballje mjaft interesante appeared first on Albeu.com.

Dukagjini triumfoi 2-0 ndaj Malishevës në javën e pestë të Superligës së Kosovës, duke siguruar tri pikë me rëndësi të veçantë.

Ekipi nga Klina e mori kontrollin e takimit që në minutat e para dhe kaloi në epërsi në minutën e 19-të. Mërgim Pefqeli realizoi një gol të bukur pas asistimit të Vitor Hugos, duke e çuar Dukagjinin në avantazh.

Vendasit nuk u ndalën me kaq dhe, 12 minuta më vonë, arritën të dyfishojnë rezultatin. Dienit Isufi shënoi në minutën e 31-të, ndërsa asistimi për golin erdhi nga Iljasa Zulfiu.

Malisheva u përpoq të ndryshonte rrjedhën e lojës pas pushimit, por mbrojtja e Dukagjinit funksionoi mirë dhe nuk lejoi që mysafirët të riktheheshin në garë.

Me avantazhin e pjesës së parë të ruajtur deri në fund, Dukagjini regjistroi një fitore të rëndësishme dhe mori tri pikë të plota.

Pas këtij triumfi, Dukagjini renditet në vendin e dytë me 11 pikë pas pesë javësh, duke vijuar një fillim të shkëlqyer në këtë edicion të Superligës. Malisheva pësoi humbjen e parë të sezonit dhe, me 10 pikë, mbetet në pozitën e tretë.

The post Pefqeli dhe Isufi vendosin fitoren e Dukagjinit ndaj Malishevës, klinasit ngjiten në vendin e dytë appeared first on Albeu.com.