Akademikja Justina Shiroka-Pula u zgjodh presidente e shtatë e Kosovës pasi mori 81 vota pro në raundin e parë të votimit në Kuvendin e Kosovës, gjatë natës së së martës dhe orëve të para të së mërkurës.

Por, përtej angazhimit të saj në jetën publike dhe akademike, presidentja e re ka pasur edhe një lidhje të veçantë me futbollin, pasi djali i saj i madh, Lekë Pula, ka qenë një emër i njohur në futbollin kosovar.

Për këtë arsye, Justina Shiroka-Pula është parë në të kaluarën në shkallët e stadiumeve, duke ndjekur ndeshjet e futbollit.

Lekë Pula e nisi rrugëtimin sportiv para luftës, në shkollën e futbollit 2 Korriku. Aty u zhvillua si lojtar dhe kaloi të gjitha grupmoshat, deri në ngjitjen te skuadra e parë.

Paraqitjet e tij si mbrojtës, kryesisht në qendër të repartit defensiv, i hapën rrugën për të vazhduar karrierën në nivele më të larta.

Ai luajti për disa vite edhe te Prishtina, klubi më i madh kosovar, me të cilin arriti të fitonte edhe titullin kampion, shkruan Telegrafi.

Më pas, Leka u aktivizua për shumë vite edhe me Flamurtarin, klubin tjetër të kryeqytetit.

Pavarësisht cilësive dhe karrierës së tij të suksesshme, djali i presidentes vendosi ta mbyllte aventurën në futboll rreth moshës 30-vjeçare.

Vendimi për t’u tërhequr nga futbolli lidhej me përqendrimin te studimet dhe angazhimin në botën akademike, ku më vonë ndërtoi një karrierë të suksesshme.

Lekë Pula është Doktor i Shkencave Ekonomike në fushën Ekonomiks dhe prej shumë vitesh mban postin e profesorit të asociuar në Fakultetin Ekonomik të Universitetit të Prishtinës.

The post Djali i presidentes Justina Shiroka-Pula, ish-futbollist i njohur i Kosovës appeared first on Albeu.com.

KF 2 Korriku u paraqit me krenari në ceremoninë inauguruese të Gothia Cup 2026, një prej turneve më të mëdha të futbollit për të rinj, duke përfaqësuar Kosovën.

Në stadiumin “Ullevi”, para rreth 50 mijë të pranishmëve, lojtarët e ekipit parakaluan të veshur me kostume tradicionale shqiptare.

Atmosfera u bë edhe më emocionuese nga valëvitja e flamurit të Kosovës dhe tingujt e këngës “O sa mirë me qenë shqiptar”.

Ky prezantim i denjë solli në vëmendje kulturën, identitetin dhe vlerat shqiptare në arenën ndërkombëtare.

Për më shumë, shikoni pamjet e jashtëzakonshme.

Përveç hyrjes madhështore në turne, 2 Korriku nisi edhe me fitore bindëse, duke e mposhtur BK Skottfint me rezultat 1-6 në ndeshjen e parë.

The post KF 2 Korriku përfaqëson Kosovën me veshje tradicionale në ceremoninë hapëse të Gothia Cup 2026 appeared first on Albeu.com.