Pas përfundimit të intervistimeve po atë ditë, Paneli Vlerësues bëri publike rezultatet, ku sipas poentimit kandidatët u renditën kështu: Zejnullah Gashi me 91.6 pikë, Atdhe Dema me 89.3 pikë, Naim Abazi me 89 pikë, Rafet Halimi me 87 pikë dhe Shqipdon Fazliu me 86.5 pikë, raporton “Betimi për Drejtësi“.

Anëtari Milot Krasniqi deklaroi se, për ta bërë procesin më transparent, është vendosur që video-intervistat të publikohen në platformat e sistemit prokurorial të Republikës së Kosovës.

Nga ana tjetër, kryesuesi Arian Gashi u shpreh se nga procesi i kaluar është krijuar një standard që intervistat të publikohen në kohë reale dhe se ky standard është dashur të respektohet.

“Për informacionin tuaj, nuk janë transmetuar menjëherë por pas disa ditëve nga procesi i kaluar”, tha Gashi.

Më pas, propozimi që video-intervistat të publikohen sot mori miratimin me gjashtë vota për dhe një kundër.

The post KPK vendos publikimin e intervistave të kandidatëve për Kryeprokuror të Shtetit appeared first on Albeu.com.

Në njoftim thuhet se, në mbështetje të nenit 3 (6A) të Rregullores 07/2026 për ndryshimin dhe plotësimin e Rregullores 07/2024 për emërimin e Kryeprokurorit të Shtetit dhe kryeprokurorëve të prokurorive të Republikës së Kosovës, ky proces do të mbahet në sallën e takimeve në katin e gjashtë të KPK-së.

Paneli Vlerësues do të fillojë hartimin e pyetjeve në orën 08:00, ndërsa intervistimi i kandidatëve është paraparë të nisë në orën 11:00.

Sipas agjendës së publikuar nga KPK-ja, renditja e intervistave është kjo:

Atdhe Dema – ora 11:00

Naim Abazi – ora 13:00

Rafet Halimi – ora 14:15

Shqipdon Fazliu – ora 15:30

Zejnulla Gashi – ora 16:45

Nga ora 12:00 deri në 13:00 është caktuar pauzë.

KPK u ka bërë thirrje të gjitha palëve të interesuara që duan ta monitorojnë këtë proces, të respektojnë oraret dhe rregullat e përcaktuara. Për shkak të kapaciteteve të kufizuara të hapësirës, të interesuarit duhet të konfirmojnë emrin e një përfaqësuesi ose monitoruesi përmes Zyrës për Komunikim Publik në adresën elektronike [email protected], jo më vonë se 26 qershor 2026.

The post Më 1 korrik 2026 zhvillohen intervistat me pesë kandidatët për pozitën e Kryeprokurorit të Shtetit appeared first on Albeu.com.