Shqipëria ka ndërprerë lidhjet diplomatike me Iranin më 7 shtator, duke thënë se hetimet kanë treguar se sulmet kibernetike të muajit korrik janë kryer nga Irani si “agresor shtetëror”. Presidenti i Shqipërisë, Bajram Begaj, e ka mbledhur të hënën Këshillin e Sigurisë Kombëtare për të diskutuar dëmet e shkaktuara nga sulmet kibernetike ndaj portalit qeveritar, E-albania dhe sistemit TIMS.

Aty është thënë se e gjithë vëmendja e autoriteteve shqiptare tani është te forcimi i kapaciteteve mbrojtëse ndaj sulmeve të tilla, dhe është konfirmuar që duhet të vazhdojë “bashkëpunimi i ngushtë ndërkombëtar me të gjitha vendet partnere, NATO-n, dhe BE-në”.

Shqipëri: Pushteti dhe opozita përplasen për sigurinë kibernetike
Autoritetet iraniane kanë hedhur poshtë akuzat se janë mbrapa sulmeve të korrikut. Megjithatë, aleanca ushtarake e NATO-s ka konfirmuar se prapa atij sulmi ka qenë Irani. Shtetet e Bashkuara kanë sanksionuar Ministrinë iraniane të Inteligjencës dhe kreun e këtij institucioni, duke i akuzuar se qëndrojnë pas sulmit kibernetik të muajit korrik ndaj Shqipërisë.

Irani ka dënuar ashpër sanksionet amerikane. Opozita në Shqipëri, por edhe ekspertë të sigurisë, kanë kërkuar një mbledhje të tillë të Këshillit të Sigurisë Kombëtare prej kur ka ndodhur sulmi i 15 korrikut. Në mbledhjet e kaluara është ftuar lideri i opozitës, mirëpo këtë herë Begaj nuk e ka ftuar asnjë përfaqësues të saj.

Si të mbroheni prej sulmeve kibernetike?
Më herët gjatë ditës së hënë, hakerët e grupit, Homeland Justice kanë publikuar në Telegram të dhëna mbi punonjësit e Policisë së Shqipërisë. Në listën me detajet e rreth 300 policëve është parë mbishkrimi “mbase këta këtu janë objektivat e radhës”. Ditë më parë në këtë faqe online janë publikuar edhe e-mailet e shkëmbyer nga Gledis Nano, në kohën kur mbante postin e drejtorit të Njësisë Anti-terror në Policinë e Shqipërisë.

Një tjetër material sensitiv i publikuar nga Homeland Justice ka të bëjë me të dhënat e shtetasve shqiptarë të dyshuar ndër vite për krime të ndryshme.

Çfarë dihet për grupin që qëndron pas sulmeve kibernetike në Shqipëri?
Marrëdhëniet mes Tiranës dhe Teheranit janë përkeqësuar ndjeshëm pasi autoritetet shqiptare janë pajtuar – me kërkesë të Shteteve të Bashkuara – që të pranojnë rreth 3.000 pjesëtarë të Organizatës së Muxhahedinëve të Popullit të Iranit (MEK) më 2013.

Zyrtarët iranianë i konsiderojnë pjesëtarët e kësaj organizate si terroristë. Pas sulmit kibernetik të muajit korrik, Ambasada amerikane në Shqipëri pati ngritur alarm për një kërcënim të mundshëm, që është thënë se ka pasur cak një samit të organizuar nga opozita e Iranit në mërgim.

Ky samit ishte planifikuar të mbahej në Durrës më 23 dhe 24 korrik. Samiti ishte paraparë të organizohej nga Këshilli Kombëtar i Rezistencës së Iranit (NCRI) dhe Organizata e Muxhahedinëve të Popullit të Iranit (MEK), të dyja grupe që avokojnë përmbysjen e Qeverisë së Iranit./REL/

The post Mbledhja e Këshillit të Sigurisë Kombëtare për sulmet kibernetike, REL: Presidenti Begaj nuk ftoi asnjë lider të opozitës appeared first on Albeu.com.

Një numër zyrtarësh të lartë të sigurisë kombëtare mbërritën në Shtëpinë e Bardhë këtë mëngjes. CNN vëzhgoi këshilltarin e sigurisë kombëtare Jake Sullivan, Sekretaren e Thesarit Janet Yellen, Kryetarin e Shefave të Shtabit të Përbashkët Gjeneral Mark Milley, Sekretarin e Mbrojtjes Lloyd Austin, drejtorin e CIA-s Bill Burns dhe Zëvendës Presidentin Kamala Harris duke mbërritur në West Wing në orën 7 të mëngjesit ET. orë.

Biden, duke u zotuar se bota “do ta mbajë Rusinë përgjegjëse” për sulmin që po ndodh në Ukrainë , do të përcaktojë një sërë sanksionesh të enjten, pasi të synonte të pengonte një sulm të tillë.

I vendosur t’i drejtohet kombit më vonë, Biden pritet të zbulojë masa të reja që mund të shkëputin Rusinë nga teknologjia e përparuar, të shpallë kufizime të reja ndaj institucioneve të mëdha financiare dhe të vendosë sanksione ndaj anëtarëve të tjerë të rrethit të brendshëm të presidentit rus Vladimir Putin.

The post Biden thërret mbledhjen e Këshillit të Sigurisë Kombëtare appeared first on Albeu.com.

Lajmin e bëri të ditur zëdhënësi i kreut të shtetit, Tedi Blushi, i cili bën të ditur se mbledhja do të nisë në orën 17:30.

“Pas agresionit rus në Ukrainë, Presidenti i Republikës Sh.T.Z Ilir Meta mbledh sot Këshillin e Sigurisë Kombëtare në ora 17:30”, shkruan Blushi.

Kujtojmë se edhe pak ditë më parë presidenti organizoi një mbledhje të Këshillit të Sigurisë Kombëtare./albeu.com/

Pas agresionit rus në Ukrainë, Presidenti i Republikës Sh.T.Z @ilirmetazyrtar mbledh sot Këshillin e Sigurisë Kombëtare në ora 17:30. ??

— Tedi Blushi (@TediBlushi) February 24, 2022

The post E FUNDIT/ Nisja e luftës, Meta mbledh me urgjencë Këshillin e Sigurisë Kombëtare (FOTO LAJM) appeared first on Albeu.com.

Lajmin e ka dhënë Bekim Kupina, këshilltar për media në Presidencën e Kosovës në një prononcim për T7.

“Sonte në mbrëmje mbahet takimi i Këshillit të Sigurisë Kombëtare”, ka thënë ai.

Ish-kryediplomati Enver Hoxhaj, në seancën e djeshme të Kuvendit ka kërkuar që Kosova ta thërrasë një mbledhje të Këshillit të Sigurisë Kombëtare për të diskutuar rreth zhvillimeve të fundit në Ukrainë.

“Qeveria e Kosovës duhet ta mbledh Këshillin e Sigurisë Kombëtare. Nuk e di nëse është mbledh”, ka thënë deputeti i PDK-së.

Ministria e Punëve të Jashtme e Kosovës ka reaguar dje duke thënë se Kosova qëndron me Ukrainën dhe se bota duhet t’i përgjigjet Putinit me vendosmëri.

“Kosova qëndron me Ukrainën kundër agresionit të drejtpërdrejtë të Rusisë. Putini po bën edhe një herë luftë kundër një demokracie paqësore. Ai ka bërë luftëra hibride kundër demokracive në gjithë Evropën për shumë vjet. Bota e lirë duhet t’i përgjigjet me vendosmëri Putinit dhe përfaqësuesve të tij”, thuhet në reagimin e MPJ-së.

Mbledhje të Këshillit të Sigurisë Kombëtare janë mbajtur edhe në shtete tjera, pas vendimit të Rusisë që nisi t’i fusë forcat e saj në Donetsk dhe Luhansk, dy rajonet në Ukrainën lindore, të cilat paraprakisht presidenti rus Vladimir Putin i njohu si të pavarura.

Veprimi i fundit i Rusisë nxiti reagimin e mbarë botës. Edhe Shqipëria qe ndër vendet e para që reagoi pas situatës së tensionuar si kurrë më parë.

SHBA sheh përgatitje për një operacion të mundshëm zgjerimi nga ana e Rusisë, duke përfshirë ngarkimin e anijeve amfibe dhe pajisje ngarkimi për njësitë ajrore./Ekspress/

The post Situata në Ukrainë, sot mblidhet Këshilli i Sigurisë Kombëtare në Kosovë appeared first on Albeu.com.

Presidenti Ilir Meta, nisur nga situata e krijuar atje, ka thirrur sot Këshillin e Sigurisë Kombëtare, që pritet të mblidhet në orën 16:00. Në mbledhje do të mungojë kryeministri Edi Rama i cili ndodhet në një vizitë zyrtare, 4 ditore, në SHBA.

Kujtojmë se më herët, përmes një postimi në Facebook, Ministria e Jashtme në Shqipëri i ka bërë thirrje presidentit rus Vladimir Putin që të ulë tensionet në Ukrainë dhe të zgjidhin mosmarrëveshjet përmes rrugëve diplomatike.

Gjithashtu dy ditë më parë, pas shkak të tensioneve, Ministria e Jashtme e Shqipërisë i bëri thirrje shtetasve shqiptarë të largoheshin nga Ukraina./albeu.com

The post Tensionet në Ukrainë, Meta thërret Këshillin e Sigurisë Kombëtare appeared first on Albeu.com.

Mbledhja e tij do të zhvillohet mbrëmjen e kësaj të shtune, për shkak të situatës së krijuar në pikat kufitare me Serbinë, ku prej disa ditësh tashmë ka nisur vendosja e targave të përkohshme për automjetet me targa të Serbisë.

Në një konferencë për mediat, Kurti tha se Serbia po bën propagandë me rreshtimin e trupave ushtarake pranë kufirit, ndërsa theksoi se përgjegjës për këtë është Aleksandar Vuçiç.

“Mos harroni që, në ditën e gjashtë të zbatimit të reciprocitetit me targa të përkohshme e që unë do të dëshiroja të hiqen plotësisht targat e përkohshme, deri tani 9000 automjete i kanë marrë targat. Por presidenti i Serbisë nuk po e pëlqen këtë gjë nga kolltuku i tij politik. Nga jeta praktike, asnjëri nuk ka pasur problem dhe nuk ka pasur asnjë incident në asnjë pikë kufitare”, tha Kurti.

I pyetur për veprimet që do të ndërmerren për sigurimin e kufirit, Kurti tha: “Sigurisht që janë parë helikopterët dhe avionët e prodhimit rus. Ne nuk kemi pritur sjellje korrekte sepse e dimë kush është në pushtet atje, por vendimet i marrim në bazë të vlerësimeve të gjendjes së sigurisë. Tani për tani jemi në këtë gjendje. “Nuk është e interesuar Serbia për fqinjësi të mirë. Kjo që po ndodh vërteton atë që ne e kemi thënë prej vitesh, jo vetëm kur kemi qenë në qeveri”.

I pyetur për fyerjet e ministrit të Brendshëm serb, Vulin, i cili e etiketoi “budalla” Kurtin, kryeministri tha: “Mjafton të thuhet që ka qenë zëdhënës i partisë së gruas së Millosheviçit dhe i përkiste atyre zyrtarëve serb që konsideronin se Millosheviçi nuk është mjaftueshëm radikal. Kjo e shpjegon plotësisht se për çfarë bëhet fjalë”./albeu.com

The post Situata e agravuar në veri, Albin Kurti thërret mbledhjen e Këshillit të Sigurisë Kombëtare appeared first on Albeu.com.