Veliaj ndodhet në paraburgim prej 10 shkurtit, dhe që atëherë nuk ka marrë pjesë në mbledhjet e Këshillit Bashkiak të Tiranës. Ky i fundit i kërkon SPAK dhe Burgjeve, që në pamundësi të pjesëmarrjes fizike të Veliajt në mbledhje, të paktën ta lejojë të jetë pjesë online e mbledhjes.

Kjo letër vjen ngjarjeve të fundit në Këshill, kujtojmë shkarkimin e Veliajt me votën e socialistëve dhe demokratëve në këshill, shpalljen e zgjedhjeve të reja për Tiranën më 9 nëntor dhe anulimin dhe kthimin mbrapsht të kësaj iniciative me vendimin e Gjykatës Kushtetuese, që mban sërish Veliajn në detyrë.

Tani pritet të shihet nëse do miratohet kërkesa që kryebashkiaku të jetë pjesë e mbledhjes.

Letra e Këshillt Bashkiak të Tiranës drejtuar SPAK dhe Drejtorisë së Burgjeve:

Të nderuar përfaqësues të institucioneve,

Këshilli Bashkiak i Tiranës, në zbatim të detyrimeve të tij ligjore dhe me qëllim garantimin e funksionimit të rregullt institucional, ju drejtohet për të kërkuar mundësimin e pjesëmarrjes së Kryetarit të Bashkisë Tiranë, z. Erion Veliaj, në mbledhjen e radhës të Këshillit Bashkiak, e cila do të zhvillohet ditën e premte më datë 21/11/2025, ora 10:00 në ambientet e Bashkisë Tiranë.

Sipas Ligjit nr. 139/2015 “Për Vetëqeverisjen Vendore”, konkretisht:

Neni 58, pika 4, përcakton se Kryetari i Bashkisë ka të drejtë të marrë pjesë në mbledhjet e Këshillit Bashkiak dhe të raportojë.

Neni 60, përcakton bashkëpunimin e detyrueshëm ndërmjet Kryetarit të Bashkisë dhe Këshillit Bashkiak për çështje të interesit publik.

Duke qenë se pjesëmarrja e Kryetarit të Bashkisë është një e drejtë funksionale e garantuar me ligj, e nevojshme për prezantimin e drafteve, buxhetit, raportimeve vjetore dhe çështjeve të administrimit të njësisë së vetëqeverisjes vendore, ju kërkojmë që, nëse ndaj tij janë duke u zbatuar masa kufizuese, të vlerësohet:

– lejimi i përkohshëm për pjesëmarrje fizike,

ose, nëse kjo nuk është e mundur,

– mundësimi i pjesëmarrjes së tij nëpërmjet një modaliteti të përshtatshëm komunikimi (online, videokonferencë apo formë tjetër të aprovuar).

Këshilli Bashkiak është i gatshëm të bashkëpunojë plotësisht për çdo kërkesë sigurie, protokolli apo logjistike të institucioneve tuaja, me qëllim garantimin e një procesi ligjor, transparent dhe funksional.

Ju lutemi të na informoni me shkrim mbi vendimmarrjen tuaj, duke pasur parasysh rëndësinë e respektimit të funksioneve institucionale dhe të të drejtës së Kryetarit të Bashkisë për të raportuar para Këshillit Bashkiak.

The post Këshilli Bashkiak i Tiranës letër SPAK dhe Drejtorisë së Burgjeve: Lejoni Erion Veliajn të jetë pjesë e mbledhjes së radhës appeared first on Albeu.com.

Kërkesa mbështetet në nenin 62 të ligjit “Për Vetëqeverisjen Vendore”, ku parashikohet shkarkimi i kryebashkiakut nëse ai nuk paraqitet në detyrë për tre muaj rresht.

Sipas këshilltarëve, prej 10 shkurtit – kur Veliaj u arrestua – Tirana, është pa një drejtues të zgjedhur dhe ka nevojë për një kryetar aktiv.

Pas komisionit, në orën 16:00, do të mblidhet Këshilli Bashkiak për të marrë vendimin final. Ende mbetet e paqartë nëse Veliaj do të marrë leje për të qenë i pranishëm në mbledhje, por i është lënë mundësia që të dërgojë një qëndrim me shkrim.

Për herë të rrallë, duket se mazhoranca dhe opozita janë në një mendje: edhe PD ka njoftuar se do të votojë pro shkarkimit.

Nëse vendimi miratohet, ai i kalon Këshillit të Ministrave për miratim, dhe më pas Presidentit të Republikës, i cili duhet të caktojë datën e zgjedhjeve të parakohshme brenda 45 ditësh.

Megjithatë, Veliaj ka të drejtë ta kundërshtojë vendimin në Gjykatën Kushtetuese, ç`ka do të pezullonte përkohësisht zbatimin e tij.

The post Seanca për shkarkimin e kryetarit, Këshilli Bashkiak i Tiranës mblidhet sot për të vendosur mbi fatin e Erion Veliajt appeared first on Albeu.com.

Në një reagim në rrjetet sociale, Meta thekson se Partia e Lirisë propozoi 11 amendamente për heqjen dhe uljen e një sërë taksash dhe tarifash vendore në Bashkinë e Tiranës.

Reagimi:

Partia e Lirisë jo vetëm që i ka miratuar të gjitha vendimet që lidhen me dhënien e ndihmës ekonomike dhe bonusin e qirave në Tiranë, por edhe ka propozuar nisma konkrete për shtimin e fondeve të ndihmës ekonomike dhe numrit të përfituesve, në mënyrë që të mos shohim më pamje tronditëse, kur përfaqësues të shtresave më në nevojë protestojnë për bukën e gojës para Bashkisë, duke humbur edhe ndjenjat poshtë zyrës së Erion Veliaj, i cili bën sikur nuk i sheh.

Rikujtoj gjithashtu që Partia e Lirisë propozoi 11 amendamente për heqjen dhe uljen e një sërë taksash dhe tarifash vendore në Bashkinë e Tiranës, nga të cilat qytetarët dhe bizneset do të përfitonin 50 milionë euro në vit, por që arbitarisht ato u rrëzuan nga Erion Veliaj, pasi interesi i tij nuk është të lehtësojë xhepat e qytetarëve, por është të shtojë vjedhjen përmes inceneratorit fantazëm të Tiranës, ku ai është pronari faktik i saj, sipas edhe vetë ish-zëvendëskryeministrit të Partisë Socialiste.

The post Meta: Këshilltarët e PL-së kanë miratuar të gjitha vendimet që lidhen me dhënien e ndihmës ekonomike dhe bonusin e qirave në Tiranë appeared first on Albeu.com.

Për këtë çështje, deputeti i PL-së, Petrit Vasili thotë se është një lajm i rremë nga portalet qeveritare që tentojnë të zbehin rëndësinë e marrëveshjes së arritur me Partinë Demokratike.

Sipas tij, gjatë diskutimeve që u zhvilluan mes Berishës dhe Metës, nuk është diskutuar për emra konkretë, por vetëm për rëndësinë e një përfaqësimi sa më dinjitoz në këshill.

Vasili: Kur ka marrëveshje kaq të mëdha, që u quajtën historike, përpiqen portalet qeveritare të dirigjuara nga Fuga me shokë të prodhojnë një lajm të rremë për të zbehur thelbin e marrëveshjes. Unë jam një nga katër personat që u diskutua pr.marrëveshja, ishte edhe Meta, Berisha, unë dhe Flamur Noka. Në asnjë rast nuk është diskutuar një çështje e tillë, por është diskutuar që këshillat bashkiakë të kenë një profil të lartë të përfaqësimit.

Nga lista e atyre që do të propozojmë, që do të jenë kandidatura të shkëlqyera, të zgjidhen personalitetet më të spikatura për të drejtuar këto këshilla që të garantojnë llogaridhënien. Ju sot nuk kujtoni dot kush është kryetari i Këshillit Bashkiak të Tiranës. Emrat e përveçëm janë fantazi”.

The post Drejtimi i Këshillit Bashkiak të Tiranës, Vasili: Nuk kemi diskutuar me emra me Berishën appeared first on Albeu.com.