41-vjeçari është identifikuar me inicialet S.X. Sipas mediave malazeze shqiptari ishtë në kërkim nga Belgjika. Ndaj tij ishtë lëshuar një urdhërarresti më datë 25 prill. Ai akuzohet për disa vepra penale ndër të cilat trafik droge dhe pjesë e një organizate kriminale.

“Oficerët e policisë nga Stacioni i Policisë Kufitare të Podgoricës kontrolluan në pikën kufitare shoferin SX (41), shtetas të Republikës së Shqipërisë, për të cilin, pas verifikimit të të dhënave përmes të dhënave elektronike, u përcaktua se ai kërkohej nga NCB Interpol Bruksel. Kontrolli konfirmoi se për SX ishte lëshuar një urdhër arresti ndërkombëtar më 25 prill për disa vepra penale, përkatësisht: trafikim me narkotikë, krijim i një organizate kriminale dhe falsifikim dokumentesh”, njoftoi policia.

The post Në kërkim ndërkombëtar nga Belgjika për disa vepra penale, vihet në pranga 41-vjeçari shqiptar, tentoi të kalonte në Mal të Zi appeared first on Albeu.com.

Kërkesa për shpalljen në kërkim ndërkombëtar të ish-zyrtarit të lartë është lëshuar nga Prokuroria publike në Shkup, pasi Gjykata Themelore e miratoi të martën në mbrëmje kërkesën për caktimin e masës me paraburgim për zotin Grubi dhe Bajrami.

Ata dyshohen për përfshirje në manipulim me prokurimet publike për Lotarinë dhe ndarjen e jashtëligjshme të licencave për kompanitë e lojërave të fatit dhe kazinotë.

Tetë persona dyshohen si të përfshirë në këtë vepër penale. Sipas prokurorisë, ata i kanë shkaktuar buxhetit të shtetit një dëm mbi tetë milionë euro.

Autoritetet në Shkup thonë se ish-zëvendëskryeministri ndodhet në Kosovë, ku u arratis të dielën, ndërsa ish-drejtori Bajrami është strehuar po në Kosovë disa muaj më parë, sipas policisë.

Mediat lokale raportojnë se zoti Grubi ka angazhuar një avokat dhe se “do të kthehej në vend nëse gjykohet në gjendje të lirë”.

Vetë ish-zëvendëskryeministri nuk është prononcuar publikisht që nga e diela në mbrëmje kur shkruante në rrjetin social Facebook se ndodhej “jashtë shtetit për vizitë private dhe se do të kthehej sapo të kryente detyrimet”.

Artan Grubi u përcaktua nga Departamenti i Shtetit pak ditë më parë së bashku me gjykatësin Enver Bexheti si të përfshirë në korrupsion dhe u shpallën si “persona të padëshiruar”./VOA

The post Artan Grubi shpallet zyrtarisht në kërkim ndërkombëtar appeared first on Albeu.com.

Tashmë dy administratorët janë në kërkim nga SPAK-u dhe Interpoli.

Të dy këta shtetas, Michael Peter Druijts i datëlindjes 1981 banues në Holandë dhe Marc Richard Lappat i datëlindjes 1976 banues po në Holandë, mbulonin veprimet e kompanisë guackë të inceneratorit të Tiranës në Holandë dhe janë shpallur në kërkim në grupin e tretë të personave të shpallur në kërkim disa javë më parë, ku SPAK dha detaje nga hetimet dhe urdhër arrestet që ishin lëshuar për 8 persona.

Më herët janë publikuar dokumente që tregonin lidhjet e Marc Lappat dhe Michael Druijts me njerëzit e inceneratorëve, Mirel Mërtiri dhe Klodian Zoto.

Këto dokumente nxjerrin në pah “trurin” e inceneratorëve, që fshihet dhe i shërben kompanisë në Holandë “GeoGenix”, e cila më parë quhej “Integrated Energy BV”.

Bëhej fjalë për një e-mail të administratorit të kompanisë mëmë në Holandë, Michael Druijts

Një email-i i dërguar më 14 mars të vitit 2022 nga Michael Druijts, pra administratori i kompanisë “Goeogenix” në Holandë.

Email-i ishte nisur në adresën “Limon Mango” dhe në CC, për të cilin është vendosur në dijen dhe Marc Lappat, njëri nga bashkadministratorët.

Në e-mail, zoti Druijts i drejtohet Mirelit me “Dear Mirel” dhe flet për telefonatën, si dhe i shpjegon faktin që zoti Vermeulen ka pranuar të marrë detyrën. Herman Daniel Vermeulen ka qenë një nga administratorët e kompanisë të inceneratorit të Tiranës.

Dokumenti tregonte lidhjet dhe koordinimet e Mirel Mërtirit me administratorët Michael Druijts dhe Marc Lappat, që përdorte adresën Limon Mango.

“I dashur Mirel,

Ishte e vështirë të të dëgjoja përmes telefonit dhe nuk jam i sigurt nëse më ke dëgjuar mirë. Për ta konfirmuar, zoti Vermeulen ka rënë dakord të marrë rolin e administratorit të “Integrated Energy BV SPV” (“Kompanisë”) në pritje të miratimit tuaj të kushteve të mëposhtme:

1. Strehimi: Kompania do të kujdeset për të gjitha nevojat për akomodim dhe strehim.

3. Kompania do të kujdeset për transportin lokal për të shkuar dhe kthyer nga puna.

2. Largimet dhe/udhëtimet: ‘Gruaja/partnerja’ e Z. Vermeulen jeton në Spanjë dhe ai ka një shtëpi të dytë në Spanjë.

Në pritje të miratimit, ai do të donte të shkonte në shtëpi në Spanjë 1 deri në 2 herë në muaj për disa ditë. Megjithatë ai do të jetë i disponueshëm në çdo kohë, duke qenë në gjendje të punojnë në distancë nga Spanja nëse i kërkohet. Në këtë aspekt, kompania duhet të paguajë për fluturimet e tij për të shkuar dhe kthyer nga Spanja.

3. Paga: Z. Vermeulen ka kërkuar një pagë mujore prej 9500 eurosh neto, pas taksave vendore. Mesa kuptova nga Eltoni, ai do të marrë një pagë lokale.

4. Asistencë me çdo leje pune lokale, nëse kërkohet.

Unë ju përmenda në telefonatë se zoti Vermeulen duhet të njoftojë 1 muaj para largimit punëdhënësin e tij aktual.

Kështu koha më e shpejtë që ai mund të vijë në Shqipëri është 1 muaj nga dita e njoftimit të largimit të punëdhënësit aktual. Ai megjithatë mund të emërohet përkohësisht dhe është i disponueshëm të punojë nga distanca në një kohë të kufizuar nëse është e nevojshme.

Ju lutemi na informoni nëse jeni dakord me këto kushte dhe më pas ju lutemi udhëzoni Eltonin të hartojë kontratën e punës. Pasi të marrim konfirmimin nga ana juaj, ne do të udhëzojmë z. Vermeulen të njoftojë punëdhënësin e tij aktual për dorëheqjen e tij.

Përshëndetje të përzemërta, Michael”, thuhej në email.

Së fundi Michael Druijts dhe Marc Lappat janë shpallur në kërkim ndërkombëtar pikërisht për inceneratorin e Tiranës, një nga vjedhjet më monstruoze që u është shqiptarëve pasi ky incenerator nuk ekziston dhe qytetarët vijojnë ende të paguajnë për të.

SPAK po vijon hetimet në lidhje me këtë aferë për të shkuar deri tek koka e kësaj afere, që ndryshe është quajtur vjedhja e shekullit./CNA

The post Administratorët e inceneratorit të Tiranës shpallen në kërkim ndërkombëtar appeared first on Albeu.com.

Operacioni “parma” u zhvillua nga Fast Albania në bashkëpunim me Komisariatin e Policisë Kavajë, Interpol Tiranën dhe Interpol Romën.

Në kuadër të këtij operacioni u bë arrestimi i shtetasit  R. D., 25 vjeç, banues në Kavajë.

25-vjeçari kërkohej nga autoritetet italiane pasi akuzohet  si bashkautor i një plagosjeje të rëndë me armë zjarri, të kryer në Itali, më 3 mars të vitit 2022.

25-vjeçari ishte shpallur në kërkim ndërkombëtar, pasi Gjykata e Parmas i ka caktuar masën e sigurisë “Arrest në burg”, për veprat penale “Plagosja e rëndë” dhe “Mbajtja pa leje e armëve të zjarrit”, të parashikuara nga Kodi Penal i Italisë.

Pritet ekstradimi i tij drej Italisë.

/Albeu.com/

The post Në kërkim ndërkombëtar për plagosje, arrestohet 25-vjeçari në Kavajë, pritet ekstradimi drejt Italisë appeared first on Albeu.com.

Deda është arrestuar në shkurt të vitit 2022, në Durrës, nga specialistët për Hetimin e Narkotikëve dhe Trafiqeve të Paligjshme, në bashkëpunim me shërbimet e Forcës së Posaçme Operacionale, të DVP Durrës.

Njoftimi i Policisë:

Interpol Tirana Ekstradohet nga Shqipëria drejt Italisë, një shtetas i shpallur në kërkim ndërkombëtar, i dënuar me 11 vjet, 8 muaj e 15 ditë burgim, për trafikim të lëndëve narkotike. Falë bashkëpunimit të Interpol Tirana me Interpol Roma, u ekstradua nga Shqipëria drejt Italisë, shtetasi shqiptar i shpallur në kërkim ndërkombëtar: Gentian Deda, 51 vjeç, banues në Durrës.

Ky shtetas është arrestuar në shkurt të vitit 2022, në Durrës, nga specialistët për Hetimin e Narkotikëve dhe Trafiqeve të Paligjshme, në bashkëpunim me shërbimet e Forcës së Posaçme Operacionale, të DVP Durrës. Gjykata e Milanos, Itali, e ka dënuar këtë shtetas, me 11 vjet, 8 muaj e 15 ditë burgim, për kryerjen e veprës penale “Grup kriminal me qëllim trafikimin e lëndëve narkotike”, parashikuar nga Kodi Penal i Italisë. Në zbatim të marrëveshjes së ekstradimit mes dy vendeve, shtetasi Gentian Deda u ekstradua drejt Italisë, për kryerjen e dënimit./albeu.com

The post EMRI/ I dënuar me rreth 12 muaj në Itali për trafik “bari”, arrestohet shqiptari i shpallur në kërkim ndërkombëtar appeared first on Albeu.com.

Mësohet se i arrestuari është vendosur në pranga nga pala greke. Ai u kap pasditen e së dielës nga sektori i verifikimit të pasaportave në Kakavijë në bashkëpunim me policinë e Janinës.

Shqiptari ka menduar se do të arrijë t’i shpëtojë sitës së kontrollit në pikën kufitare por nuk ia ka dalë dot duke u arrestuar kështu në vend nga Policia greke.

The post I shpallur në kërkim ndërkombëtar për trafik droge, shqiptari arrestohet në pikën kufitare të Kakavijës appeared first on Albeu.com.

Pjetri vrau me armë zjarri Pjetër dhe Gentjan Përnjakun në fshatin Grykë e Zezë dhe dyshohet se ai mund të jetë ndihmuar nga persona të tjerë dhe mund të ketë kaluar në mënyrë ilegale jashtë Shqipërisë.

Viktimat u ekzekutuan ngas ish-dhëndri i tyre, ndërsa ngjarja nododhi rreth mesnatës të së henës pranë banesave të viktimave./albeu.com

The post Vrau babë e bir në Lezhë, autori i krimit pritet të shpallet në kërkim ndërkombëtar appeared first on Albeu.com.

Shërbimet e Seksionit të Kërkimit, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, bënë kapjen dhe arrestimin provizor, me qëllim ekstradimin drejt Italisë, të shtetasit Lulzim Halili, 42 vjeç, banues në Tiranë.

Ky shtetas ishte shpallur në kërkim ndërkombëtar, pasi Gjykata e Aostës, Itali, e ka dënuar me 13 vjet e 4 muaj burgim, për veprën penale “Pjesëmarrja në grup kriminal me qëllim trafikimin e lëndëve narkotike”.

Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e këtij shtetasi drejt Italisë./albeu.com

The post Në kërkim ndërkombëtar për trafik droge nga Italia, kapet në Tiranë 42-vjeçari appeared first on Albeu.com.

Njoftimi i policisë:

Dibër

Kapet dhe vihet në pranga një tjetër shtetas i shpallur në kërkim ndërkombëtar, me qëllim ekstradimi drejt Italisë.

Në hyrje të Pikës së Kalimit Kufitar Bllatë, shërbimet e Policisë Kufitare, si rezultat i masave të shtuara dhe shkëmbimit të informacionit me Strukturat hetimore të DVP Dibër dhe Interpol Tiranën, kanë ndaluar shtetasin e shpallur në kërkim ndërkombëtar:

Roland Farruku 45  vjeç, banues në Peshkopi, Dibër.

Gjatë përpunimit dhe verifikimit të të dhënave në sistem, ky shtetas ka rezultuar person i shpallur në kërkim ndërkombëtar nga autoritetet Italiane, pasi Gjykata e Ankonas,  e ka dënuar këtë shtetas me 11 vjet, 10 muaj e 25 ditë burg, për veprën penale “Trafik Narkotikësh”, parashikuar nga Kodi Penal Italian.

Në përfundim të  veprimeve të para hetimore, specialistët e Sektorit për Hetimin e Krimit në DVP Dibër bënë arrestimin provizor të këtij shtetasi, me qëllim ekstradimin e tij drejt Italisë./albeu.com

The post EMRI/ I shpallur në kërkim ndërkombëtar, kapet në Dibër 45-vjeçari i dënuar me më 11 vjet burg në Itali appeared first on Albeu.com.

Në pranga përfundoi Mariglen Përgjini, i cili ishte dënuar veprat penale “Vrasja me dashje”, “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake”.

Përgjini ishte shpallur në kërkim ndërkombëtar pasi Gjykata e Apelit Shkodër e ka dënuar me 18 vjet burg, nga të cilët i kanë mbetur për të kryer edhe 10 vjet, 4 muaj dhe 27 ditë burg, për veprat penale “Vrasja me dashje” dhe “Prodhimi dhe mbajtja pa leje e armëve luftarake”.

Gjithashtu ai është dënuar dhe nga Gjykata e Apelit Tiranë, me 3 vjet e 4 muaj burg, për veprën penale “Prodhimi dhe shitja e narkotikëve”.

Njoftimi:

FAST Albania – Finalizohet një tjetër bashkëpunim i suksesshëm ndërmjet FAST Albania dhe FAST Belgjika, për kapjen e personave të shpallur në kërkim ndërkombëtar.

Operacioni policor ndërkombëtar, i koduar “Avenue”, vë në pranga 36-vjeçarin nga Lezha, të dënuar për veprat penale “Vrasja me dashje”, “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake”.

Falë bashkëpunimit dhe shkëmbimit të informacionit në kohë, ndërmjet FAST Albania, FAST Belgjika dhe Interpolit të të dy vendeve, për vendndodhjen e shtetasit shqiptar në kërkim, është organizuar dhe finalizuar operacioni policor ndërkombëtar i koduar “Avenue”.

Në kuadër të këtij operacioni, në Bruksel, Belgjikë, bazuar në informacionet e dhëna nga FAST Albania, u bë e mundur kapja, nga FAST Belgjika, e shtetasit Mariglen Përgjini, 36 vjeç, lindur në Manati, Lezhë, i shpallur në kërkim ndërkombëtar. Ky shtetas përdorte një pasaportë të falsifikuar bullgare, me qëllim që t’i shmangej identifikimit nga shërbimet policore.

Shtetasi Mariglen Përgjini ishte shpallur në kërkim ndërkombëtar pasi Gjykata e Apelit Shkodër e ka dënuar me 18 vjet burg, nga të cilët i kanë mbetur për të kryer edhe 10 vjet, 4 muaj dhe 27 ditë burg, për veprat penale “Vrasja me dashje” dhe “Prodhimi dhe mbajtja pa leje e armëve luftarake”.

Gjithashtu ky shtetas është dënuar dhe nga Gjykata e Apelit Tiranë, me 3 vjet e 4 muaj burg, për veprën penale “Prodhimi dhe shitja e narkotikëve”.

Kapja e këtij shtetasi u bë falë bashkëpunimit 1-mujor ndërmjet njësive FAST Albania dhe FAST Belgjika, të cilat gjatë kësaj kohe kanë shkëmbyer informacione, në mënyrë të vazhdueshme, deri në kapjen dhe arrestimin e personit të kërkuar.

Vijon…

The post EMRI/ I shpallur në kërkim ndërkombëtar për vrasje, arrestohet 36-vjeçari në Lezhë appeared first on Albeu.com.