Ata pasohen nga shtetasit nga Maqedonia e Veriut me 602 aplikime, shtetasit nga Serbia me 481 aplikime, shtetasit nga Kosova me 304 alikime, nga Bosnjë Hercegovina me 142 aplikime, ndërsa numri më i vogël i aplikimeve për azil shëohet nga shtetasit e Malit të Zi me vetëm 23 persona.

Në janar të këtij vitit numri i kërkesave për azil nga shqiptarët në vendet e Bashkimit Evropian ishte rreth 900, nga të të cilët rreth 700 kërkesa për herë të parë dhe rreth 200 si kërkesa përsëritëse.
Edhe treguesit vjetorë të vitit 2022 të Agjencisë Evropiane për Azilin flisnin se në vendet e Bashkimit Evropain kishte dukshëm më shumë aplikantë nga Ballkani Perëndimor, veçanërisht Shqipëria, Maqedonia e Veriut, Serbia dhe Kosova.

Sipas raportit të Agjencisë në vitin 2022 u shënuan 13.043 aplikime për azil nga shtetasit shqiptarë nga 11,210 që ishin shënuar në vitin 2021 dhe 6.498 në vitin 2020.

Por në vitin 2022 numri i kërkesave për azil shënoi shifra rekord nga shtetasit shqiptarë, në Mbretërinë e Bashkuar ku u raportuan rreth 16 mijë aplikime për azil.

Raporti më i fundit i Agjencisë së Bashkimit Evropian për Azilin vlerëson se “në gjysmën e dytë të vitit 2022 dhe në fillim të 2023, një rritje e madhe e aplikimeve për mbrojtje ndërkombëtare po ndodh në Bashkimin Evropian nxitur nga konfliktet, trazirat politike dhe sociale, vështirësitë ekonomike dhe pasiguria ushqimore. “
Sipas raporti të sapo publikuar nga Agjencia e Bashkimit Evropian për Azilin (EUAA), vetëm në shkurt të këtij viti vendet e Bashkimit Evropain kanë regjistruar rreth 81mijë kërkesa për azil. Këtu nuk përfshihen shtetasit nga Ukraina ku sipas Raportit të Agjencisë mbi 4 milionë ukrainas aktualisht përfitojnë nga mbrojtja e përkohshme në BE.

Sipas raportit të Agjencisë evropiane për Azilin në shkurt të këtij viti shtetasit venezuelianë dhe kolumbianë paraqitën dy herë më shumë aplikime, karahasur me shkurtin e vitit të kaluar dhe në një numër të konsiderueshëm aplikuan edhe rusët dhe iranianët.

Aplikime nga rusët në shkurt ishin 2 100, të cilat janë trefishuar në krahasim me shkurtin e vitit të kaluar, si dhe iranianët me 1600 aplikime, të cilat janë dyfishuar krahasur me të njëjtën periudhë të vitit 2022.
Agjencia evropiane e Azilit vlerëson se në fund të muajit shkurt ishin 650. 000 aplikime në pritje të një vendimi të grumbulluara që prej vitit 2017.

Gjatë muajit shkurt vendet e Bashkmit Evropian u dhanë më shpesh statusin e refugjatit afganëve dhe u dhanë mbrojtje ndihmëse më së shpeshti sirianëve

Normat e njohjes për kombësitë e tjera mbetën kryesisht të qëndrueshme, duke përfshirë për sirianët (95%), iranianët (45%), pakistanezët (8%) , bangladeshët (4%) ndërsa për shtetasit shqiptarë dhe nga vendet e rajonit të Ballkanit nivelet e njohjes janë tejet të ulta.

The post Maqedonia e Veriut e para me kërkesat për azil në Evropë nga vendet e Ballkanit Perëndimor appeared first on Albeu.com.

Totali i aplikimeve për azil nga shqiptarët ishte në muajin tetor 1301, pasi 210 ishin aplikime përsëritëse. Sipas të dhënave të EASO-s shkalla e njohjes ishte vetëm 5% dhe 4279 raste mbeten në pritje për t’u shqyrtuar. Të dhënat e Agjencisë për Azil të Bashkimit Europian të përpunuara nga Zëri i Amerikës flasin se 10912 shtetas shqiptarë aplikuan për azil në vendet e Bashkimit Evropian nga janari në tetor të këtij viti. Sipas të dhënave 8956 kërkesa për azil ishin për herë të parë, ndërsa 1956 kërkesa ishin përsëritëse.

Krahasuar me vitin 2021 numri i azilkërkuesve shqiptarë në vendet e Bashkimit Evropian pritet të jetë këtë vit më i lartë. Në vitin 2021, nga Shqipëria aplikuan për azil rreth 11 mijë e dyqind persona, 77% e të cilëve e kishin aplikimin për azil për herë të parë.

Shqipëria ka nivelin më të lartë të azilkërkuesve ndër vendet e Ballkanit Perëndimor. Sipas Agjencisë evropiane për Azilin vendet e BE-së morën rreth 106900 kërkesa për azil vetëm në tetor 2022 ndërsa aplikimet për azil arritën një nivel të ri që nga viti 2016.

Agjencia e Azilit e Bashkimit Evropain vlerëson në raportin e saj të fundit se në tetor, aplikimet ishin në nivelin më të lartë të të gjitha kohërave për shtetësi të shumta, duke përfshirë turqit, tunizianët, marokenët dhe gjeorgjianët. Rusët dhe iranianët aplikuan më së shumti se këto vite vlerëson raporti i EASO-s. Sipas raportit autoritetet e azilit të Bashkimit Evropian lëshuan rreth 54000 vendime të shkallës së parë në tetor ndërsa hendeku midis vendimeve të nxjerra dhe aplikimeve të paraqitura ishte më i madhi që nga viti 2015.

Si rezultat, thuhet në raport, çështjet në pritje në shkallë të parë u rritën ndjeshëm në 578 300 në fund të tetorit, një nivel i ri që nga viti 2017. Shkalla e njohjes së Bashkimit Evropian mbeti në 37% në tetor. Normat e njohjes ishin veçanërisht të larta për ukrainasit, sirianët, eritreasit, bjellorusët, jemenasit etj./Zëri i Amerikës

The post Zëri i Amerikës: Kërkesat për azil të shqiptarëve mbeten të larta në vendet e Bashkimit Europian appeared first on Albeu.com.

Të dhënat e publikuara nga Eurostat tregojnë se në janar-shkurtr të këtij viti u shënuan gjithsej gati 2 mijë kërkesa për azil nga shtetasit shqiptarë në një nga vendet e Bashkimit Europian.

Kjo shifër është dy herë më e lartë sesa e njëjta periudhë e vitit 2021, kur aplikoheshin kufizimet e udhëtimeve, por mbetet rreth 20% më e ulët sesa në periudhën e para pandemisë.

Shteti më i preferuar për të kërkuar azil mbetet Franca, me gati gjysmën e aplikimeve në total, për shkak të politikave më sociale që ai ndjek ndaj emigrantëve. Drejt këtij shteti aplikimet u rritën me 130% në janar-shkurt në raport me dy muajt e parë të 2021-t.

Gjermani është vendi i dytë që pret më shumë aplikime, me 24% të totalit, me pothuajse trefishim në raport me një vit më parë. Shumë individë në Gjermani shkojnë edhe me leje pune dhe nuk figurojnë të regjistruar si azilantë.

Italia dhe Greqia, dy shtetet që më parë prisnin fluksin më të lartë të emigrantëve, tashmë renditen përkatësisht në vendin e tretë dhe të katërt.

Që pas pandemisë, fluksi më i lartë i kërkesave për azil u shënua në shtator 2021, me mbi 2 mijë aplikime. Më pas kishte një tendencë rënieje, por janari i këtij viti sërish pa një rritje të kërkesave për azil.

Europa

Sipas Eurostat, në shkurt 2022, 54 565 aplikantë për azil për herë të parë (qytetarë jo të BE-së) aplikuan për mbrojtje ndërkombëtare në Shtetet Anëtare të BE-së, 85% më shumë krahasuar me shkurtin 2021 (29 470) dhe 3% më shumë krahasuar me janarin 2022 (52 810).

Rritja nga janari në shkurt 2022 mund t’i atribuohet kryesisht rritjes së aplikantëve ukrainas për herë të parë (nga 355 në janar në 2 370 në shkurt; +568%).

Në shkurt 2022, afganët ishin grupi më i madh i personave që kërkonin azil (7 075 aplikantë për herë të parë).

Ata u pasuan nga sirianët (6 775), përpara venezuelianëve (4 205), kolumbianët (3 110) dhe ukrainasit (2 370)./monitor

The post Dyfishohen aplikimet për azil në janar-shkurt 2022, cili është destinacioni më i preferuar appeared first on Albeu.com.