A 32-year-old from Kërçova, identified as D.S., was arrested by police forces from the Kërçova station on September 9, 2026, around 3:10 a.m. He is suspected of committing the criminal offense of negligent driving of a motor vehicle, as stipulated under Article 297-a of the Criminal Code.

According to reports, the young man was behind the wheel of a “Volkswagen Golf” with local license plates when, at the roundabout on “Boris Kidriç” Street, he lost control and crashed into a concrete curb, ending up off the roadway.

During the accident management procedures, authorities discovered that D.S. was driving the car despite an active ban on his category B license. In addition, he refused to submit to an alcohol test. As announced by the Ministry of Internal Affairs, on the instruction of the public prosecutor, the car was seized and, after full documentation of the event, a corresponding indictment will be filed against the 32-year-old.

The post 32-year-old from Kërçova arrested after driving without a license and causing an accident on the Ohër–Kërçovë highway appeared first on Albeu.com.

Një 32-vjeçar nga Kërçova, i identifikuar si D.S., u arrestua nga forcat e policisë së stacionit të Kërçovës më 9 shtator 2026, rreth orës 03:10 të mëngjesit. Ai dyshohet se ka kryer veprën penale të drejtimit të pakujdesshëm të mjetit motorik, e parashikuar nga neni 297-a i Kodit Penal.

Sipas raportimeve, i riu ishte në timon të një veture “Volkswagen Golf” me targa vendase, kur në rrethrrotullimin e rrugës “Boris Kidriç” humbi kontrollin dhe u përplas me bordurën e betonit, duke përfunduar jashtë karrexhatës.

Gjatë procedurave të menaxhimit të aksidentit, autoritetet zbuluan se D.S. po e drejtonte makinën pavarësisht se ndaj tij ishte në fuqi një masë ndalimi aktiv për patentën e kategorisë B. Përveç kësaj, ai nuk pranoi t’i nënshtrohej testimit për alkool. Siç njoftoi Ministria e Punëve të Brendshme, me udhëzimin e prokurorit publik, makina u sekuestrua dhe pas dokumentimit të plotë të ngjarjes, ndaj 32-vjeçarit do të ngrihet aktakuza përkatëse.

The post Arrestohet 32-vjeçari nga Kërçova, u kap duke drejtuar pa leje dhe shkaktoi aksident në magjistralen Ohër–Kërçovë appeared first on Albeu.com.

Në Kërçovë, kazinotë, bastoret dhe zyrat për kredi të shpejta shfaqen pothuajse në çdo 200 metra. Sipas ligjit të ri, kazinotë dhe bastoret që disponojnë aparate elektronike për lojëra fati duhet të jenë të vendosura të paktën 500 metra larg institucioneve arsimore.

Megjithatë, në qytet disa prej këtyre bizneseve ndodhen vetëm 90 metra larg gjimnazeve “Drita” dhe “Mirko Milevski”, ndërsa të tjera janë gjithashtu brenda distancës së ndaluar prej 500 metrash. Për më tepër, ato kanë vendosur reklama të mëdha që bien në sy të të rinjve. E njëjta gjendje vërehet edhe në afërsi të disa shkollave fillore. Edhe pse ligji ka ndryshuar, në Kërçovë situata nuk ka pësuar asnjë ndryshim.

“Jemi përballë Gjimnazit të Kërçovës “Drita” dhe “Mirko Milevski”. Nxënësit, sapo dalin nga këto objekte, përballen me pamjen që ndodhet pas meje, vetëm 90 metra larg gjimnazeve. Në këtë godinë funksionojnë zyra për kredi të shpejta dhe bastore: në katin përdhes ndodhen bastoret, ndërsa në katet e sipërme janë kreditë e shpejta. Kur nxënësit dalin për të blerë ushqim apo diçka tjetër, reklamat e këtyre bizneseve u shfaqen përballë, edhe pse ligji përcakton qartë se bastoret duhet të jenë 500 metra larg objekteve shkollore. Në Kërçovë, ato vazhdojnë të veprojnë pa pengesë”, raporton gazetarja e TV21, Salije Sadiuku.

Gjatë vizitës së tij në Kërçovë, disa javë më parë, ambasadori i BE-së, Mihalis Rokas, deklaroi se prania e kazinove dhe bastoreve pranë shkollave është problem i përhapur në të gjithë vendin. Sipas tij, fondet e BE-së të vëna në dispozicion të qeverisë përmes agjendës reformuese mund të përdoren për të gjetur një zgjidhje.

“Mendoj se çështja që ngritët kërkon një angazhim kolektiv, pasi nuk është problem që kufizohet vetëm në Kërçovë. Fondet që i japim qeverisë dhe ato që janë në dispozicion përmes agjendës reformuese mund të shfrytëzohen për të gjetur një zgjidhje”, tha Mihalis Rokas, ambasador i BE-së në RMV.

Sipas të dhënave jozyrtare, në Kërçovë janë të regjistruara mbi 20 kazino dhe bastore me aparate elektronike, por numri real mund të jetë edhe më i madh. Në këtë qytet, një kazino ose bastore mund të haset pothuajse çdo 200 metra. /tv21

The post Në Kërçovë, bastoret dhe kazinotë vazhdojnë të funksionojnë pranë shkollave, pavarësisht kufirit 500-metërsh appeared first on Albeu.com.

Në paraqitjen para mediave, Faton Fazliu nga VLEN tha se BDI, ndonëse ka qëndruar 24 vite në pushtet dhe ka pasur nën kontroll institucionet kryesore, nuk ka arritur të zgjidhë një ndër shqetësimet më bazike për banorët e Zajazit, ndërtimin e një sistemi funksional të kanalizimit.

Ai theksoi se situata aktuale i lë qytetarët përballë një projekti të lënë përgjysmë, me kanale të hapura dhe gropa septike, ndërsa sipas tij dëmi për shtetin është në përmasa milionëshe dhe fondet e Bashkimit Evropian janë humbur.

VLEN iu referua të dhënave të publikuara për kallëzimin penal të dorëzuar nga Policia Financiare, ku ngrihen dyshime për keqpërdorime gjatë zbatimit të projektit për rehabilitimin dhe zgjerimin e rrjetit të kanalizimit në Kërçovë. Sipas këtyre informacioneve, dëmi i pretenduar ndaj buxhetit tejkalon 127 milionë denarë, ndërsa janë humbur rreth 9,47 milionë euro nga programi IPA.

Fazliu deklaroi se projekti nuk ka dështuar për mungesë mjetesh, pasi financimi kishte qenë i siguruar nga Bashkimi Evropian, por, siç tha ai, për shkak të “garancive bankare të dyshimta, angazhimit të nënkontraktorëve të paautorizuar dhe mungesës së kontrollit institucional”.

Po ashtu, VLEN ngriti pikëpyetje edhe për raportimet se në realizimin e projektit kanë marrë pjesë kompani të lidhura me Drin Ahmetin, nipin e Ali Ahmetit. Koalicioni kërkoi sqarim për rolin e tyre, shumën e kontratave, mënyrën si janë përzgjedhur dhe nëse kanë pasur autorizim nga institucionet përgjegjëse.

Nga Prokuroria Publike dhe Policia Financiare, koalicioni kërkoi zgjerim të hetimeve, publikimin e listës së plotë të nënkontraktorëve të përfshirë dhe verifikimin nëse mes personave përgjegjës dhe strukturave të BDI-së ka pasur lidhje politike, biznesore apo familjare.

“Banorëve të Zajazit nuk u duhen më arsyetime, por kanalizim. Ndërsa qytetarët meritojnë përgjigje për çdo denar të shpenzuar dhe përgjegjësi nga ata që kanë menaxhuar këtë projekt”, deklaroi Fazliu.

The post VLEN: Zajazi mbeti pa kanalizim edhe pas 24 vitesh qeverisje appeared first on Albeu.com.