Sipas saj, flakët po përparojnë drejt Mesopotamit dhe fshatrave që i përkasin Bashkisë Delvinë.

Zhupa bëri të ditur se vatra e rrezikshme u aktivizua paraditen e sotme dhe se, megjithëse strukturat vendore nisën ndërhyrjen që në orët e para, zjarri ende nuk është vendosur nën kontroll.

Në këto rrethana, deputetja demokrate kërkoi që pushteti qendror të angazhojë menjëherë të gjitha kapacitetet në dispozicion.

Ajo theksoi nevojën për shtimin e forcave zjarrfikëse në terren, përfshirjen e strukturave të Emergjencave Civile dhe të Forcave të Armatosura, si dhe kërkimin e ndihmës ndërkombëtare për ndërhyrje nga ajri, nëse kjo do të jetë e domosdoshme.

Zhupa deklaroi se avionët për shuarjen e zjarreve, të cilët sipas saj Edi Rama i ka premtuar çdo vit dhe që pretendohet se janë blerë vitin e kaluar nga Pirro Vengu, nuk ekzistojnë.

Për këtë arsye, ajo u bëri thirrje autoriteteve të përdorin pa vonesë të gjitha mjetet që kanë në dispozicion, duke paralajmëruar se çdo minutë e humbur favorizon përhapjen e flakëve.

Ajo kërkoi që të mos lejohet përsëritja e fatkeqësisë së vitit të kaluar në Delvinë, kur zjarret dogjën mijëra hektarë dhe shkaktuan pasoja të rënda për banorët, ekonominë dhe mjedisin, pasoja që, sipas saj, vazhdojnë të ndihen ende.

The post Zjarri kërcënon Finiqin dhe Delvinën, Zhupa apel qeverisë: Ndërhyni menjëherë, të mos përsëritet fatkeqësia e vitit të kaluar appeared first on Albeu.com.

Sipas tij, personi në fjalë po vijon qëndresën dhe ka paralajmëruar se mund t’i shkaktojë dëm vetes.

“I dyshuari vazhdon të kundërshtojë dhe na ka thënë: ‘Mos m’u afroni se do t’i jap fund jetës sime’,” njoftoi Ahmeti para gazetarëve.

Ai saktësoi se në përpjekjet për ta bindur që të dorëzohet nuk janë thirrur pjesëtarë të familjes, teksa uniformat blu kanë vendosur një rrethim të zgjeruar për të kontrolluar lëvizjet e tij dhe për të shmangur përshkallëzimin.

“Kemi ngritur një perimetër të gjerë për të izoluar pozicionin e tij”, shtoi Ahmeti, duke nënvizuar se bisedimet për dorëzim po udhëhiqen nga njësitet e specializuara të policisë.

Refit Buzi, 35-vjeç, akuzohet se ka ekzekutuar ish-vjehrrin, ka lënë të plagosur ish-vjehrrën dhe më pas ka rrëmbyer me dhunë ish-gruan e tij.

Gjurma hetimore kryesore përqendrohet te mosmarrëveshjet e lindura pas ndarjes së çiftit. Të dhënat fillestare sugjerojnë se 35-vjeçari nuk e pranonte ndarjen e kërkuar nga bashkëshortja e mëparshme, ç`ka dyshohet se ndikoi në shndërrimin e situatës në një tragjedi.

Paralelisht, hetuesit janë duke shqyrtuar edhe një pistë të dytë, e cila lidhet me raportet brenda familjes dhe pretendimet për çështje pasurore mes të përfshirëve.

Raportohet se Buzi ka banuar më parë në Britani dhe besohet se i çonte mbështetje financiare të bijës së tij.

Teksa operacioni për arrestimin e 35-vjeçarit vazhdon, autoritetet po hetojnë nëse këto konflikte luajtën rol në krimin e rëndë; autori ishte larguar nga skena pas goditjes.

Krimi ndodhi në orët e para të ditës në Vidhisht të Roskovecit, ku mbeti pa jetë Kosta Plaka dhe gruaja e tij, Belere Plaka, u lëndua. Ish-bashkëshortja e autorit mendohet se u mor me forcë dhe u zhduk nga vendi i ngjarjes.

The post Refit Buzi kërcënon se do të vetëvritet, policia zgjeron perimetrin e sigurisë – vijojnë përpjekjet për dorëzim appeared first on Albeu.com.

Pas paralajmërimit të lëshuar një ditë më parë, lideri i Shtëpisë së Bardhë deklaron se ka dhënë urdhër për të goditur për një periudhë një vjeçare duke shkatëruar krejt Iranin.

“1000 raketa janë të pozicionuara dhe gati për t’u lëshuar, të drejtuara ndaj Republikës Islamike të Iranit, ndërsa mijëra të tjera do të pasojnë menjëherë, nëse qeveria iraniane zbaton kërcënimin e saj, të shprehur në shumë pjesë të botës, për të vrarë ose për të tentuar të vrasë Presidentin në detyrë të Shteteve të Bashkuara të Amerikës – në këtë rast, MUA!

Urdhrat janë dhënë tashmë dhe Ushtria e Shteteve të Bashkuara është e gatshme, e vendosur dhe plotësisht e aftë, për një periudhë njëvjeçare, me mundësi zgjatjeje, që të shkatërrojë dhe të asgjësojë plotësisht çdo zonë të Iranit”, ka shkruar lideri amerikan.

The post Trump kërcënon sërish Iranin: 1 mijë raketa janë gati për t’u lëshuar nëse më vrisni! Urdhrat janë dhënë, do t’ju asgjesojmë plotësisht appeared first on Albeu.com.

Trump deklaroi se ushtria amerikane “nuk ka filluar ende të shkatërrojë atë që ka mbetur në Iran”, duke shtuar se objektivat e radhës mund të jenë infrastruktura kritike e vendit.

“Ushtria jonë, më e madhja dhe më e fuqishmja kudo në botë, nuk ka filluar ende të shkatërrojë atë që ka mbetur në Iran. Më pas vijnë urat, më pas centralet elektrike. Udhëheqja e re e regjimit e di se çfarë duhet bërë dhe duhet bërë shpejt!”, shkroi ai.

The post Trump kërcënon përsëri Iranin me sulme ndaj infrastrukturës: Regjimi i ri e di çfarë duhet bërë dhe duhet ta bëjë shpejt appeared first on Albeu.com.

Tensionet janë rritur ndjeshëm, pasi Irani ka ndalur pothuajse plotësisht lëvizjen e naftës në këtë korridor strategjik, pas sulmeve të SHBA-së dhe Izraelit të kryera dhjetë ditë më parë.

Si pasojë e situatës, çmimet e naftës në tregjet ndërkombëtare kanë arritur nivelin më të lartë të katër viteve të fundit.

Gjatë një deklarate për mediat në Florida të hënën, Trump paralajmëroi se Irani do të përballet me goditje të tjera nëse vazhdon të pengojë transportin e naftës.

Ai e përforcoi këtë mesazh edhe përmes një postimi në rrjetin social Truth Social, ku deklaroi se Shtetet e Bashkuara do ta godasin Iranin “njëzet herë më fort” se deri më tani.

“Nëse Irani bën diçka që ndalon rrjedhën e naftës në Ngushticën e Hormuzit, ai do të goditet nga Shtetet e Bashkuara njëzet herë më fort se sa është goditur deri tani. Do të shkatërrojmë objektiva që mund të eliminohen lehtësisht dhe që do ta bëjnë praktikisht të pamundur rindërtimin e Iranit si shtet. Vdekje, zjarr dhe tërbim do të bien mbi ta, por shpresoj dhe lutem që kjo të mos ndodhë”, shkroi Trump.

Ai shtoi gjithashtu se mbajtja e hapur e rrugës së transportit në Hormuz është një “dhuratë nga SHBA për Kinën dhe vendet e tjera që varen shumë nga kjo rrugë për furnizimin me naftë”.

Nga ana tjetër, Garda Revolucionare iraniane ka deklaruar se vendet arabe dhe ato evropiane do të lejohen të kalojnë nëpër ngushticë duke filluar nga e marta, por vetëm nëse ato dëbojnë ambasadorët e SHBA-së dhe Izraelit nga territori i tyre.

The post Trump kërcënon Iranin: Do t’i godasim 20 herë më fort nëse bllokohet rruga e naftës në Hormuz appeared first on Albeu.com.

Burimet pohojnë se Ardian Varrosi në gjendje të dehur, ka kërcënuar vajzën e tij se do ta vriste me thikë, ndërkohë që më herët e kishte dhunuar.

Vajza ka arritur të shpëtonte duke dalë nga banesa dhe ka kërkuar ndihmë te fqinjët. Këta të fundit kanë shkuar menjëherë në familjen Varrosi, atje ku kryefamiljari ka vijuar të kërcënonte edhe fqinjët.

Në vendin e ngjarjes mbërritën dy patrulla policore, të cilat bënë të mundur shmangien e përshkallëzimit të situatës.

Në momentet që policia mbërriti në vendin e ngjarjes, kryefamiljari është vetëqëlluar me thikë në qafë.

Ai është dërguar menjëherë në urgjencë, ku po merr ndihmë mjekësore. Burime nga spitali i Durrësit pohojnë se gjendja shëndetësore e tij, po mbahet në monitorim nga stafi mjekësor.

Ndërkohë, policia ka nisur hetimet e rastit.

Fillimisht, janë marrë në pyetje familjarët dhe pritet që me stabilizimin e gjendjes shëndetësore të kryefamiljarit t’i merret edhe atij dëshmia.

The post E rëndë në Durrës/ Babai kërcënon vajzën dhe më pas qëllon veten, zbardhet dinamika (EMRI) appeared first on Albeu.com.

Mediat e huaja shkruajnë se duke folur në një tubim pro-qeveritar në Teheran, Kalibaf e përshkroi përgjigjen e dhunshme të regjimit ndaj protestave masive anti-qeveritare si një “luftë kundër terrorizmit”. Kjo duke adoptuar plotësisht narrativën zyrtare të Teheranit për trazirat që tronditën vendin.

Sipas Kryetarit të Kuvendit, Irani po përballet me një luftë në katër fronte. Siç tha ai, kjo është një luftë ekonomike, psikologjike dhe ushtarake me Shtetet e Bashkuara dhe Izraelin, si dhe një luftë kundër terroristëve brenda vendit.

“Kombi i madh iranian nuk e ka lejuar kurrë armikun të arrijë qëllimet e tij”, tha Kalibaf, duke folur para një turme që dëgjoi parulla në persisht si “Vdekje Izraelit, Vdekje Amerikës”.

Në të njëjtën kohë, aktivistët dhe organizatat e të drejtave të njeriut flasin për më shumë se 540 protestues të vdekur, duke e quajtur represionin një masakër të kryer nën mbulesën e një ndërprerjeje të gjerë në internet dhe komunikime, gjë që e bën të vështirë konfirmimin e pavarur të informacionit.

The post Protestat në Iran/ Kryetari i parlamentit iranian kërcënon Trump: Nëse sulmon Iranin, do të jap një mësim të paharrueshëm appeared first on Albeu.com.

Sipas burimeve, personi i shoqëruar tashmë në komisariat ishte Gentian Mali dhe ka tentuar të hyjë në seancë, por roja nuk e ka lejuar.

Pas refuzimit, ai i është afruar rojës duke e ofenduar dhe kërcënuar me fjalët: “Ju jeni për t’u vrarë të gjithë”.

Ngjarja ka shkaktuar shqetësim të madh, ndërsa pritet që autoritetet të ndërhyjnë për të garantuar sigurinë e punonjësve të gjykatës dhe të gjithë personave të pranishëm në sallat gjyqësore.

The post Kërcënohet roja i Gjykatës së Apelit, arrestohet autori (EMRI) appeared first on Albeu.com.

Mësohet se mes Muçës dhe drejtorit të spitalit Renis Mullaj, ka patur një debat dhe pas kësaj, Mullaj ka shoqëruar për 5 orë Vulnet Mucën.

Policia ka nisur procedimin penal ndaj Vullnet Muca alias Muharremi për kanosje për shkak të detyrës.

Pëllumb Muharremi ishte një nga personat që mbeti i plagosur në atentatin e një ditë më parë tek mbikalimi i Shkozetit. Ai mban disa identitete dhe është dyshuar për ngjarje të ndryshme kriminale në Durrës dhe jo vetëm. Por ai lëvizte i lirë pasi akuzat ndaj tij nuk u provuan kurrë.

I skeduar disa herë për ngjarje të rënda kriminale Aleksandër Laho që mban edhe identitetin e Pëllumb Muharremit, nuk është një emër i panjohur për policinë.

The post Emri/ Vëllai i “Rrumit të Shijakut” kërcënon drejtorin e Spitalit të Durrësit appeared first on Albeu.com.

“…Të mbush barkun me plumba…”, – Këto kanë qenë fjalët që Muhamet Lana, i është drejtuar kolegut të tij polic, Partizan Lumi, i cili më parë ka shërbyer si agjent operacional pranë Drejtorisë së Qarkut Berat, por së fundi është transferuar polic Rendi në Komisariatin e Poliçanit.

Mësohet se shkak i konfliktit është bërë transferimi i agjentit Partizan Lumi nga Operacionalja e Drejtorisë së Beratit drejt komisariatit të Policisë Poliçan.

Ky largim i Lumit, ka afruar Muhamet Lanën në operacionalen e Beratit, i cili mësohet të jetë mik i ngushtë i zv/drejtorit të hetimit të krimeve në Drejtorinë e Beratit, Shkëlqim Xhezairaj.

Konflikti mes dy policëve të mësipërm, ka ndodhur përballë Drejtorisë së Policisë Berat, duke bërë që situata konfliktuale të përfundojë në dyert e Agjencisë së Mbikëqyrjes Policore, pasi Partizan Lumi, ka paraqitur një kallëzim penal dhe rasti tashmë është në verifikim e sipër.

Për këtë situatë është njoftuar dhe prokurori i gatshëm i Beratit, i cili pritet që në ditët në vijim të njihet me materialin referues që do përcjellin oficerët e AMP-së në prokurori.

The post Çmendet polici në Berat, nxjerr armën e shërbimit dhe kërcënon kolegun e tij që shërben në Poliçan (EMRI) appeared first on Albeu.com.