Donatella Banci Buonamici pranoi se kishte një mungesë totale të dhënash kundër tij, ndërsa u vu në dukje se kompania nuk do të kishte asnjë interes “ekonomik” për të mbështetur “praktikën” e çaktivizimit të frenave të urgjencës, sepse sezoni në fakt ende nuk kishte filluar. Për këtë arsye sipërmarrësi u la i lirë dhe u kthye në familjen e tij pas gati 4 ditësh të kaluara në burgun Verbania.

Tani Nerini, thotë avokati i tij, shpreson që “përgjegjësitë të identifikohen saktë”. Punonjësit e tjerë të kompanisë që menaxhon teleferikun në Mottarone së shpejti mund të regjistrohen në regjistrin e të dyshuarve. “Ne do të vlerësojmë në çfarë termash ata dinin në lidhje me përdorimin e kabujve”, tha pronari, dhe “ne do të vlerësojmë nëse ata kanë marrë pjesë me vetëdije ose nëse janë kufizuar në kryerjen e indikacioneve nga lart”.

The post Tragjedia me 14 viktima në Itali, menaxheri i teleferikut: Do dëmshpërblej familjarët! appeared first on Albeu.com.

Sipas mjekes, nuk dihen ende përfundimet ekzakte për shkak të traumës torakale dhe abdominale dhe frakturave në gjymtyrë. Fëmija është i shtruar në spitalin “Regina Margherita” dhe së shpejti do të transferohet në një repart spitalor.

Së bashku me Eitanin e vogël, përveç tezës Aya, është edhe doktoresha Marina Bertolotti, një psikologe e cila që kur u vendos që i vogli të zgjohej nga koma, ka punuar me ekipin e saj për të shmangur traumat tek fëmija pas zgjimit. Mjekët dhe familja do të vendosin se çfarë t’i thonë.

Sipas mediave italiane, Eitan, kishte shpëtuar nga përqafimi i fundit i babait të tij. Kjo u zbulua nga burime nga spitali “Regina Margherita” në Torino ku fëmija është i shtruar. Ai ka dëmtime shumë të rënda, por trupi i fortë i babait të tij mund të ketë zbutur goditjet.

Amit Biran ishte në teleferik me partneren e tij Tal Peleg dhe dy fëmijët e tyre. Tomi, dy vjeç vdiq menjëherë. Ndërsa, Eitan pesë vjeçar u gjet i gjallë. “Babai kishte një trup të fortë, mbase përqafimi i fundit instiktiv për ta mbrojtur atë nga vdekja e shpëtoi”, thonë ata nga spitali.

The post Vetëm 5 vjeç, zgjohet i mbijetuari i vetëm i tragjedisë me teleferik në Itali appeared first on Albeu.com.

Në një komunikim me gazetarët të hënën, prokurorja kryesore Olimpia Bossi tha se një nga hetimet mbi ngjarjen e rëndë do të përqendrohej te këputja e kabllos dhe te fakti se pse frenat e sistemit të teleferikut nuk punuan.

“Kabllo ishte në tokë, i këputur. Frenat e sistemit të sigurisë nuk funksionuan. Në të kundërt, kabina do të ishte ndalur ndërkohë që teleferiku tjetër ndaloi teksa ishte në fund të linjës. Pra, këto janë faktet, por arsyeja pse ndodhi është natyrshëm nën hetim,” tha Bossi, sipas Associated Press.

Në mesin e hetimeve janë “akuzat hipotetike”, tha ajo, si “vrasja e shumëfishtë”. Bossi shtoi më tej se akuzat për një “sulm ndaj transportit publik” mund të konsiderohen gjithashtu. Prokurorja theksoi se teleferiku duket si “një formë e veçantë” e transportit publik, në fakt i përshtatet përkufizimit.

Disa orë pas incidentit, u ngritën shqetësime mbi sigurinë e infrastrukturës së transportit të Italisë. Ministria e Transportit tha se sistemi i teleferikut ishte rinovuar në gusht të vitit 2016 dhe ishte kontrolluar totalisht për mirëmbajtjen në vitin 2017 si edhe ishin kryer inspektime të mëtejshme vitin e kaluar.

The post Vrasje e shumëfishtë? Marrin kthesë të papritur hetimet në Itali appeared first on Albeu.com.

Të hënën, mbetjet e teleferikut u mbyllën dhe teknikët filluan të ekzaminonin rrënojat.

Prokurorët në Milano thanë se ata kanë hapur një hetim në lidhje me ngjarjen. Hetuesit thane se, kanë sekuestruar edhe dokumentacionin teknik dhe të mirëmbajtjes së kompanisë operative.

Nga ana tjetër, një avokat për kompaninë, Ferrovie del Mottarone, tha se mirëmbajtja dhe kontrollet ishin kryer rregullisht.

Matteo Gasparini, kreu provincial i shërbimit të shpëtimit Alpine në Itali, tha se duket se kishte dy probleme të mëdha; prishja e kabllos dhe dështimi i frenave të urgjencës./albu.com

The post Nisin hetimet për shkakun e këputjes së teleferikut në Itali, dyshimet e para appeared first on Albeu.com.