Eden Hazard, një nga emrat më të njohur të futbollit belg, ka dhënë mendimin e tij për rivalitetin e shumëpërfolur mes Lionel Messit dhe Kylian Mbappe në garën për Këpucën e Artë.

Në Kupën e Botës 2026, beteja për këtë çmim po zhvillohet me ritëm të lartë, pasi disa prej yjeve të turneut kanë realizuar pothuajse në çdo takim.

Në krye të listës qëndron Messi me tetë gola, ndërsa pas tij renditen Mbappe dhe Haaland me nga shtatë secili. Harry Kane ka shënuar gjashtë gola.

Lidhur me këtë garë, Hazard tha se pëlqen futbollistët që sjellin spektakël dhe lëvizin me fantazi në fushë, megjithatë ai beson se në fund triumfues do të dalë sulmuesi francez.

“Ka ende shumë kandidatë në garë. Personalisht, unë preferoj një lojtar që argëton, driblon dhe kënaqet në fushë”, ka thënë fillimisht Hazard në një intervistë për Marca.

“Por në këtë Kupë Bote, jam i bindur se Mbappe do të përfundojë si golashënuesi më i mirë i turneut”, përfundoi ish-ylli belg.

Sa i takon fazës çerekfinale, Franca do të përballet me Marokun, Argjentina me Zvicrën, Norvegjia me Anglinë, ndërsa Belgjika dhe Spanjën.

The post Eden Hazard komenton duelin Messi-Mbappe për Këpucën e Artë dhe zbulon favoritin e tij appeared first on Albeu.com.

Në një prononcim për ESPN UK, ish-fituesi i Topit të Artë u pyet se cilët i sheh si dy favoritët e tij për ta mbyllur turneun në krye të listës së golashënuesve.

“Padyshim Mbappe, pastaj Vini Jr.”, u shpreh Kaka.

Zgjedhja e Kylian Mbappe si emri kryesor në këtë garë nuk shihet si surprizë. Sulmuesi francez e ka konfirmuar vazhdimisht veten në skenat më të mëdha të futbollit dhe deri në këtë pikë të Botërorit ka shënuar tre gola.

Falë shpejtësisë, nuhatjes para portës dhe lëvizjeve të tij, ai konsiderohet një nga sulmuesit më të vështirë për t’u kontrolluar, sidomos në përballjet me eliminim direkt.

Në të njëjtën kohë, edhe Vinicius Junior mbetet një emër me peshë në garën për “Këpucën e Artë”.

Braziliani ka realizuar dy gola me Kombëtaren e Brazilit dhe po merr gjithnjë e më shumë përgjegjësi në fazën sulmuese të “Seleçaos”.

Me depërtimet e tij të shpejta, aftësinë për të ndërtuar raste dhe saktësinë në finalizim, Vinicius vazhdon të shihet si një nga pretendentët më seriozë për çmimin e golashënuesit më të mirë të turneut, edhe në ndeshjet kur nuk arrin të shënojë.

Tashmë mbetet për t’u parë nëse njëri nga dy yjet e Real Madridit do ta justifikojë parashikimin e Kakas dhe do ta mbyllë Botërorin 2026 si golashënuesi më i mirë.

The post Kaka përcakton dy pretendentët kryesorë për “Këpucën e Artë” në Botërorin 2026, në fokus dy lojtarë të Real Madridit appeared first on Albeu.com.