Faza e 1/32-ave të Botërorit 2026 vijon mbrëmjen e sotme me tre ndeshjet e fundit të saj, teksa përballja e parë do të nisë në orën 20:00.

Në “AT&T Stadium” në Texas, Australia do të përballet me Egjiptin, në atë që konsiderohet sfida me më pak interes e kësaj faze.

Më pas, në orën 00:00, radha do t’i vijë Leo Messi me shokë, që do të zbresin në fushë ndaj surprizës së këtij Botërori, Kepit të Gjelbër. Kjo ndeshje do të luhet në “Hard Rock Stadium”, në Miami.

Për të mbyllur fazën e 1/32-ave, Kolumbia do të ndeshet me Ganën. Takimi i fundit i kësaj pjese të Botërorit do të zhvillohet në “Arrowhead Stadium” në Kansas City dhe starton në orën 03:30.

The post Australia-Egjipt hap mbrëmjen, Messi në skenë në mesnatë, mbyllet me Kolumbi-Ganë faza e 1/32-ave të Botërorit 2026 appeared first on Albeu.com.

Ishin debutuesit e Kepit të Gjelbër ata që goditën të parët në minutën e 21-të. Kevin Lenini realizoi një gol shumë të bukur nga goditja e dënimit, duke kaluar skuadrën e tij në avantazh me një ekzekutim që solli ndër mend legjendën braziliane Roberto Carlos.

Uruguai reagoi në fundin e pjesës së parë dhe gjeti barazimin në minutën e 44-t përmes Maximiliano Araujos, i cili u gjend në vendin e duhur brenda zonës. Më pas, në minutën e 6-të shtesë të pjesës së parë, Agustin Canobbio kompletoi përmbysjen për amerikano-latinët.

Megjithatë, Kepi i Gjelbër nuk hoqi dorë as në fraksionin e dytë. Një moment pakujdesie në prapavijën uruguaiane u shfrytëzua në maksimum nga Helio Varela, i cili përfitoi edhe nga dalja e nxituar e portierit Fernando Muslera për ta dërguar topin në rrjetë.

Në këtë mënyrë, surpriza e Kepit të Gjelbër vazhdon edhe në këtë edicion të Botërorit. Aktualisht, kjo përfaqësuese renditet në vendin e tretë me 2 pikë, po aq sa Uruguai, ndërsa ka 2 më pak se Spanja kryesuese.

Vlen të kujtohet se spanjollët triumfuan bindshëm ndaj Arabisë Saudite, duke i mposhtur me “manita”, 5-0.

GOLAT:

Goli i Lenini (Uruguai 0-1 Kepi i Gjelbër)

Goli i Araujo (Uruguai 1-1 Kepi i Gjelbër)

Goli i Canobbio (Uruguai 2-1 Kepi i Gjelbër)

Goli i Varela (Uruguai 2-2 Kepi i Gjelbër)

The post VIDEO/ Kepi i Gjelbër habit sërish në Botëror, debutuesit ndalin edhe Uruguain appeared first on Albeu.com.