Burimet e kabinetit kanë zbuluar se sekretari i nivelit të lartë, Michael Gove, ka paraqitur idenë për të strehuar viktimat e pastrehë të luftës në shtëpitë luksoze të oligarkëve rusë.

“The Sun” shkruan se javën e kaluar, 55-vjeçari i sanksionuar ka nxjerrë në shitje rezidencën e tij me 15 dhoma gjumi me një çmim prej 150 milionë paund. Kjo shtëpi dikur përdorej si ambasadë ruse.

Ndërkohë një apartament i tij në një ndërtesë 37-katëshe me vlerë rreth 30 milionë paund, tashmë është sekuestruar. Por jo vetëm kaq, pasi edhe një shtëpi gjashtëkatëshe në sheshin Eaton, të cilën ai e bleu për 28 milionë paund, gjithashtu është sekuestruar.

Nga ana tjetër, Britanisë së Madhe dhe BE-së mund t’i duhet të mirëpresin 15 milionë refugjatë ukrainas, nëse presidenti rus, Vladimir Putin, vazhdon fushatën e tij të përgjakshme të territorit.

Kombet e Bashkuara kanë frikë se numri i njerëzve të zhvendosur nga pushtimi gjithnjë e më brutal, do të jetë tre herë më i lartë se sa pritej.

Kjo vjen pasi qeveria e Mbretërisë së Bashkuar njoftoi se do të nisë Skemën e Spornsorizimit Lokal për Ukrainën.

“Pas pushtimit të Ukrainës, qeveria po linçon një skemë të re sponsorizimi për t’u siguruar që ukrainasit që janë detyruar të largohen nga shtëpitë e tyre të kenë një rrugë të sigurt në MB”, thuhet në faqen e internetit të qeverisë.

Gjithashtu u tha se britanikët që ofrojnë shtëpitë e tyre për ukrainasit, do të marrin një pagesë “falënderimi” prej 350 paund në muaj.

The post Së shpejti shtëpia e refugjatëve ukrainas! Kjo është rezidenca me vlerë 150 milionë paund e Abramovich (FOTO LAJM) appeared first on Albeu.com.