Që nga shpallja e pavarësisë së Kosovës, shumë shtete e kanë njohur shtetësinë e saj. Por, shumë të tjera, si në kontinentin afrikan, ende refuzojnë ta bëjnë këtë, për shkak të shqetësimeve për lëvizjet separatiste brenda shteteve të tyre.

Qysh në takimin e parë të mbajtur nga Unioni Afrikan (UA) këtë muaj, Maroku – që udhëheq presidencën e këtij institucioni për muajin mars – bëri thirrje për mbrojtjen e “integritetit territorial”, si mënyrë për të ruajtur stabilitetin në kontinent.

Njohja nga Kenia mund të sjellë një ndryshim të kësaj politike, duke nxitur që edhe shtete të tjera afrikane ta marrin të njëjtin vendim.
Gëzim Visoka, autor i librit “Çnjohja e shteteve”, thotë se, nëse institucionet angazhohen, kjo mund të jetë një “pikë kthese në favor të Kosovës”.

“Njohja nga Kenia paraqet një mundësi të mirë për qeverinë e Kosovës, por edhe për aktorët e tjerë të angazhuar, që të rikthejnë vrullin dhe të punojnë në mënyrë të qëndrueshme dhe strategjike për të përmbyllur procesin e njohjes ndërkombëtare të Kosovës”, thotë Visoka për Radion Evropa e Lirë.

Visoka, profesor i Studimeve për Paqe dhe Konflikt në Universitetin e Dublinit në Irlandë, thotë se, në të ardhmen, Kosova duhet të synojë 10 deri në 12 njohje brenda vitit.

Presidenti i Serbisë, Aleksandar Vuçiç, tha se njohja nga Kenia mund të nxisë një trend të njohjeve të Kosovës.

Ai tha se, personalisht, do të bisedojë me udhëheqës të Afrikës Lindore për të parandaluar “përhapjen e trendit [të njohjes së Kosovës]”.

Ai, gjithashtu, paralajmëroi se në dy javët e ardhshme do të ketë tërheqje të njohjeve të pavarësisë së Kosovës nga dy vende afrikane, por nuk i specifikoi.
Edhe në të kaluarën, Serbia ka njoftuar për tërheqje të njohjeve nga vende si: Surinami, Burundi, Liberia, Ishujt Solomon, Madagaskari, Gana e të tjera. Shumica prej vendeve për të cilat Serbia pretendon se kanë tërhequr njohjen, janë nga Afrika.

Visoka, më herët, i kishte cilësuar çnjohjet e pavarësisë së Kosovës si “akte të çrregullta”, që nuk kanë kuptim në rastin e Kosovës, pasi që arsyet e përmendura në njohjet fillestare – si konstatimi i 2010-tës i Gjykatës Ndërkombëtare të Drejtësisë se pavarësia e Kosovës nuk e shkel të drejtën ndërkombëtare – nuk kanë ndryshuar.

“Në shumicën e rasteve, çnjohjet ndodhin prej shteteve që janë kryesisht vende post-koloniale, pa traditë të gjatë diplomatike dhe që njihen për politikë të ndryshueshme të jashtme, që e ndërrojnë varësisht prej ndihmës financiare, ekonomike, bile edhe ushtarake, që marrin prej fuqive rajonale ose ndërkombëtare”, kishte thënë Visoka.

Ministria e Punëve të Jashtme dhe Diasporës (MPJD) e Kosovës e ka akuzuar Serbinë për presion ndaj shteteve për mosnjohjen apo tërheqjen e njohjes së pavarësisë së Kosovës.

Sipas saj, Serbia po shpërfill zotimet e Marrëveshjes për rrugën drejt normalizimit, që palët arritën në Ohër më 2023, përmes “refuzimit të njohjes së Kosovës dhe duke shtrembëruar parimet juridike ndërkombëtare”.

Pse ka nxitur reagime njohja nga Kenia?
Përveç shpresës nga Kosova dhe frikës nga Serbia se njohja e Kenias mund të nisë një trend të ri të njohjeve, njohja e Kenias në veçanti ka rëndësi.

Prej shteteve afrikane që e kanë njohur pavarësinë e Kosovës deri më tani, Kenia është shteti i dytë me bruto prodhimin e brendshëm më të madh, pas Egjiptit.

Pas zyrtarizimit të njohjes nga Kenia, presidentja e Kosovës, Vjosa Osmani, tha se gjatë takimit me presidentin e Kenias, William Ruto, diskutuan edhe për “mundësitë për thellimin e bashkëpunimit në tregti, arsim, turizëm dhe fusha të tjera me interes të përbashkët”.

“Të dyja vendet tona janë të përkushtuara për hapjen e misioneve diplomatike si një hap konkret drejt një partneriteti të fortë dhe të qëndrueshëm”, shkroi Osmani në X.

Deri më tani, roli i Kenias në Ballkan ka qenë i kufizuar në misionet paqeruajtëse të Kombeve të Bashkuara.

Por, në Afrikë, e veçanërisht në Afrikën Lindore, ky shtet gëzon një rol të rëndësishëm si fuqi rajonale, përmes pjesëmarrjes në projekte të ndryshme, si autostrada elektrike me Etiopinë dhe Rrjeti i Energjisë i Afrikës Lindore.

Kenia, gjithashtu, është anëtare themeluese e Komunitetit të Afrikës Lindore (EAC), kryesimin e së cilës tani e gëzon presidenti Ruto. Ajo ka luajtur disa herë rol kyç edhe në ndërmjetësimin e konflikteve brenda rajonit. Për shembull, më 28 mars, Kenia dërgoi ish-kryeministrin Raila Odinga në Sudanin Jugor, me synimin për të parandaluar rikthimin e luftës civile.

Pse nuk e njohin Kosovën më shumë shtete?
Që nga viti 2008, Kosova ka siguruar njohje nga gati 120 shtete. Në vitet e fundit, MPJD-ja është kritikuar nga opozitarë dhe njohës të politikës për mosangazhim për njohje të reja.

Visoka thotë se ka shumë arsye pse Kosova nuk ka siguruar më shumë njohje. Ndër to, kryesore janë “zhvendosja e prioriteteve të politikës së jashtme të Kosovës” dhe “fushata proaktive diplomatike e Serbisë për të parandaluar dhe, kur është e mundur, për të tërhequr njohjet e Kosovës”.

Sipas tij, ndikim ka pasur edhe Marrëveshja e Uashingtonit, e nënshkruar më 4 shtator 2021, kur Kosova është pajtuar që të respektojë një moratorium njëvjeçar, përmes së cilit, nuk do të aplikonte për anëtarësim në organizata ndërkombëtare.

“Kjo ka krijuar përshtypjen ndërkombëtare se Kosova nuk është më e interesuar për njohje të reja, ose se rruga për njohje duhet të kalojë përmes dialogut të ndërmjetësuar nga BE-ja për normalizimin e marrëdhënieve me Serbinë”, thotë Visoka.

Marrëveshja e Uashingtonit obligoi edhe Serbinë që të pezullonte iniciativën e saj për t’i bindur shtetet e ndryshme të botës që ta tërhiqnin njohjen e pavarësisë së Kosovës.

Visoka thotë se shumë shtete frikësohen se procesi i njohjeve mund të ketë efekte destabilizuese dhe t’i minojë interesat e tyre, “prandaj kanë prirje të ruajnë rendin ndërkombëtar ekzistues dhe t’i japin përparësi integritetit territorial ndaj së drejtës për vetëvendosje”.

Por, sipas tij, kjo gjë mund të ndryshojë, nëse shteti që kërkon njohje, si Kosova, angazhohet “me diplomaci proaktive” dhe “bashkëpunon ngushtë me aleatët e vet në botë”./ REL

The post Njohja e Kosovës nga Kenia, nxitje për shtete të tjera afrikane për t’iu bashkuar appeared first on Albeu.com.

“Republika e Kosovës mirëpret vendimin e Republikës së Kenias për ta njohur Kosovën si shtet të pavarur dhe sovran, nëpërmjet vendimit të nënshkruar nga Presidenti Ruto të dërguar zyrtarisht pak më parë në Presidencë”, shkroi Osmani në Facebook.

Pacolli, ish-zëvendëskryeministër i Kosovës, shkroi në Facebook se njohja u bë “në një ceremoni të jashtëzakonshme e të paharrueshme” më 26 mars. Pacolli e publikoi një fotografi nga ajo që tha se ishte ceremonia e nënshkrimit të njohjes. Në fotografi, Pacolli shihet duke qëndruar pranë presidentit të Kenias, William Ruto, teksa ai nënshkruan në një dokument.

Në vitet e fundit ka pasur një rënie të ritmit të njohjeve dhe shteti i fundit që e njohu ishte Izraeli në vitin 2021. Pacolli mori meritat për njohjen e vendit nga Kenia, duke thënë se “që nga viti 2009, unë personalisht kam lobuar dhe kam biseduar me autoritetet keniane për ta bërë këtë ditë realitet”.

“Kjo fitore nuk erdhi rastësisht. Ajo është fryt i një pune të gjatë, të palodhur, me përkushtim e sakrificë”, tha ai.

Presidentja Osmani tha se falënderim i veçantë për njohjen e Kosovës shkon edhe për Pacollin. Pacolli theksoi se presidenti i Kenias, William Ruto, i kishte premtuar atij njohjen e Kosovës qysh në vitin 2016

“Ai e vizitoi Kosovën në vitin 2019 dhe e ndjeu fuqinë dhe vendosmërinë e popullit tonë. Në vitin 2023, gjatë vizitës time në Nairobi, ai e bëri hapin e parë duke njohur pasaportat tona. Sot, në një ceremoni madhështore, ai e tha me zë të lartë: Kosova është shtet i njohur nga Kenia”, shtoi ai.

Ruto u takua me presidenten e Kosovës, Vjosa Osmani, tri herë gjatë vitit 2024, sipas Presidencës së Kosovës.

“Përgjatë këtyre viteve, kam zhvilluar disa takime të rëndësishme me të dhe në të cilat njohja e Kosovës ka qenë temë kryesore e diskutimeve. Presidenti Ruto vazhdimisht siguronte popullin e Kosovës se vendimi për njohje do të merret shpejt, bazuar në të drejtën ndërkombëtare dhe në sakrificën e gjatë të popullit tonë”, tha Osmani.

Osmani shtoi se marrëdhëniet në mes të Kosovës dhe Kenisë do të thellohen në fusha të ndryshme, “ndaj presim që shumë shpejt të vendosim marrëdhënie diplomatike, duke ndërtuar një partneritet të fortë dhe afatgjatë në mes dy shteteve dhe popujve tanë”.

Ndërkohë, Pacolli i bëri thirrje Qeverisë së Kosovës të vendosë marrëdhënie diplomatike me Kenian dhe të hapë një Ambasadë të përbashkët me Republikën e Shqipërisë në Nairobi. Pacolli ka mbajtur disa role të larta në Kosovë në të kaluarën, përfshirë si president nga shkurti deri në prill 2011, zëvendëskryeministër nga viti 2011 deri në vitin 2014, si dhe si zëvendëskryeministër dhe ministër i Jashtëm nga viti 2017 deri në vitin 2020./ REL

The post Kenia njeh pavarësinë e Kosovës, Osmani: Presim që shumë shpejt të vendosim marrëdhënie diplomatike duke ndërtuar një partneritet të fortë appeared first on Albeu.com.

Në njoftim thuhet se shpallja e pavarësisë së Kosovës më 17 shkurt 2008, mori miratimin e Gjykatës Ndërkombëtare të Drejtësisë (GJND) në vitin 2010.

“Kenia e ka njohur Kosovën në interes të paqes dhe sigurisë ndërkombëtare, integritetit territorial dhe në avancimin e forcimit të marrëdhënieve me vendet e Ballkanit”, ka njoftuar Ministria e Jashme e Kenias përmes një postimi në platformën “X”.

Tutje në njoftim thuhet se Presidenti i Kenias William Ruto, ka pritur sot më pallatin shtetëror në Nairobi, Behgjet Pacolli, i dërguar special të Presidentes së Kosovës Vjosa Osmani.

Njohja nga Kenia është e para për Kosovën në katër vjetët e fundit.

Ish-presidenti i Kosovës, Behgjet Pacolli, ishte i pari që njoftoi për njohjen e vendit nga Kenia, para se presidentja e tanishme, Vjosa Osmani, të konfirmonte zyrtarisht se ka pranuar njohjen nga homologu i saj kenian, William Ruto.

“Republika e Kosovës mirëpret vendimin e Republikës së Kenias për ta njohur Kosovën si shtet të pavarur dhe sovran, nëpërmjet vendimit të nënshkruar nga Presidenti Ruto të dërguar zyrtarisht pak më parë në Presidencë”, shkroi Osmani në Facebook.

Të mërkurën në mbrëmje, kryeministri i Kosovës, Albin Kurti, tha se i falënderon Osmanin dhe Pacollin për rolin e tyre, “krahas edhe të gjithë atyre që kontribuuan në këtë arritje”.

Pacolli, ish-zëvendëskryeministër i Kosovës, shkroi në Facebook se njohja u bë “në një ceremoni të jashtëzakonshme e të paharrueshme” më 26 mars.

The post Kenia njofton zyrtarisht se ka njohur Kosovën shtet appeared first on Albeu.com.

Autoritetet paralajmërojnë se bilanci i viktimave mund të rritet edhe më tej, pasi shumë fëmijë të tjerë janë dërguar në spitalet pranë në gjendje të rëndë dhe me djegie të shumta.

Ngjarja ndodhi në një shkollë fillore në Edarasha, teksa arsyet e zjarrit janë ende të paqarta.

Ekipet e Kryqit të Kuq shkuan menjëherë në zonë për t’iu ofruar ndihmë nxënësve, mësuesve dhe familjeve të prekura nga kjo tragjedi e rëndë.

The post Tragjike/ Zjarri shkrumbon shkollën, humbin jetën 17 nxënës appeared first on Albeu.com.

10 viktima konfirmohen deri tani, pas të shtënave jashtë parlamentit, ndërsa këta të fundit i kanë vendosur zjarrin.

Të paktën dy trupa janë parë të shtrirë në tokë, sipas CNN. Deputetët për të shpëtuar janë strehuar në bodrumin e Parlamentit.

Keniasit po protestojnë për një projekt-ligj të ri financiar që paraqet propozime jopopullore tatimore që kanë tërhequr shumë zemërim në të gjithë vendin.

Projektligji i diskutueshëm, i cili ka dispozita që shihen si ngarkesa shtesë për qytetarët dhe bizneset e zakonshme, ka ngjallur një protestë të madhe nga një popull tashmë i ngarkuar me një kosto të lartë jetese.

Ajo ka shkaktuar protesta të udhëhequra nga të rinjtë, të cilat, megjithëse kryesisht paqësore, kanë çuar në të paktën një vdekje dhe qindra të plagosur, si dhe arrestime – të gjitha këto janë dënuar nga avokatët dhe grupet e të drejtave të njeriut.

Qeveria ka hedhur poshtë disa nga propozimet e diskutueshme, por ka bërë pak për të qetësuar zemërimin publik. Shumë tani duan që i gjithë projektligji të anulohet.

The post Ç’po ndodh në Kenia? Protestuesit i vënë flakën Parlamentit, vriten 10 persona appeared first on Albeu.com.

E reja u dhunua brutalisht më 13 gushtit 2022 dhe ra në gjendje kome, por humbi jetën disa javë më vonë në një spital në Kenia.

Prokuroria shqiptare vijon në pritje të letërporosive nga autoritetet keniane, por pa rezultat edhe pse kanë kaluar 1 vit e 2 muaj nga kërkesa e dërguar.

Prokuroria e Tiranës, ka dërguar letërporosi Kenias në shkurt 2023 dhe i ka kërkuar që t’i vërë në dispozicion autopsinë që i është bërë 22-vjeçares në morgun e spitalit ku ndërroi jetë, por edhe të marrë në pyetje nënën e vajzës keniane ku do t’i përgjigjet disa pyetjeve lidhur me ngjarjen, por edhe për disa sende të Joyt, si laptopi të cilin Ruth Abongo e ka marrë me vete në Kenia.

Edhe vetë nëna e Xhoit prej kohësh i ka dërguar email autoriteteve keniane lidhur me letërporosinë, por ende nuk i kanë kthyer përgjigje.

Po ashtu, News 24 është kontaktuar nga nëna e vajzës keniane. Ruth Abongo deklaron se pak kohë më parë, një adresë me emër “fake” në facebook e quajtur “bashkia” i ka shkruar Ruth Abongos duke iu prezantuar si një “agjenci” që po investigon çështjen e Xhoit duke i thënë se po kryejnë hetime për vrasjen me qëllimin që të bëhet drejtësi.

Kjo adresë “fake” e pyet Ruth Abongon se ku dyshon për autorin dhe i përmend shoferin e kazinosë nëse është i përfshirë në krim, Ruth Abongo i thotë që po.

Më pas, adresa anonime i shkruan se shoferi mund të jetë shtyrë edhe nga persona të tretë, dikush që ka njohur qëllimet e tij ndaj Xhoit.

Në fund i thotë që do përpiqen të konfirmojnë teorinë e tyre, sa më shpejt lidhur me të vërtetën. Nëna e vajzës nuk i beson për identitetin dhe qëllimin dhe mundohet ta marrë me video kamera këtë adresë, por kjo adresë ia bllokon telefonatën dhe mbyllet fare si account në facebook.

Sipas nënës së Xhoit, ajo dyshon se personi që i shkroi në këtë adresë mund të jetë një nga autorët, bashkëpunëtorët apo ndonjë i penduar i përfshirë në ngjarjen e rëndë.

Nuk përjashtohet as mundësia që mund të jetë ndonjë tentativë, për të penguar dhe devijuar hetimet apo për të marrë informacion, rreth çështjes nga nëna e Xhoit.

Kujtojmë se që prej 14 gushtit të vitit 2022, vajza nga Kenia u shtrua për kurim në spitalin e Traumës, pasi u dhunua brutalisht dhe u hodh nga kati i dytë i banesës ku jetonte në rrugën “Pandeli Evangjeli” në Tiranë.

Pas 6 muajsh në spital, Xhoi u kthye në vendin e saj në Kenia aty ku edhe ndërroi jetë në spitalin Keniatta.

Rasti i dhunimit të 22-vjeçares, solli në Tiranë edhe përfaqësues të ambasadës keniane në Itali. E reja punonte në një kazino të Tiranës ku jetonte prej kohësh, së bashku me disa shoqe të saj nga Kenia.

The post Dhuna për vdekje ndaj vajzës keniane në Shqipëri/ Nëna e saj kontaktohet nga adresa “fake”: Dyshoj të jetë një nga autorët (mesazhet) appeared first on Albeu.com.

Kreu i policisë së Nakuru, Samuel Ndanyi tha se numri viktimave mund të rritet teksa numri të zhdukurve është i konsiderueshëm. Përmbytjet vdekjeprurëse erdhën si pasojë e shembjes së një digë ne Kenia.

Më herët sot, Kryqi i Kuq Kenyan tha se kishte zhvendosur disa njerëz në objektet shëndetësore në Mai Mahiu për shkak të përmbytjeve.

Fotografitë e postuara në llogaritë e platformës X të mediave keniane, Kryqit të Kuq të Kenias dhe agjencisë së autostradave tregojnë pasojat e përmbytjeve me pemë të thyera dhe një makinë të ngecur në baltë.

Një rezident tha për rrjetin ‘Nation Africa’ se masa e madhe e ujit kishte marrë me vete rreth dhjetë shtëpi dhe shumë njerëz besohet se janë të bllokuar në baltë. Shumica e viktimave dhe të plagosurve janë dërguar në spitalin e Naivasha.

Zyrtarët thanë se grupet e shpëtimit ende po kërkojnë në rrënojat e shtëpive të shembura nga balta. Deputeti zonës Naivasha MP Jayne Kihara tha se ende nuk është llogaritur masa e dëmeve dhe e viktimave, por operacionet e shpëtimit vijojnë.

Drama e digës Kijabe Dam, në rajonin Mai Mahiu vjen pas një seri përmbytjesh prej reshjeve të shumta e të papritura në Kenia.

The post Të paktën 42 të vdekur nga përmbytjet në Kenia appeared first on Albeu.com.

Sipas një raporti të Science Times, shpella më vdekjeprurëse në botë Kitum, e vendosur në Parkun Kombëtar Mount Elgon në Kenia, mund të shkaktojë pandeminë e ardhshme.

Shpella doli të ishte shtëpia e disa prej viruseve më vdekjeprurëse në historinë njerëzore. Virusi Ebola dhe virusi Marburg u raportuan se kishin filluar atje.

Tani, ekspertët shqetësohen se mund të jetë shtëpia e pandemisë së ardhshme – virusi Marburg, Organizata Botërore e Shëndetësisë lëshoi ​​një paralajmërim, duke deklaruar se virusi Marburg ishte “i prirur ndaj epidemisë”.

Sipas raportit, Marburg është një “sëmundje shumë virulente që shkakton ethe hemorragjike”. Sëmundja ul kapacitetin funksional të trupit dhe dëmton sistemin kardiovaskular.

Me një shkallë vdekshmërie deri në 88 për qind, virusi lidhet me virusin që shkakton Ebola.

Lakuriqët e natës, të cilët janë të përhapur në të gjithë Afrikën Qendrore, gjithashtu mund të përhapin virusin nga personi në person duke kontaktuar me lëngjet e trupit të një personi të infektuar.

Përveç kësaj, sëmundja mund të transmetohet te njerëzit e tjerë duke prekur peshqirët ose objekte të tjera që kanë rënë në kontakt me një individ të infektuar.

Veçanërisht, virusit i duhen të paktën tre javë për t’u “intubuar” përpara se një pacient të fillojë të shfaqë simptoma.

The post Pandemia e ardhshme mund të shkaktohet nga kjo shpellë në Kenia appeared first on Albeu.com.

Lajmin e ka bërë të ditur një zëdhënës i qeverisë ditën e sotme (E enjte).

Sipas policisë, pesë persona që ndodheshin në helikopter kanë vdekur ndërsa tre kanë shpëtuar me plagë. Tre të mbijetuarit e plagosur janë transportuar me helikopter në spital.

Komandanti i Qarkut Elgeyo Marakwet Peter Mulinge konfirmoi incidentin, duke shtuar se avioni fatkeq ishte në mesin e tre helikopterëve që po largoheshin nga zona e Cheptulel. Ishte i pari që u ngrit përpara uljes së përplasjes disa minuta më vonë. Sipas shefit të policisë së qarkut, KDF ka rrethuar vendin e aksidentit. Zëdhënësi i qeverisë Isaac Mwaura ka thënë gjithashtu në mediat sociale se një deklaratë do të lëshohet së shpejti.

The post Kenia/ Rrëzohet një helikopter ushtarak, 5 persona të vdekur dhe 3 të plagosur appeared first on Albeu.com.

POSTIMI I HASANIT:

Shqipëria do të ketë së afërmi përfaqësitë e saj diplomatike edhe në Kenia, Indi e Indonezi, duke forcuar kështu pasaportën shqiptare në botë. Në Këshillin e Ministrave, sot miratuam hapjen e ambasadave në këto 3 shtete, nisur nga objektivat strategjike afatmesme dhe afatgjata, të nxitur nga kërkesa e vazhdueshme, për të qenë edhe më efektivë në marrëdhëniet ndërkombëtare.

Kjo nismë u mor nga Ministria për Evropën dhe Punët e Jashtme, duke vlerësuar kontributin dhe peshën specifike që çdo vend projekton në arenën ndërkombëtare dhe rolin gjithnjë e më të madh të Shqipërisë në organizmat ndërkombëtarë.

Turizmi dhe zgjerimi i hartës së lëvizjeve të shtetasve shqiptarë për qëllime turistike, është një tjetër argument, mbi të cilin MEPJ u mbështet për propozimin e hapjes së 3 përfaqësive të reja. Pas vendimit të sotëm, numri i përfaqësive shqiptare në botë shkon në 60, ndër të cilat 44 ambasada, 9 konsullata të përgjithshme dhe 9 misione të përhershme.

The post Këshilli i Ministrave ka miratuar hapjen e ambasadave shqiptare në Kenia, Indi dhe Indonezi appeared first on Albeu.com.