Për t’i zbutur këto simptoma, më me dëshirë shpejt të shkojmë deri te barnatorja për të blerë ilaçin i cili mund të na ndihmojë.

A e keni ditur që pikërisht kjo gjë është një ndër gabimet e mëdha të cilat mund t’i bëni kur sëmureni?

Në shumicën e rasteve, bëhet më shumë dëm se dobi, thekson farmacisti Abbas Kanani.

– Shumica e njerëzve që në shfaqjen e parë të simptomave të ftohjes shkojnë në barnatore për të blerë ilaçin. Mirëpo, ky është një gabim i madh, sepse nuk ka kurrfarë lidhjeje a do të filloni menjëherë të shëroheni apo vetëm kur të bëhen më të forta simptomat. Rezultatet janë të njëjta, thjesht ftohja duhet të kalojë vetvetiu – ka shpjeguar farmacisti.

Në fakt, esenca është që ilaçet nuk e shërojnë ftohjen. Ato vetëm i zbusin simptomat që i keni.

– Nuk ka shumë ndryshime kur filloni të merrni ilaçe të ftohjes, sepse ato nuk kanë asnjë efekt në natyrën e vetë virusit, i cili do të përparojë pavarësisht nëse i keni marrë apo jo. Të gjitha janë vetëm lehtësim simptomatik – shpjegoi Kanani, i cili shton se ftohja klasike zgjat mesatarisht deri në 10 ditë.

Një tjetër nga gabimet më të shpeshta është përdorimi i antibiotikëve të vjetër. Ata gjithashtu nuk mund të ndihmojnë në trajtimin e ftohjes, dhe përveç kësaj, konsumimi i antibiotikëve që keni përdorur për trajtimet e mëparshme mund të jetë i rrezikshëm.

– Shumica e ftohjeve shkaktohen nga viruset, jo nga bakteret, ndaj nuk ka absolutisht nevojë për të marrë antibiotikë, por disa njerëz do të vendosin të marrin antibiotikë që u kanë mbetur nga më parë dhe shpesh ndodh që t’i huazojnë nga familja apo miqtë. E kam parë shumë herë. Mos e bëj këtë. Është vetëm një ftohje, thjesht një infeksion viral, do të kalojë – thotë farmacisti dhe paralajmëron marrjen e pamjaftueshme të lëngjeve.

– Hidratimi dhe ushqyerja e duhur janë jashtëzakonisht të rëndësishme për shëndetin tuaj, dhe janë veçanërisht të rëndësishme kur jeni të ftohur. Domethënë, dehidrimi do t’ju rëndojë edhe më shumë, sepse trupi juaj duhet të punojë shumë më shumë kur nuk është i hidratuar. Prandaj sigurohuni që të pini mjaftueshëm lëngje. Po kështu, kini kujdes ushqimin tuaj, sepse edhe pse mund të keni një oreks më të dobët kur jeni të sëmurë, mos i anashkaloni rastësisht vaktet sepse kjo vetëm do t’ju bëjë të ndiheni më keq – përfundoi Kanani

The post Të gjithë e bëjmë këtë kur jemi të ftohur dhe nuk e dimë se po bëjmë një gabim të madh appeared first on Albeu.com.

Burrat e duan kondicionerin, por gratë shpesh dridhen. Për 50 vitet e fundit, cilësimet e ajrit të kondicionuar në ndërtesat tona kanë ndjekur standardin e famshëm dhe seksist ’55’.

Së pari, shkalla e metabolizmit ndryshon jashtëzakonisht, në varësi të gjatësisë, peshës, gjendjes fizike, llojit të punës dhe natyrisht, gjinisë.

Femrat zakonisht kanë gjatësi dhe peshë më të ulët dhe përqindje më të lartë të yndyrës në trup sesa meshkujt. Në fakt, studiuesit modernë mendojnë se gratë nxjerrin rreth një të tretën më pak nxehtësi se burrat, dhe kështu nuk kanë nevojë për aq shumë ftohje.

Problemi i dytë është gjithashtu i dukshëm. Gratë kanë tendencë të veshin veshje më të lehta dhe të ekspozojnë më shumë lëkurë. Në një zyrë nuk shihni shpesh gjunjët e zhveshur të një mashkulli.

Burrat marrin zyrat më tërheqëse në qoshe me shumë xham dhe pamje të mrekullueshme, ndërsa gratë janë grumbulluar më shumë drejt qendrës së ndërtesës. Në verë, burrat që qëndrojnë në qoshe te zyrat duan që kondicioneri të funksionojë më i ftohtë.

Një faktor tjetër është se ajri është zakonisht më afër qendrës së ndërtesës. Gratë e veshura hollë janë drejtpërdrejt në shpërthimin e ajrit të ftohtë që derdhet nga vrimat e ventilimit. Dhe kjo çon në situatën ku ndonjëherë gratë duhet të ndezin ngrohëset, në mes të verës, në mënyrë që të mos dridhen vazhdimisht.

The post Keni ftohtë në zyrë? Studimi: Standardet e ajrit të kondicionuar janë seksiste appeared first on Albeu.com.