Gjatë një interviste në emisionin “The 2Night Shoë”, artistja tregoi se ishte rritur me bindjen se zbulimi i prejardhjes së saj mund t’i kushtonte mundësitë për të ndërtuar një karrierë të suksesshme në industrinë muzikore greke.

“Kur rritesh me këtë ndjenjë, frika bëhet pjesë e jotja. Mendoja se, nëse do të thosha se jam shqiptare, nuk do të trajtohesha njësoj si të tjerët dhe nuk do të më jepej e njëjta mundësi për të ecur përpara. Kështu e përjetoja realitetin në atë kohë”, u shpreh ajo.

Foureira ndau edhe kujtime të dhimbshme nga ajo periudhë, duke treguar se paragjykimet nuk e lëndonin vetëm atë, por edhe familjen e saj.

Ajo kujtoi se nëna e përqafonte shpesh mes lotësh, e tronditur nga komentet dhe sjellja me të cilën përballej vajza e saj.

“Mbaj mend që më përqafonte dhe qante, duke më thënë: ‘Vajza ime, çfarë të kanë bërë? Ti nuk ke bërë asgjë’”, rrëfeu këngëtarja.

Megjithatë, theksoi se mbështetja e njerëzve më të afërt dhe besimi te vetja e ndihmuan të mos hiqte dorë nga ëndrra e saj. Me kalimin e viteve, publiku e pranoi dhe e vlerësoi për talentin dhe punën e saj, pavarësisht origjinës.

Në intervistë, Foureira foli edhe për jetën personale, duke kujtuar mënyrën se si nisi historia e dashurisë me partnerin e saj, ish-futbollistin Alberto Botia.

Ajo tregoi se e kishte parë për herë të parë rreth dhjetë vjet më parë, kur ai, në atë kohë lojtar i Olympiacosit, kishte shkuar në lokalin ku ajo performonte pas një fitoreje të skuadrës.

“Kur e pashë, mendova: ‘Sa i pashëm është! Mos është aktor apo model?’. Nuk e dija fare kush ishte”, tha me humor.

Pak kohë më vonë, Botia i shkroi në Instagram për ta uruar për performancën. Bisedat mes tyre vazhduan, u takuan dhe lidhja e tyre nisi në mënyrë krejt natyrshme.

“Në nëntor mbushim 10 vjet bashkë”, zbuloi artistja.

Çifti janë prindër të një djali, Hermes, i cili erdhi në jetë në shkurt të vitit 2023, dhe vazhdojnë të konsiderohen si një nga çiftet më të dashura dhe më të ndjekura të showbiz-it grek.

The post VIDEO/ Eleni Foureira rrëfen për herë të parë frikën që kishte nga origjina e saj shqiptare: Mendoja se do të më mbylleshin dyert appeared first on Albeu.com.

Sipas listës së publikuar nga Genius, suksesi i artistes shtrihet në më shumë se dy dekada karrierë, duke përfshirë hitet e saj më të mëdha solo, por edhe bashkëpunimet që kanë lënë gjurmë në historinë e muzikës pop.

Në krye të renditjes qëndron hiti legjendar We Found Love me mbi 2.5 miliardë dëgjime, i ndjekur nga This Is What You Came For me më shumë se 2.3 miliardë dhe klasiku Umbrella që ka kaluar shifrën e 2.2 miliardë dëgjimeve.

Në listën e hiteve më të dëgjuara renditen edhe baladat ikonike si Love on the Brain, Stay dhe Diamonds, të cilat vazhdojnë të mbeten ndër këngët më të pëlqyera të artistes.

Po ashtu, sukses të jashtëzakonshëm kanë shënuar edhe këngët ritmike që dominuan skenat muzikore botërore si Only Girl (In the World), Don’t Stop the Music, S&M dhe Work, të gjitha me më shumë se 1.7 miliardë dëgjime.

Rekordi historik u kompletua edhe nga bashkëpunimet e njohura me Eminem në këngët The Monster dhe Love the Way You Lie, si dhe nga projektet Wild Thoughts, FourFiveSeconds dhe Too Good.

Ndërkohë, këngët që së fundmi kaluan pragun e një miliard dëgjimeve dhe vulosën këtë arritje të jashtëzakonshme janë Disturbia, Pon de Replay dhe Bitch Better Have My Money.

Ky rekord konfirmon edhe një herë ndikimin e jashtëzakonshëm të Rihanna-s në muzikën globale, duke e vendosur atë mes artisteve më të suksesshme të të gjitha kohërave në epokën e transmetimit digjital.

The post Rihanna vendos rekord historik në Spotify, bëhet gruaja e parë me ngjyrë me 20 këngë mbi 1 miliard dëgjime! appeared first on Albeu.com.

Përfaqësuesja e Polonisë, Alicja Szemplińska e gjeti veten në qendër të një klipi që u bë viral pas një ndërveprimi të pazakontë me një gazetare.

Ndërsa po ecte në tapet përpara konkursit për të promovuar këngën e saj “Pray”, Alicja u afrua nga një gazetare e medias izraelite EuroMix.

Ndërveprimi i tyre i shkurtër u bë pothuajse menjëherë viral.

Gazetarja e pyeti këngëtaren nëse kishte një mesazh për fansat e saj në Izrael.

Pas një momenti heshtjeje dhe një vështrimi, Alicja thjesht pëshpëriti: “Faleminderit” dhe u largua.

Klipi u përhap me shpejtësi në TikTok dhe platformën X. Disa komentuan se shumë interpretues ndoshta kishin marrë udhëzime të rrepta nga stacionet e tyre televizive kombëtare për të shmangur pyetjet që nuk lidhen me muzikën, me qëllim që të parandaloheshin polemikat

The post Iu kërkua të jepte një mesazh për fansat në Izrael, përfaqësuesja e Polonisë në Eurovison largohet pa përgjigje appeared first on Albeu.com.

Në një video të publikuar në rrjetet sociale, ajo ka konfirmuar lajmin e shtatzënisë, duke emocionuar fansat që e ndjekin prej kohësh. Në pamjet e shpërndara, Xheisara shfaqet në një atmosferë të ngrohtë dhe familjare, duke lënë të kuptohet se kjo periudhë është e mbushur me gëzim dhe pritje pozitive për të dhe familjen e saj.

Sipas asaj që ka ndarë vetë në rrjetet sociale, bebja që po pret është vajzë, duke e bërë këtë moment edhe më të veçantë për të dhe të afërmit e saj. Lajmi është pritur me shumë reagime urimesh nga ndjekës, miq dhe figura publike, të cilët kanë komentuar me mesazhe mbështetjeje dhe dashurie dhe për më tepër artistja do të bëhet për herë të dytë nënë e një vajze.

Xheisara Frisku nuk ka dhënë shumë detaje të tjera rreth shtatzënisë, duke zgjedhur ta ndajë këtë periudhë në mënyrë më intime me publikun e saj, kryesisht përmes momenteve të zgjedhura në rrjete sociale.

Ky është fëmija i saj i dytë, ndërsa artistja ka qenë më herët mjaft e rezervuar për jetën private, duke ndarë vetëm herë pas here momente familjare me ndjekësit.

The post Këngëtarja e njohur shtatzënë për herë të dytë appeared first on Albeu.com.

Bëhet fjalë për këngëtaren e njohur Krusita, e cila u prezantua fillimisht në studion e spektaklit nga moderatori Ledion Liço. Hyrja e saj u shoqërua me një performancë muzikore, ku artistja interpretoi një nga këngët e saj më të njohura, duke ndezur atmosferën dhe duke marrë duartrokitjet e publikut.

Gjatë bisedës me Ledionin, Krusita u pyet hapur për përshtypjet e para ndaj banorëve. Ajo u shpreh se banori që e ka surprizuar më shumë deri tani është Kristi, duke e përmendur me emër, ndërsa për atë që nuk e duron apo nuk e pëlqen, preferoi të mos zbulojë identitetin, duke lënë vend për mister dhe tension në shtëpi.

Me hyrjen e saj, Krusita bëhet zyrtarisht pjesë e garës për çmimin e madh të Big Brother VIP Albania 5, duke iu bashkuar lojës, strategjive dhe dinamikave që po zhvillohen mes konkurrentëve. Prania e saj pritet të sjellë energji të reja, përplasje karakteresh dhe, ndoshta, aleanca të papritura brenda shtëpisë më të famshme në Shqipëri.

A do te krijoje aleanca, shoqeri, apo lidhje… kjo mbetet te shihet ne ditet ne vijim.

The post Hyrje e re në shtëpi, këngëtarja e njohur futet në BBVA5 appeared first on Albeu.com.

Sipas Anjezës, bashkëshorti i saj është goditur nga një biciklist i papërgjegjshëm, duke shkaktuar plagë që kërkuan ndërhyrje të menjëhershme mjekësore.

Fatmirësisht, situata nuk ka qenë më e rëndë. Artistja njoftoi se ai ka marrë vetëm disa qepje të vogla dhe aktualisht ndodhet në pushim për t’u rikuperuar. “Gjithçka është nën kontroll. I janë bërë disa qepje dhe tani i duhet vetëm të pushojë,” shkroi ajo.

Megjithatë, mesazhi që këngëtarja dëshiroi të përcillte ishte më i thellë: një thirrje për vetëdijësim dhe kujdes në përditshmëri.

“Faleminderit Zotit që gjithçka është në rregull. Vetëm një kujtesë: mjafton një sekond dhe jeta mund të ndryshojë përgjithmonë. Ju lutemi, qëndroni të kujdesshëm dhe mbajini të tjerët sa më të sigurt,” shkroi Anjeza.

Ky episod na rikujton se sa e brishtë është jeta dhe sa e rëndësishme është kujdesi në çdo moment. I urojmë shërim të shpejtë bashkëshortit të saj.

The post Anjeza Shahini ndan një moment të vështirë, bashkëshorti i lëndohet në një aksident të papritur appeared first on Albeu.com.

Të shtënat ndodhën në Northridge, në Luginën e San Fernando, pak para orës 1:30 të mëngjesit të së shtunës.

Zyrtarët e LAPD identifikuan 22-vjeçaren Maria De La Rosa, e njohur nga fansat me emrin e saj artistik DELAROSA, si viktimë të hënën, teksa po hetojnë mbi rrethanat e të shtënave.

Persona të armatosur thuhet se iu afruan një automjeti të parkuar dhe hapën zjarr ndaj pasagjerëve në atë që policia dyshon se ishte një sulm i lidhur me bandat.

“Dëshmitarët përshkruan se kishin parë dy të dyshuar meshkuj që i afroheshin një automjeti që ishte parkuar në Rrugën Bryant”, tha policia e Los Angelesit në një deklaratë të hënën.

“U qëlluan disa plumba drejt disa viktimave që ishin parkuar në zonë me automjetin e tyre”,

Policia tha se tre persona ishin brenda makinës kur filluan të shtënat. Të tre u goditën me armë zjarri.

Sulmi ndodhi në Rrugën Bryant, pak në lindje të Tampa Avenue, një bllok përndryshe i qetë i lagjes Northridge.

22-vjeçarja Maria De La Rosa, e njohur nga fansat me emrin e saj artistik DELAROSA, ishte gruaja që u qëllua dhe u vra në orët e para të mëngjesit të së shtunës.

Zyrtarët e LAPD konfirmuan se 22-vjeçarja Maria De La Rosa, e njohur nga fansat me emrin e saj artistik DELAROSA, ishte gruaja që u qëllua dhe u vra.

DELAROSA, u dërgua me urgjencë në një spital aty pranë nga një person privat, por mjekët nuk mundën ta shpëtonin.

Hetuesit e policisë së Los Anxhelosit, thonë se personat që qëlluan me armë iu afruan makinës së parkuar të viktimave në këmbë përpara se ta shpërthenin automjetin me disa plumba nga afër.

Dy viktimat e mbijetuara mbetën në gjendje kritike gjatë fundjavës, tha policia.

Nuk janë bërë arrestime dhe detektivët nuk kanë dhënë detaje rreth një motivi të mundshëm.

DELAROSA, e cila ka pak më shumë se 40,000 fansa në Instagram, sapo kishte filluar të depërtonte në skenën e muzikës latine, duke publikuar këngën e saj “No Me Llames” në gusht.

The post E rëndë/ Vritet këngëtarja e njohur në moshën 22-vjeçare, plagosen dhe dy të tjerë appeared first on Albeu.com.

Herë pas here, kemi shkruar për çmimet që emrat më në zë marrin, por edhe për ulje-ngritjet që pësojnë në karrierën e tyre, çfarë edhe përkthehet në tarifa që shpeshherë edhe lëvizin.

Këtë herë ka qenë një deklaratë e një menaxheri, që prej vitesh merret me tregun muzikorë, çfarë ka trazuar sërish ujërat.

Në një intervistë, Xhani zbuloi çmimin më të lartë të paguar për një artist në një natë dhe se si paraqitet tregu aktualisht.

“Një artist është një herë në muaj në klub, pasi më shpesh konsumohet imazhi. Pagesa e artistëve është personale. Unë bëj marrëveshjen, por shifra është personale. Çfarë dalin janë manipulime. Ka artistë që marrin më shumë nga sa meritojnë. Ka artistë që nuk e meritojnë vlerën që marrin. Në klub zakonisht nuk përdoret live është më shumë playback. Për muajin e Ramazanit i përgjysmojmë shfaqjet dhe artistët e përgjysmojnë çmimin. Viti i ri dyfishon çmimet. Shifra më e lartë që kemi paguar ka qenë 60 mijë euro për një natë. Të gjithë artistët janë me deklarime dhe artistja i ka marrë në një natë. Në rast festash, klubi i nxjerr fitimet ndërsa kur futet dhe konkurrenca në mes është problem. E premtja dhe e shtuna është fokusi”, – u shpreh ai.

E natyrisht që i gjithë kurioziteti shkon për emrin e artistes që është paguar kaq shumë. Kujtojmë se këngëtarja më e kërkuar për sezonin veror që sapo lamë pas ka qenë Xhensila Myrtezaj.

Artistja, e cila duhet thënë ka pasur një sezon tërësisht të zënë, ishte edhe ajo që mbajti fronin si më e paguara.

Në tarifat që kemi shkruar më herët, një koncert i saj shkon deri në shumën e 15 mijë euro brenda Shqipërisë dhe ka pasur raste deri në dyfishin e kësaj shume jashtë vendit.

Një tjetër artiste shumë e paguar është edhe Dafina Zeqiri, ku ndonëse përgjatë sezonit veror nuk ishte e pranishme, përgjatë dimrit edhe tarifat e saj ishin në shuma që kapnin vlerat e 10 mijë euro.

Duket se shuma prej 60 mijë euro që menaxheri flet i përket një nate të rëndësishme feste. Ai u ndal edhe te personazhi që po bën shumë zhurmë aktualisht.

“Finem më ka surprizuar shumë, ku në një dalje publike, pati zhurmë shumë të madhe dhe një talent shumë i madh. Një zhurmë shumë e madhe, u surprizova për mirë. Sot nga artistët e rinj, Finemi është zhurma më e madhe. Edhe pse nuk e kam në menaxhim, por më ka surprizuar dhe ka punuar fort”, – u shpreh menaxheri.

The post Pagesa deri në 60 mijë euro, kush janë këngëtaret më të paguara appeared first on Albeu.com.

Prej ditësh në rrjet po qarkullojnë thashetheme se ajo mund të jetë një nga banoret e edicionit të katërt të “Big Brother VIP Kosova”, i cili pritet të nisë së shpejti.

Sipas burimeve të “Kosovarja”, emri i Zanfina Ismailit po përmendet gjithnjë e më shumë në listën e personazheve të njohura që mund t’i bashkohen spektaklit.

Megjithatë, deri më tani nuk ka një konfirmim zyrtar nga vetë këngëtarja apo produksioni i emisionit.

Zanfina, e cila për vite me radhë ka qenë një nga emrat më të dashur të muzikës shqiptare, njihet për stilin e saj të veçantë, zërin karakteristik dhe karizmën që e ka bërë të pëlqehet nga publiku që në fillimet e karrierës.

Ajo ka qenë gjithmonë një figurë e admiruar, jo vetëm për talentin, por edhe për mënyrën elegante me të cilën ka ruajtur jetën e saj private.

Nëse këto zëra rezultojnë të vërtetë, pjesëmarrja e saj në “Big Brother VIP Kosova” do të ishte një prej rikthimeve më të bujshme të vitit, duke e vendosur sërish Zanfinen në qendër të vëmendjes mediatike.

Mbetet te shihet nese ajo do jete pjese e BBVK!

The post Këngëtarja e njohur, Ismajli pjesë e BBVK? appeared first on Albeu.com.

E pyetur për mundësinë e një dissi muzikor, ajo e lidhi përgjigjen me përmendjen e “Big Brother VIP”, duke pranuar se ka marrë ftesë për të qenë pjesë e formatit.

“Mua më ka ardhur një ftesë edhe vjet, por unë nuk isha gati. A jam gati tani? Nuk e di, do ta zbuloj kur të më vijë ftesa”, shprehet këngëtarja.

Edhe pse nuk dha një konfirmim të prerë, Lore e la të hapur mundësinë për t’u parë në edicionin e ardhshëm të reality show-t më të ndjekur në vend, ç’ka do ishte një surprizë për publikun.

The post Njihuni me surprizën e “Big Brother VIP Albania 5″/ Zbuloni personazhin e njohur që përfolet se do të bëhet pjesë e shtëpisë më të famshme në Shqipëri appeared first on Albeu.com.