këngë shqip Archives - Albeu.com

Ceremonia e “Topit të Artë”, Barcelona prezanton dy yjet e saj me këngë shqip (VIDEO)

E S — Wed, 19 Oct 2022 13:25:33 +0000

Këtë vit ceremonia e “Topit të Artë” u mbajt në muajin tetor ndryshe nga vitet e tjera pasi tanimë çmimet jepen për një sezon të plotë dhe jo për një vit kalendarik.

Trofeu më i rëndësishëm padyshim që është “Topi i Artë” për meshkuj, i cili u fitua nga francezi i Real Madridit, Karim Benzema, plotësisht i merituar.

Ndërkohë që për Barcelonën pjesëmarres ishin yjet Gavi, Pedri dhe sulmuesi Robert Lewandowski, me dy prej tyre që morën nga një çmim.

Pedri i “pasoi” Gavit trofeun e lojtarit të ri më të mirë “Kopa”, ndërsa sulmuesi polak siguroi trofeun e “Gerd Muller” si golashënuesi më i mirë i sezonit.

Pas ceremonisë, klubi i Barcelonës prezantoi dy fituesit me një video në Tik Tok ku shkruante: “Sa shumë talent mes të dyve”.

Ajo që ra në sy për shqiptarët ishte pikërisht kënga me të cilën shoqërohej video, e cila është “Habibi (Albanian Remix)” e Dj Gimi-O, Ricky Rich dhe Dardan, një këngë shqiptare e cila është bërë virale./albeu.com

@fcbarcelona ✨ so much talent between the two #fcbarcelona #barça #barçaontiktok #football #gavi #lewandowski #ballondor #tiktokdeportes ♬ Habibi Albanian Remix – ⠀ ⠀ ⠀

The post Ceremonia e “Topit të Artë”, Barcelona prezanton dy yjet e saj me këngë shqip (VIDEO) appeared first on Albeu.com.

Festa e fitores, Dritan Abazoviç ia hedh valles me këngë shqip (VIDEO)

E B — Mon, 28 Mar 2022 08:15:08 +0000

Koalicioni “Për një fillim të ri” që udhëhiqet nga lëvizja URA e Dritan Abazoviq ka shpallur fitoren e komunës së Ulqinit në zgjedhjet e pjesshme lokale që u mbajtën këtë të dielë, 27 mars 2022.

Lideri i Lëvizjes Qytetare URA, Dritan Abazoviq, tha se koalicioni “Për një fillim të ri” (URA, PD, SD, SDP dhe AA) ka arritur fitore absolute në zgjedhjet lokale në Ulqin.

Ai tha se Ulqini ka kryetar të ri – Omer Bajraktarin.

Ky moment është shënuar me vallëzim e fishekzjarrë, teksa është publikuar edhe video ku Abazoviq ia hedh valles me këngë shqip.

Sipas të dhënave paraprake ky koalicion që udhëhiqet nga lëvizja URA e Dritan Abazoviç ka marrë 15 mandate në Këshill i ndjekur nga DPS dhe BS nga 6 mandate.

Në Ulqin morën pjesë pesë lista zgjedhore dhe në 38 vendvotime votuan 20.392 votues.

Të dhënat e Malit të Zi Demokratik për 93 për qind të votave të përpunuara tregojnë të njëjtat rezultate zgjedhore

Abazoviq është mandatar për kryeministër në Mal të Zi dhe ai ka thënë se do të votohet në Kuvend brenda dy javëve të ardhshme./Express

The post Festa e fitores, Dritan Abazoviç ia hedh valles me këngë shqip (VIDEO) appeared first on Albeu.com.

Dua Lipa: E kam ëndërr të madhe të bëj një këngë shqip

admin — Fri, 23 Jul 2021 21:27:56 +0000

Gjatë vizitës së sotme në Tiranë, këngëtarja shqiptare Dua Lipa deklaroi se ka menduar të sjellë një këngë shqiptare.

Ylli i muzikës Pop u shpreh mirënjohëse ndaj mbështetjes së shqiptarëve kudo në botë, ndërsa premtoi surpriza në festivalin Sunny Hill, por nuk zbuloi më tepër detaje apo ndonjë emër artisti ndërkombëtar me të cilin do të performojë.

“Mburrem shumë që e kam mundësinë të jem këtu sot, të ndihmoj në çfarëdo lloj mënyre të mundem jo vetëm me këtë kopsht edhe më tej. Për një komunitet që më ka dhënë shumë, për krejt shqiptarët përreth botës që më kanë suportu, kjo është një mënyrë e vogël çfarë mund të bej kështu që shumë faleminderit për suportin!”, u shpreh këngëtarja gjatë konferencës për shtyp.

Pyetje:Ke menduar të bësh një këngë autentike shqiptare dhe të çudisësh botën?

Dua Lipa: E kam menduar atë gjë. Ndoshta një këngë të vjetër shqiptare. Duhet të punoj ende nëse ka mundësi të bashkoj diçka që është edhe moderne edhe tradicionale shqiptare.

Pyetje: Ke menduar të këndosh një këngë në gjuhën shqipe?

Dua Lipa: Unë kam shumë këngë në gjuhën shqipe që i dua. Do kisha qejf të bëja një Cover, që ti dëgjojnë shumë njerëz. Nuk e di a jam mjaft e aftë të shkruaj këngë shqip. E kam ëndërr të madhe edhe të ndryshojmë stigmën ndaj Kosovës edhe Shqipërisë, edhe neve si shqiptarë. Ta shohin njerëzit nëpër botë që jemi kreativ, punojmë fort dhe ka të rinj.

The post Dua Lipa: E kam ëndërr të madhe të bëj një këngë shqip appeared first on Albeu.com.