Sipas Këlliçit, sqarimet e shpeshta të ministrit tregojnë mungesë serioziteti dhe dëmtojnë imazhin e vendit. Ai rikujton edhe skandalin e mëparshëm me fyerjen e shqiptarëve në Maqedoninë e Veriut si idiotë, duke e cilësuar sjelljen e Hoxhës si të papërgjegjshme.

Këlliçi thekson se këto episode lidhen me arrogancën e qeverisë së Edi Ramës, ndërsa shton se mungesa e dorëheqjes ka sjellë përsëritje të incidenteve.

Reagimi i plotë:

Prapë ti Ferit…?!

Ministri i Jashtëm Ferit Hoxha me arrogancën dhe supermacinë që pretendon se ka, ka bërë sot një tjetër gafë për të cilën është detyruar të japë shpjegime më pas!

Kur një kryediplomat sqarohet një herë në javë për gjërat që bën e gjërat që thotë, ka një problem serioz.

I paska deklaruar një gazetari italian në Bruksel, se marrëveshja 5 vjeçare me Italinë për vendosjen e emigrantëve të paligjshëm në Shqipëri, nuk do të rinovohet. Një kurajo intelektuale kjo, për të kundërshtuar shefin e tij që është vasal dhe i përkulur kur i duhet të marrë mbështetje për karrigen e tij!

Nuk na ka lënë shumë kohë të mendojmë kështu Feriti, pasi shpejt është shpjeguar duke thënë se ja paskan nxjerrë këtë qëndrim jashtë kontekstit dhe se qenka më tepër një opinion i tij personal.

I njëjti Ministër i Jashtëm, 2 javë më parë ishte protagonist i një skandali që asnjë kryediplomat shqiptar deri më tani nuk e kishte bërë. Në një grup zyrtar komunikimi me ambasadorë dhe vartës të tij, i cilësoi shqiptarët e Maqedonisë së Veriut, si idiotë.

Në fillim e mohoi dhe si zakonisht, tashmë i konvertuar në rilindas të Edi Ramës bëri viktimën e një komploti.

Pastaj fshiu mesazhin. Pastaj tha se ishte gjë e parëndësishme. Më vonë, pohoi se komunikimi që duhet të kemi parasysh është ai në kanalet zyrtare të MPJ dhe jo ai që Feriti përdor me ambasadorët dhe vartësit.

Këto incidente dhe skandale, nuk janë spontane, as rastësi.

Janë pasojë e një fodullëku e mendjemadhësie tipike e bashkëpunëtorëve të Edi Ramës, të cilët mendojnë se janë jo vetëm të pushtetshëm pa limit, por edhe mbi të tjerët intelektualisht. Dhe kur pastaj del e kundërta, kur tregojnë papërgjegjshmëri dhe mediokritet, e kanë gati justifikimin.

Të tjerët e kanë fajin, mundësisht opozita ose Saliu!

Nëse do të kishte bërë atë që do bënte çdo zyrtar me pak etikë dhe dinjitet, nëse do të kishte dhënë dorëheqjen me skandalin e fyerjes së shqiptarëve të Maqedonisë së Veriut, nuk do të kishte ndodhur ky incidenti me shtypin italian.

Dhe ai i radhës në vijim…

The post “Një ministër që bën gafa çdo javë është problem”/ Këlliçi: Skandalet e Ferit Hoxhës po dëmtojnë imazhin e Shqipërisë appeared first on Albeu.com.

Gjatë debatit, deputeti demokrat, Belind Këlliçi, e pyeti ministrin nëse është në konflikt interesi kur raportin për institucionet e drejtësisë, për sa kohë SPAK ka marrë nën hetim një të afërm të tij për çështjen e AKSHI-t.

Debati:

Këlliçi: A jeni në konflikt interesi në raport me një vendim të bërë publik nga GJKKO 1 muaj më parë për caktimin e masës së sigurimit pasuror për një sërë personash në skandalin e AKSHI-it ku prokurorët e SPAK kanë bërë regjistrimin e emrave të personave ndaj të cilëve po zhvillohen hetime për llogari të procedimit penal nr. 20/1 të vitit 2025. Për më shumë mes emrave përmendet edhe zoti Gëzim Hoxha i cili është i dyshuar për kryerjen e veprës penale ‘pastrim i produkteve të veprës penale ose veprimtarisë kriminale’. Po flasim për një organizatë e cila është në nivelin më të lartë të organizimit. Nuk mundet që ju të jeni i paanshëm në qëndrimin tuaj që keni në raport me institucionet e drejtësisë dhe në raport me grupkapitullin e parë që ka të bëjë me gjyqësorin, lirinë, drejtësinë dhe sigurinë.

Hoxha: Kam mbështetje të pakushtëzuar për organet e pavarura të drejtësisë. SPAK bën punën e vet dhe unë nuk diskutoj as vendimet e SPAK dhe as të gjykatës. Organet e drejtësisë janë vendosur me konsensus nga Parlamenti. Në lidhje me një hetim të caktuar, që është bërë publik, duhet të keni parasysh që të respektojmë prezumimin e pafajësisë për gjithkënd. Nuk ka pse të më pyesni mua për një gjë që nuk jam i përfshirë, as unë dhe as familja ime e afërme. Nuk kam asgjë me familjen e madhe, fisi im është shumë i madh. Edhe në Malësi të Madhe po të shkojmë, do gjejmë që kam gjysmën fis atje. Lincimi publik, fajësimi kolektiv, baltosja përmes biografisë së keqe, kjo shoqëri e ka lënë mbrapa 36 vite më parë. Nuk kam asnjë lidhje me asgjë në atë dosje dhe nuk ka njeri në botë që të baltosë mua zoti Këlliçi, ju apo kushdo. Mos më përmendni familjarët. Nëse keni gjë për mua, urdhëroni bujrum. Është gjëja më e shëmtuar që kemi pasur dikur që ka qenë dënimi kolektiv për shkak të biografisë së keqe. Nëse e bartim akoma dënimin kolektiv për shkak të biografisë së keqe, kjo s’ka të bëjë me mua, ka të bëjë me ata që i bartin.

Këlliçi: 10 ditë më parë kam bërë publik një mesazh që kur më erdhi, mu desh ta verifikoj. Jam detyruar të nxjerr foto të plota të postimit tuaj, orarin kur e keni fshirë mesazhin dhe kur keni vendosur të dilni zyrtarisht nga grupi i ambasadorëve në WhatsApp. Cili është komenti juaj në raport me këto mesazhe të bëra publike? Për herë të parë në 36 vite kemi të bëjmë me një fyerje të shqiptarëve në Maqedoninë e Veriut. I qëndroni deklaratës së Ministrisë së Jashtme që mesazhet janë të fabrikuara apo mesazhi është i vërtetë dhe të mbani një qëndrim korrektues dhe për të kërkuar falje publike?

Hoxha: Kam takuar shqiptarët e Maqedonisë së Veriut për të dakordësuar me ta që këtu nuk ka absolutisht asnjë gjë për të cilën duhet të shqetësohemi. Pozicionet e mia në detyrën e ministrit, pozicionet e Ministrisë së Jashtme nuk bëhen me sms, Signal, WhatsApp, përveçse me atë që është i autorizuar dhe janë deklarime të cilat janë përmes kanaleve zyrtare. Vetëm ato përbëjnë autoritet.

The post I afërmi i ministrit nën hetim nga SPAK? Hoxha përplaset me Këlliçin: Nuk më baltos dot, deputeti i PD: Je në konflikt interesi kur raporton për institucionet e drejtësisë appeared first on Albeu.com.

Deputeti i Partisë Demokratike, Belind Këlliçi, në një intervistë për “Ora News”, deklaroi se shkak për këtë ndërhyrje dyshohet të jetë bërë kërcënimi dhe shantazhimi i biznesmenëve me shtetësi gjermane, ç`ka ka ngritur alarmin në kancelaritë europiane dhe ka detyruar prokurorinë të përshpejtojë hetimet.

Në qendër të akuzave të reja është edhe Kryeministri Edi Rama, i cili rreth dy javë më parë doli publikisht në mbrojtje të ish-drejtoreshës së AKSHI-t, Mirlinda Karçanaj.

Këlliçi u shpreh se kryeministri e cilësoi atë si një zonjë “të pastrehë” që jeton me qira dhe pa makinë, duke i hedhur poshtë akuzat e opozitës si shpifje.

Kjo mbrojtje vjen në kontrast të thellë me veprimet e fundit të SPAK-ut, që sekuestroi një pasuri me vlerë 40 milionë euro, e cila i atribuohet ish-zyrtares dhe personave të lidhur me të.

Mes pasurive të sekuestruara përfshihen jahte, toka, prona, apartamente dhe, konkretisht për zonjën në fjalë, katër vila dhe një makinë luksoze me shofer privat.

Ligjvënësi demokrat e përshkroi dosjen e AKSHI-t si një “bombë” që mund të rrëzojë qeverinë nëse hetimet shkojnë deri në fund. Sipas tij, institucioni nuk ishte thjesht një vatër korrupsioni, por “vatra e krimit të organizuar në Shqipëri”. Pretendohet se AKSHI ishte kthyer në “kopshtin privat personal të Edi Ramës”, ku kryheshin favore personale dhe bliheshin artikuj luksi ekstrem, si shishe vere me vlerë 33,000 euro për një vakt të vetëm.

PJESË NGA BISEDA NË STUDIO

Belind Këlliçi: “Mbetemi te AKSHI. Që këtu janë marrë peng biznesmenë, këtë e kanë ditur të gjithë. Fati i madh në këtë rast ka qenë që janë cënuar edhe biznesmenë apo shtetas, apo shtetase, me shtetësi të vendeve të Bashkimit Europian.

Dhe rasti i personave që kanë pasur shtetësi gjermane dhe që janë cënuar dhe që janë kërcënuar dhe që janë shantazhuar, ka ngritur një alarm në kancelaritë e vendeve të BE-së dhe ka detyruar me sa duket partnerët tanë të BE-së të reagojnë dhe të kërkojnë një ritëm të shpejtë dhe të bëjnë, të ushtrojnë presion pozitiv ndaj Prokurorisë së Posaçme për të vijuar dhe për të thelluar hetimet. Dhe sot jemi para një skenari që patatja e nxehtë që janë përgjimet e gjetura në zyrën e Ergys Agasit, i kanë mbetur në dorë Prokurorisë së Posaçme dhe nuk kanë çfarë të bëjnë.

Tani pyetja këtu është, si nuk del një njeri të kërkojë llogari, përveç Partisë Demokratike dhe opozitës, për kryeministrin që dha deklarata publike para një jave, apo dy javësh po s’gaboj, dhe mori në mbrojtje Mirlinda Karçanajn, ish-drejtoreshën e AKSHI-t, duke thënë që opozita shpif, Saliu gënjen, opozita shpif, PD-ja gënjen, sepse po i bie në qafë kësaj zonjës, kjo zonja është e pastrehë, ndërkohë që instituti… kjo jeton me qira, dhe kjo zonjë nuk ka as makinë. Ç’janë këto që thotë PD-ja?

Ndërkohë ju vetëm ditën e, para dy ditësh, patë që u sekuestruan 40 milionë euro pasuri. Jahte, toka, prona, apartamente e të gjitha dhe zonjës në fjalë iu sekuestruan katër vila. Rama mbase e ka pasur fjalën që nuk ka shtëpi dhe ka vila. Po iu sekuestruan katër vila dhe iu sekuestrua një makinë luksoze që kjo e kishte me shofer privat.

Pra domethënë, të gënjesh në këto, në këtë mënyrë, të mashtrosh qytetarët e tu në këtë mënyrë dhe të mos mbash asnjë përgjegjësi dhe sërish fajin ta kërkosh te opozita, këtë vetëm një politikan e ka bërë në Evropë, se unë nuk di të dytë, dhe ky quhet Edi Rama.

AKSHI është për mua bomba që nëse Prokuroria e Posaçme ka vullnetin t’i shkojë deri në fund, automatikisht kjo qeveri rrëzohet. AKSHI është nukla e krimit të organizuar në Shqipëri. Nuk është vetëm nukla e korrupsionit. Ne kemi vite që themi që ai institucion ishte kthyer në kopshtin privat personal të Edi Ramës dhe aty bëheshin qokat e tij personale. Aty bliheshin edhe shishet e verës 33,000 euro që ai konsumonte në një vakt.

Kur ka dalë për herë të parë Arben Ahmetaj para dy vitesh dhe ka ngritur akuza për kryeministrin dhe ka thënë “kam qenë vetë në tavolinë me të kur na kanë ardhur shishet Romanee-Conti, 33,000 euro, për t’i konsumuar”, shumëkush, përfshirë këtu dhe PS-në dhe Edi Ramën vetë, e ka komentuar si një sulm të Arben Ahmetajt nga arratia dhe një hakmarrje dhe një shpifje banale të tij. Por qilari i verave të Ergys Agasit, që në fakt është qilari i verave të Edi Ramës, tregoi që kjo është histori e vërtetë, madje aty kishe vera deri në 60,000 euro. Dhe për të kuptuar qytetarët shqiptarë, këta janë politikanët apo shtetarët e sotëm, qeveria e sotme, që pinë një gllënjkë verë 1000 euro”.

The post Skandali i AKSHI-t/ Mirlinda Karçanaj, nga “e pastrehë” në pronare e 4 vilave, Këlliçi: SPAK u vu në lëvizje pas kërcënimit të shtetasve gjermanë appeared first on Albeu.com.

Reagimi i demokratit vjen një ditë pasi SPAK njoftoi se i kishte sekuestruar Karçanajt tre prona, 2 banesa në Tiranë dhe 1 në Qerret, llogari bankare, por njëkohësisht dispononte edhe automjet tip “Tiguan”, dhe ky fakt rrëzon pretendimin e kreut të qeverisë.

Këlliçi thekson se Rama doli garant për pafajësinë e Mirlinda Karçanajt dhe se tani është momenti që ai të mbajë përgjegjësi.

“40 milionë euro në total, përfshirë dhe Agasin, Beqirin e Hoxhën, për aktivitetin e tyre kriminal që lidhet me AKSH-in, cilësuar si kopshti personal i Ramës dhe familjes së tij. SPAK bën të ditur se rryshfetet merreshin në euro me prerje nga 100 në 500, të futura në kuti vere. Edi Rama po të kishte minimumin e dinjitetit dhe po të mbante sado pak përgjegjësi, duhej të jepte sot dorëheqjen”, thekson Këlliçi.

Reagimi:

Doli garant për ndershmërinë e drejtoreshës, a do mbajë sot përgjegjësi Edi Rama?!
Edi Rama doli garant publikisht për ndershmërinë dhe pafajësinë e drejtoreshës së AKSH-it, duke i bërë edhe presion drejtësisë. Ai ofroi dhe prova, kur tha se Karçanaj nuk ka shtëpi e as makinë.

Dje zyrtarisht, SPAK ka bërë të ditur se ka bllokuar 3 prona që i përkasin drejtoreshës së Edi Ramës, në zonat më të shtrenjta në Tiranë e në bregdet, llogari bankare dhe asete të tjera. Padyshim, këto janë ato çka ka arritur të konfirmojë hetimi, me siguri ka dhe të tjera.

40 milionë euro në total, përfshirë dhe Agasin, Beqirin e Hoxhën, për aktivitetin e tyre kriminal që lidhet me AKSH-in, cilësuar si kopshti personal i Ramës dhe familjes së tij.

SPAK bën të ditur se rryshfetet merreshin në euro me prerje nga 100 në 500, të futura në kuti vere.

Edi Rama po të kishte minimumin e dinjitetit dhe po të mbante sado pak përgjegjësi, duhej të jepte sot dorëheqjen.
Jo vetëm pse ai është në krye të gjithë këtij korrupsioni, pasi ai është krijuesi. Por qoftë dhe për deklaratat e qëndrimet që ka mbajtur para qytetarëve, lidhur me drejtoreshën Karçanaj.

Ka konsumuar një mashtrim publik me qëllim. Më shumë se një vepër penale, kjo është një shkelje e rënde etike dhe morale dhe normalisht politikanët dhe udhëheqësit mbajnë përgjegjësi. Dhe largimi është e vetmja mënyrë për të korigjuar dëmin në raste të tilla.

Sigurisht, edhe sot kur është vërtetuar gënjeshtra e tij, Edi Rama nuk do të mbajë përgjegjësi. Ai me siguri do jetë duke u marrë me një aferë tjetër.

Por mbrojtësi më i madh i korrupsionit në historinë tonë, herë me votë në Kuvend e herë me deklarata e kërcënime publike, nuk do ta ketë të gjatë.

Me këtë sfidë që po i bën shoqërisë e shqiptarëve thjesht po e bën më të dhimbshëm largimin e tij.

The post Mirlinda Karçanaj jeton me qira, nuk ka as makinë/ SPAK sekuestroi pronat e ish-drejtoreshës së AKSHI-t, Belind Këlliçi: Rama doli garant për ndershmërinë e saj, sot duhet të jepte dorëheqjen appeared first on Albeu.com.

Sipas Këlliçit protesta do të jetë më intensive se ajo e datës 10 shkurt, si në formën logjistike, ashtu edhe atë organizative dhe reaguese. Deputeti demokrat tha ndër të tjera se njerëzit kërkojnë radikalizim të aksionit të PD-së.

“Do jetë protestë edhe më intensive se ajo e datës 10 shkurt, në të gjitha format, logjistike, organizative dhe reaguese. Kaq mund të them. Njerëzit s’janë lodhur, përkundrazi, janë më kërkues ndaj nesh, dhe janë më të motivuar për të ardhur në protestën e radhës.

Kërkojnë radikalizim tonin. Radikalizimi do të ndodhë edhe në protestë, ua garantoj, do të ndodhë edhe në sallën e Parlamentit, do të ndodhë edhe në Këshillin e Rregulloreve dhe Mandateve, kudo ku ne kemi mundësi, do të ndodhë.

Duke folur për çadrën e ngritur para Kryeministrisë nga ish-kreu i PD-së Lulzim Basha në vitin 2017-të, Këlliçi tha: “Çadra bëri shumë efekt, por mbyllja e asaj lëvizje, u mbyll në mënyrën më të gabuar”, tha Këlliçi.

The post “Do të jetë më intensive”/ Këlliçi tregon se çfarë do të ndodhë në protestën e PD-së më 20 shkurt appeared first on Albeu.com.

Ligjvënësi demokrat deklaroi se drejtësia i vuri kapakun dosjes dhe jo krimit, duke nxjerrë të larë zyrtarët dhe të akuzuarit e çështjes, përveç njërit, teksa u zbut dënimi i shkallës së parë të GJKKO-së..

“Për 44 javë me radhë protestuam para bashkisë për vjedhjen e parave publike. Sot gjykata e Apelit vendosi kapakun, jo mbi krimin, por mbi drejtësinë. Drejtuesit e Bashkisë përveç njërit dolën nga salla të larë, një dosje e varrosur me një ceremoni që sot prodhoi një Alqi Bllako të dytë që i varën të gjithë peshën e një grabitjeje kolektive”, tha Këlliçi mes të tjerash.

Gjykata e Posaçme e Apelit për Korrupsionin dhe Krimin e Organizuar, shpalli sot vendimin për ish- drejtoreshën e Tirana Parking,  Eglantina Zere dhe 4 zyrtarëve të tjerë, konkretisht Enkeljda Qyta, Bruno Koçi, Rivjola Baxha, si dhe Kristo Zhulati duke zbutur dënimet e tyre.

Sipas vendimit të Apelit, të pandehurit u shpallën fajtorë për kryerjen e veprës penale “Shkelja e barazisë së pjesëmarrësve në tendera apo ankande publike”, por ndaj tyre u pezulluan masat e dënimit,  duke i vënë ata nën shërbim porove për një periudhë 12-mujore.

Deklarata e Belind Këlliçit:

“Më 26 prill 2023 bëra publike për herë të parë skemën 5D të Bashkisë së Tiranës. Ishte si të ngrije kapakun e një arkivoli institucional dhe të kuptoje jo vetëm korrupsionin, por edhe kalbëzimin shtetëror të organizuar.

Një linjë e padëgjuar vjedhjeje, ku drejtorët e Bashkisë funksiononin si elemente të një grupi të strukturuar kriminal, me detyra të ndara, me firma të sinkronizuara për një qëllim të vetëm: zhvatjen 100% të parave publike.

Para publike të marra me tendera, me leje ndërtimi dhe me vulë shteti. 29 tendera, 30 milionë euro, 3 leje ndërtimi, të gjitha të futura në një ‘gojë’ të vetme, të hapur nga firma personale e kryetarit të Bashkisë, Erion Veliaj.

Menjëherë pas publikimit, depozitova kallëzimin penal në SPAK. Hetimi i Prokurorisë, nën drejtimin e prokurorit Klodian Braho, faktoi plotësisht denoncimin dhe çoi për gjykim të gjithë zinxhirin drejtues të Bashkisë  së Tiranës.

Për 44 javë me radhë protestuam përpara Bashkisë për një parim themelor e universal: vjedhja e parave publike nuk mund të amnistohet dhe dëmi duhet t’u kthehet qytetarëve.

Sot, Gjykata e Apelit për Krimin e Organizuar dhe Korrupsionin vendosi kapakun. Jo mbi krimin, jo! Por mbi drejtësinë. Mbi shpinën e dërrmuar të qytetarëve.

Drejtuesit e Bashkisë, përveç njërit, dolën nga salla jo si të penduar, por të larë, posi u rrëzuan edhe dënimet simbolike të shkallës së parë. As burg. As kthim parash. As përgjegjësi.

Një dosje e varrosur me ceremoni nga një Drejtësi që sot prodhoi një kukull fajësie, një Alqi Bllako të dytë, që i varën të gjithë peshën e një grabitjeje kolektive.

Të gjithë drejtorët e Bashkisë Tiranë, me përjashtim të Mariglen Qatos, u shpëtuan nga përgjegjësia penale.

Si tek inceneratorët, ku janë zhvatur 200 milionë euro dhe fajin e mban një emër i vetëm, ndërsa sistemi u shpall i pafajshëm.

Ky vendim nuk mbylli vetëm një çështje, por zyrtarizoi një doktrinë ku krimi firmoset në qetësi me një stilolaps dhe firma për shefin është jelek antiplumb penal.

Nga sot, çdo nëpunës e di se mund të vjedhë, mund të firmosë, mund të zhvasë, sepse mbi të ka një çati të sigurt pandëshkueshmërie. Bindja shpërblehet.

Edhe për më naivin, vendimi i sotëm gjyqësor i dha dërrmën drejtësisë së re. Sot u dërgua mesazhi më i rrezikshëm që mund të prodhojë një shtet, kapitullimi karshi krimit të veshur me kostum institucional.

Gjyqtarët hoqën mantelin, morën çelësat e kasafortës, i dorëzuan tek dera e pushtetit, dhe sapo u thanë shqiptarëve:

‘Mos kërkoni më mbrojtje tek ne. Këtu ruhet vetëm krimi.’ Në mënyrë të veçantë krimi i organizuar dhe grupet e strukturuara kriminale”.

The post Belind Këlliçi: Dosja “5D” u varros, drejtuesit e Bashkisë dolën të larë, sot Gjykata e Apelit i vendosi kapakun appeared first on Albeu.com.

Taulant Balla, pas kaosit në Kuvend, deklaroi se Partia Demokratike, krijon këtë “shfaqje” sa herë që nuk mbledh dot njerëz për protestat që thërret.

Deputeti demokrat Belind Këlliçi, i është përgjigjur gjatë një prononcimi për emisionin “Shqipëria Live”, ku u shpreh se Balla duhet të shohë problemet e veta, pasi shumë shpejt sipas tij, mund të jetë “kurbani” i radhës, referuar socialistëve të hetuar dhe nën hetim.

“Bën mirë që Balla të shohë hallet dhe problemet e veta. Të shohë përgjimet e ‘SkyEcc’, problemet që do ketë me drejtësinë se mund të jetë kurbani i radhës. Bën mirë që secili të shohë punët e veta dhe të mos bëhet avokat i hajdutëve që janë kapur në flagrancë. Unë nuk merrem me punët e PS sepse jam anëtar i grupit Parlamentar të PD-së”,– shprehet Këlliçi.

The post Tensionet në Kuvend/ Belind Këlliçi i drejtohet Ballës: Shih hallet e tua, do jesh kurbani i radhës appeared first on Albeu.com.

Ai deklaroi se PD ka tërhequr firmat për të gjitha kandidaturat që janë paraqitur për të garuar për pozicionin e Avokatit të Popullit.

Këlliçi theksoi se; “PD nuk merr pjesën në këtë farsë sa kohë nuk tërhiqni emrin e Endri Shabanit”, duke theksuar se synimi është që Avokati i Popullit të merret nga PS.

Ndërsa shtoi se kandidaturat e demokratëve janë Adriana Kalaja dhe Besim Ndregjoni.

Belind Këlliçi: E kemi bërë të ditur me shkrim qëndrimin tonë mbi këtë proces. Jeni njoftuar për tërheqjen e të gjitha firmave për të gjitha kandidaturat që kanë paraqitur për të garuar për pozicionin e avokatit të popullit.

Është edhe lepuri i Surrelit, që po çon deri në fund skenarin e kësaj maxhorance të paralajmëruar javë më parë se Avokatin e Popullit do e merrte PS, e kanë thënë socialistët. Qëndrimi ynë është i prerë, asnjë nga kandidaturat nuk i ka firmat e deputetëve të PD. PD nuk merr pjesën në këtë farsë sa kohë nuk tërhiqni emrin e Endri Shabanit. Kandidaturat tona janë Adriana Kalaja dhe Besim Ndregjoni.

The post Gara për Avokatin e Popullit/ Belind Këlliçi në Kuvend: Institucioni synohet të merret nga PS, s’marrim pjesë në këtë farsë nëse nuk tërhiqni emrin e Endri Shabanit appeared first on Albeu.com.

Ai tha se shumë shpejt opozita do të mbajë një protestë kombëtare. Ai tha se i shtrin dorën çdo lëvizjeje që është kundër qeverisë Rama, madje shton se do të bashkëpunonte edhe me Erion Braçen.

“Kudo ku kam qenë kam dhënë dorën e bashkëpunimit. Arlind Qori është koherent në qëndrimet e tij, ka të njëjtin emërues kur vjen puna te debati dhe kundërshti ndaj Ramës. Për sa kohë Qori, Lapaj, Agron Shehaj, apo çdo drejtues tjetër i një forcë është në konflikt të hapur dhe është në oponencë e Ramën, jam pro bashkëpunimit. Do të bashkëpunoja dhe me zotin Braçe. S’mund të heq një paralele mes Ballukut dhe Majkos.

Është mirë që zoti Arlind Qorri ka njoftuar të enjten një protestë, e Lapaj ka nisur një të tillë. Ne ende nuk e kemi thirrur një protestë kombëtare. Ai formati që ndodh para Kryeministrisë, është vetëm për një target të caktuar. Shumë shpejt do të kemi një protestë kombëtare. Por sa i përket planeve, apo dhe për realizimin e veprimeve të deputetëve apo dhe ngujimin tonë në Kuvend, ka një plan dhe hapa. Çdo gjë do të merret me hapa. Kemi një plan të qartë, që shihet deri përtej vjeshtës tjetër që duam të arrijmë”, tha ai në News24.

The post “Bashkë kundër Ramës”/ Belind Këlliçi i shtrin dorën për bashkëpunim Qorit, Shehajt dhe Lapajt appeared first on Albeu.com.

Këlliçi shkruan se Balluku do të ketë fatin e ish-kryebashkiakut të Tiranës, Erion Veliaj, i cili ndodhet në burg prej 10 shkurtit.

“Ky zhvillim vërteton atë që Partia Demokratike ka thënë që në krye të herës: Rilindja është një organizatë e strukturuar kriminale, me kryetar Edi Ramën dhe me qëllimin final zhvatjen e xhepave të shqiptarëve”, shkruan Këlliçi.

Postimi:

“Motra që pret t’i bashkohet vëllait!
Veliaj duket se ka tërhequr këmbën zvarrë, pasi “kolegët” e tij duket se kanë marrë nën hetim edhe “motrën” e tij, Belinda Ballukun.

Ky zhvillim vërteton atë që Partia Demokratike ka thënë që në krye të herës:

Rilindja është një organizatë e strukturuar kriminale, me kryetar Edi Ramën dhe me qëllimin final zhvatjen e xhepave të shqiptarëve”.

The post Belind Këlliçi reagon pasi SPAK mori nën hetim Belinda Ballukun: Motra që pret t’i bashkohet vëllait, Veliaj po tërheq këmbën zvarrë appeared first on Albeu.com.