Sipas Këlliçit protesta do të jetë më intensive se ajo e datës 10 shkurt, si në formën logjistike, ashtu edhe atë organizative dhe reaguese. Deputeti demokrat tha ndër të tjera se njerëzit kërkojnë radikalizim të aksionit të PD-së.

“Do jetë protestë edhe më intensive se ajo e datës 10 shkurt, në të gjitha format, logjistike, organizative dhe reaguese. Kaq mund të them. Njerëzit s’janë lodhur, përkundrazi, janë më kërkues ndaj nesh, dhe janë më të motivuar për të ardhur në protestën e radhës.

Kërkojnë radikalizim tonin. Radikalizimi do të ndodhë edhe në protestë, ua garantoj, do të ndodhë edhe në sallën e Parlamentit, do të ndodhë edhe në Këshillin e Rregulloreve dhe Mandateve, kudo ku ne kemi mundësi, do të ndodhë.

Duke folur për çadrën e ngritur para Kryeministrisë nga ish-kreu i PD-së Lulzim Basha në vitin 2017-të, Këlliçi tha: “Çadra bëri shumë efekt, por mbyllja e asaj lëvizje, u mbyll në mënyrën më të gabuar”, tha Këlliçi.

The post “Do të jetë më intensive”/ Këlliçi tregon se çfarë do të ndodhë në protestën e PD-së më 20 shkurt appeared first on Albeu.com.

Ligjvënësi demokrat deklaroi se drejtësia i vuri kapakun dosjes dhe jo krimit, duke nxjerrë të larë zyrtarët dhe të akuzuarit e çështjes, përveç njërit, teksa u zbut dënimi i shkallës së parë të GJKKO-së..

“Për 44 javë me radhë protestuam para bashkisë për vjedhjen e parave publike. Sot gjykata e Apelit vendosi kapakun, jo mbi krimin, por mbi drejtësinë. Drejtuesit e Bashkisë përveç njërit dolën nga salla të larë, një dosje e varrosur me një ceremoni që sot prodhoi një Alqi Bllako të dytë që i varën të gjithë peshën e një grabitjeje kolektive”, tha Këlliçi mes të tjerash.

Gjykata e Posaçme e Apelit për Korrupsionin dhe Krimin e Organizuar, shpalli sot vendimin për ish- drejtoreshën e Tirana Parking,  Eglantina Zere dhe 4 zyrtarëve të tjerë, konkretisht Enkeljda Qyta, Bruno Koçi, Rivjola Baxha, si dhe Kristo Zhulati duke zbutur dënimet e tyre.

Sipas vendimit të Apelit, të pandehurit u shpallën fajtorë për kryerjen e veprës penale “Shkelja e barazisë së pjesëmarrësve në tendera apo ankande publike”, por ndaj tyre u pezulluan masat e dënimit,  duke i vënë ata nën shërbim porove për një periudhë 12-mujore.

Deklarata e Belind Këlliçit:

“Më 26 prill 2023 bëra publike për herë të parë skemën 5D të Bashkisë së Tiranës. Ishte si të ngrije kapakun e një arkivoli institucional dhe të kuptoje jo vetëm korrupsionin, por edhe kalbëzimin shtetëror të organizuar.

Një linjë e padëgjuar vjedhjeje, ku drejtorët e Bashkisë funksiononin si elemente të një grupi të strukturuar kriminal, me detyra të ndara, me firma të sinkronizuara për një qëllim të vetëm: zhvatjen 100% të parave publike.

Para publike të marra me tendera, me leje ndërtimi dhe me vulë shteti. 29 tendera, 30 milionë euro, 3 leje ndërtimi, të gjitha të futura në një ‘gojë’ të vetme, të hapur nga firma personale e kryetarit të Bashkisë, Erion Veliaj.

Menjëherë pas publikimit, depozitova kallëzimin penal në SPAK. Hetimi i Prokurorisë, nën drejtimin e prokurorit Klodian Braho, faktoi plotësisht denoncimin dhe çoi për gjykim të gjithë zinxhirin drejtues të Bashkisë  së Tiranës.

Për 44 javë me radhë protestuam përpara Bashkisë për një parim themelor e universal: vjedhja e parave publike nuk mund të amnistohet dhe dëmi duhet t’u kthehet qytetarëve.

Sot, Gjykata e Apelit për Krimin e Organizuar dhe Korrupsionin vendosi kapakun. Jo mbi krimin, jo! Por mbi drejtësinë. Mbi shpinën e dërrmuar të qytetarëve.

Drejtuesit e Bashkisë, përveç njërit, dolën nga salla jo si të penduar, por të larë, posi u rrëzuan edhe dënimet simbolike të shkallës së parë. As burg. As kthim parash. As përgjegjësi.

Një dosje e varrosur me ceremoni nga një Drejtësi që sot prodhoi një kukull fajësie, një Alqi Bllako të dytë, që i varën të gjithë peshën e një grabitjeje kolektive.

Të gjithë drejtorët e Bashkisë Tiranë, me përjashtim të Mariglen Qatos, u shpëtuan nga përgjegjësia penale.

Si tek inceneratorët, ku janë zhvatur 200 milionë euro dhe fajin e mban një emër i vetëm, ndërsa sistemi u shpall i pafajshëm.

Ky vendim nuk mbylli vetëm një çështje, por zyrtarizoi një doktrinë ku krimi firmoset në qetësi me një stilolaps dhe firma për shefin është jelek antiplumb penal.

Nga sot, çdo nëpunës e di se mund të vjedhë, mund të firmosë, mund të zhvasë, sepse mbi të ka një çati të sigurt pandëshkueshmërie. Bindja shpërblehet.

Edhe për më naivin, vendimi i sotëm gjyqësor i dha dërrmën drejtësisë së re. Sot u dërgua mesazhi më i rrezikshëm që mund të prodhojë një shtet, kapitullimi karshi krimit të veshur me kostum institucional.

Gjyqtarët hoqën mantelin, morën çelësat e kasafortës, i dorëzuan tek dera e pushtetit, dhe sapo u thanë shqiptarëve:

‘Mos kërkoni më mbrojtje tek ne. Këtu ruhet vetëm krimi.’ Në mënyrë të veçantë krimi i organizuar dhe grupet e strukturuara kriminale”.

The post Belind Këlliçi: Dosja “5D” u varros, drejtuesit e Bashkisë dolën të larë, sot Gjykata e Apelit i vendosi kapakun appeared first on Albeu.com.

Taulant Balla, pas kaosit në Kuvend, deklaroi se Partia Demokratike, krijon këtë “shfaqje” sa herë që nuk mbledh dot njerëz për protestat që thërret.

Deputeti demokrat Belind Këlliçi, i është përgjigjur gjatë një prononcimi për emisionin “Shqipëria Live”, ku u shpreh se Balla duhet të shohë problemet e veta, pasi shumë shpejt sipas tij, mund të jetë “kurbani” i radhës, referuar socialistëve të hetuar dhe nën hetim.

“Bën mirë që Balla të shohë hallet dhe problemet e veta. Të shohë përgjimet e ‘SkyEcc’, problemet që do ketë me drejtësinë se mund të jetë kurbani i radhës. Bën mirë që secili të shohë punët e veta dhe të mos bëhet avokat i hajdutëve që janë kapur në flagrancë. Unë nuk merrem me punët e PS sepse jam anëtar i grupit Parlamentar të PD-së”,– shprehet Këlliçi.

The post Tensionet në Kuvend/ Belind Këlliçi i drejtohet Ballës: Shih hallet e tua, do jesh kurbani i radhës appeared first on Albeu.com.

Ai deklaroi se PD ka tërhequr firmat për të gjitha kandidaturat që janë paraqitur për të garuar për pozicionin e Avokatit të Popullit.

Këlliçi theksoi se; “PD nuk merr pjesën në këtë farsë sa kohë nuk tërhiqni emrin e Endri Shabanit”, duke theksuar se synimi është që Avokati i Popullit të merret nga PS.

Ndërsa shtoi se kandidaturat e demokratëve janë Adriana Kalaja dhe Besim Ndregjoni.

Belind Këlliçi: E kemi bërë të ditur me shkrim qëndrimin tonë mbi këtë proces. Jeni njoftuar për tërheqjen e të gjitha firmave për të gjitha kandidaturat që kanë paraqitur për të garuar për pozicionin e avokatit të popullit.

Është edhe lepuri i Surrelit, që po çon deri në fund skenarin e kësaj maxhorance të paralajmëruar javë më parë se Avokatin e Popullit do e merrte PS, e kanë thënë socialistët. Qëndrimi ynë është i prerë, asnjë nga kandidaturat nuk i ka firmat e deputetëve të PD. PD nuk merr pjesën në këtë farsë sa kohë nuk tërhiqni emrin e Endri Shabanit. Kandidaturat tona janë Adriana Kalaja dhe Besim Ndregjoni.

The post Gara për Avokatin e Popullit/ Belind Këlliçi në Kuvend: Institucioni synohet të merret nga PS, s’marrim pjesë në këtë farsë nëse nuk tërhiqni emrin e Endri Shabanit appeared first on Albeu.com.

Ai tha se shumë shpejt opozita do të mbajë një protestë kombëtare. Ai tha se i shtrin dorën çdo lëvizjeje që është kundër qeverisë Rama, madje shton se do të bashkëpunonte edhe me Erion Braçen.

“Kudo ku kam qenë kam dhënë dorën e bashkëpunimit. Arlind Qori është koherent në qëndrimet e tij, ka të njëjtin emërues kur vjen puna te debati dhe kundërshti ndaj Ramës. Për sa kohë Qori, Lapaj, Agron Shehaj, apo çdo drejtues tjetër i një forcë është në konflikt të hapur dhe është në oponencë e Ramën, jam pro bashkëpunimit. Do të bashkëpunoja dhe me zotin Braçe. S’mund të heq një paralele mes Ballukut dhe Majkos.

Është mirë që zoti Arlind Qorri ka njoftuar të enjten një protestë, e Lapaj ka nisur një të tillë. Ne ende nuk e kemi thirrur një protestë kombëtare. Ai formati që ndodh para Kryeministrisë, është vetëm për një target të caktuar. Shumë shpejt do të kemi një protestë kombëtare. Por sa i përket planeve, apo dhe për realizimin e veprimeve të deputetëve apo dhe ngujimin tonë në Kuvend, ka një plan dhe hapa. Çdo gjë do të merret me hapa. Kemi një plan të qartë, që shihet deri përtej vjeshtës tjetër që duam të arrijmë”, tha ai në News24.

The post “Bashkë kundër Ramës”/ Belind Këlliçi i shtrin dorën për bashkëpunim Qorit, Shehajt dhe Lapajt appeared first on Albeu.com.

Këlliçi shkruan se Balluku do të ketë fatin e ish-kryebashkiakut të Tiranës, Erion Veliaj, i cili ndodhet në burg prej 10 shkurtit.

“Ky zhvillim vërteton atë që Partia Demokratike ka thënë që në krye të herës: Rilindja është një organizatë e strukturuar kriminale, me kryetar Edi Ramën dhe me qëllimin final zhvatjen e xhepave të shqiptarëve”, shkruan Këlliçi.

Postimi:

“Motra që pret t’i bashkohet vëllait!
Veliaj duket se ka tërhequr këmbën zvarrë, pasi “kolegët” e tij duket se kanë marrë nën hetim edhe “motrën” e tij, Belinda Ballukun.

Ky zhvillim vërteton atë që Partia Demokratike ka thënë që në krye të herës:

Rilindja është një organizatë e strukturuar kriminale, me kryetar Edi Ramën dhe me qëllimin final zhvatjen e xhepave të shqiptarëve”.

The post Belind Këlliçi reagon pasi SPAK mori nën hetim Belinda Ballukun: Motra që pret t’i bashkohet vëllait, Veliaj po tërheq këmbën zvarrë appeared first on Albeu.com.

Fokusi i pyetjeve të Këlliçit ishte sektori i energjisë, institucionet publike që lidhen me të dhe dyshimet për afera dhe abuzime me fondet publike.

Në fund të fjalës së tij, Këlliçi i drejtoi Dumanit një pyetje të drejtpërdrejtë, duke përmendur zv.kryeministren Belinda Balluku dhe kryeministrin Edi Rama.

“Në të gjitha hetimet apo çështjet që ju përmenda më sipër, a i’u thotë gjë emri Belinda Balluku dhe Edi Rama? Apo do të shkojmë drejt një skenari apo filmi të parë disa herë, se tashmë është Belinda Balluku ajo që po ha kumbulla apo fiq pas shpinës së Edi Ramës dhe ky nuk di gjë?” – u shpreh Këlliçi.

Pyetjet e plota të Belind Këlliçit:

1. Z. Dumani, a jeni dakord me mua dhe konfirmoni se drejtori aktual i ARRSH është i pandehur? Jeni dakord me mua që edhe ish drejtori i ARRSH është i arrestuar dhe i pandehur? Po ashtu, një numër i lartë drejtuesish dhe ish drejtuesish të këtij institucioni, janë të pandehur apo edhe të dënuar?
2. Jeni dakord me mua që drejtori aktual i KESH sh.a., ish drejtori Verdho, ish drejtori Beci, janë persona të pandehur dhe/ose për disa çështje të tjera mund të jenë në hetim lidhur me disa kallzime të bëra zyrtarisht nga Grupi Parlamentar i PD, të cilat janë regjistruar dhe keni konfirmuar se janë nën hetim?
3. Jeni dakort me mua që disa prej drejtuesve të OSSHE, OSSH, OST dhe Bursës Shqiptare, janë nën hetim për disa çështje që lidhen me kallëzimet zyrtare të bëra nga Grupi Parlamentar i PD?

4. Jeni dakord me mua që jeni duke hetuar mbi prova dhe dyshime që Grupi Parlamentar i PD ka vënë në dispozicion të SPAK në lidhje me Tigrat 1 dhe 3, për energjinë e humbur pa destinacion, për abuzimet e Bursës Shqiptare të Energjisë duke favorizuar tregtarët e furnizimit me energji, për manipulimin e të dhënave dhe fshehjen e tyre, për keq përdorimin e Mekanizmit të Qëndrueshmërisë së Sitemit Elektroenergjitik, për shkëmbimet tregtare të KESH me tregtarët e energjisë, për instalimet fotovoltaike të KESH në Digën e Qyrsaqit dhe atë të Zadejës, për black-outet e shkaktuara në verën e 2024 dhe atë të janarit 2025? Black-out i verës 2024 me efekt kaskadë në gjithë rajonin e Ballkanit, ka madje edhe një raport ekspertësh nga ENTSO-E (European Network for Transmission System Operators for Electricity), që lehtëson edhe konkluzionet e hetimit!
5. Jeni dakord me mua që ju keni regjistruar dhe keni në hetim procedura të dyshimta në sektorin e energjisë, që më e pakta janë realizuar pa marrë lejen e ndërtimit dhe ndërkohë janë paguar kompanitë zbatuese, sipas të dhënave të konfirmuara nga thesari për punë të realizuara pa patur një leje ndërtimi? Ndërkohë që për qytetarin e zakonshëm shqiptar shkon rruspa apo përgatitet qelia e burgut?

6. Jeni dakord me mua që edhe pse ju vijoni të hetoni, sektori i energjisë nuk di të ndalet në procese dhe proceduara që lehtësisht ngrenë dyshime për abuzime? Pra në thelb ju keni humbur dhe qellimin kryesor per te cilin u krijuat si Strukture e Posaçme dhe institucion, ate te PARANDALIMIT te korrupsionit apo krimit?
7. Jeni dakord me mua se jeni duke hetuar edhe disa lidhje të mundshme midis aferës së Inceneratorëve, ish agjentit te diskretituar dhe tashme ne burg Charles McGonigal, me partnerë Serbo-Rusë, për tentativën e ndërtimit të një Termo Centrali në Fier?
8. Jeni dakord me mua që jeni duke hetuar disa indicie se tek afera e Tigrave, përfitues mund të rezultojnë edhe subjekte te lidhura me Garden Revolucionare te Iranit?
9. Jeni dakord me mua per faktin qe dite me pare, eshte bere publik fakti qe ish Ambasadorja Amerikane ne Shqiperi znj. Yuri Kim, e cila personalisht negocioi ardhjen e Tigrave ne Shqiperi, fill pas largimit nga sherbimi diplomatik amerikan, eshte aktualisht e punesuar nga Exoon Mobile, mbase si shpërblim për parkimin e llamarinave Bangladeshase në Vlorë? A e keni informuar ju DASH per kete çeshtje?

10. Jeni dakord me mua që jeni duke hetuar projektin e ndertimit te tunelit te Llogarasë për një aferë 50 milione Euro, sipas kallëzimit të depozituar nga Grupi Parlamentar i PD?
11. Jeni dakord me mua që mund të ketë indicie se këto para janë përdorur për të shpërblyer largimin e njërit prej aksionarëve të Aeroportit të Vlorës?
12. Jeni dakord me mua që hapsira ajrore që aeroporti Vlorës do të operojë, është hapësirë ajrore e një vendi anëtar të NATO-s?
13. Jeni dakort me mua që mosmarrëveshja civile ne projektin e Aeroportit te Vlores, mes aksionerëve të deklaruar apo aksionerëve indirektë, me origjinë nga vende jo partnere, mund të venë në rrezik sigurinë kombëtare te Shqipërisë, madje dhe atë ndërkombëtare, duke qene se jemi vend anetar i NATO-s?
Dhe një pyetje e fundit i nderuar z. Dumani!

14. Në të gjitha hetimet apo çështjet që ju përmenda më sipër, a i’u thotë gjë emri Belinda Balluku dhe Edi Rama? Apo do te shkojme drejt nje skenari apo filmi te pare disa here, se tashme eshte Belinda Balluku, ajo qe po ha kumbulla apo fiq pas shpines se Edi Rames dhe ky nuk di gje?
Ju faleminderit!

The post Belind Këlliçi pyet kreun e SPAK në Komisionin e Ligjeve: A ju thotë gjë emri Belinda Balluku? Apo po ha dhe ajo fiq pas shpinës së kryeministrit?! appeared first on Albeu.com.

Në një intervistë për News 24, Këlliçi theksoi se, pavarësisht se dekreti i presidentit Begaj për zgjedhjet e Tiranës është konsideruar jokushtetues, PD do të marrë pjesë në garë për të siguruar një alternativë për qytetin.

Ai shtoi se, deri tani, emrat që janë përfolur nuk janë zyrtarë dhe se partia është e hapur edhe për kandidatura nga shoqëria civile.

Këlliçi: Represioni i kryeministrit ndaj tij është i jashtëzakonshëm. Nuk e them me keqardhje. I këtillë ka qenë profili i Veliajt. Ka qenë yes man i përjetshëm i Ramës dhe po gëlltit atë që ka gatuar vetë. Edhe pse e njohim se Begaj nxori një dekret antikushtetues për 9 nëntorin për kryeqytetin.

Kemi kërkuar dorëheqjen të kryebashkiakut dhe mbajtjen e zgjedhjeve sigurisht e përshëndesin faktin që ka zgjedhje të parakohshme dhe nuk do lëmë garën bosh. Duke vënë interesin e opozitës para interesin politik, nuk mund të lëmë garës së Tiranës bojkot. Kemi një qëndrim. Ne do kemi kandidaturën tonë.

Asnjë nga emrat që keni parë nuk është një emër zyrtar. Deri tani kemi patur një ngritje profili që do maksimalizonte votat e opozitës. Si kemi dakordësuar të gjithë se jemi të hapur për dakordësinë për një kandidaturë që vjen edhe nga shoqëria civile. Tre emrat nuk kanë qenë asnjëherë emrat definitiv. Janë emra të nderuar i respektoj.

Por është shumë më e gjerë se kaq gama e kandidaturave ditën e nesërme ka mbledhje kryesie ku në rendin e ditës pika e parë është raporti i negociatave me aleatet në parlament dhe jo për të raportuar idetë e tyre. Më pas brenda shumë pak orësh, do të finalizojmë edhe emrin që do kemi si opozitë e bashkuar për të shkuar në zgjedhje më datën 9. Tiranës do i japim një alternativë.

The post Zgjedhjet e pjesshme në Bashkinë e Tiranë, Këlliçi: Brenda pak orëve do të zyrtarizojmë kandidatin appeared first on Albeu.com.

Këlliçi theksoi se raporti pasqyron një realitet që Partia Demokratike, e ka denoncuar prej vitesh: pengesat korruptive qeveritare ngulfatin rritjen dhe zhvillimin ekonomik, pengojnë investimet e huaja direkte dhe ngadalësojnë ritmin e përafrimit me vendet europiane.

Ai nënvizoi se përtej propagandës dhe statistikave të mbivlerësuara, qytetarët shqiptarë vazhdojnë të përballen me varfërinë më të lartë në rajon, ndërsa reforma strukturore dhe vizioni qeveritar mungojnë, duke lënë pas një ekonomi të kapur nga korrupsioni, narko-trafiku dhe klientelizmi politik.

Këlliçi ritheksoi se Partia Demokratike beson tek liria e biznesit, investimet e huaja dhe mundësitë për qytetarët, dhe theksoi urgjencën e largimit të një qeverie që, mandat pas mandati, pengon zhvillimin ekonomik dhe sigurinë e qytetarëve.

Postimi i plotë:

Raporti i Departamentit Amerikan të Shtetit (DASH) “Investment Climate 2025”, është një skaner realist kundër propagandës dhe mashtrimeve qeveritare!

Raporti i fundit i DASH [] pasqyron një realitet të cilin Partia Demokratike e ka denoncuar në vazhdimësi, një realitet ku pengesat korruptive qeveritare ngulfatin rritjen dhe zhvillimin ekonomik, pengojnë investimet e huaja direkte dhe ngadalësojnë ritmin e përafrimit të Shqipërisë me vendet europiane.

Në raport specifikohet niveli i ulët i ekonomisë, ku PBB-ja arrin në vetëm një të katërtën e mesatares së BE-së.

Përtej propagandës së 10 milionë turistëve dhe “përpjekjeve të mëdha për të mbyllur kapitujt”, ky është realiteti faktik i përditshmërisë së qytetarëve shqiptarë, të cilët fatkeqësisht mbeten me varfërinë më të lartë në rajon dhe shumë larg sigurisë ekonomike europiane apo zhvillimit teknologjik.
Reformat strukturore për të zvogëluar këtë hendek me vendet e zhvilluara nuk gjejnë në qeverinë shqiptare as aftësinë, as vizionin dhe as vullnetin për t’u ndërmarrë.

Një ekonomi shqiptare konkurruese do duhej të kishte një klimë të mirë biznesi, një hapje drejt teknologjive të reja dhe mundësive industriale të kohës, një diversifikim të burimeve dhe shfrytëzim të burimeve natyrore, për të mundësuar që çdo i ri të ketë mundësinë të ndërtojë të ardhmen me të ardhura dinjitoze në shtëpinë e tij.

Përkundrazi, problemet kronike me korrupsionin galopant, si në nivel qëndror, po ashtu edhe në nivel lokal dhe të shtrirë në mënyrë kapilare, pengojnë iniciativën e lirë dhe besimin tek ekonomia.

Vizioni qeveritar është dëshmuar në vazhdimësi i njëjti, injektim i flukseve të stërmëdha të parasë së pistë, braktisje totale e sektorit industrial dhe fermerëve, pengesa burokratike dhe zhvatëse ndaj sipërmarrjeve të vogla e të mesme, dhurim i tokave të bregdetit tek klientët personalë të kryeministrit apo “investitorët strategjikë” me CV të pasur kriminale vendase dhe ndërkombëtare!

Raporti tregon se si korrupsioni është pengesë konkrete në ekonominë shqiptare, e jo vetëm temë e diskursit publik opozitar.

Korrupsioni në sektorin publik, sistemin gjyqësor dhe prokurimet publike, konkurrenca e padrejtë dhe e shtrembëruar, ekonomia e madhe informale, pastrimi i parave, pengesat në të drejtën pronësore, zbatimi i dobët i kontratave, janë të gjitha përgjegjësi direkte e një qeverisje të mbrapshtë dhe të dështuar 12 vjeçare, e cila riciklon fytyrat, por jo qasjen destruktive kundrejt shtetformimit.

Në raport po ashtu specifikohet se prania e madhe e të ardhurave të paligjshme nga trafikimi i drogës, kontrabanda, evazioni fiskal dhe korrupsioni, shtrembërojnë konkurrencën në treg. Investitorët raportojnë se mund të jenë objekt shantazhesh nga administrata publike, media dhe grupe kriminale.

Raportet për korrupsion në prokurimet qeveritare janë të zakonshme, me investitorët që shpesh raportojnë raste të korrupsionit qeveritar që vonojnë ose pengojnë investimet në Shqipëri.

E drejta pronësorë, sipas raportit, vijon të jetë një sfidë në Shqipëri, ku është vështirë të sigurohet titulli i qartë i pronës dhe kompensimi për tokat e konfiskuara nga sistemi komunist vazhdon të jetë joefikas dhe i pamjaftueshëm!
Garantimi i të drejtës pronësore do duhej të ishte baza e çdo politike qeveritare që synon një zhvillim të qëndrueshëm dhe rritje të investimeve të huaja direkte, të besimit të investitorëve tek Shqipëria.
Përkundrazi, prona është trajtuar si plaçkë elektorale, nga zyrtarë të babëzitur me orientim qeveritar, për të deformuar vullnetin elektoral të votuesve dhe pamundësuar pasurimin e shqiptarëve në pronën e tyre të pavarur nga qeveria.

Partia Demokratike beson tek sipërmarrja e lirë, tek rritja ekonomike e bazuar në lirinë e biznesit për qytetarët shqiptarë dhe investitorët e huaj, pa vargonjtë korruptivë dhe gjobaxhinj të një administrate të kalbur.

Por PD njëkohësisht rithekson urgjencën kombëtare të largimit një orë e më parë të një qeverie, e cila mandat pas mandati, tregon paaftësinë dhe bashkëfajësinë në pengimin e kësaj lirie ekonomike, pasi një qytetar shqiptar i lirë, i pavarur dhe me mirëqënie, nuk do të ishte i kontrollueshëm nga makineria antiligjore e patronazhimit dhe neodiktaturës.

The post Belind Këlliçi: Raporti i DASH ekspozoi pasojat ekonomike të korrupsionit në qeverisjen Rama appeared first on Albeu.com.

Këlliçi sqaroi se të dy kanë refuzuar ofertën për kandidim, pasi janë të angazhuar me projekte të tjera dhe nuk e shohin këtë garë si pjesë të axhendës së tyre aktuale politike.

“Zoti Alimehmeti dhe zonja Tabaku e kanë bërë të qartë se nuk do të kandidojnë. Janë të fokusuar në angazhimet e tyre përkatëse, dhe e kanë përjashtuar këtë mundësi,” u shpreh Këlliçi.

Ai shtoi se Partia Demokratike është në kërkim të një kandidati të njohur dhe me profil publik, duke mos përjashtuar mundësinë që emri të vijë edhe nga jashtë partisë.

“Kandidatët e mundshëm nuk kufizohen vetëm brenda strukturave të PD-së. Mund të jetë edhe një figurë nga jashtë, me profil të lartë dhe mbështetje qytetare,” tha ndër të tjera deputeti demokrat.

Belind Këlliçi: Në gjykimin tim për momentin kandidatura e parë që do duhej të propozohej nga PD, duhet të ishte zonja Tabaku, meqë ka rezultuar dhe më e votuara në këto zgjedhje. Zonja Tabaku qartësisht në të drejtën e saj që të jemi korrekt ka planin e saj në Kuvendin e Shqipërisë në një mandate që sapo e ka filluar dhe nuk i vë aspak faj dhe ky është projekti i saj politik. Jam i bindur që nëse Jorida do të ishte në garë me Manastirliun pa diskutim do kishim pasur surprizë në Tiranë.

Të njëjtën gjë mendoj edhe për zotin Alimehmeti, por ai thotë shiko, unë kam një projekt politik timin, kam një program katër vjeçar.

Këto dy profile kanë qenë të parët që duhet të ishin thirrur dhe në dijeninë time kanë patur dhe një bisedë me zotin Berisha, janë thërritur nuk kanë pranuar. Ne do vijojmë të gjejmë një kandidaturë pse jo edhe jashtë radhëve të PD-së për të gjeneruar sa më shumë mbështetje.

The post Zgjedhjet për kryebashkiakun e ri të Tiranës, Këlliçi: Tabaku dhe Alimehmeti u thirrën nga Berisha, por… appeared first on Albeu.com.