Lala tha në emisionin “Open” se grupi hetimor dyshon për vrasës me pagesë, teksa sipas saj, grupet kriminale në Vlorë dhe Fier, po përdorin vitet e fundit vrasës me pagesë nga zona e Krujës dhe Niklës. Më tej, gazetarja tha se viktima kishte dhe një varkë për transportin e turistëve, e cila sipas mund të jetë dhe një pistë e hetimeve.

“Dyshimet e prokurorisë janë për vrasës me pagesë. Në rastin e Vlorës , nuk po përdoren persona të Vlorës. Po përdoren ose të huaj dhe në rastin konkret nuk mendohet se autorët janë të huaj, pasi duket se janë njohës të terrenit. Fieri dhe Vlora po ashtu ka vite që po merr vrasës me pagesë që janë të vendosur në zonën e Krujës apo të Niklës. I ndjeri kishte një varkë që transportonte turistë në det dhe po merren pamjet filmike dhe mund të jetë një pistë e mirë.” – tha Lala.

The post Ekzekutimi i Laert Kekajt, gazetarja: Në Vlorë po marrin vrasës me pagesë nga Kruja dhe Nikla appeared first on Albeu.com.

41-vjeçari u ndoq nga një makinë “Audi” me targa italiane dhe u qëllua në ecje e sipër, ai ka tentuar të largohet me vrap pasi është rrëzuar nga motori, por është arritur dhe qëlluar sërish nga autorët, duke e lënë të vdekur.

Por pas ngjarjes së rëndë, famikjarët e 41-vjeçarit kanë pasur ankesa në lidhje me vonesat për ekspertizën mjeko-ligjore ndaj trupit të viktimës në morgun e spitalit të Vlorës.

Mjeku është vonuar për orë të tëra, arsyet tëcilat nuk dihen, teksa familjarët ishin të gatshëm të shkonin ta merrnin vetë mjekun, mjafton që viktima të shkonte në shtëpi brenda 12 orësh.

“Po presim mjekoligjorin, kemi që në orën 10 këtu, asnjë përgjigje, vijnë e ikin. Do vij tani, do vij pastaj e nuk po vijnë. Na thonë që do vij nga çasti në çast, na gënjejnë. Kërkesa jonë është të vijë sa më shpejt mjekoligjori, brenda 12 orëve duhet të iki trupi në shtëpi. Kaq! Nuk e dimë nëse institucioni ka mjek ligjor, na kanë thënë do vijë nga Fieri. Tani ne jemi në dispozicion të shkojmë ta marrim mjekoligjorin vet nëse shteti nuk e disponon, shkojmë ne e marrim, por brenda 12 orëve ne duhet ta marrim trupin ta çojmë në shtëpi. Kaq është kërkesa jonë,” – u shpreh një nga familjarët e Kekajt në një prononcim për mediat.

The post Ekzekutimi i 41-vjeçarit në Vlorë, familjarët kanë ankesa për ekspertët mjeko-ligjor: Kemi 10 orë që po presim në morg appeared first on Albeu.com.