Pas një përzgjedhjeje konkurruese, vetëm 5 startup-e arritën të fitojnë të drejtën për të pitch-uar para një audience të përbërë nga investitorë engjëj, fonde të huaja dhe liderë të ekosistemit të inovacionit në Ballkan.

Eventi u hap me një Fireside Chat të veçantë, ku Enrico Baldassarri, një emër me mbi tre dekada përvojë drejtimi në kompani si Johnson & Johnson, Revlon, Reckitt Benckiser dhe Procter & Gamble, ndau perspektivën e tij mbi rritjen e qëndrueshme, transformimin e biznesit dhe rëndësinë e guximit strategjik në sipërmarrje.

Biseda, e moderuar nga Ravik Mima, CEO i Keiretsu Forum SEE, solli vlera konkrete për investitorët dhe themeluesit e pranishëm.

Në vijim, pesë startup-e inovative prezantuan vizionin e tyre:

1. Onemor – një platformë globale për trajnimet fitness, që synon të bëhet “Fitness OS”.

2. Giftera – një platformë digjitale për dhuratat e personalizuara që lidh markat me konsumatorët në mënyrë të re dhe efektive.

3. Bliss – shërbim terapie online për diasporën shqipfolëse dhe më gjerë, i bazuar në përputhje të zgjuar përmes AI.

4. EU Presence – shërbime për përputhshmëri me rregulloret e BE-së për bizneset që operojnë pa entitet në Europë.

5. MedApp – një aplikacion për menaxhimin e dokumentacionit shëndetësor dhe historikut mjekësor familjar.

Mind Sharing Session-i që pasoi u organizua si një hapësirë e mbyllur për investitorët, ku u diskutuan interesat konkrete për bashkëpunim dhe bashkëinvestim. Atmosfera profesionale u shoqërua më vonë nga një koktej networking dhe muzikë live, duke përforcuar ndjesinë se angel investing në rajon po bëhet gjithnjë e më i prekshëm dhe funksional.

Keiretsu Forum SEE, pjesë e rrjetit të themeluar në San Francisko dhe aktiv në 60+ kapituj në të gjithë botën, po ndërton me ritëm të shpejtë një komunitet të përkushtuar investitorësh në Shqiperi e më gjerë në rajonin e Evropës Juglindore. Me fokus të veçantë në fuqizimin e investitorëve vendas, përfshirjen e diasporës dhe krijimin e një grupi të dedikuar për gratë investitore, forumi po e pozicionon Tiranën si një nyje kyçe për inovacion dhe akses në kapital duke u përkushtuar në ndërtimin e marrëdhënieve të shëndetshme mes investitorëve dhe startup-eve.

The post Keiretsu Forum SEE vendos startup-et përballë me kapitalin, Tirana bëhet qendra e investimeve për sipërmarrjet e reja appeared first on Albeu.com.

Ky event, të cilin KFSEE e organizoi në bashkëpunim me “EU for Innovation”, mblodhi pesë startup-e të cilët prezantuan idetë e tyre të biznesit përpara një salle të mbushur plot me një audiencë të përbërë nga anëtarë të forumit, investitorë, sipërmarrës, përfaqësues të pushtetit vendor, të rinj me ide inovative etj.

Eventi nisi me një ngjarje të rëndësishme, nënshkrimin e një Memorandumi Mirëkuptimi midis Z. Ardian Hoxha, President i KFSEE, dhe Znj. Delina Ibrahimaj, Ministre e Shtetit për Sipërmarrjen dhe Klimën e Biznesit, dhe Agjencisë Shtetërore për Mbështetjen dhe Zhvillimin e Startup-eve dhe Lehtësuesve. Kjo marrëveshje synon të mbështesë përtej rrjetin gjithëpërfshirës të engjëjve të biznesit (Angel Investors), përmirësimet legjislative për sipërmarrjen dhe forcimin e mekanizmave të investimeve në Shqipëri dhe rajon.

KFSEE, së fundmi, po bëhet një pikë kyçe për iniciativat e reja në Evropën Juglindore, duke organizuar panele të rëndësishme si “Fireside Chat”. Ky panel, moderuar nga Ravik Mima, CEO i KFSEE, përfshiu ekspertë si Zach Coelius, Partner i Coelius Capital, Silicon Valley; Francesco Cracolici, Drejtor Ekzekutiv i Nomadic Minds, Silicon Valley; dhe Stevica Kuharski, Partner në Fil Rouge Capital, Zagreb. Prezantimet dhe këshillat e tyre u pritën me shumë interes nga audienca, duke ofruar sugjerime të vlefshme dhe ndërveprim të drejtpërdrejtë me pjesëmarrësit.

Pesë Startup-et që prezantuan idetë e tyre ishin:

● Cleanex nga Shqipëria, që ndërlidh menaxherët e pronave të Airbnb me pastruesit e pavarur.
● TradeSmart nga Mali i Zi, që ofron një platformë multifunksionale për pagesa ndërkombëtare të sigurta.
● Hexidea nga Kosova, që ofron zgjidhje gjithëpërfshirëse për bizneset përmes inteligjencës artificiale.
● Patoko nga Shqipëria, vlerësuar si Startup i Vitit në ICT Awards, që lidh përdoruesit me ofruesit e shërbimeve të lëvizshmërisë.
● Mushroom Genetics, themeluar nga një sipërmarrës rus në Shqipëri, që prodhon suplemente dietike me cilësi të lartë nga kërpudhat.

Pas prezantimeve, u organizua një sesion rrjetëzimi ekskluziv, i cili ishte dhe eventi i parë i llojit të tij, organizuar në majë të Piramidës. Pjesëmarrësit patën mundësinë të krijojnë kontakte të reja dhe të marrin këshilla nga ekspertët e pranishëm, nën rrezet e perëndimit të diellit dhe në sfond me qytetin e Tiranës.

KFSEE do të vazhdojë mbështetjen e ekosistemit të sipërmarrjes, me thirrjen e radhës për sipërmarrës e cila do të hapet në korrik dhe eventin pasues që do të zhvillohet në Prishtinë, Kosovë.

Anëtarësimi në forum, i cili tashmë numëron 40 anëtarë, mbetet i hapur për të gjithë investitorët, sipërmarrësit, mediat si dhe aktorët e tjerë kyç të ekosistemit për të kontribuar në zhvillimin e inovacionit në rajon.

The post Keiretsu Forum SEE përmbylli me sukses edicionin e tretë të Pitch Day (KFSEE) appeared first on Albeu.com.

Me sallën e mbushur plot, Keiretsu Forum SEE në bashkëpunim shumë të suksesshëm me ICTSlab, për të parën herë mundësuan praninë në Shqipëri të dy prej fondeve më të mëdha të Kapitalit Sipërmarrës në rajon – Launchub dhe Vitosha Venture Partners me respektivisht 74 milion euro dhe 26 milion euro fond secili.

Kryefjala e diskutimeve ishte ekosistemi i startup-eve në rajonin e Ballkanit Perëndimor dhe Europës Juglindore, për të cilat u shfrytëzua ekspertiza më cilësore.

Prezantimet, përvojat dhe këshillat e vyera që ndanë Rumen Iliev dhe Kamen Bankovski, përfaqësues nga Launchub dhe Vitosha Venture Partners, u pritën me mjaft interes nga të pranishmit duke u finalizuar me mundësinë që startup-et pjesë e eventit të shkëmbenin ide, por edhe të kishin rrjetëzim e mundësi potenciale për akses në financim në 100 milion euro fonde.

Pjesë e diskutimeve ishin gjithashtu Kushtrim Shala, kontribues kyç në ekosistemin shqiptar dhe bashkëthemelues i ICTSlab, qendrës së inovacionit dedikuar zhvillimit të aftësive digjitale dhe mbështetjes së ekosistemit të startup-eve në Shqipëri nëpërmjet programeve të edukimit dhe akselerimit, si dhe Hana Qerimi, sipërmarrëse e suksesshme e themeluese e Shkollës Digjitale dhe StarLabs në Kosovë, të cilët ndanë konkluzionet, pikëpamjet e sugjerimet e tyre.

Startup Ecosystem – Expert Insight nuk mund të kalonte pa vëmendjen dhe përshëndetjen e veçantë të ligjbërësve dhe aktorëve kryesorë qeveritarë në Shqipëri.

Delina Ibrahimaj, Ministër Shteti për Sipërmarrjen dhe Klimën e Biznesit, u shpreh se “…mbajtja e këtij eventi përkon me një moment të rëndësishëm për Agjencinë e Startupeve, pasi ne sapo kemi zhvilluar strategjinë tonë të sipërmarrjes inovative.”

Eventi u përshëndet gjithashtu nga Blendi Gonxhja, Ministër i Ekonomisë, Kulturës dhe Inovacionit i cili theksoi rëndësinë që ngjarje të tilla kanë për të sjellë progresin e një mjedisi për të cilin të gjithë aktorët kanë bashkuar përpjekjet e tyre.

“Është e rëndësishme që salla e një ngjarjeje si kjo të jetë e mbushur plot sepse flet shumë se si ky vend është duke ecur përpara në ekosistemin e teknologjisë dhe zhvillimit”, shtoi Arbjan Mazniku, Ministër Shteti për Pushtetin Vendor.

Erion Veliaj, Kryetari i Bashkisë së Tiranës me nota vlerësimi për gjithë çfarë është bërë dhe po vijon të bëhet nga ekosistemi për ekosistemin, e me mesazhe inkurajimi për gjithë të rinjtë e pasionuar pas teknologjisë dhe inovacionit, përshëndeti pjesëmarrjen e lartë në këtë event si tregues të një interesi të madh e real dhe fryteve të angazhimit të përbashkët.

I dedikuar vazhdimisht në mbështetje të ekosistemit dhe iniciues i ligjit të parë të startup-eve në Shqipëri Eduard Shalsi, Kryetar i Komisionit Parlamentar për Ekonominë dhe Financat, theksoi në fjalën e tij se rëndësia e ngjarjeve të tilla përbën gjithashtu shtysë për vetë qeverinë në nxitjen e një standardi dhe niveli të ri pritshmërish.

Keiretsu Forum Southeast Europe është forumi që po shndërrohet në qendër graviteti për sipërmarrësit e suksesshëm të cilët synojnë të jenë engjëjt e biznesit në ekosistemin e Europës Juglindore me synimin e të qenit pionerët e zhvillimit të rajonit. Thënë kjo, anëtarësimi në këtë forum i sipërmarrësve dhe investitorëve të njohur shqiptarë, mbetet një thirrje e hapur e në të njëjtë kohë duhet konsideruar një alternativë joshëse dhe e benefitshme që u jep mundësinë atyre të bëhen bashkë me të ngjashmit e tyre, të investojnë në startupet me premtuese të rajonit, si dhe të jenë pjesë e rrugës së ndryshimit të ekosistemit që në këtë pikë duket se ka vetëm një drejtim: përpara.

Diksutimet e panelistëve gjithashtu nxorrën në pah se trinomi i partneritit ICTSlab – Keiretsu Forum SEE – Fondet e Kapitalit Sipërmarrës (VC Funds), përbën në fakt hallkat e njëpasnjëshme të zinxhirit që startup-et duhet të ndjekin në sigurimin e fondeve. (Nga programet e edukimit, inkubimit dhe akselerimit, drejt rrjetit të engjëjve të biznesit e më pas Fondet e Kapitalit Sipërmarrës)

Pjesa e rrjetëzimit pasi përfundoi eventi, pati dinamikat e veta të këndshme. Siç mund të pritej, të gjithë u turrën drejt Kamen Bankovksi dhe Rumen Iliev për të patur mundësinë e një bisede nga afër me ta. Nën shijimin e një gote vere dhe duke identifikuar njëri-tjetrin përmes titujve që mbanin të ngjitur nëpër xhaketa, shumëçka ndodhi – u krijuan kontakte cilësore; u hodh baza për bashkëpunime e miqësi të reja; u shkëmbyen ide të frytshme, të gjitha këto duke kulmuar me marrjen e propozimeve konkrete për investim.

Ardian Hoxha, President i Kapitullit të Keiretsu Forum Southeast Europe, patentës amerikane që operon në 9 shtetet e Europës Juglindore e që tashmë numëron 40 anëtarë, u shpreh optimist dhe i vendosur në vijimin e këtij angazhimi të përbashkët që synon ta kapitalizojë potencialin e rajonit tonë në nivelin që meriton.

The post Keiretsu Forum SEE sjell në Shqipëri dy prej fondeve më të mëdha të Venture Capitals në rajon appeared first on Albeu.com.