Marrëveshja e Barcelonës për transferimin e Rodrit nga Manchester City ka detyruar Real Madridin të shqyrtojë mundësi të tjera për të ardhmen e repartit të mesfushës.

Për më shumë se 12 muaj, Santiago Bernabeu shihej si destinacioni më i mundshëm i mesfushorit spanjoll. Sidoqoftë, saga mori një drejtim të papritur, pasi Rodri zgjodhi Barcelonën përmes një marrëveshjeje me vlerë 76.5 milionë euro.

Pas largimeve të Toni Kroos dhe Luka Modric, klubi madrilen po vazhdon përpjekjet për të gjetur një futbollist që mund të ndihmojë në plotësimin e boshllëkut të mbetur në mesfushë.

“AS” raporton se Real Madridi ka kthyer sërish vëmendjen te Kees Smit, talenti i AZ Alkmaar. Holandezi 20-vjeçar e ka shfrytëzuar vitin e fundit për t’u afirmuar si një nga lojtarët e rinj më premtues të futbollit evropian.

Fillimisht, pas refuzimit të Rodrit dhe vendimit të tij për t’iu bashkuar Barcelonës, raportimet sugjeruan se “Los Blancos” nuk do të kërkonin në treg një alternativë tjetër për mesfushën.

Edhe interesimi për Smitin nuk e ndryshon domosdoshmërisht këtë qëndrim, sepse Reali nuk e konsideron holandezin si një zëvendësues të drejtpërdrejtë të Rodrit.

Personat që e kanë ndjekur rritjen e Smitit në futbollin profesionist e dinë se profili i tij ndryshon dukshëm nga ai i spanjollit. Lojtari i AZ Alkmaar është shumë i kompletuar dhe mund të aktivizohet në disa role, duke nisur nga mesfusha defensive e deri te pozicionet në krah në fazën ofensive.

Vlerësohet se pikërisht aftësia për të mbuluar role të ndryshme ka bindur trajnerin e Real Madridit, Jose Mourinho. Tekniku portugez nuk po kërkon një “Rodri të ri”, por një futbollist me tipare të ngjashme me ato të Bernardo Silvas.

Bernardo Silva e filloi karrierën kryesisht në rolin e mesfushorit ofensiv. Megjithatë, gjatë viteve të fundit te Manchester City, ai u aktivizua edhe përkrah Rodrit në bazën e mesfushës, duke u përshtatur me detyra të ndryshme në varësi të kërkesave të Pep Guardiolas.

Tani që Rodri nuk do të kalojë në Madrid, Silva pritet të marrë një rol po aq gjithëpërfshirës te Real Madridi. Por, duke qenë 32-vjeçar, portugezi mund të ketë nevojë që pranë tij të jetë edhe një lojtar më i ri.

Në këtë skenar shfaqet Smit. Holandezi mund të luajë si mesfushor defensiv, pozicion në të cilin cilësia e pasimeve dhe aftësia për ta çuar topin përpara kanë dhënë kontribut të rëndësishëm në suksesin e AZ Alkmaar në Eredivisie.

Njëkohësisht, ai është po aq i përshtatshëm edhe për rolin e mesfushorit ofensiv. Kur vendoset më pranë sulmit, Smit ka mundësi të ndikojë drejtpërdrejt në lojë përmes golave dhe asistimeve.

Për shkak të këtyre karakteristikave, profili i tij ngjan më tepër me atë të Kroos apo Modric sesa me Rodrin. Smit synon vazhdimisht ta avancojë topin, ndërsa energjia dhe fuqia e tij fizike kanë nxitur shumë njerëz ta krahasojnë me legjendat e Real Madridit në vitet e para të karrierës së tyre.

Megjithatë, afrimi i holandezit do të përbënte një rrezik dukshëm më të madh sesa transferimi i Rodrit ose i alternativave të tjera të nivelit të lartë. Deri tani, Smit nuk e ka dëshmuar veten jashtë kampionatit holandez.

Pavarësisht mungesës së përvojës në një ligë tjetër, skautët e disa klubeve evropiane besojnë prej kohësh se ai i zotëron të gjitha cilësitë e nevojshme për t’u përshtatur me një kampionat më të fortë.

Kalimi i Smitit në Santiago Bernabeu nuk do ta zhbënte plotësisht dështimin për të siguruar Rodrin. Megjithatë, ai mund t’i sillte energji të re mesfushës së Real Madridit dhe, nëse vazhdon të zhvillohet me të njëjtin ritëm, t’i mundësonte klubit të ndërtonte një repart konkurrues për dekadën e ardhshme.

The post Real Madridi rihap pistën për talentin holandez pas dështimit me Rodrin appeared first on Albeu.com.

Real Madridi synon ta përforcojë repartin e mesfushës gjatë kësaj vere, pasi objektivi kryesor, Rodri, ka zgjedhur të kalojë te Barcelona.

Edhe pse raportimet e mëhershme sugjeronin se Jose Mourinho ishte i kënaqur me alternativat që kishte në dispozicion, Los Blancos tashmë kanë përzgjedhur tre kandidatë për rolin e organizatorit të tërhequr.

Sipas Diario AS, në radarët e klubit spanjoll ndodhen Adam Wharton i Crystal Palace, Kees Smit i AZ Alkmaar dhe Ayyoub Bouaddi i Lille.

Wharton ishte përfshirë edhe më parë në listën e dëshirave të Real Madridit për këtë verë, por transferimi i tij do të kërkonte një investim të madh financiar.

Smit konsiderohet një prej talenteve të reja më premtuese në Eredivisie dhe mund të transferohet për një shumë relativisht më të ulët. Megjithatë, ai ende nuk ka dëshmuar aftësitë e tij dhe nuk është testuar në nivelin elitar.

Ndërkohë, mundësia për të siguruar Bouaddin duket thuajse e përjashtuar, pasi mesfushori është pranë nënshkrimit me Manchester Cityn, ku shihet si një zëvendësues i mundshëm i Rodrit.

The post Real Madridi piketon tre mesfushorë pas dështimit për të siguruar Rodrin appeared first on Albeu.com.

Real Madridi ka shtuar ritmin e punës për afatin kalimtar të verës, ndërsa te “Los Blancos” po përgatiten për një merkato që pritet të jetë e gjatë, e shtrenjtë dhe me disa objektiva, sidomos në mesfushë.

Prioriteti kryesor për këtë repart mbetet Enzo Fernandez, por shifra prej rreth 140 milionë eurosh që kërkon Chelsea ka bërë që klubi madrilen të shohë edhe mundësi të tjera.

Gazetari Miguel Serrano raporton se, në rast se bisedimet për Enzo Fernandez nuk ecin përpara, Real Madridi ka veçuar tre emra si alternativa kryesore: Kees Smit, Alexis Mac Allister dhe Adam Wharton. Secili prej tyre ka karakteristika të ndryshme, por shihet si lojtar që mund të ngrejë nivelin e mesfushës.

Kees Smit konsiderohet kryesisht si një zgjedhje me perspektivë afatgjatë. Futbollisti 20-vjeçar i Alkmaar ka kontratë deri në vitin 2028 dhe vlerësohet si një nga talentet më premtues të futbollit evropian.

Çmimi i tij aktual në treg përllogaritet rreth 25 milionë euro, por interesimi i madh nga klube të tjera mund ta rrisë ndjeshëm koston e një transferimi të mundshëm.

Në anën tjetër, Adam Wharton shihet si një opsion i mesëm mes investimit për të ardhmen dhe përforcimit të menjëhershëm. Mesfushori anglez 22-vjeçar i Crystal Palace ka marrëveshje me klubin deri në vitin 2029 dhe vlerësohet rreth 70 milionë euro.

Wharton spikat për përdorimin e këmbës së majtë, mënyrën si e lexon lojën dhe aftësinë për të marrë topin mes linjave. Ai ka gjithashtu hapësirë të madhe për t’u zhvilluar, ndonëse ende nuk ka përvojën që zotërojnë disa prej kandidatëve të tjerë.

Mes emrave të përmendur, Alexis Mac Allister shihet si alternativa më e përgatitur nëse Real Madridi nuk arrin të mbyllë transferimin e madh të Enzo Fernandez.

Mesfushori argjentinas 27-vjeçar i Liverpoolit ka eksperiencë në nivelet më të larta, gëzon vlerësim ndërkombëtar dhe mund të aktivizohet si mesfushor ofensiv, por edhe në pozicione më të tërhequra, duke i dhënë trajnerit të Real Madridit më shumë fleksibilitet në mesfushë.

The post Real Madridi shqyrton tri opsione nëse dështon pista Enzo Fernandez appeared first on Albeu.com.

Pas afrimeve të rëndësishme si Ibrahima Konate, Denzel Dumfries, Marc Cucurella dhe Bernardo Silva, drejtuesit e klubit spanjoll synojnë të mos e mbyllin me kaq. Hapi i radhës lidhet me mesfushën, aty ku kërkohet një futbollist i aftë t’i sjellë më shumë fantazi dhe ekuilibër skuadrës së drejtuar nga Jose Mourinho.

Sipas raportimeve, tre emra janë përzgjedhur nga stafi teknik si alternativat kryesore për këtë pozicion: Enzo Fernandez, Mateus Fernandes dhe Kees Smit. Ata përfaqësojnë profile të ndryshme, si në aspektin e moshës ashtu edhe të kostos së mundshme të transferimit, por vlerësohen si lojtarë që mund të mbajnë fanellën e klubit më të suksesshëm në Evropë.

Mes tyre, vëmendjen më të madhe e merr Enzo Fernandez. Mesfushori argjentinas 25-vjeçar e ka forcuar reputacionin e tij si një prej organizatorëve më cilësorë të lojës në futbollin evropian, falë paraqitjeve shumë të mira me Chelsean në Ligën Premier.

Megjithatë, realizimi i këtij transferimi konsiderohet tepër i ndërlikuar. Chelsea nuk ka dëshirë të ndahet nga një prej elementëve më të rëndësishëm të skuadrës dhe nuk parashikon shitjen e zëvendëskapitenit të vet.

Për pasojë, klubi londinez pritet të vendosë një çmim prej rreth 140 milionë eurosh për kartonin e Fernandezit.

Një shifër e tillë do ta shtynte Perezin të peshojë me kujdes nëse operacioni është i realizueshëm, sidomos në kushtet e rregullave të ‘Fair Play Financiar’ dhe shpenzimeve të mëdha që Real Madridi ka kryer tashmë gjatë kësaj vere.

Edhe pse rruga mbetet e vështirë, drejtuesit e madrilenëve po e ndjekin ende nga afër situatën e Enzo Fernandezit. Në të njëjtën kohë, Mateus Fernandes dhe Kees Smit mbeten opsione të forta nëse bisedimet për argjentinasin nuk mund të çohen përpara.

The post Real Madridi vë në fokus tre kandidatë të rëndësishëm për repartin e mesfushës appeared first on Albeu.com.

Sipas The Athletic, gjiganti madrilen nuk është tërhequr nga interesi për 20-vjeçarin holandez, i cili vlerësohet si një prej talenteve më premtues në futbollin evropian.

Ndërkohë, trajneri i ri i “Los Blancos”, Jose Mourinho, raportohet se ka vendosur në krye të listës Mateus Fernandesin e West Hamit dhe Enzo Fernandezin e Chelseat për repartin qendror. Megjithatë, çmimi i lartë i këtyre dy lojtarëve po shihet si një pengesë e madhe për mbylljen e marrëveshjeve.

Pikërisht për këtë arsye, Smit po konsiderohet si një zgjidhje më e përballueshme në aspektin financiar, ndërsa lojtari thuhet se e sheh Real Madridin si një destinacion shumë tërheqës për vijimin e karrierës së tij.

Mesfushori nga Holanda vlerësohet rreth 60 milionë euro, ndërsa AZ Alkmaari i ka kërkuar agjentit të njohur Jorge Mendes të marrë përsipër menaxhimin e mundshëm të transferimit, me synimin për t’i gjetur yllit të ri një klub të madh.

Roli i Mendes mund të rezultojë vendimtar në këtë lëvizje, duke pasur parasysh raportin e tij të afërt me Mourinhon, si edhe përfshirjen në disa transferime të rëndësishme drejt Madridit në vitet e fundit.

Smit zhvilloi një sezon shumë të mirë me AZ Alkmaarin, duke shënuar pesë gola dhe duke dhënë dhjetë asistime në të gjitha kompeticionet. Forma e tij u shpërblye gjithashtu me debutimin në kombëtaren e Holandës gjatë muajit mars.

Aktualisht nuk ka negociata zyrtare mes palëve, por Kees Smit mbetet një nga emrat që Real Madridi po e vlerëson seriozisht për të ardhmen.

The post Real Madridi mban në vëzhgim Kees Smit, Mourinho synon një tjetër mesfushor appeared first on Albeu.com.