Ai ka bërë të ditur se Komisioni Evropian mbetet i gatshëm të avancojë procesin e aplikimit të Kosovës, por përgjegjësia kryesore bie mbi vetë vendin.

“Komisioni mbetet i gatshëm të përgatisë një opinion për aplikimin e Kosovës për anëtarësim dhe, natyrisht, do të vazhdojë ta mbështesë Kosovën në rrugën e saj evropiane”, u shpreh ai.

Megjithatë, Plecity theksoi se orientimi pro-evropian duhet të shoqërohet me hapa konkretë.

“Është e qartë se Kosova mban një përgjegjësi të madhe mbi supet e veta dhe, para së gjithash, orientimi i saj i fortë pro-evropian dhe mbështetja publike duhet të materializohen në reforma konkrete”, deklaroi ai.

Plecity paralajmëroi gjithashtu për urgjencën e përshpejtimit të procesit reformues.

“Po bëhet gjithnjë e më urgjente që Kosova të kompensojë kohën e humbur dhe të intensifikojë reformat”, tha Plecity.

Sipas tij, një rol të rëndësishëm në këtë drejtim ka edhe zbatimi i agjendës reformuese në kuadër të programit për Reforma dhe Rritje.

“Kjo përpjekje do të mbështetej ndjeshëm nga një zbatim më vendimtar i agjendës së reformave të Kosovës në kuadër të programit për Reforma dhe Rritje, i cili së fundmi është ratifikuar dhe tani duhet të fillojë të zbatohet”, përfundoi ai.

The post Përfaqësuesi i KE-së: Kosova të përshpejtojë reformat për anëtarësim në BE appeared first on Albeu.com.

BE-ja i përpilon këto raporte për vendet që synojnë anëtarësimin në bllokun evropian.

“Periudha e raportimit u ndikua nga politikat e brendshme përçarëse dhe një fushatë përplasjesh përpara zgjedhjeve të përgjithshme më 9 shkurt 2025, pasuar nga një bllokim politik paszgjedhor për shkak të pamundësisë dhe mungesës së vullnetit politik të partive politike për të gjetur një mënyrë për krijimin e institucioneve. Qeveria ka qenë në status të Qeverisë në detyrë që nga 23 marsi i vitit 2025 dhe ka funksione të kufizuara ekzekutive për të realizuar operacione të përditshme”, thuhet në raport.

Bashkimi Evropian, sipas Raportit të Progresit, që nga maji i këtij viti ka ndërmarrë hapa “për heqjen graduale” të masave ndëshkuese që vendosi ndaj Kosovës më 2023 për shkak të situatës së tensionuar në veriun e vendit, të banuar me shumicë serbe.

Raporti përmend se Kosova nuk i ka ratifikuar marrëveshjet që do t’i mundësonin të përfitonte nga Plani i Rritjes i Bashkimit Evropian për Ballkanin Perëndimor “për shkak të ngërçit politik”.

Që nga zgjedhjet e 9 shkurtit, Kosova ende nuk ka arritur të formojë ekzekutivin e ri, duke pamundësuar ratifikimin e marrëveshjeve ndërkombëtare në Kuvend.

Plani i Rritjes – paketë në vlerë prej 6 miliardëeurosh, synon përshpejtimin e rrugës së shteteve të rajonit në BE.

Kosovës i kanë rënë hise rreth 900 milionë euro – që do të thotë se për kokë banori është përfituesja më e madhe e këtyre mjeteve.

Ngërçi politik dhe agjenda e BE-së

Sa u përket zgjedhjeve të 9 shkurtit, në raport përmendet tha se ato u zhvilluan në mënyrë të lirë dhe demokratike, ndërkaq fushata zgjedhore ishte garuese, “shpesh me retorikë të ashpër, keqpërdorim të burimeve publike dhe presion socio-politik në zonat ku shumica e popullsisë janë serbë”.

Sa i përket qeverisjes, “sfidat në raportin mes komunave dhe institucioneve qendrore vazhdojnë”, u tha në dokument.

“Më 5 dhjetor 2024, Qeveria miratoi një numër ligjesh, me procedurë të përshpejtuar, duke rritur shqetësimet për parimet demokratike. Opozita, kritike e kësaj praktike, i sfidoi një sërë ligjesh në Gjykatën Kushtetuese”, tha raporti.

Duke folur për procesin e integrimit evropian, raporti tha se ndërsa Kosova publikisht riafirmon përkushtimin ndaj agjendës të BE-së, politikat përçarëse të brendshme dhe mungesa e prioritizimit kanë penguar që ato të zbatohen në mënyrë efektive”.

Ndërkaq, sa i përket Kuvendit, në raport thuhet se përbërja e mandatit të kaluar u përshkrua “me mungesë të konsensusit politik, shkeljeve procedurale, bojkoteve, thirrjeve të shpeshta të seancave të jashtëzakonshme dhe procedurave të përshpejtuara ligjore”.

“Pavarësisht përmirësimeve të izoluara, sikurse përdorimi i sistemit për votim elektronik dhe publikimi i votave individuale të deputetëve, performanca e Kuvendit pësoi rënie”, u tha në Raportin e Progresit.

Dokumenti përmend edhe dështimet e deputetëve për të konstituuar Kuvendin pas zgjedhjeve të 9 shkurtit, duke theksuar se këto dështime “kanë minuar seriozisht funksionimin e institucioneve kyç demokratike”.

Kuvendi u konstituua në fund të gushtit, pas një sërë përpjekjesh të dështuara dhe disa aktgjykimeve të Gjykatës Kushtetuese.

Lufta kundër korrupsionit

Kosova ka bërë “përparim të kufizuar” sa i përket luftimit të korrupsionit, u tha në gjetjet kryesore të Raportit të Progresit.

“Kosova ka bërë përparim të mëtejmë në gjykimin e rasteve të korrupsionit të nivelit të lartë, duke rezultuar në një numër të lartë të vendimeve përfundimtare nga gjykatat dhe shqiptim të dënimeve, ndërkaq numri i përgjithshëm i hetimeve dhe dënimeve të korrupsionit të nivelit jo të lartë ka rënë”.

Komisioni Evropian [KE] tha se Kosova ende vazhdon të mos ketë një kornizë strategjike për luftën kundër korrupsionit.

“Pavarësisht deklarimeve për angazhim politik për përmirësimin e masave kundër korrupsionit, nuk ka një qasje koherente për këtë çështje. Për të pasur një luftë të efektshme kundër korrupsionit në të gjitha nivelet, Kosova duhet t’i përdorë më mirë ligjet ekzistuese kundër korrupsionit, përfshirë të Ligjit për konfiskim. Mjetet parandaluese sikurse deklarimi i pasurisë dhe planet për integritet të institucioneve publike duhet të përdoren më mirë për të identifikuar dhe për të luftuar rrënjët e korrupsionit.

KE-ja rekomandon që Kosova të forcojë edhe më shumë kapacitetin e Agjencisë për Parandalimin e Korrupsionit, sa i përket stafit dhe ekspertizës, të zbatojë legjislacionin ekzistues dhe të miratojë një strategji kombëtare dhe plan të veprimit për luftën kundër korrupsionit 2025-2025 në linjë me praktikat më të mira dhe standardet e BE-së.

Po ashtu vendit i rekomandohet që të përmirësojë cilësinë e hetimeve në rastet e korrupsionit të nivelit të lartë, të rrisë kapacitetin e njësisë së posaçme të hetimeve të Policisë në mënyrë që ajo të bashkëpunojë më mirë me Prokurorinë Speciale.

Ndërkaq, duke folur për luftën kundër krimit të organizuar, Raporti gjeti se Kosova ka bërë përparim në këtë fushë.

Gjyqësori dhe liria e shprehjes

Kosova ka bërë përparim të kufizuar në funksionimin e sistemit gjyqësor, tha KE-ja, duke përmendur se ka pasur përmirësime sa i përket problemit të vonesave të rasteve gjyqësore dhe duke theksuar se janë ndërmarrë disa masa për digjitalizim.

Në dokument thuhet se vendi është konsultuar me Komisionin e Venecias për një paketë ligjesh për gjyqësorin, duke bërë hapa drejt përafrimit me standardet evropiane.

Por, Raporti vë në pah se dy institucionet, Këshilli Gjyqësor dhe ai Prokurorial vazhdojnë të funksionojnë pa përbërje të plotë.

“Për shkak të bllokadës politike aktuale, vonesat në hartimin e reformave të drejtësisë kanë ndikuar negativisht në përpjekjet për forcimin e mekanizmave për përgjegjësi dhe efikasitet brenda gjyqësorit dhe prokurorisë. Ndikimi i papërshtatshëm nga jashtë dhe brenda është i pranishëm”.

Sa u përket të drejtave themelore të njeriut, Kosova duhet të bëjë përpjekje më të mëdha për promovimin, mbrojtjen dhe zbatimin e tyre, tha Raporti i Progresit.

Në dokument përmenden se janë bërë përparime sa i përket procesit të verifikimit të diplomave nga Universiteti i Mitrovicës së Veriut dhe komisionit për verifikim i është zgjatur mandati.

“Zbatimi i legjislacionit që mbron të drejtat e personave që i përkasin grupeve joshumicë, përfshirë të drejtat gjuhësore, ka nevojë për forcim. Disa masa të reja të miratuara nga qeveria kanë dobësuar më tej qasjen në shërbimet bazë për këto grupe. Miratimi i Kodit Civil dhe ndryshimet në Ligjin për lirinë e fesë mbeten të papërfunduara”.

Në pjesën që flet për lirinë e shprehjes, Raporti përmend se Gjykata Kushtetuese ka anuluar Ligjin për Komisionin e Pavarur të Medias, “duke u dhënë autoriteteve udhëzime të qarta për të siguruar hartimin e shpejtë të një ligji të ri”.

“Ndërsa peizazhi i mediave është pluralist, ai has sfida lidhur me transparencën në pronësinë e mediave dhe qëndrueshmërinë financiare. Mjedisi në veri të Kosovës mbetet kufizues, duke nxitur vetëcensurë te publiku, mediat dhe shoqëria civile”, thuhet në raport.

Kosova këtë vit, sipas indeksit të Reporterët pa Kufij, ka shënuar rënien më të madhe në lirinë e mediave në 15 vjetët e fundit, duke u renditur në vendin e 99-të në botë nga 180 shtete.

Ndërkaq, sa u përket reformave në administratën publike, Raporti i bën thirrje Kosovës që të adresojë plotësisht rekomandimet e BE-së sa i përket Ligjit për zyrtarët publikë dhe aktvendimit të Gjykatës Kushtetuese për Ligjin për pagat në sektorin publik.

Ndër rekomandimet që i bëhen Kosovës në këtë drejtim janë që t’i rrisë kapacitetet e shërbimit civil përmes punësimeve në bazë të meritave, të bëjë vlerësimin e performacës dhe të vendosë masa për të arritur barazi gjinore, të ulë numrin e pozitave vakante dhe me ushtrues detyre dhe të finalizojë sistematizimin dhe klasifikimin e vendeve të punës dhe të sigurohet që të funksionojë sistemi i ri i pagave.

KE-ja rekomandon që të rritet numri i shërbimeve elektronike, që do të ulte barrën adminsitrative.

Periudha raportuese e këtij dokumenti është nga 1 shtatori i vitit 2024 deri më 1 shtator 2025. Raporti përpilohet nga të dhëna të marra nga shumë burime, përfshirë nga Qeveria e Kosovës, shtetet anëtare të BE-së, raporte të Parlamentit Evropian dhe informacione nga organizata të ndryshme joqeveritare ndërkombëtare dhe vendore. /REL

The post Gjetjet kryesore për Kosovën në Raportin e Progresit të KE-së: Ngërçi politik, lufta ndaj korrupsionit, drejtësia dhe liria e medias appeared first on Albeu.com.

“Qëllimi ynë është t’i forcojmë kapacitetet tona mbrojtëse për ta frenuar agresionin”, deklaroi komisionari i Mbrojtjes i BE-së, Andrius Kubilius, gjatë një konference në Bruksel.

Sipas planit të Komisionit Evropian, Rusia dhe Bjellorusia përbëjnë “kërcënimin më të madh”, duke përmendur shkeljet e përsëritura të hapësirës ajrore të vendeve anëtare të BE-së nga automjetet ajrore pa pilot (UAV), apo dronët.

“Ky ‘mur evropian i dronëve’ duhet të ndërtohet mbi mësimet e nxjerra nga Ukraina për rëndësinë e madhe të krijimit të ekosistemeve inovative të dronëve dhe kundërdronëve, duke e lidhur zhvillimin e mbrojtjes me prodhimin, dhe duke u mbështetur në kapacitete të shkallëzuara prodhimi dhe zhvillimit të vazhdueshëm teknologjik,” thuhet në dokument.

Propozimet, që do t’iu paraqiten për miratim liderëve të BE-së javën e ardhshme, vijnë mes diskutimeve të ashpra mbi cenueshmërinë e Evropës, të cilat u nxitën nga hyrja e 21 dronëve rusë në Poloni në fillim të shtatorit.

Ky incident, së bashku me fluturimet e dronëve rusë mbi Rumani dhe shkelja e hapësirës ajrore të Estonisë nga avionë luftarakë rusë, çoi në nisjen e iniciativës “Roja Lindore” nga NATO-ja për forcimin e mbrojtjes ajrore.

Ministrja e Mbrojtjes së Lituanisë, Dovile Shakaliene, i tha Shërbimit ukrainas të REL-it se këto shkelje ruse “kanë ndihmuar shumë” në krijimin e ndjenjës së urgjencës.

“Kur gjithnjë e më shumë aleatë të NATO-s shohin sa e rrezikshme është Rusia dhe sa e paparashikueshme po bëhet situata në qiellin tonë, kjo përshpejton proceset – si në financimin e mbrojtjes sonë, ashtu edhe në mbështetjen për Ukrainën”, tha ajo.

Ministri i Mbrojtjes i Suedisë, Pal Jonson, tha për REL-in se incidentet ruse kanë qenë “një kambanë alarmi” për Evropën.

“Duhet të mësojmë shumë nga pala ukrainase dhe do të ishim mirënjohës nëse mund të blinim edhe nga Ukraina në industrinë e mbrojtjes, pasi ata kanë qenë të jashtëzakonshëm në rritjen e prodhimit”, tha ai.

Nisma evropiane për dronët është vetëm një pjesë e paketës së gjerë të quajtur “Ruajtja e Paqes – Plani i Gatishmërisë Mbrojtëse 2030”, e cila përfshin gjithashtu plane për përdorimin e aseteve të ngrira ruse për të financuar rregullisht Ukrainën, hapa për përparimin e prokurimeve të përbashkëta ushtarake dhe një “paketë për mobilitet ushtarak” që synon ta lehtësojë lëvizjen më të shpejtë të trupave dhe pajisjeve nëpër Evropë.

Kubilius tha se plani përfshin gjithashtu zhvillimin e kapaciteteve për goditje me raketa me rreze të gjatë veprimi.

“Në Evropë nuk po prodhojmë mjaftueshëm të tilla, prandaj duhet të zhvillojmë prodhimin e këtyre armëve. Ndërkohë, do të vazhdojmë t’i blejmë ato nga partnerët tanë transatlantikë”, shtoi ai.

Dokumenti nënvizon rolin qendror të NATO-s në mbrojtjen e Evropës, por thekson edhe nevojën që kontinenti të zhvillojë kapacitete të pavarura në vitet e ardhshme.

“Deri në vitin 2030, Evropa duhet të ketë një pozicion mbrojtës mjaftueshëm të fortë për t’i frenuar kundërshtarët e saj”, thuhet në plan. “Për të qenë ‘gati për 2030-ten’, Evropa duhet të veprojë tani”.

Megjithatë, disa zyrtarë mendojnë se ky afat kohor nuk është mjaftueshëm urgjent. Më 13 tetor, kreu i shërbimit të inteligjencës së jashtme të Gjermanisë, Martin Jaeger, i tha një komisioni parlamentar në Berlin se “ne jemi tashmë duke u përballur me zjarr”.

“Nuk duhet të rrimë duarkryq duke supozuar se një sulm i mundshëm rus nuk do të ndodhë para vitit 2029”, paralajmëroi Jaeger.

“Në rastin më të mirë, aktualisht ekziston një paqe e ftohtë në Evropë, e cila mund të kthehet në konfrontim të nxehtë në çdo moment”, shtoi ai.

Kryediplomatja e BE-së, Kaja Kallas, tha se Rusia do të mbetet kërcënim edhe nëse lufta në Ukrainë përfundon.

“Rreziku nuk do të zhduket edhe kur të mbarojë lufta në Ukrainë. Është e qartë se duhet të forcojmë mbrojtjen tonë ndaj Rusisë”, tha ajo./REL

The post Komisioni Evropian shpalos planet për “murin e dronëve” appeared first on Albeu.com.

Puna për përgatitjen e kësaj pakete ka përfshirë një proces të koordinuar dhe intensiv, ku Administrata Doganore përgatiti dhe dorëzoi: kalendarin legjislativ dhe tabelat e konformitetit me acquis të BE-së; strategjitë kryesore të administratës në fushat e biznesit, burimeve njerëzore dhe trajnimit; masat për rritjen e integritetit dhe performancës së strukturës doganore; planin kombëtar shumëvjeçar për sistemet IT dhe masat për ndërveprimin me sistemet e BE-së; informacion mbi ratifikimin e Protokollit të Konventës Kuadër për Kontrollin e Duhanit; raportin vjetor “Libri Jeshil-Dogana 2024 dhe Prioritetet 2025”, i botuar për të katërtin vit radhazi.

Administrata Doganore Shqiptare thekson se mbetet e përkushtuar në përmbushjen e të gjitha detyrimeve të Kapitullit 29, përmes forcimit të kapaciteteve administrative, modernizimit të sistemeve digjitale, dhe bashkëpunimit të thelluar me strukturat e BE-së në luftën kundër tregtisë së paligjshme.

“Ky është një moment historik që i shërben jo vetëm integrimit të Shqipërisë në BE, por edhe ndërtimit të një administrate moderne, të besueshme dhe në shërbim të qytetarëve e biznesit”, bën të ditur DPD.

The post Shqipëria dorëzon në KE dokumentacionin e plotë për Kapitullin e Doganave appeared first on Albeu.com.

Tërheqja e Rusisë është kryesisht simbolike duke pasur parasysh gjendjen e pasigurt të të drejtave të njeriut në vend, e cila u përkeqësua pas pushtimit të Ukrainës nga Moska në shkurt 2022. Kremlini ka përdorur tortura për të ruajtur kontrollin dhe për të shtypur mospajtimin brenda vendit.

Rusia u përjashtua nga Këshilli i Evropës, organi më i lartë i të drejtave të njeriut në kontinent, një muaj pasi filloi agresioni i saj i plotë kundër Ukrainës më shumë se tre vjet më parë. Në shumë raste, Kremlini ka synuar torturat ndaj të burgosurve politikë, përfshirë udhëheqësin e opozitës Alexei Navalny, i cili vdiq në vitin 2024 në një koloni penale brenda Rrethit Arktik. Të burgosurit ukrainas të mbajtur në robëri janë gjithashtu viktima.

Konventa Evropiane për Parandalimin e Torturës dhe Trajtimit ose Ndëshkimit Çnjerëzor ose Poshtërues, e miratuar në vitin 1987, është një nga traktatet themelore të Këshillit të Evropës. Ajo u lejon anëtarëve të komitetit kundër torturës të inspektojnë mjediset e paraburgimit në vendet anëtare, duke u përqendruar në mbipopullimin e burgjeve dhe kushtet më të mira për të burgosurit.

The post Rusia do të tërhiqet zyrtarisht nga traktati i Këshillit të Evropës për parandalimin e torturës appeared first on Albeu.com.

Gjatë një video-konference me Këshillin Evropian, Kalas theksoi se “uniteti mes liderëve të BE-së ishte i dukshëm” dhe se ajo ka vendosur sigurinë e Ukrainës dhe sanksionet ndaj Rusisë në krye të axhendës për takimin e ardhshëm të ministrave të jashtëm dhe të mbrojtjes së BE-së, javën që vjen.

“Nuk mund t’i besojmë presidentit rus për asnjë premtim apo angazhim,” shkroi Kalas në një postim në rrjetet sociale. “Prandaj, garancitë e sigurisë duhet të jenë të forta dhe të besueshme, për të parandaluar që Rusia të rimblidhet dhe të sulmojë sërish.”

The post Kaja Kallas: BE ka gati paketën e re të sanksioneve ndaj Rusisë! Nuk mund t’i besojmë Putinit appeared first on Albeu.com.

Moszbatimi i vendimeve të Gjykatës Kushtetuese nga Kuvendi i Shqipërisë ngrihet gjithashtu si problematikë për sundimin e ligjit në Shqipëri. Shqetësimet e Brukselit i janë shprehur qeverisë shqiptare përmes dy dokumenteve jozyrtare në mes të majit dhe në fillim të qershorit, si drafte paraprake të vlerësimit për ecurinë e reformave në kapitujt themelorë të negociatave, ku vendin kryesor e zë sundimi i ligjit.

Në dokumentin paraprak që BIRN disponon, BE vë në dukje se pavarësisht përmirësimit të gjyqësorit në përgjithësi, janë shtuar përpjekjet e zyrtarëve publikë ose politikanëve për të ushtruar ndikim të padrejtë dhe presion mbi sistemin gjyqësor.

“Hetimi dhe arrestimi i një zyrtari të zgjedhur, i konfirmuar nga Gjykata e Posaçme kundër Korrupsionit dhe Krimit të Organizuar (SPAK) në shkurt 2025, shkaktoi reagime të paprecedenta publike nga degët ekzekutive dhe legjislative, përfshirë përpjekjet për të ushtruar presion mbi SPAK dhe institucionet gjyqësore. Kjo përbën një shqetësim serioz,” thuhet në dokument.

BE i referohet dhe dy ankesave të SPAK ndaj Ministrisë së Brendshme dhe Policisë së Shtetit për dështimin për të forcuar sigurinë dhe për të mbrojtur stafin e SPAK gjatë një proteste përpara godinës së tij kundër arrestimit të Veliajt si dhe rasteve të presionit ndaj prokurorëve dhe gjyqtarëve.

“Gjatë periudhës së raportimit, gjashtë magjistratë janë vendosur nën mbrojtje – dy gjyqtarë dhe katër prokurorë. Prokuroria e Posaçme nisi një hetim penal për përpjekje për ushtrim presioni ndaj një magjistrati në një çështje që përfshinte një deputet,” thuhet në dokument.

Komisioni Europian ka bërë një skaner të procesit të vetingut, funksionimit të gjykatave dhe problematikave në mungesën e burimeve njerëzore, ndërsa sjell në vëmendje dhe shqetësimet nëse propozimet ligjore për të rregulluar këto problematika nuk janë sipas standardeve europiane.

Në draft-raportin e rrjedhur në media të martën flitet gjithashtu për ‘mangësi’ që lidhen me punën, metodologjinë, transparencën dhe gjithpërfshirjen e komisionit të posaçëm ‘anti-korrupsion’ i drejtuar nga deputeti socialist, Fatmir Xhafaj.

Kuvendi si institucioni më i lartë gjigjvënës kritikohet për nivel të dobët në mbikëqyrjen e ekzekutivit, moszbatimin e vendimeve të Gjykatës Kushtetuese dhe në mungesën e emërimeve të drejtuesve apo anëtarëve të disa institucioneve.

Gjatë kësaj legjislature, mazhoranca socialiste këmbënguli në moszbatimin e dy vendimeve të Gjykatës Kushtetuese ku kërkohej dërgimi i mandatit të deputetet Olta Xhaçka për interpretim në këtë gjykatë, pasi bashkëshorti i saj u shpall nga qeveria “investitor strategjik”.

“Kuvendi gjithashtu duhet të zbatojë vendimet e Gjykatës Kushtetuese që ende nuk janë respektuar,” thuhet në vlerësimin e BE-së.

Si pjesë e kapitujve themelorë janë dhe reformat në prokurimet publike, ku BE vijon të vendosë theksin në kontratat me negociim të drejtpërdrejtë të qeverisë, si një procedurë jotransparente.

“Ligji i ndryshuar për Prokurimin Publik përmban një dispozitë kalimtare që i lejon Këshillit të Ministrave të autorizojë negociimin e drejtpërdrejtë të kontratave të shërbimeve në “fusha me interes strategjik” për një periudhë trevjeçare, çka ngre shqetësime mbi përputhshmërinë e saj me acquis-në e BE-së”- vërehet në dokumentin pararendës të draftraportit të BE-së për ecurinë e zbatimit të ligjit.

Qeveria dhe mazhoranca nuk e kanë komentuar kritikat dhe sugjerimet e BE-së për ecurinë e negociatave në kapitujt themelorë, ndër një raport final zyrtar pritet të dalë në fillim të korrikut. Ministri i Shtetit për Parlamentin, Taulant Balla dhe nënkryetarja socialiste e komisionit për Çështjet Evropiane, Etilda Gjonaj, thanë se nuk ishin në dijeni sepse nuk kishte akoma një raport zyrtar.

“Ky është një dokument paraprak që i vjen ministrisë së Drejtësisë dhe kjo ministri mbledh komentet e gjithë institucioneve dhe ia dërgon BE-së dhe pastaj përpunohet dhe bëhet publik një raport zyrtar për kapitujt themelorë,” tha Gjonaj duke sqaruar procedurën./ BIRN

The post “Shqetësim serioz!” BE dënon sulmet e qeverisë ndaj SPAK pas arrestimit të Veliajt appeared first on Albeu.com.

Brukseli ka urdhëruar Athinën të kthejë 392.2 milionë euro nga fondet evropiane, për shkak të dështimeve sistematike në menaxhimin e subvencioneve bujqësore nga viti 2016 deri në 2023.

Agjencia greke përgjegjëse për mbikëqyrjen e pagesave bujqësore të BE-së akuzohet gjithashtu për kryerjen e pagesave pa verifikime të mjaftueshme dhe pa inspektime në terren.

Gjobat vijnë pas një skandali të madh mashtrimi në sektorin bujqësor grek, që po hetohet nga Zyra Evropiane e Prokurorit Publik (EPPO) dhe që ishte objekt i një hetimi të POLITICO-së më herët gjatë këtij viti.

EPPO po ndjek dhjetëra raste ku shtetas grekë kanë marrë fonde evropiane për toka barishtore që nuk i zotëronin ose nuk i kishin marrë me qira, apo për punë bujqësore që nuk i kanë kryer kurrë, duke privuar bujqit e vërtetë nga paratë që u takonin.

Muajin e kaluar, qeveria greke njoftoi mbylljen e OPEKEPE, agjencisë shtetërore që është në hetim. Prokurorja kryesore evropiane, Laura Kövesi, në një intervistë për POLITICO, garantoi se hetimi për skemën e mashtrimit do të vazhdojë pavarësisht “sulmeve” dhe “frikësimeve” ndaj stafit të saj.

“Kundërvënia ndaj vendit tonë vazhdon dhe besueshmëria e tij ndaj institucioneve evropiane po bie në mënyrë drastike,” deklaroi në një komunikatë kreu i opozitës kryesore greke, Nikos Androulakis.

Sipas vendimit të datës 11 qershor, Komisioni Evropian ka vendosur një korrigjim të përgjithshëm prej 5 për qind mbi të gjitha subvencionet direkte greke për shkak të mungesës së mbikëqyrjes efektive.

Për kategori specifike, si programet për fermerët e rinj gjatë viteve 2018-2020, ky korrigjim shkon deri në 10 për qind. Dënimet më të mëdha vjetore, prej 79 milionë dhe 76 milionë eurosh, lidhen me pagesat sipas zonave, të kryera përkatësisht në vitet 2021 dhe 2022.

Gjobat ndikojnë në disa lloje subvencionesh, përfshirë pagesat direkte, programet për fermerët e vegjël, skemat ekologjike dhe masat vullnetare të mbështetjes së lidhur. Të gjitha u konsideruan me përputhje të pamjaftueshme me kriteret e BE-së.

Greqia pritej të merrte rreth 1.9 miliardë euro në pagesa direkte nga BE-ja vitin e ardhshëm, por tani rreth një e katërta e kësaj shume do të reduktohet për shkak të gjobës.

Në mars të këtij viti, Gjykata e Përgjithshme e Bashkimit Evropian refuzoi një ankesë të Greqisë kundër një seti të ngjashëm sanksionesh, duke mbështetur gjetjet e Komisionit Evropian dhe duke urdhëruar Greqinë të paguajë shpenzimet gjyqësore.

Vendimi aktual nuk lidhet drejtpërdrejt me hetimet për pretendimet mashtruese për tokat barishtore. Sipas zyrtarëve grekë të bujqësisë, priten gjoba të tjera./politico

The post Komisioni Evropian gjobit Greqinë me 400 milionë euro për keqmenaxhim të fondeve bujqësore të BE-së appeared first on Albeu.com.

Ai ka paralajmëruar gjithashtu se ky proces, mund të çojë në stanjacion të negociatave për integrimin e vendit në Bashkimin Europian.

Në një “non-paper” të publikuar së fundmi, Komisioni Europian evidenton dështimet në luftën kundër korrupsionit dhe krimit të organizuar, ndërsa kritikon ashpër mënyrën se si është kapur sistemi i drejtësisë dhe tentativat për të minuar pavarësinë e tij.

DEKLARATA E BLUSHIT:

Komisioni Europian çertifikon shkatërrimin e Reformës në Drejtësisë si pasojë e presionit dhe kapjes së paprecedentë, duke paralajmëruar stanjacion të procesit të negociatave dhe mos-hapje të kapitujve për integrimin pa plotësuar standardet.

Një “non paper” i Komisionit Europian i bërë publik së fundmi së bashku me raportin e këtij institucioni për sundimin e ligjit evidentojnë qartë se dështimi i theksuar në luftën kundër krimit të rëndë e të organizuar, kundër korrupsionit e sidomos kapja e sistemit të drejtësisë e shndërrojnë në farsë përpjekjen gjoja të qeverisë për përshpejtimin e integrimit europian.

Reforma në Drejtësi, e votuar unanimisht me 140 vota në Kuvend si një moment historik për ndarjen e drejtësisë nga politika dhe për dhënien fund të pandëshkueshmërisë, është shndërruar tanimë qartësisht në Ramaformën me 69 vota të betimeve të gjyqtarëve kushtetues te noteri te Lana, në një instrument të pisët politik për amnistimin e korrupsionit dhe krimit elektoral, që ka për qëllim vetëm konsolidimin e Narkoshtetit.

Raporti i fundit i Komisionit Europian për sundimin e ligjit e denoncon hapur këtë degradim dramatik, duke evidentuar qartë edhe përpjekjen kriminale për të uzurpuar dhe asgjesuar përfundimisht pavarësinë e Gjykatës Kushtetuese.

Në konkluzionet e Komisionit Europian evidentohet fakti se “Ekzistojnë mangësi lidhur me punën, mungesën e transparencës, gjithëpërfshirjes, metodologjinë dhe ndikimin real të komisionit ad hoc…” një referencë e qartë ndaj të ashtuquajturit Komision Xhafaj, i cili po përdoret si vegël politike për të rishkruar reformat me prapavijë okulte dhe klienteliste

Raporti evidenton gjithashtu se “moszbatimi i vendimeve të Gjykatës Kushtetuese dhe pasiguria ligjore mbi kohëzgjatjen e mandateve të anëtarëve të saj”, që është një akuzë e drejtpërdrejtë e Komisionit Europian ndaj puçit institucional të orkestruar nga Sokol Sadushi, si në rastin flagrant të rrëmbimit të mandatit të dy gjyqtarëve kushtetues.

Kjo ndërhyrje brutale dhe ekstraligjore për ta shndërruar Gjykatën Kushtetuese në një objekt pazari të korporatave politike është një minim i thellë i besimit qytetar në drejtësi.

Tentativa për të zeruar çdo mendim pakice edhe në Gjykatën Kushtetuese, duke hequr gjyqtarët e pavarur, është një shkelje shumë e rëndë e Kushtetutës, që vërteton tmerrin e Edi Ramës nga e vërteta, argumenti, logjika, objektiviteti dhe integriteti i gjyqtarëve të pavarur që i nxjerrin zbuluar të besuarit e “Rilindjes”.

Qytetarët e Shqipërisë po shohin çdo ditë se “drejtësia e re” nuk është një tjetër veçse një patericë e Narkoregjimit, një mburojë e shëmtuar politike jo vetëm për korrupsionin, por edhe për krimin elektoral, që nisi me rrëmbimin terrorist të Presidentit të Partisë së Lirisë, Ilir Meta dhe u vulos me terrorin zgjedhor të 11 Majit.

Tanimë edhe me vulën e Komisionit Europian, “Ramaforma” në drejtësisë po damkoset si një makineri politike nën kontrollin e Narkoshtetit dhe veglave të tij politike: Fatmir Xhafaj dhe Sokol Sadushi.

Konkluzionet e Komisionit Europian dhe akuzat e drejtpërdrejta ndaj komisioni Xhafaj, si instrument i një puçi institucional antikushtetues, janë një tjetër argument solid dhe i pavarur pse ky komision duhet të shkrihet menjëherë.

Me ç’te drejte do te beje vleresim dhe analize mbi drejtesine Komisioni i Posacem i Rames?

Perse u be Reforma ne Drejtesi, per te cilen u prek me shume se 1/3 e Kushtetutes?

A ka sistem te pavarur vleresimi dhe kontrolli drejtesia?

A u be reforma ne drejtesi per te larguar duart e politikes mbi Drejtesine?

Me ç’te drejte Kushtetuese do te beje nje proces te thelluar reformimi mbi Drejtesine nje Komision i Posaçem 100% politik dhe i njeanshem vetem me deputete rilindas?

Është domosdoshmëri nisja urgjente e një hetimi për ndërhyrjet kriminale politike në mandatin e gjyqtares kushtetuese dhe gjithë procesin e deformimit të sistemit.

Beteja për çlirimin e drejtësisë nga kapja dhe korporatizmi është jetike për mbijetesën e shtetit ligjor.

Nëse kjo situatë nuk ndalet, Shqipëria rrezikon të mbetet një Narkoshtet, ku drejtësia është në funksion të pushtetit dhe qytetarët pa mbrojtje ligjore.

Reforma nuk duhet të mbetet një fasadë – por të rikthehet tek fryma e saj kushtetuese dhe konsensuale e 140 votave: drejtësi e pavarur dhe e barabartë për të gjithë.

The post Tedi Blushi: KE certifikoi shkatërrimin e Reformës në Drejtësi dhe paralajmëron stanjacion të negociatave appeared first on Albeu.com.

Për Shqipërinë, Komisioni përshëndet hapjen e negociatave mbi grupin themelor gjatë konferencës së dytë ndërqeveritare më 15 tetor, duke e vlerësuar këtë si një moment të rëndësishëm në rrugën drejt anëtarësimit. Në raport, theksohet mbështetja për përfundimin e negociatave deri në vitin 2027.

Po ashtu në raport therksohet se Shqipëria ka bërë progres në reformat gjithëpërfshirëse në drejtësim dhe në procesin e vettingut. Por me tej bëhet me dije se është thelbësore që autoritetet të intensifikojnë ritmin e reformave, veçanërisht në sundimin e ligjit dhe në luftën efektive kundër korrupsionit dhe krimit të organizuar.

Pjesë nga raporti për Shqipërinë:

Në Shqipëri, autoritetet kanë deklaruar vazhdimisht angazhimin e tyre të vendosur politik për integrimin në BE si prioritetin kryesor strategjik të vendit dhe kanë ruajtur një nivel të lartë ambicie për të ecur përpara në negociatat e anëtarësimit. Shqipëria ka vazhduar të bëjë progres në reformat nën grupin themelor, veçanërisht në reformën gjithëpërfshirëse në drejtësi dhe procesin e vetingut, përfundimi i të cilit në shkallë të parë është i pashmangshëm, nëpërmjet rezultateve të mira në çështjet antikorrupsion dhe duke rritur kapacitetet e saj në hetimet financiare kundër krimit të organizuar.

Angazhimi aktiv i Shqipërisë gjatë mandatit të saj si anëtare jo e përhershme në Këshillin e Sigurimit të OKB-së deri në fund të vitit 2023, si dhe të dhënat e saj të përafrimit të plotë me politikën e përbashkët dhe të jashtme të sigurisë së BE-së, dëshmojnë për zgjedhjen e saj strategjike për anëtarësimin në BE dhe rolin e një partneri të besueshëm ndërkombëtar. Pas konferencës së parë ndërqeveritare për negociatat e anëtarësimit në korrik 2022, seancat e shqyrtimit për të gjashtë grupet e acquis të BE-së përfunduan në nëntor 2023.

The post KE publikon raportin për vendet aspirante për BE: Shqipëria të intensifikojë luftën kundër korrupsionit appeared first on Albeu.com.