Monika Zajkova, shefe e Delegacionit të Kuvendit në Asamblenë Parlamentare të OSBE-së dhe nënkryetare e AP të OSBE-së, së bashku me Boban Karapejovskin, zëvendës-anëtar i Delegacionit, morën pjesë në misionin e AP të OSBE-së për monitorimin e zgjedhjeve të parakohshme parlamentare në Kazakistan, të zhvilluara më 23 gusht 2026.

Delegacioni i Kuvendit të Republikës së Maqedonisë së Veriut ndoqi procesin zgjedhor në zona të ndryshme të kryeqytetit Astana dhe në rrethinë. Gjatë vëzhgimit, ekipi vizitoi rreth 12 vendvotime dhe paraqiti raporte të shkruara për konstatimet e tij.

Zgjedhjet u zhvilluan pas referendumit kushtetues në Kazakistan, përmes të cilit u krijua një njësi e vetme zgjedhore në nivel kombëtar, u vendos sistemi proporcional me lista të mbyllura dhe u miratuan edhe një sërë ndryshimesh të tjera.

Misioni i AP të OSBE-së përbëhej nga parlamentarë të vendeve pjesëmarrëse në OSBE, të angazhuar për vëzhgimin e zgjedhjeve në Astana dhe në rajone të tjera të Kazakistanit. Ata bashkëpunuan ngushtë me kolegët e Zyrës për Institucione Demokratike dhe të Drejtat e Njeriut të OSBE-së (OSBE/ODIHR), për të mbledhur më shumë të dhëna mbi mënyrën e zhvillimit të zgjedhjeve parlamentare.

Para hapjes së qendrave të votimit, vëzhguesit u informuan në mënyrë të hollësishme nga përfaqësues të Komisionit Qendror Zgjedhor, partive politike, shoqërisë civile, mediave dhe ekspertëve të pavarur. Pas dy ditësh diskutimesh të thelluara, parlamentarët e OSBE-së do të dërgoheshin në pjesë të ndryshme të Kazakistanit për të vlerësuar procesin zgjedhor.

Gabor Hajdu nga Rumania, nënkryetar i AP të OSBE-së, mbante detyrën e koordinatorit special të OSBE-së dhe të drejtuesit të vëzhguesve afatshkurtër të zgjedhjeve. Shefe e delegacionit të AP të OSBE-së ishte Lucia Tacer Perlin nga Sllovenia.

Vlerësimi i zgjedhjeve do të bëhet në përputhje me angazhimet demokratike të përcaktuara në Dokumentin e Kopenhagës të OSBE-së të vitit 1990. Gjetjet do të përmblidhen e do të analizohen për t’u përfshirë në konkluzionet preliminare të misionit ndërkombëtar për vëzhgimin e zgjedhjeve, të cilat do të bëhen publike në konferencën e përbashkët për shtyp më 24 gusht.

The post Delegacioni i Kuvendit të RMV-së vëzhgoi zgjedhjet e parakohshme parlamentare në Kazakistan appeared first on Albeu.com.

FC Qyzyljar Petropavlovsk ka prezantuar Liridon Latifin si afrimin më të ri të skuadrës. Siç kishte raportuar “Newsport.al” disa javë më parë, sulmuesi 32-vjeçar i ka dhënë fund qëndrimit te Shkëndija e Tetovës për të vijuar karrierën në Premier Ligën e Kazakistanit.

Klubi i Qyzyljar nuk ka shpenzuar asnjë “kacidhe” për transferimin e tij, pasi Latifi ishte lojtar i lirë dhe pa kontratë. Futbollisti ka hedhur firmën mbi një marrëveshje 1.5-vjeçare, e cila do të zgjasë deri në fund të vitit 2027.

Sa i përket rrugëtimit të tij në futboll, Latifi e ka nisur karrierën te Prishtina. Më pas, ai ka veshur edhe fanellat e Skënderbeut, Kukësit, Puskas AFC, Sheriff Tiraspol, Vllaznisë dhe Tiranës.

The post Liridon Latifi zyrtarizohet te FC Qyzyljar Petropavlovsk, ish-sulmuesi i Tiranës nis kapitullin e ri appeared first on Albeu.com.

Sipas asaj që “Newsport.al” kishte raportuar disa javë më parë, Liridon Latifi pritet të jetë afrimi më i ri i FC Qyzyljar në Premier Ligën e Kazakistanit. Zyrtarizimi i sulmuesit shqiptar tashmë pritet të bëhet nga momenti në moment.

Megjithatë, përpara prezantimit të Latifit, klubi kazak ka ndërmarrë një lëvizje të papritur dhe drastike. Milich Churchic nuk do të jetë më trajner i skuadrës që militon në elitën e futbollit kazak.

Njoftimin e ka bërë vetë klubi, ku mes të tjerash thuhet: “Klubi i futbollit Qyzyljar dhe trajneri Milich Churchic kanë vendosur që të t’i japin fund bashkëpunimit mes tyre me akord dypalësh. Skuadra do të stërvitet nga specialisti Stoyakin Nikolay Alexandrovich për ndeshjen e radhës”.

The post Para prezantimit të Liridon Latifit, FC Qyzyljar shkarkon trajnerin Milich Churchic appeared first on Albeu.com.

Me këtë fitore, “verdhëkuqtë” ngjiten në vendin e parë të grupit me tetë pikë, një më shumë se Uellsi që do të luajë me Belgjikën.

Ndeshja u zhvillua në kushte të vështira në terren me bari artificial dhe me shumë duele fizike. Trajneri Milevski, i cili mungoi për shkak të pezullimit, kishte bërë disa ndryshime në formacion, përfshirë edhe debutimin e Despotovskit në mbrojtje dhe rikthimin e Trajkovskit në sulm. Ishte pikërisht Trajkovski që vendosi fatin e takimit me një goditje nga e majta në minutën e 33-të, për kryesim e që doli në fund të jetë rezultati përfundimtar.

Kazakët kërcënuan disa herë portën e Dimitrievskit, madje goditën edhe shtyllën në pjesën e parë dhe kërkuan një penallti që u refuzua pas konsultimit me VAR-in.

Në pjesën e dytë, vendasit shtuan presionin, por mbrojtja e Maqedonisë rezistoi me sukses, me Visar Musliun që ishte shtyllë e pathyer.

Maqedonia në fund arriti ta ruajë epërsinë dhe të marrë tri pikë të arta në garën për një vend në Kampionatin Botëror. Kujtojmë se në këtë ndeshje për Maqedoninë luajtën nga minuta e parë futbollistët shqiptarë, kapiteni Bardhi, Aliski dhe Musliu, ndërsa nga banka rezerve u inkuadrua Elezi.

Ndeshja e radhës për Maqedoninë do të jetë më 7 shtator në Shkup ndaj Lihtenshtajnit, ndërsa më 10 shtator do të udhëtojë në Bruksel për t’u përballur me Belgjikën.

The post Fitore e madhe për Maqedoninë në Kazakistan, tani është lider i grupit appeared first on Albeu.com.

Pavarësisht se e dinin shumë mirë rrezikun, deri në momentet e fundit shqetësimi i tyre kryesor ishte shpëtimi i pasagjerëve.

Detaje rrëqethëse kanë dalë nga momentet e fundit të fluturimit 8432: Ekuipazhi bëri te pamunduren që të garantonte sigurinë e pasagjerëve dhe tani, anëtarët e tij po konsiderohen heronj.

Azerbajxhani Airlines publikoi emrat e tyre, duke theksuar se kapiteni Kshnyakin kishte një përvojë fluturimi prej mbi 15,000 orësh, e së bashku me Kalyaninov shfaqën aftësi të jashtëzakonshme, e pohuar kjo dhe nga ekspertët, pasi arritën të fluturonin aeroplanin përtej Detit Kaspik dhe të rrëzoheshin vetëm 3 kilometra larg pistës së aeroportit Aktau.

Pas Azerbajxhanit, edhe SHBA-të nuk përjashtojnë më një gabim nga mbrojtja kundërajrore ruse si shkak të rrëzimit të një avioni pasagjerësh azerbajxhanas në Kazakistan.

Sipas një zyrtari të qeverisë amerikane, të dhënat fillestare tregojnë si avioni është goditur. Edhe CNN, ABC News raportuan për këtë.

Nëse konfirmohen indikacionet fillestare, mund të imagjinohet që njësitë ruse jo të trajnuara mirë mund të kenë gabuar objektivin në përpjekjen për mbrojtje ndaj kundër dronëve ukrainas, tha zyrtari amerikan.

Në bordin e avionit të rrëzuar ndodheshin 37 shtetas azerë, gjashtë nga Kazakistani, tre nga Kirgistani dhe 16 shtetas rusë. Një total prej 29 pasagjerësh i mbijetuan përplasjes, ndërsa 38 humbën jetën teksa pilotët tentuan të bënin një ulje emergjente pranë qytetit të Aktaut.

Burime qeveritare thanë se aeroplani i dëmtuar, nuk u lejua të ulej në asnjë aeroport rus pavarësisht kërkesave të pilotëve për një ulje emergjente dhe u urdhërua të fluturonte përtej Detit Kaspik drejt Aktaut në Kazakistan.

The post Tragjedia/ Detaje tronditëse nga rrëzimi i avionit në Kazakistan: Ekuipazhi luftoi deri në fund, rusët nuk i lejuan… appeared first on Albeu.com.

Linja ajrore tha se vendimi ishte marrë “duke marrë parasysh rezultatet paraprake të hetimit për aksidentin… dhe duke vlerësuar rreziqet për sigurinë e fluturimit”.

Ky vendim, vjen pas raportimeve se hetuesit zbuluan se avioni mund të ishte rrëzuar nga një raketë ruse e mbrojtjes ajrore.

Autoritetet thanë se në bordin e avionit ishin 62 pasagjerë dhe pesë anëtarë të ekuipazhit. Ministria e Emergjencave të Kazakistanit tha se 38 vdiqën, ndërsa 29 mbijetuan.

The post Rrëzimi i avionit në Kazakistan/ Azerbajxhani Airlines pezullon fluturimet në shtatë qytete ruse appeared first on Albeu.com.

Gjithashtu linja ajrore tha se avioni “bëri një ulje emergjente” rreth 3 km (1.9 milje) nga Aktau. Po ashtu Azerbajxhani Airlines tha se fluturimet midis Baku dhe qyteteve ruse të Grozny dhe Makhachkala do të anulohen.

Ndërkohë pasagjerët në bord ishin kryesisht shtetas të Azerbajxhanit, por kishte edhe disa pasagjerë nga Rusia, Kazakistani dhe Kirgistani. Një grua që po udhëtonte për të kaluar pushimet me fëmijët e saj në Çeçeni, kryeqyteti i së cilës është Grozny, vdiq në aksident. Një nënë, e cila udhëton me teste mjekësore për fëmijën e saj të sëmurë, është ende e zhdukur.

Një grua e re ndau dhimbjen e saj me shërbimin azerbajxhanas të BBC-së teksa përpiqej me dëshpërim të zbulonte se çfarë i ndodhi babait të saj, i cili ishte në fluturim. Ajo shpjegoi se babai i saj kishte qenë duke udhëtuar me djalin e tij, i cili i mbijetoi përplasjes. Djali arriti të kontaktojë motrën e tij, por ende nuk kishte asnjë lajm për babain e tyre.

The post Tragjedia në Kazakistan, 38 persona humbin jetën nga rënia e avionit appeared first on Albeu.com.

Sipas mediave të huaja, nga kjo tragjedi dyshohet se kanë vdekur dhjetëra persona, pasi bëhet me dije se në bordin e avionit ishin 72 persona.

Gjashtë persona raportohet se i kanë mbijetuar përplasjes, thanë autoritetet.

Fluturimi i ‘Azerbajxhan Airlines’, ishte rrugës nga Baku në Azerbajxhan për në Grozny në Rusi, por ndryshoi drejtim për shkak të mjegullës. Ai u rrëzua pranë aeroportit Aktau në perëndim të vendit.

Shërbimet e urgjencës po punonin për të shuar zjarrin në vendin e përplasjes, tha Ministria e Emergjencave të Kazakistanit.

Nuk kishte asnjë koment të menjëhershëm nga Azerbajxhani Airlines lidhur me këtë ngjarje.

BREAKING: Passenger plane crashes near Aktau Airport in Kazakhstan pic.twitter.com/M2DtYe6nZU

— BNO News (@BNONews) December 25, 2024

BREAKING: Passenger plane which crashed near Aktau Airport in Kazakhstan carried 67 passengers and 5 crew members.

There are reports of survivors. pic.twitter.com/vD8s8Dz8Oq

— AZ Intel (@AZ_Intel_) December 25, 2024

The post Tragjike/ Rrëzohet avioni me 72 persona në bord, dyshohet për dhjetëra të vdekur (VIDEO) appeared first on Albeu.com.

Sipas Daily Mail, gjyqi i Bishibayev është gjyqi i parë i vrasjes në vend që transmetohet në internet, pasi vdekja tragjike e 31-vjeçares shkaktoi një reagim zinxhir në ish-republikën sovjetike, me mijëra njerëz që nënshkruan peticionet për të ashpërsuar ligjin ndaj dhunës në familje.

Bishibayev, i cili përballet me 20 vite burg, fillimisht kishte pohuar në gjykatë se gruaja e tij vdiq nga plagët e vetëshkaktuara më 9 nëntor të vitit të kaluar.

Megjithatë, pamjet e kapura nga kamerat në një restorant në pronësi të një të afërmi të tij rrëzojnë pretendimet e tij.

Ai shfaqet duke goditur pa mëshirë me grushte dhe shkelma gruan, dy orë para vdekjes së saj.

Former Minister of Economy is on trial in Kazakhstan for the brutal murder of his wife

He faces up to life imprisonment.

Read the full article: https://t.co/hrd2OEvJZS pic.twitter.com/S4izqs7B2T

— NEXTA (@nexta_tv) April 3, 2024

The post Pamje të rënda/ Momenti kur ish-ministri i Financave rreh për vdekje bashkëshorten e tij (VIDEO) appeared first on Albeu.com.

Begaj ndodhet në Kazakistan që prej datës 6 shtator dhe vizita do të zgjasë deri ditën e nesërme. Pas ceremonisë, dy presidentët zhvilluan një takim “kokë më kokë” me dyer të mbyllura.

Në fokus të takimeve do të jetë bashkëpunimi bilateral i deritanishëm si dhe interesi për zhvillimin e hapësirave ekonomike që ekzistojnë mes dy vendeve.

Gjithashtu, ata do të diskutojnë edhe për situatën ndërkombëtare dhe rajonale./Albeu.com/

The post Begaj vizitë në Kazakistan, pritet me ceremoni shtetërore! Takim “kokë më kokë” me homologun appeared first on Albeu.com.