Pogradeci nisi ditën e djeshme përgatitjet zyrtare për edicionin e ri futbollistik, ndërsa synimi i klubit mbetet i pandryshuar: ngjitja në elitën e futbollit shqiptar, “Abissnet Superiore”.

Ky objektiv u theksua edhe nga administratori i skuadrës liqenore, Kopi Gusho, i cili foli para stafit teknik dhe futbollistëve.

“Këtë vit Pogradeci ka një objektiv madhor. Objektivi është vetëm një, futja e Pogradecit në Kategorinë Superiore. Rikthimin në mes të skuadrave më të mira, gjë që i takon këtij ekipi. Për këtë, stafi teknik ka përgatitur një program shumë ambicioz, të cilin jeni të detyruar ta zbatoni, pra po them të gjithë së bashku.

Nëse ne jemi korrektë me të gjithë këto kërkesa, do ta arrijmë objektivin që na ka vënë presidenti, t’ia shpërblejmë me ngjitjen në Kategorinë Superiore këtë vit. Falënderoj lojtarët e rinj që kanë ardhur, që pranuan të veshin fanellën e Pogradecit, e cila është një fanellë me emër në futbollin shqiptar”, tha Gusho.

The post Pogradeci hap zyrtarisht punën për sezonin e ri, Gusho vendos objektivin: kthimi në “Abissnet Superiore” appeared first on Albeu.com.

Besëlidhja ka bërë një tjetër lëvizje të rëndësishme në merkato, duke zyrtarizuar afrimin e Antonio Delajt. Klubi lezhjan e prezantoi mesfushorin pak minuta më parë nëpërmjet një postimi në rrjetet sociale, ndërsa lojtari ka nënshkruar një kontratë 2-vjeçare.

22-vjeçari është formuar te ekipet zinxhir të Vllaznisë dhe më pas ka marrë minuta edhe me skuadrën e parë të shkodranëve. Në karrierën e tij ai është aktivizuar gjithashtu edhe me Elbasanin.

Ky konsiderohet një afrim me peshë për një skuadër që synon Superioren dhe që e ka nisur me ritëm të lartë ndërtimin e ekipit për sezonin e ri, në funksion të objektivit madhor.

POSTIMI:

“Antonio Delaj, mirë se erdhe në Lezhë. Mesfushori 22 vjeçar ka hedhur firmën duke u bërë pjesë e jona deri në vitin 2028.”

The post Besëlidhja zyrtarizon Antonio Delajn, firmë 2-vjeçare për ish-mesfushorin e Vllaznisë dhe Elbasanit appeared first on Albeu.com.

Besa e Kavajës ka zyrtarizuar afrimin e radhës në merkato, duke bërë pjesë të skuadrës Melsi Cerenin. Sulmuesi 22-vjeçar ka vendosur të mbyllë bashkëpunimin me Luftëtarin dhe të vijojë karrierën te rivalët e gjirokastritëve në Kategorinë e Parë.

Cereni vjen nga akademia e Tiranës, ndërsa gjatë karrierës së tij ka qenë pjesë edhe e Dinamos U17. Më pas, 22-vjeçari është aktivizuar me Pogradecin dhe, së fundmi, me Luftëtarin.

Klubi kavajas e bëri publik lajmin përmes një njoftimi zyrtar: “Melsi Cereni verdhezi. Ju njoftojmë se kemi arritur një marrëveshje me sulmuesin Melsi Cereni, i cili bashkohet me ne për aventurën e re në futbollin shqiptar”.

The post Besa e Kavajës forcon repartin ofensiv, firmos me ish-lojtarin e Tiranës Melsi Cereni appeared first on Albeu.com.

Iliria po vijon punën për ta ngritur edhe më shumë nivelin konkurrues për sezonin e ardhshëm në Kategorinë e Parë.

Klubi nga Fushë-Kruja ka bërë të ditur dy rinovime me peshë, duke zgjatur bashkëpunimin me portierin Dashamir Xhika dhe mbrojtësin e djathtë Amri Kallaku. Të dy futbollistët do të jenë pjesë e ekipit deri në vitin 2027, një sinjal i qartë për objektivat e skuadrës për të realizuar një tjetër kampionat pozitiv.

Në edicionin e fundit, Iliria e mbylli kampionatin në vendin e 4-t me 45 pikë. Më parë, drejtuesit kishin bërë publik edhe rikthimin e Dritan Smajlit në stol, pas largimit të Matias Tatangelos.

Sa i përket së kaluarës së tyre, Xhika ka qenë pjesë e Partizanit në sezonet 2010/2011 dhe 2019/202, ndërsa Kallaku ka luajtur me Vorën gjatë sezonit 2022/23.

POSTIMI:

“KF Iliria ka kënaqësinë të njoftojë se Dashamir Xhika dhe Amri Kallaku kanë rinovuar kontratat e tyre edhe për një sezon tjetër. Klubi u uron shumë suksese dhe një sezon të mbarë me fanellën e KF Ilirisë!”

The post Iliria mban në skuadër dy emra kyç, vazhdojnë deri në 2027 ish-lojtarët e Superiores appeared first on Albeu.com.

Besëlidhja po tregon qartë se e ka marrë seriozisht projektin për të qenë një prej skuadrave më ambicioze në Kategorinë e Parë, ndërsa lëvizjet e fundit në merkato e përforcojnë edhe më shumë këtë ide.

Klubi lezhjan ka zyrtarizuar së fundmi afrimin e Lucian Radu, mesfushorit që vjen nga FC Zimbru Chisinau në Moldavi, përmes një njoftimi të publikuar në rrjetet sociale.

Radu mbylli sezonin e fundit me 30 ndeshje të luajtura, duke realizuar 2 gola dhe duke dhënë 6 asiste, shifra që kanë shtyrë Besëlidhjen të finalizojë tratativën për të shtuar cilësi dhe energji në repartin e mesfushës.

POSTIMI:

“KF Besëlidhja ka kënaqësinë të njoftojë afrimin e mesfushorit moldav Lucian Radu, i cili bashkohet zyrtarisht me klubin tonë.

20-vjeçari vjen nga klubi FC Zimbru Chișinău dhe është gjithashtu pjesë e Moldovisë U-21, duke sjellë energji, cilësi dhe potencial të madh për mesfushën tonë.

I urojmë Lucianit suksese me fanellën e Besëlidhjes dhe shumë momente të bukura së bashku!

Mirë se erdhe në Lezhë, Lucian!”

The post Besëlidhja synon lart në misionin “Superiore”, lezhjanët përforcojnë mesfushën me talentin moldav appeared first on Albeu.com.

Flamurtari ka prezantuar Mehdi Çobën si afrimin më të ri të skuadrës. Sulmuesi 26-vjeçar i ka dhënë fund eksperiencës së tij me Drenicën në Superligën e Kosovës, për të nisur një kapitull të ri në Vlorë.

Për lojtarin bëhet fjalë për një kthim në Shqipëri, pasi më parë ka qenë pjesë e Vllaznisë. Ai u nda nga shkodranët në korrik të vitit 2025, moment kur firmosi me Gjilanin në Kosovë.

Vlen të theksohet se kuqezinjtë e mbyllën në mënyrë zhgënjyese sezonin e fundit në “Abissnet Superiore”. Flamurtari u rendit në vendin e fundit dhe ra në Kategorinë e Parë, kategori ku do të garojë edhe sezonin e ardhshëm.

Flamurtari F.C. ka kënaqësinë të njoftojë afrimin e sulmuesit Mehdi Çoba, i cili do të jetë pjesë e skuadrës për sezonin e ri. 26-vjeçari vjen për të forcuar repartin ofensiv të skuadrës, duke sjellë cilësi, energji dhe ambicie për objektivat e Flamurtarit. Mirë se erdhe në familjen kuqezi, Mehdi!

The post Mehdi Çoba rikthehet në futbollin shqiptar, Flamurtari zyrtarizon afrimin e ish-sulmuesit të Vllaznisë appeared first on Albeu.com.

Lajmin për largimin e ka bërë të ditur vetë gardiani përmes një postimi në rrjetet sociale. “Nga ky moment nuk jam më pjesë e KF Korabit. Faleminderit Korabi”, shkruan Mehidri.

Pas këtij zhvillimi, 28-vjeçari është tashmë një lojtar i lirë në tregun e transferimeve. Më herët, Mehidri ka qenë pjesë e Laçit, Tërbunit, Vorës, Vllaznisë dhe Besës së Kavajës.

The post Jurgen Mehidri ndahet me Korabin, ish-portieri i Vllaznisë del në merkato appeared first on Albeu.com.

Sezoni i ri i kampionatit “Abissnet Superiore” është parashikuar të startojë të shtunën, më 22 gushtit, ndërsa mbyllja e tij do të vijë më 9 maj 2027.

Edhe “Kategoria e Parë” tashmë ka kalendarin e saj, me nisje më 5 shtator 2026 dhe përfundim më 2 maj 2027.

Sa i përket trofeve të tjerë, Superkupa e Shqipërisë do të luhet më 27 dhjetor 2026, ndërsa Kupa e Shqipërisë do të nisë më 16 shtator 2026 dhe finalja e saj do të zhvillohet më 12 maj 2027.

Nga ana tjetër, kampionati i vajzave do të fillojë më 19 shtator 2026 dhe do të mbyllet më 2 maj 2027.

Më poshtë janë të gjitha datat e fillimit dhe të përfundimit të aktiviteteve kombëtare për sezonin futbollistik 2026-2027.

Kampionati “Abissnet Superiore” do të fillojë më datë 22.08.2026 dhe do të mbarojë në datën 09.05.2027.

Kampionati “Kategoria e Parë” do të fillojë më datë 05.09.2026 dhe do të mbarojë në datën 02.05.2027.

Superkupa e Shqipërisë do të luhet më 27.12.2026.

Kupa e Shqipërisë do të fillojë më datë 16.09.2026 dhe do të mbarojë në datën 12.05.2027.

Kampionati “Kategoria e Dytë” do të fillojë më datë 12.09.2026 dhe do të mbarojë në datën 25.04.2027.

Kampionati “Kategoria e Tretë” do të fillojë më datë 11.10.2026 dhe do të mbarojë në datën 18.04.2027.

Kampionati i vajzave do të fillojë më datë 19.09.2026 dhe do të mbarojë në datën 02.05.2027.

Kampionati “Abissnet Superiore” për moshat U-19, U-18 dhe U-17 do të fillojë më datë 06.09.2026 dhe do të mbarojë në datën 09.05.2027.

Kampionati “Abissnet Superiore” për moshat U-16 dhe U-15 do të fillojë më datë 12.09.2026 dhe do të mbarojë në datën 02.05.2027.

Kampionati “Kategoria e Parë” për moshat U-19 dhe U-17 do të fillojë më datë 13.09.2026 dhe do të mbarojë në datën 02.05.2027.

Kampionati “Kategoria e Parë” për moshat U-16 dhe U-15 dhe U-14 do të fillojë më datë 04.10.2026 dhe do të mbarojë në datën 01.05.2027.

Kampionati “Kategoria Superiore Elitë” për moshat U-14 dhe U-13 do të fillojë më datë 12.09.2026 dhe do të mbarojë në datën 15.05.2027.

The post FSHF publikon kalendarin e sezonit 2026-2027, zbulohen datat e “Abissnet Superiore” dhe të gjitha kampionateve appeared first on Albeu.com.

Verdhezinjtë janë duke negociuar me Rimal Haxhiun dhe Erisildo Smaçin. Raportohet se diskutimet po ecin në drejtimin e duhur, megjithatë ende nuk ka një marrëveshje të mbyllur, edhe pse Besa mbetet e vendosur për t’i afruar në skuadër.

Sa i takon Haxhiut, ai u nda nga Tirana vetëm pak javë më parë, pasi 27-vjeçari zgjodhi të mos rinovojë kontratën. Ndërsa Smaçi ka qenë pjesë e Tiranës nga janari i vitit 2025 deri në gusht të po atij viti.

Në sezonin e fundit, mesfushori aktivizohej me Prishtinën e Re në Superligën e Kosovës. Nga ana tjetër, Besa deri në këtë fazë të merkatos ka afruar futbollistë cilësorë si Fatmir Prenga, Suleiman Danladi, Manfredas Ruzgis dhe, së fundmi, Henry Marku.

The post Besa e Kavajës vijon ofensivën në merkato, hap negociatat me dy ish-lojtarë të Tiranës appeared first on Albeu.com.

Karriera e gardianit do të vijojë te Botosani. Ka qenë vetë klubi rumun që, përmes rrjeteve sociale, ka bërë të ditur se ka finalizuar transferimin e Gurau nga Bylisi. Qëndrimi i rumunit në Ballsh zgjati vetëm 6 muaj.

Gurau iu bashkua Bylisit në janar të këtij viti, pasi u transferua nga Unirea Slobozia. Gjatë kësaj periudhe ai u aktivizua në katër takime, mes kampionatit dhe Kupës së Shqipërisë, ku pësoi gjithsej 8 gola.

The post I jep fund qëndrimit te Bylisi, Ionut Gurau rikthehet në Rumani dhe firmos me Botosanin appeared first on Albeu.com.