Besëlidhja ka bërë zyrtarizimin e Festim Alidemës si përforcimin më të ri të skuadrës. Sulmuesi 28-vjeçar, i cili u largua nga Ballkani, ka zgjedhur të vijojë karrierën te ekipi lezhjan.

Përmes një njoftimi, klubi ka konfirmuar se Alidema do të jetë pjesë e Besëlidhjes në sezonin e ri. Sipas drejtuesve, futbollisti sjell eksperiencë nga kampionatet e Kroacisë, Kosovës dhe Shqipërisë.

Karrierën e tij e nisi në Kosovë, ku u aktivizua me KF Vllazninë. Më pas, ai luajti për Llapin, Slaven Belupon dhe Dragovoljacin në Kroaci, ndërsa ka mbajtur edhe fanellat e Dritës, Lirisë së Prizrenit dhe Erzenit.

Alidema ka spikatur më herët edhe në Kategorinë e Parë, gjatë kohës kur ishte pjesë e Pogradecit. Së fundmi, sulmuesi 28-vjeçar ishte pjesë e Ballkanit në Superligën e Kosovës.

The post Besëlidhja zyrtarizon afrimin e Festim Alidemës, sulmuesi bashkohet me lezhjanët appeared first on Albeu.com.

Festim Alidema është përforcimi më i ri i Besëlidhjes. Sipas burimeve të “Newsport.al”, ish-futbollisti i Pogradecit ka zgjedhur të vijojë karrierën me skuadrën lezhjane.

Vijon…

The post Besëlidhja godet në merkato, firmos me ish-sulmuesin e Pogradecit appeared first on Albeu.com.

Këtë të premte, në orën 11:00, u zhvillua shorti i Kategorisë së Parë për sezonin 2026-2027, nga i cili u përcaktua edhe programi i javës së parë.

Edicioni i 79-të i këtij kampionati do të ngrejë siparin më 5 shtator 2026, ndërsa përfundimi është parashikuar në fund të muajit maj të vitit 2027.

Që në nisje, shorti ka prodhuar disa duele interesante. Flamurtari i Olitjon Kërnajës do ta presë Sopotin në Vlorë, kurse Pogradeci i Emiljano Çelës do ta luajë takimin e parë në transfertë ndaj Burrelit.

Në sfidat e tjera, Iliria do të jetë pritëse kundër Kastriotit dhe Kukësi do të masë forcat me Korabin. Bylisi do të ndeshet me Besën, ndërsa Oriku do të përballet me Besëlidhjen.

JAVA 1

ILIRIA – KASTRIOTI

KUKËSI – KORABI

BYLISI – BESA

BURRELI – POGRADECI

FLAMURTARI – SOPOTI

ORIKU – BESËLIDHJA

The post Kategoria e Parë/ Zbardhet kalendari i sezonit 2026-2027, Oltijon Kërnaja nis me Flamurtarin në Vlorë, Pogradeci luan jashtë fushe appeared first on Albeu.com.

Shorti që do të përcaktojë kalendarin e sezonit të ri të Kategorisë së Parë 2026–2027 do të organizohet të premten nga Federata e Futbollit.

Sipas njoftimit të Departamentit të Komunikimit në FSHF, ceremonia do të zhvillohet në ambientet e “Shtëpisë së Futbollit” dhe do të fillojë në orën 11:00.

Të interesuarit mund ta ndjekin eventin drejtpërdrejt në kanalin zyrtar të FSHF-së në YouTube, si edhe në FSHF TV.

Edicioni i ri i kampionatit do të ngrejë siparin më 5 shtator 2026, ndërsa mbyllja e tij është parashikuar për në muajin maj 2027.

Në garë do të jenë këto skuadra: KF Bylis, FC Flamurtari, KF Pogradeci, KF Iliria, KF Besa, KF Kastrioti, KF Burreli, KF Korabi, KF Kukësi, KF Besëlidhja, KF Oriku dhe KF Sopoti.

The post Kategoria e Parë 2026–2027, FSHF njofton klubet për shortin e kalendarit appeared first on Albeu.com.

Flamurtari ka konfirmuar zyrtarisht transferimin e Filip Boshkovskit. Mbrojtësi i djathtë është futbollisti më i ri i skuadrës vlonjate, pasi marrëveshja ishte raportuar nga “Newsport.al” pak orë më parë, në çastin kur u hodh firma.

25-vjeçari konsiderohet një përforcim i rëndësishëm për repartin defensiv të ekipit të drejtuar nga Oltijon Kërnaja. Futbollisti maqedonas mbërrin në Vlorë si lojtar i lirë, pas eksperiencës së sezonit të fundit me Pelister Bitolan. Sipas “Transfermarkt”, Boshkovski vlerësohet 125 mijë euro.

Me këtë afrim, trajneri tropojan shton alternativat në një tjetër repart përpara nisjes së sezonit të ri në Kategorinë e Parë. Flamurtari synon që në edicionin pasardhës të rikthehet në Superiore, ndërsa Boshkovski bëhet transferimi i 11-të i realizuar nga klubi vlonjat gjatë merkatos së verës.

NJOFTIMI:

ZYRTARE | Filip Boshkovski bëhet pjesë e Flamurtari F.C.!

Flamurtari F.C. prezanton me kënaqësi përforcimin më të fundit të skuadrës. Mbrojtësi i djathtë Filip Boshkovski i bashkohet ekipit për sezonin e ri.

Datëlindja: 28 Tetor 2000

Kombësia: Maqedonia e Veriut

Gjatësia: 1.79 m

Pozicioni: Mbrojtës i djathtë

Mirë se vjen në familjen kuqezi, Filip!

The post Flamurtari zyrtarizon përforcimin e 11-të, Oltijon Kërnaja merr mbrojtësin me vlerë 125 mijë euro appeared first on Albeu.com.

Flamurtari ka siguruar një tjetër përforcim gjatë kësaj merkatoje. Sipas informacioneve të “Newsport.al”, Filip Boshkovsi ka nënshkruar kontratën, ndërsa zyrtarizimi nga klubi vlonjat pritet të bëhet shumë shpejt.

Mbrojtësi anësor 25-vjeçar nga Maqedonia ishte pa skuadër dhe kishte statusin e futbollistit të lirë. Ai është larguar vetëm pak minuta më parë nga zyrat e klubit, pasi hodhi firmën në marrëveshjen e re.

Trajneri Oltijon Kërnaja merr kështu një tjetër element të rëndësishëm për repartin defensiv. Flamurtari po ndërton një kontingjent konkurrues për një sezon mbresëlënës në Kategorinë e Parë, ku synimi do të jetë me çdo kusht rikthimi në “Abissnet Superiore”.

The post Flamurtari përforcon mbrojtjen, 25-vjeçari maqedonas firmos për skuadrën e Oltijon Kërnajës appeared first on Albeu.com.

Besëlidhja ka zyrtarizuar afrimin e Anteo Osmanllarit, i cili bëhet përforcimi më i ri i skuadrës lezhjane, siç raportoi dje “Newsport.al”. Mbrojtësi i djathtë ka mbyllur bashkëpunimin me Drenicën për të vijuar karrierën në Kategorinë e Parë.

Osmanllari kishte në tryezë edhe një mundësi për të luajtur në Ligën e Parë turke, por palët nuk gjetën dakordësinë për kushtet e marrëveshjes. Për këtë arsye, 27-vjeçari do të jetë pjesë e Besëlidhjes gjatë sezonit të ardhshëm.

Futbollisti e ka nisur rrugëtimin e tij te Skënderbeu, ndërsa më pas ka luajtur me Korabin, Burrelin, Pogradecin, Turbinën, Partizanin, Erzenin dhe Drenicën.

The post Besëlidhja përforcohet me ish-mbrojtësin e Partizanit, firmos Anteo Osmanllari appeared first on Albeu.com.

Sopoti ka përforcuar repartin e sulmit me Gresild Likën. Futbollisti 28-vjeçar është larguar nga Iliria e Fushë-Krujës dhe do ta vijojë karrierën te skuadra nga Librazhdi.

Lika ka nënshkruar me kampionët një marrëveshje 1-vjeçare, e cila do të jetë në fuqi deri në verën e vitit 2027. Përvoja e tij sportive i jep besim Sopotit se tashmë e ka “blinduar” ofensivën.

31-vjeçari i ka hedhur hapat e parë të karrierës te Dinamo. Gjatë rrugëtimit të tij, ai ka veshur gjithashtu fanellat e Partizanit, Korabit, Luftëtarit, Bylisit, Skënderbeut, Vorës dhe Ilirisë.

Sopoti u kurorëzua kampion i Kategorisë së Dytë dhe siguroi ngjitjen, ndërsa sezonin e ardhshëm do të garojë në Kategorinë e Parë.

The post Sopoti godet në merkato, zyrtarizon ish-sulmuesin e Partizanit appeared first on Albeu.com.

Flamurtari ka zyrtarizuar Chigozie Kenneth si përforcimin më të ri të skuadrës. Klubi vlonjat e prezantoi sulmuesin nëpërmjet një postimi në rrjetet sociale, ndërsa ai bashkohet si futbollist i lirë pas eksperiencës në Superligën e Kosovës me Trepçën.

Ardhja e 22-vjeçarit përbën një tjetër lëvizje të trajnerit Oltijon Kërnaja për plotësimin e repartit ofensiv, teksa objektivi i Flamurtarit mbetet rikthimi në Superiore.

Përpara aktivizimit të fundit me KF Trepçën, Kenneth ka qenë pjesë edhe e Motorlet Prague dhe Dakkada FC.

The post Flamurtari synon Superioren, skuadra e Kërnajës prezanton 22-vjeçarin nga kampionati i Kosovës appeared first on Albeu.com.

Todor Todoroski do të vijojë aventurën e tij te Flamurtari. Klubi nga Vlora dhe mbrojtësi i djathtë kanë arritur marrëveshjen për zgjatjen e bashkëpunimit.

Futbollisti maqedonas ka nënshkruar një kontratë të re për 2 vite të tjera, e cila do ta mbajë në Vlorë deri në verën e vitit 2028. Në këtë mënyrë, trajneri Oltijon Kërnaja do të vazhdojë ta ketë në dispozicion 27-vjeçarin.

Todoroski iu bashkua Flamurtarit në korrik të vitit të shkuar. Gjatë karrierës së tij, ai ka qenë pjesë e disa skuadrave, mes të cilave Vardar, Osijek, Sibenik, Sumgayit dhe Poli Iasi.

The post Flamurtari siguron vazhdimësinë, rinovon deri në vitin 2028 me mbrojtësin maqedonas appeared first on Albeu.com.