Pak para nisjes së sezonit të ri në Kategorinë e Parë, Iliria ka përforcuar organikën me dy futbollistë. Klubi nga Fushë-Kruja ka zyrtarizuar transferimin e Edon Hasanit dhe Etrit Gjuzit.

Hasani i bashkohet skuadrës si lojtar i lirë, pasi sezonin e kaluar luajti për Besën e Kavajës. Mesfushori 34-vjeçar ka një karrierë të pasur në futbollin shqiptar, ku ka mbrojtur ngjyrat e Vllaznisë, Kuksit, Tiranës, Elbasanit dhe Kastriotit. Për të, kjo do të jetë paraqitja e tretë në Kategorinë e Parë.

Ndërkohë, Etrit Gjuzi vjen te Iliria nga Teuta në formën e huazimit për një vit. Ai ka qenë pjesë e ekipit të parë durrsak dhe është aktivizuar gjithashtu me Kombëtaren Shqiptare U17.

The post Iliria siguron dy afrime para sezonit, bashkohet edhe ish-mesfushori bardheblu appeared first on Albeu.com.

Erisildo Smaçi pritet të jetë afrimi i radhës për Besëlidhjen. Sipas burimeve të “Newsport.al”, mesfushori 28-vjeçar do t’i bashkohet skuadrës lezhjane nesër në Pogradec, ku ekipi po kryen përgatitjet.

Ky është përforcimi i dytë i Besëlidhjes brenda pak ditësh, pas marrëveshjes së arritur me sulmuesin Festim Alidema. Me Smaçin në dispozicion, trajneri Elvis Plori fiton një alternativë të rëndësishme në mesfushë, pasi lojtari pritet të sjellë përvojë dhe ekuilibër në këtë repart.

Smaçi e ka nisur rrugëtimin e tij futbollistik në Lezhë, te Brians. Gjatë karrierës, 28-vjeçari ka luajtur gjithashtu për Partizani U19, Laçi, Shënkolli, Apolonia, Dinamo, Bnei Yehuda në Izrael, Tirana, Drenica dhe Prishtina e Re.

The post Besëlidhja siguron firmën e ish-mesfushorit të Tiranës dhe Partizanit appeared first on Albeu.com.

Partizani regjistroi një tjetër sukses në ndeshjet miqësore, duke mundur me përmbysje Besëlidhjen me rezultatin 3-2.

Skuadra e Kategorisë së Parë e mbylli pjesën e parë në avantazh 1-2, por në fraksionin e dytë të besuarit e trajnerit Florin Bratu reaguan dhe realizuan dy gola.

Human ishte autor i dy golave për Partizanin, duke shënuar në minutat 30 dhe 64, ndërsa Kazzem përcaktoi rezultatin përfundimtar me golin e fitores në minutën 82.

The post Partizani përmbys Besëlidhjen dhe triumfon 3-2 në miqësore appeared first on Albeu.com.

Flamurtari triumfoi 2-0 ndaj Istogut 03 në ndeshjen miqësore të zhvilluar në stadiumin e Tropojës. Golat e skuadrës vlonjate u shënuan nga Berisha dhe Llajaj.

Kuqezinjtë realizuan nga një gol në secilën pjesë, duke dhuruar një paraqitje pozitive. Ekipi ka pësuar ndryshime të shumta në organikë, pasi pjesa më e madhe e lojtarëve është zëvendësuar, ndërsa trajneri Oltijon Kërnaja ka për detyrë ta rikthejë Flamurtarin në Superiore.

Rezultati përbën një sinjal inkurajues për vlonjatët, të cilët duhet të punojnë shumë për të siguruar kthimin në elitën e futbollit shqiptar.

The post Flamurtari ndryshon ndjeshëm organikën dhe siguron fitore në miqësore appeared first on Albeu.com.

Elbasani e ka hapur zyrtarisht periudhën përgatitore me një takim miqësor, i cili u mbyll pa fitues dhe pa gola.

Në provën e parë të kësaj faze, verdheblutë u përballën me ekipin e Bylisit, ndërsa rezultati përfundimtar ishte 0-0. Për Elbasanin, kjo ishte ndeshja e parë pas paraqitjeve në Europë.

Përballja i dha mundësi trajnerit Ivan Gvozdenoviç të vlerësonte formën fizike të futbollistëve në fillim të përgatitjeve për sezonin e ri të Abissnet Superiore.

The post Elbasani barazon pa gola me Bylisin në miqësoren e parë të fazës përgatitore appeared first on Albeu.com.

Të dyja formacionet e Kategorisë së Parë po vijojnë me axhendën parapërgatitore për kampionatin 2026-2027, teksa u ndalën në një rezultat të barabartë. Ndeshja e zhvilluar në fushën e liqenorëve përfundoi me shifrat 1 me 1.

Vendasit e nisën mirë takimin dhe kaluan të parët në epërsi falë një goli të shënuar nga Preknicaj. Megjithatë, ekipi kavajas reagoi dhe rivendosi ekuilibrin përmes një realizimi të Netos. Ky test miqësor, i karakterizuar nga korrektësia, i lejoi të dy stafet teknike të vlerësonin nga afër formën e lojtarëve dhe të eksperimentonin me strategji të ndryshme taktike.

Kjo përballje shërbeu si një tjetër moment i rëndësishëm në ciklin përgatitor, teksa Pogradeci dhe Besa aspirojnë të jenë plotësisht gati në startin e edicionit të ardhshëm, me shpresën për të kapur një vend në elitën e futbollit shqiptar.

The post Ndeshje miqësore mes Pogradecit dhe Besës përfundon në barazim 1-1 appeared first on Albeu.com.

Pasi pësoi rënien nga kategoria “Abissnet Superiore”, Bylis ka filluar të riorganizohet dhe po zhvillon përgatitjet për sezonin e ardhshëm në Kategorinë e Parë. Ditët e fundit, ekipi nga Ballshi ka zhvilluar një takim prove.

Skuadra bardhekuqe ka triumfuar ndaj Apolonisë në një ndeshje miqësore, të cilën e kontrolloi plotësisht nga fillimi deri në fund. Përballja kundër fierakëve u mbyll me një rezultat të pastër 4-1 në të mirë të Bylisit.

Për ekipin ballshiot realizuan Walisson, Riruai, Hodo dhe Adeduro. Ky është një tregues inkurajues për trajnerin dhe lojtarët, që e hapin ciklin përgatitor me një sukses bindës me katër gola.

The post Bylis shkëlqen në testin miqësor, mposht Apoloninë me një fitore të thellë 4-1 appeared first on Albeu.com.

Në kuadër të përgatitjeve për sezonin e ri, Besëlidhja ka triumfuar 1-0 ndaj Laçit në një përballje miqësore.

Goli që vendosi takimin u realizua në minutën e 26-të nga pika e 11-metërshit. Ekipi lezhjan e administroi avantazhin deri në fund, ndërsa Laçi krijoi rastet e tij, por nuk ia doli të dërgojë topin në rrjetë.

Laçi ka kryer ndryshime të shumta në përbërje për edicionin e ardhshëm të Superiores. Në anën tjetër, Besëlidhja, pas dominimit në Kategorinë e Dytë, synon të renditet mes skuadrave më të mira edhe në Kategorinë e Parë.

The post Besëlidhja mposht minimalisht Laçin dhe jep sinjale inkurajuese appeared first on Albeu.com.

Sopoti ka vendosur t’i besojë edhe për sezonin e ri Rrahman Hallaçit, i cili do të mbetet në drejtimin e ekipit. Pas arritjes së ngjitjes në Kategorinë e Parë, klubi nga Librazhdi ka zgjedhur të vazhdojë bashkëpunimin me teknikun 47-vjeçar.

“Rikonfirmuam në krye të pankinës së Sopotit trajnerin Rrahman Hallaci. Puna e mirë e bërë sezonin e kaluar dhe suksesi i arritur na bindën se ky bashkëpunim duhet të vazhdojë, me synimin për arritje të tjera në sezonin e ri”, shkruan klubi i Sopotit.

Hallaçi mori drejtimin e Sopotit në gusht të vitit 2025 dhe më pas arriti të befasojë të gjithë. Përpara kësaj eksperience, 47-vjeçari ka qenë trajner i Kukësit dhe Ilirisë së Fushë-Krujës.

The post Sopoti konfirmon Rrahman Hallaçin, trajneri 47-vjeçar vijon në krye të skuadrës appeared first on Albeu.com.

Flamurtari ka pasur një ditë shumë aktive, teksa klubi vlonjat ka bërë zyrtare edhe afrimin në ekipin e parë të katër futbollistëve të rinj të ardhur nga akademia e tij.

Në njoftimin e publikuar, “kuqezinjtë” bëjnë me dije se në skuadrën e parë janë promovuar mbrojtësi Hizdion Sulejmani, sulmuesi Gazmend Llajaj, mesfushori Bjori Diku dhe portieri Fjoraldo Bejdollari.

Ky zhvillim tregon se te Flamurtari fokusi nuk është vetëm te afrimet cilësore dhe emrat e spikatur që i vihen në dispozicion trajnerit Oltijon Kërnaja, por edhe te elementët që rriten brenda klubit, si pjesë e vizionit për të ndërtuar të ardhmen.

Skuadra vlonjate do ta nisë sezonin e ri 2026/27 në Kategorinë e Parë, ndërsa objektivi i klubit, nën drejtimin e një trajneri të provuar në Superiore me Partizanin, mbetet rikthimi në elitë në edicionin 2027/28.

NJOFTIMI:

“Flamurtari F.C. vazhdon t’i japë rëndësi zhvillimit të talenteve të rinj, duke promovuar në ekipin e parë katër futbollistë të dalë nga Akademia kuqezi, të cilët kanë firmosur kontrata afatgjata me klubin.

Lojtarët e promovuar:

• Hizdion Sulejmani – Mbrojtës

• Gazmend Llajaj – Sulmues

• Bjori Doku – Mesfushor

• Fjoraldo Bejdollari – Portier

Të katër lojtarët kanë firmosur kontrata 4-vjeçare, duke konfirmuar besimin e klubit te potenciali i tyre dhe projekti afatgjatë me Akademinë e Flamurtarit.

Ky promovim është dëshmi e punës së vazhdueshme të Akademisë së Flamurtarit dhe e filozofisë së klubit për të ndërtuar të ardhmen mbi talentet vendase.

Klubi u uron mirëseardhje në ekipin e parë dhe shumë suksese në rrugëtimin e tyre me fanellën kuqezi!”

The post Flamurtari promovon 4 talente nga akademia, vlonjatët i qartësojnë objektivat për ngjitjen në Superiore appeared first on Albeu.com.