Pesë takimet e Grupit B në Kategorinë e Dytë kanë nisur në orën 15:00. Rezultatet e të gjitha përballjeve do të pasqyrohen në kohë reale më poshtë.

Grupi B

Delvina 0 – 0 Butrinti

Bylis B 0 – 0 Këlcyra

Apolonia 0 – 0 Tomori

Albpetrol 0 – 0 Maliqi

Devolli 0 – 0 Luftëtari

Programi i javës së parë do të mbyllet në Grupin A me ndeshjen Basania-Eagle Football, e cila do të nisë në orën 16:00.

Grupi A

Basania 0 – 0 Eagle Football (nis në 16:00)

The post Nisin sfidat e Grupit B në Kategorinë e Dytë, Apolonia dhe Luftëtari synojnë fitoren! Ndiqni rezultatet live appeared first on Albeu.com.

Java e parë e Kategorisë së Dytë mbyllet sot me gjashtë përballje. Njëra prej tyre i përket Grupit A, ndërsa pesë ndeshjet e tjera do të zhvillohen në Grupin B.

Për Grupin A, Basania dhe Eagle Football do të përballen në orën 16:00.

Ndërkohë, në Grupin B, Delvina do të luajë kundër Butrintit, ndërsa Bylis B do të kërkojë fitoren përballë Këlcyrës. Apolonia do të synojë tri pikët në duelin me Tomorin.

Dy takimet e mbetura do të jenë Albpetrol – Maliqi dhe Devolli – AF Luftëtari. Të gjitha ndeshjet e Grupit B do të nisin paralelisht në orën 15:00.

Grupi A:

Basania – Eagle Football / 16:00

Grupi B:

Delvina – Butrinti

Bylis B – Këlcyra

Apolonia – Tomori

Albpetrol – Maliqi

Devolli – AF Luftëtari

The post Apolonia, Luftëtari dhe ekipet e tjera zbresin sot në fushë, Bylis B synon triumfin në shtëpi (NDESHJET) appeared first on Albeu.com.

Pesë sfida të Grupit A në Kategorinë e Dytë kanë nisur sot në orën 15:00, duke shënuar startin e sezonit të ri të kampionatit. Rezultatet e takimeve po ndiqen në kohë reale.

Erzeni 0 – 0 Shiroka

Lushnja 0 – 0 Veleçiku

Naftëtari 0 – 0 Gramshi

Luz i Vogël 0 – 0 Partizani B

Vllaznia B 0 – 0 Tërbuni

The post Kategoria e Dytë nis sezonin me 5 përballje në Grupin A, ja rezultatet e ndeshjeve appeared first on Albeu.com.

Pas një periudhe pensionimi, Idriz Batha ka vendosur t’i rikthehet futbollit të luajtur. Mesfushori 34-vjeçar është prezantuar si afrimi më i ri i Butrintit.

Te skuadra e Kategorisë së Dytë, futbollisti gjirokastrit do të ketë një përgjegjësi të dyfishtë. Sipas njoftimit të klubit, Batha do të shërbejë edhe si zv.trajner i ekipit.

Karrierën e tij Batha e nisi te Partizani, ndërsa gjatë aktivizimit në futbollin shqiptar ka luajtur gjithashtu për Besën, Teutën, Flamurtarin dhe Tiranën. Me klubin bardheblu ai fitoi titullin kampion në vitin 2020.

The post Idriz Batha rikthehet në futboll, firmos me Butrintin dhe bëhet zv.trajner appeared first on Albeu.com.

Partizani B ka bërë publik formacionin e ri të stafit teknik për sezonin e ardhshëm në Kategorinë e Dytë. Në krye të skuadrës do të jetë Alfred Deliallisi, i cili i ka dhënë fund bashkëpunimit me Korabin, ekip që militon në Kategorinë e Parë.

Deliallisi ka pasur më herët edhe drejtimin e Erzenit në Superiore. Krahas trajnerit të ri, klubi i kuq ka zyrtarizuar edhe anëtarët e tjerë të stafit që do të jenë pjesë e punës së përbashkët me të.

Ermal Serjani është emëruar zëvendëstrajner, ndërsa Besnik Malaj do të kujdeset për përgatitjen e portierëve. Përgatitja fizike e ekipit do t’i besohet Marlind Manushit.

The post Partizani B zyrtarizon stafin e ri, Alfred Deliallisi merr drejtimin e skuadrës appeared first on Albeu.com.

Në “Shtëpinë e Futbollit” është përcaktuar përmes shortit kalendari i kampionatit të Kategorisë së Dytë për edicionin 2026-2027. Skuadrat e ndara në grupet A dhe B kanë mësuar programin që do të ndjekin gjatë sezonit të ri futbollistik.

Përfaqësuesit e klubeve pjesëmarrëse ndoqën ceremoninë, ndërsa procedura e shortit u drejtua nga Endi Hyka, specialist i Departamentit të Garave në FSHF.

Ndeshjet e javës së parë të kampionatit “Kategoria e Dytë” janë përcaktuar si më poshtë.

Në Grupin A do të luhen përballjet: Vllaznia B-Tërbuni, Erzeni – Shiroka, Luz i Vogël 2008 – Partizani B, Basania – Eagle Football, Lushnja – Veleçiku dhe Naftëtari – Gramshi.

Në Grupin B janë programuar takimet: Bylis B – Këlcyra, Apolonia – Tomori, Albpetroli – Maliqi, Devolli – AF Luftëtari dhe Delvina – Butrinti.

Sezoni i kampionatit “Kategoria e Dytë” do të hapet më 12 shtator 2026, ndërsa përfundimi i tij është caktuar për më 25 prill 2027.

Programi i plotë i ndeshjeve për të dyja grupet gjendet në kalendarët përkatës.

Kalendari Kategoria Dyte Gr A 26-27: https://fshf.org/app/uploads/2026/08/Kalendari-Kategoria-Dyte-Gr-A-26-27.pdf

Kalendari Kategoria Dyte Gr B 26-27: https://fshf.org/app/uploads/2026/08/Kalendari-Kategoria-Dyte-Gr-B-26-27.pdf

The post Përcaktohet me short kalendari i Kategorisë së Dytë për sezonin 2026-2027 appeared first on Albeu.com.

Komiteti Ekzekutiv i Federatës Shqiptare të Futbollit ka miratuar strukturën e dy grupeve, A dhe B, ku do të garojnë skuadrat e Kategorisë së Dytë gjatë sezonit futbollistik 2026/27.

Ndarja e ekipeve u përgatit nga Departamenti i Garave në bashkëpunim me Komisionin e Ligave dhe Garave, përpara se të merrte miratimin përfundimtar nga Komiteti Ekzekutiv i FSHF-së.

Edicioni i ardhshëm do të ketë gjithsej 23 skuadra. Në Grupin A do të luajnë 12 ekipe, ndërsa Grupi B do të përbëhet nga 11 skuadra.

Përbërja e grupeve për sezonin 2026/27 është kjo:

Grupi A: Lushnja, Shiroka, Erzeni, Tërbuni, Luzi 2008, Veleçiku, Naftëtari, Gramshi, Basania, Vllaznia B, Partizani B dhe Eagle Football.

Grupi B: AF Luftëtari, Apolonia, Butrinti, Bylis B, Maliqi, Tomori, Devolli, Delvina, Këlcyra, Albpetrol dhe Memaliaj.

Pas përcaktimit të grupeve, FSHF do të vijojë përgatitjet administrative për nisjen e sezonit të ri 2026/27. Hapi i radhës do të jetë organizimi i garës dhe hartimi i kalendarit të ndeshjeve nga departamentet përkatëse.

The post FSHF përcakton grupet e Kategorisë së Dytë për sezonin 2026/27 appeared first on Albeu.com.

Erzeni i ka besuar Gëzim Krasniqit postin e drejtorit të ri teknik. Klubi shijakas synon rimëkëmbjen në Kategorinë e Dytë me ndihmën e ish-qendërmbrojtësit, i cili ka pas vetes një karrierë të gjatë.

Gjatë rrugëtimit të tij si futbollist, kavajasi ka qenë pjesë e Besës, Partizanit, Flamurtarit, Rabotnickit, Kukësit, Egnatias, Erzenit, Bylisit, Kastriotit, Vushtrrisë dhe Ilirisë. Njoftimi për detyrën e re u publikua nga një faqe pranë klubit shijakas, ndërsa vetë Krasniqi e rishpërndau atë në “Story”.

Sipas faqes mbështetëse të Erzenit, drejtuesit kanë vendosur që rolin e drejtorit teknik për sezonin e ri sportiv t’ia japin Gëzim Krasniqit, ish-kapitenit të skuadrës shijakase.

Në njoftim kujtohet se Krasniqi e ka veshur disa sezone më parë me dëshirë dhe pasion fanellën e Erzenit, duke fituar duartrokitjet dhe zemrat e tifozëve shijakas. Tashmë ai rikthehet në klub në një funksion tjetër, si drejtor i ekipit të futbollit.

Faqja e përshkruan Krasniqin si një emër të njohur me një karrierë brilante, i cili merr “çelësat” e skuadrës shijakase. Për këtë sezon sportiv pritet ndërtimi i një ekipi të fortë, me objektiv ngjitjen në Kategorinë e Parë.

Drejtori i ri teknik do të prezantohet para skuadrës ditën e hënë. Po atë ditë do të nisë edhe faza stërvitore për sezonin e ri sportiv në ambientet e stadiumit “Tofik Jashari”.

The post Ish-futbollisti i Partizanit merr drejtimin teknik të Erzenit appeared first on Albeu.com.

Klubi i Butrintit ka zyrtarizuar afrimin e Idriz Bathës në stafin drejtues për edicionin e ardhshëm futbollistik 2026/27 në Kategorinë e Dytë.

Ish-futbollisti 34-vjeçar, i cili dha lamtumirën e karrierës si lojtar më 17 dhjetor të vitit të kaluar, ka pranuar detyrën e trajnerit të dytë te skuadra bregdetare, duke u vendosur përkrah Artan Meçanit në drejtimin teknik.

Ky emërim shënon një kapitull të ri premtues për Bathën, emri i të cilit është lidhur ngushtë me disa prej gjigantëve të Superiores shqiptare, si Partizani, Tirana, Flamurtari dhe Teuta, njësoj si edhe me Besën në vendlindje. Përtej kufijve, ai ka lënë mbresa te UTA Rad në Rumani dhe me fanellën e Al Najma në Arabinë Saudite.

The post Ish-mesfushori i Tiranës dhe Partizanit nis rrugëtimin si trajner në Kategorinë e Dytë appeared first on Albeu.com.

Gramshi ka zyrtarizuar afrimin e Kledis Hidës, duke e bërë pjesë të skuadrës së tyre. Mbrojtësi 25-vjeçar, i cili sapo ka përfunduar përvojën me Lushnjën, ka zgjedhur të vazhdojë karrierën në Kategorinë e Dytë me ekipin gramshiot.

Rrugëtimi futbollistik i Hidës ka nisur te FC Pepa U17 dhe ka kaluar nëpër disa skuadra të njohura si Elbasani, Vëllaznimi, Kukësi dhe Tomori, përpara se të transferohej te Lushnja.

Në njoftimin zyrtar, klubi i Gramshit thekson se arritja e marrëveshjes me qendërmbrojtësin përputhet me vizionin ambicioz dhe të qëndrueshëm të ekipit. Sipas tyre, përvoja e Hidës do të përforcojë ndjeshëm prapavijën, duke sjellë më shumë qëndrueshmëri, inteligjencë dhe besueshmëri në repartin difensiv.

The post Lëvizje e bujshme në treg, klubi i Kategorisë së Dytë siguron ish-mbrojtësin e Elbasanit appeared first on Albeu.com.