Ivan Perisic kaloi Kroacinë në avantazh ndaj Portugalisë në fazën e 1/16-tës së Kupës së Botës, edhe pse në përfundim skuadra e tij u mposht 2-1 dhe i dha fund rrugëtimit në turne.

Goli i realizuar prej tij në minutën e 53-të pati peshë të madhe në planin personal. Me këtë realizim, Perisic ka gjetur rrugën e rrjetës në katër edicione të ndryshme të Kupës së Botës, ndërsa falë asistimit ndaj Anglisë më herët gjatë këtij turneu, ai ka dhënë gjithashtu asist në katër Kupa Bote të ndryshme.

Në moshën 37-vjeçare, kroati është bërë futbollisti i vetëm përkrah Lionel Messit që ka arritur të shënojë dhe të asistojë në katër Kupa Bote të ndryshme. Perisic ka regjistruar të paktën një gol dhe të paktën një asistim në ‘Brazil 2014’, ‘Rusi 2018’, ‘Katar 2022’ dhe në këtë Kupë Bote në SHBA, Kanada dhe Meksikë.

Pas ndeshjes ndaj Anglisë, kompanitë e statistikave bënë të ditur se Perisic ishte lojtari i dytë në histori, pas Messit, që ka asistuar në katër Kupa Bote të ndryshme.

Realizimi ndaj Portugalisë ishte goli i tij i shtatë në Kupën e Botës. Me këtë shifër, ai la pas Davor Suker, që kishte shënuar gjashtë gola për Kroacinë në Kupën e Botës, duke u bërë golashënuesi më i mirë kroat në historinë e këtij kompeticioni.

Para nisjes së këtij turneu, Perisic numëronte gjashtë gola në Kupën e Botës: dy në Brazil, tre në Rusi dhe një në Katar.

Në total, në katër Kupa Bote, Perisioc ka mbledhur shtatë gola dhe gjashtë asistime, pra 13 përfshirje të drejtpërdrejta në golat e Kroacisë. Veçanërisht spikat paraqitja e tij në Katar, ku realizoi një gol dhe dhuroi tre asistime, ndërsa më pas FIFA e përfshiu mes asistuesve më të mirë të turneut. //

The post Ivan Perisic arrin një tjetër rekord historik dhe vendoset përkrah Messit në Kupën e Botës appeared first on Albeu.com.

Rekordi i ri u regjistrua mëngjesin e së premtes, gjatë përballjes së Grupit D mes Shteteve të Bashkuara dhe Turqisë, kur Auston Trusty realizoi golin e 173-të të turneut.

Me këtë gol u tejkalua shifra prej 172 golash, e vendosur më parë në “Katar 2022”. Ky rekord u thye në ndeshjen e 59-të të këtij turneu.

Në krahasim me këtë edicion, shifra prej 172 golash në Katar ishte arritur vetëm pas përfundimit të të gjithë turneut, pra pas 64 ndeshjeve të zhvilluara.

Kjo është Kupa e parë e Botës që organizohet me 48 skuadra dhe jo me 32, çka nënkupton se në total do të luhen 104 ndeshje, ose 40 më shumë se në edicionin e kaluar.

Lidhur me këtë arritje reagoi edhe presidenti i FIFA-s, Gianni Infantino.

“Thyerja e rekordit të Katarit prej 172 golash nënvizon emocionin dhe lojën sulmuese që e kanë bërë tashmë Kupën e Botës 2026 të paharrueshme”, ka shkruar Infantino në një postim në Instagram.

The post Kupa e Botës 2026 vendos rekord të ri për numrin më të lartë të golave appeared first on Albeu.com.

Në dy prej këtyre takimeve, arbitrat kryesorë ndëshkuan me karton të kuq disa futbollistë.

Në përballjen mes përfaqësueseve të Zvicrës dhe Bosnjës dhe Hercegovinës, e fituar 4-1, mbrojtësi boshnjak Tarik Muharemovic u përjashtua në minutën e 80-të.

Më pas, në ndeshjen Kanada-Katar, skuadra aziatike mbeti pa dy lojtarë, pasi u ndëshkuan me të kuq mbrojtësi Homam Ahmed dhe mesfushori Assim Madibo.

Deri tani, pas 28 ndeshjeve të zhvilluara në këtë turne, janë regjistruar gjithsej 6 kartonë të kuq. Po ashtu, vlen të kujtohet se në sfidën hapëse mes Meksikës dhe Afrikës së Jugut (2-0), arbitri kishte nxjerrë tre kartonë të kuq.

Kështu, Kupa e Botës 2026 ka vendosur shifrën më të lartë të përjashtimeve që nga viti 2014, edicioni i zhvilluar në Brazil, ku u dhanë 10 kartonë të kuq.

Në dy edicionet pararendëse të Kupës së Botës, në 2018 dhe 2022, ishin regjistruar vetëm 4 përjashtime, ndërsa në këtë turne aktual ekziston mundësia që të tejkalohet edhe rekordi i vitit 2014.

The post Kupa e Botës 2026 regjistron numrin më të lartë të kartonëve të kuq që prej vitit 2014 appeared first on Albeu.com.

 

View this post on Instagram

 

A post shared by Ivana Knöll (@knolldoll)

Nuk do të ishte çudi nëse gjykojmë nga fotografia, në të cilën të dy pozojnë të buzëqeshur nga veshi në vesh dhe shumë të afërt. Megjithatë, asnjëri prej tyre nuk ka dashur të komentojë për këtë çështje për momentin. /albeu.com

The post Tifozja më seksi e Kupës së Botës në një lidhje me këngëtarin e njohur? Dyshja shfaqet shumë afër njëri-tjetrit appeared first on Albeu.com.

Dy prej kombëtareve të mëdha që kanë mbetur tanimë pa trajner, janë Portugalia dhe Brazili, të cilat mësohet se aktualisht janë të dyja duke menduar për një trajner, Jose Mourinho.

“Special One” shpesh herë është lidhur me “luzitanët” pasi është vendlindja e tij, por tanimë për teknikun e Romës është në garë edhe Brazili, sipas “Reppublica”.

Deri më tani, Mourinho duket të jetë i fokusuar të ekipi i Romës, por nuk përjashtohet një lëvizje në ditët në vazhdim./albeu.com

The post Jo vëtëm Portugalia, edhe Brazili mendon për Jose Mourinhon appeared first on Albeu.com.

Rikthimi i qendërmbrojtësit kosovar vjen në momentin e duhur te “napoletanët”, që kryesojnë renditjen e Serie A me 41 pikë dhe është pretendenti kryesor për të fituar “scudetto”-n këtë sezon.

Përveç Rrahmanit, në stërvitje janë rikthyer edhe Lozano, Olivera dhe Anguissa, të cilët ishin të angazhuar me kombëtaret e tyre në “Katar 2022”.

The post Amir Rrahmani lë “pas” dëmtimin dhe rikthehet te Napoli appeared first on Albeu.com.

Përtej thashethemeve dhe frikës që mbizotëroi ditët e fundit për Franën, Deschamp ka hedhur në fushë më të mirët, ashtu si edhe Scaloni në krahun tjetër.

Në formacionin e “gjelave” janë rikthyer Rabiot dhe Upamecano të cilët munguan në ndeshjen fundit për shkak të gripit, ndërkohë që janë konfirmuar Giroud dhe Mbappe.

Për Messit kjo pritet të jetë “tangoja e fundit” në synimin për fitimin e një “Kupe e Bote”, ndërkohë Mbappe në krahun tjetër nuk është më pak e etur për të ngritur trofeun e dytë në moshën 23 vjeçare.

Kujtojmë që Messi dhe Mbappe sonte “luftojnë” edhe për Këpucën e Artë, pasi kanë të dy nga 5 gola në këtë botëror.

Formacionet zyrtare:

/albeu.com

The post KATAR 2022/ Argjentinë – Francë, formacionet zyrtare: Finalistët gati për “betejën” e fundit appeared first on Albeu.com.

Muzikanti kanadez ka postuar një pamje të bastit në rrjetet sociale. Nëse Argjentina fiton ndaj Francës, Drake do të fitojë 2,750,000 dollarë.

Kujtojmë se Drake njihet për faktin se skuadrat apo sportistët që ai mbështet apo fotografohen me të humbasin.

The post Tifozët argjentinas nuk duhet ta dinë këtë, Drake vendos bastin 1 milion dollarësh për fitoren e Argjentinës appeared first on Albeu.com.

Duhet të kem qenë rreth 10 vjeç kur kam parë një ndeshje futbolli. Arsyeja pse shkova ta shihja ishin bisedat e pafundme që shokët e mi bënin sapo përfundonte ndeshja. Diskutonin me detaje, emra, raste të humbura, gola, pritje, driblime…

E unë isha si guak. Nuk e kisha parë fare!

Futbolli i luajtur më merrte të paktën 50% të kohës së lirë, ai ishte tërheqja më e madhe e fëmijërisë. Shumë shpejt kuptova që përveç aftësive fiziko-atletike, ky sport i mrekullueshëm lidhej fort edhe me inteligjencën, në shputën e këmbës ishin disa zona të lugëta në të cilat topi qetësohej, shtrohej, nuk kërcente, fjala vjen, si në gungën e mystë të këmbës (trinë)! Me të brendshmen e këmbës ti mund ta çoje topin me një saktësi 80-90% drejt vendit ku e ke nisur; driblimi nuk ishte vetëm shmangie dhe rendie drejt zonave të lira por kishte të bënte edhe me mashtrimin, bërjen sikur, presionin psikologjik të kundërshtarit. Eglendisja nga zbulimet e përditshme të topkëmbës, magjia e driblimit dhe pasimit, lëvizjet pa top, intuita për të nuhatur pozicionin e duhur për gol, të gjitha këto ma kishin bërë futbollin një lloj fetishi, zgjohesha e gdhihesha me të në mendje, në ëndërra shihja driblime, gola të shkëlqyer që mahnisnin shokët e mi dhe shikuesit e rastësishëm.

Ndër gjithë shokët që luaja, vetëm dy a tre shihnin te ky sport anën e magjishme, virtuozitetin. Shumica ishin piramida lëvizëse që synonin topin por kryesisht kapnin këmbën time. E çuditshme por e vërtetë, aso kohë gëzohesha më shumë të më copëtonin këmbën sesa të më preknin topin…

Për herë të parë kam parë futboll të nivelit të lartë në vitin 1980. Kam parë dy a tre ndeshje të Kampionatit Evropian të atij viti, ndërmjet të cilave finalen Gjermani- Belgjikë.

E vendosa, unë do bëhem me Gjermaninë.

Tifozllëku gjerman më zgjati deri në vitin 1986. Kishte diçka që nuk më pëlqente te gjermanët. Ata ishin si ushtri, kishin disiplinë taktike, ishin luftarakë deri në frymën e fundit. Por unë kërkoja diçka tjetër.

Në vitin 1986, ndërkohë që mezi prisja ndeshjet e gjermanëve, filloi të më tërhiqte magjia e një gjeniu, Diego Maradonës. Ai trup robust me flokë të gjata e karakter të fortë, ai xhongler i lindur, në këmbët e të cilit topi ndjehej aq rehat, ai driblues që guxonte të fillëronte mes 4-5 mbrojtësve në pritje për të gjetur shokun e lirë, kishte diçka që nuk e kisha parë kurrë më parë.

Aso kohe luanin futbollistë të mëdhenj, Sokrates, Ziko, Falkao në Brazil, Rumenige e Fëler në Gjermani, Tardeli, Antonioni e Rosi në Itali, luante Françeskoli i Uruguajit, Shifo i Belgjikës e shumë të tjerë… Por para Maradonës të gjithë zhdukeshin, më bëheshin zero! Diego përveç të tjerave ishte rebel, bënte deklarata të guximshme, godiste këdo që s’i vinte pas avazit. Ai ishte Antikrishti, kurvari, i droguari, i çmenduri, i talentuari, Perëndia e vegjëlisë! Ishte njëkohësisht edhe gjeniu më i madh që kishte prekur topin deri atëherë. Një kombinim fatal për idhull! Njerëzia çmendeshin për të, si për asnjë tjetër më parë. Askush nuk e kishte karizmën e tij, lidershipin, guximin. Lëre pastaj talentin. Ishte larg prej të gjithëve më i miri!!!

Në ¼ e finales, në ndeshjen me Anglinë, pas një kombinimi brilant në zonë del vetëm për vetëm me Piter Shiltonin. Topi i pasuar nga shoku i skuadrës ishte i pakapshëm për Diegon shtatshkurtër në një duel me portierin. Atëherë, me një hile diegoniane, zgjat dorën e bërë grusht dhe e godet topin. Menjëherë sapo topi i afrohet rrjetës, Diego nis festimet drejt flamurit të këndit. Pa asnjë hezitim, në kulm të gëzimit, në delir. Si një hileqar brilant e aktor i shkallës më të lartë, si një rrugaç hilanjos i Villa Fioritos që luan rrugicave të lagjes së varfër që i dha botës heroin më të madh të futbollit! Për mua ka qenë goli më i bukur që kam parë në jetë! Çfarë frymëzimi! Po mundte me dinakëri anglezët, në kulmin e konfliktit për ishujt Malvine. I tillë ishte Diego! Pas atij goli të mrekullueshëm me dorë shënoi edhe atë të famshmin me sllallom, ku futbollistët anglezë dukeshin si piramida. Por unë preferoj të parin më shumë.

Diego ishte dashni e madhe. Kur erdhi finalja Gjermani-Argjentinë unë kuptova që nuk e doja më Gjermaninë, doja gjeniun! Me Belgjikën ne ½ finale kishte përsëritur performancën dhe e çoi ekipin i vetëm në finale. Ai Kampionat u kthye përpara finales se Aztekas në një Maradoniadë. Kur Gjermania shënoi golin e dytë dhe barazoi rezultatin nga 2 me 0 në 2 me 2 më theri diçka. Nuk i doja këta “nazistë”, doja prekjen e gjenut. Mateus, lojtari më i mirë i gjermnaëve ishte sakrifikuar për Diegon, e kishte mbuluar në gjithë fushën për 84 minuta! Bash atëherë kur Gjermania po sulmonte për të tretin, një harresë fatale e Burruçagës dhe pasi i vdekjes vjen nga Diego!
Një Kampion si Diego Maradona i 86-ës nuk është parë kurrë, ai Kampionat ishte një Maradoniadë!

Pas asaj ndeshjeje bëja çmos të shihja gjithçka mund të shihja nga Diego. Mu bë njeriu më i afërt në botë. Volteri ka thënë diku: “Përmes vlerësimit, ne bëjmë tonën përsosmërinë e tjetër kujt”. Kjo e shpjegon lidhjen e fortë të adhuruesve me idhujt. Ata mendojnë se kanë merita në përzgjedhjen e tyre prandaj edhe e mbrojnë me çdo mënyrë të zgjedhurin.

Unë nuk isha normal kur kishte ndeshje Napoli. Mezi prisja kronikën e ndeshjes, të shihja pasin, driblimet, asistet, golat e Diegos. Pa përmendur këtu Kupat e dështuara të Kampioneve. Diego Maradona nuk linte askënd indiferent. Dikush e donte për gjeniun, dikush për kontraversin, për batutat, shpirtin rebel, virtuozitetin, skandalet, adhurimin e Che Guevarës apo Fidelit, armiqësinë me amerikanët apo anglezët. Ai njeri ishte gjeniu absolut i futbollit modern! Në Argjentinë e në Napoli ai është shenjt.

Kur Diego e la futbollin, në atë ditë të trishtë të vitit 1994, pas ndeshjes me Greqinë, kur një infermiere katile e mori përdore t’i bënte analizën e urinës, kisha një mpirje të tillë që se kam provuar më kurrë! Si mundet të testonin gjeniun?! Si mund tia merrnin botës idhullin?

Pasioni që kisha për futbollin mu venit. Nuk kisha më skuadra të preferuara, veç individë. Më pëlqente Zidane, Baxho, Gaskonji, Bekam, Rivaldo. Pak më vonë Ronaldinjo më mrekullonte. Por Diego ishte Perëndia, sapo i krahasoja me Diegon më zvogëloheshin…

Deri sa erdhi Messi!

Nuk e fsheh se qenia argjentinas më ndikoi pak në fillim. Doja të ishte një Maradonë i vogël. Por e vërteta është se ky ishte një përbindësh me një talent të pakrahasueshëm me asnjë në botë! Shpejtësia e driblimit, lidhja e topit për këmbe, magjia e pasit të fundit, dubelpasit, saktësia milimetrike e topit të gjatë, goditja vrastare për çdo portier nuk është parë kurrë ndonjëherë më parë deri më sot!

Shtatshkurtër, timid, me trup të imët e pa muskuj të zhvilluar, ky të merrte erzin! Driblimet e tij nuk e kishin elegancën e Ronaldinjos por dehnin çdo mbrojtje! Leon e tërhiqte vetëm porta e kundërshatrit dhe zgjidhte gjithmonë rrugën më të saktë drejt saj. Driblimet për të nuk ishin qëllim më vete, ai nuk ishte aty për të argëtuar por për të fituar! Spektakli vinte i dyti por ai ishte vetë spektakël

Sa e sa herë i ka marrë me radhë mbrojtësit kundërshtarë si birila stërvitjeje, sa e sa herë ka shtrirë kundërshtarin përtokë pa e prekur fare topin, vetëm duke lëvizur trupin… Gola nga larg, nga shumë larg, në cep, në trekëndësh me të majtën vrastare, këmbën më të frikshme që ka pasë ndonjëherë futbolli!

Videot e tij janë të pabesueshme, driblimet e tij janë magjike, gjuajtjet janë kalibrime matematike. Por asgjë nuk vlejnë këto para inteligjensës inmessionante. Asgjë!

Nuk ka pasë kurrë bota një futbollist inteligjent sa Messi. I aftë të grumbullojë gjithë kundërshatrët në të djathtë e të gjejë një shok skuadre të zbuluar në të majtë. Një arkitekt futbolli, një krijues, një artist! Ne ishim mësuar të shihnim vetëm driblues fenomenalë si Ronaldinjo ose shënues cinikë që stë falnin, ose pasues magjikë si Platini, Shifo, Zidane, ose shpërthyes që kombinonin shpejtësinë skëterrë me teknikën braziliane si Ronaldo Fenomeni. Por kurrë nuk kishim parë një futbollist inteligjent të përmasave të Leo Messit! Maradona përpara tij më ngjante si fëmijë! Leo Messi e bëri futbollin një sport aristokrat, i dha inteligjencë, gjeometri, fantazi.

Artisti që revolucionarizoi futbollin sot luan tangon e fundit. Do të vallëzojë me të dashurën e tij, Argjentinën. Një partnere kapriçioze historikisht, por e zbutur tashmë, e lëshuar në duart e mjeshtrit! Ai do të luajë sot Tangon e fundit sepse një Monument i gjallë si ai, që bëri të ëndërrojnë për 15 vjet miliarda adhurues në të gjithë globin, nuk mund të vallëzojë për herë të fundit në një skenë të zakonshme! Ai do kërcejë nesër në altarin e Olimpit të futbollit për të kurorëzuar lavdinë e merituar me Kupën e Botës! Ndeshja e tij e 1004 vlen sa 1003 të tjerat së bashku! Ato 1003 ndeshje e sollën deri këtu Zeusin e Futbollit ndërsa kjo, e fundit, është klimaksi i një karriere unikale futbolli! Si mund të humbë nesër ai?

Argjentina nesër duhet të fitojë. Jo për veten por për Messian. Historia do të jetë e paplotë pa gjeniun në piedestalin më të lartë. Do të ishte pakuptim të mos ndodhte.

Forca Leo, është raundi final, më i rëndësishmi i karrierës tënde! 5 miliardë njerëz presin nesër magjinë tënde me gojën hapur, ankthin mbërthyer e duke numëruar sekondat!

FIFA, e vërteta, loja e dobët, taktikat, meritat, nuk më interesojnë! Më intereson Kupa e Botës në duart e Leo Messit!

Huuu, një boshllëk mu krijua në stomak ndërkohë që e shkruaj! Kjo është fuqia e gjeniut.

Forca Leo, edhe 16 orë kanë mbetur! Diego dhe Tota (mamaja e Diegos) do të mbështesin nga parajsa!

The post “Tango” e fundit e Leo Messit appeared first on Albeu.com.

Tekniku i kombëtares “albiceleste”, Lionel Scaloni pritet që t’i besojë që nga minuta e parë anësorit, Angel Di Maria, i cili duket se është rikuperuar plotësisht nga dëmtimi.

Scaloni mendohet se do të zgjedhë formacionin 4-3-3, me Emiliano Martinez në portë, Molina, Romero, Otamendi e Acuna, nga e djathta në të majtë të mbrojtjes, Rodrigo De Paul, Enzo Fernandez dhe Alexis Mac Allister në mesfushë dhe 3-shja potente në sulm, Angel Di Maria, Julian Alvarez dhe kapiteni Lionel Messi.

Në krahun tjetër, trajneri i “gjelave” është në pritje të gjendjes përfundimtare të lojtarëve të tij, në prag të ndeshjes. Deri më tani Deschamps pritet të vendosë të tijët në lojë, me formacionin 4-2-3-1.

Në portë do të vendoset kapiteni Hugo Lloris. Mbrojtja e mbushur me emra kualitativ përbëhet nga Kounde, Varane, Upamecano dhe Theo Hernandez, të vendosur nga e djathta në të majtë. Për pjesën defensive të mesfushës do të kujdesen Rabiot dhe Tchouameni, përpara tyre vendosen Demble, Griezmann dhe Mbappe, të cilët do të suportojnë sulmuesin, Olivier Giroud, i cili momentalisht ende nuk e ka të qartë nëse do të luajë apo jo.

The post “Gjelat” kanë disa yje në diskutim, Di Maria gati për “albicelestet” nga minuta e parë: Formacionet e mundshme, Argjentinë – Francë appeared first on Albeu.com.