Union Berlini ka bërë zyrtarizimin e transferimit të mesfushorit me origjinë shqiptare, Kastriot Imeri, nga Young Boys.

Te skuadra e Bundesligës, Imeri do të punojë sërish me trajnerin Mauro Lustrinelli. Të dy ishin pjesë e Thunit, me të cilin fituan titullin e parë në historinë e klubit në Superligën Zvicerane gjatë sezonit 2025/26, kur futbollisti ishte i huazuar.

Transferimi u bë publik përmes kanaleve zyrtare të Union Berlinit në rrjetet sociale.

“Jemi të kënaqur të njoftojmë nënshkrimin e lojtarit të kombëtares zvicerane, Kastriot Imeri. Mauro e njeh dhe i beson atij, dhe ne e duam tashmë. Mirë se vini në klub, Kastriot”, shkroi klubi gjerman në njoftimin e tij.

Mesfushori, i cili numëron një paraqitje me Zvicrën, regjistroi gjashtë gola dhe tetë asistime në 30 takime të kampionatit zviceran sezonin e kaluar.

Debutimi i tij me ekipin nga kryeqyteti gjerman mund të vijë të shtunën, në përballjen ndaj Bayer Leverkusen, e vlefshme për javën e dytë të Bundesligës.

Union Berlini ka paguar 2.5 milionë euro për kartonin e Imerit.

The post Zyrtarizohet kalimi i Kastriot Imerit te Union Berlini appeared first on Albeu.com.

Paraqitjet e spikatura të Donat Rrudhanit dhe Kastriot Imerit u shpërblyen me përfshirjen e tyre në formacionin më të mirë të javës në elitën e futbollit zviceran.

Dy futbollistët patën rol të rëndësishëm në sukseset e Sionit dhe Young Boys, ekipet e tyre përkatëse.

Rrudhani shënoi në triumfin 3-0 të Sionit kundër Luzernit. Në këtë edicion, ai po tregon shenja të rikthimit në formën e dikurshme, me synimin për të qenë përsëri pjesë e planeve të përzgjedhësit të Kosovës, Franco Foda.

Ndërkohë, Imeri realizoi gol ndaj ish-klubit të tij, Thun, me të cilin kishte fituar titullin në Zvicër edicionin e fundit. Young Boys triumfuan me rezultatin e thellë 0-6.

Formacioni i javës është përzgjedhur nga SofaScore.

The post Donat Rrudhani dhe Kastriot Imeri përfshihen në formacionin e javës në Zvicër appeared first on Albeu.com.

Kastriot Imeri e ka hapur në mënyrë mbresëlënëse sezonin 2026/27 në elitën e futbollit zviceran.

Mesfushori kosovar dha një kontribut të rëndësishëm në triumfin 4-2 të BSC Young Boys kundër FC Sion, duke përgatitur dy prej golave të skuadrës nga Berna.

Hyrja e Imerit në fushë erdhi në minutën e 25-të. Ai zuri vendin e Alan Virginiusit, i cili nuk mundi ta vazhdonte ndeshjen për shkak të një lëndimi, ndërsa ndikimi i 26-vjeçarit u ndie menjëherë.

Në minutën e 40-të, Imeri krijoi golin e epërsisë 2-0, të realizuar nga Alvyn Sanches. Mesfushori u shfaq sërish në rolin e asistuesit në minutën e 66-të, kur Samuel Essende shënoi për rezultatin 3-2.

Kjo paraqitje shënoi një rikthim të spikatur për Imerin te Young Boys, pas sezonit të kaluar që e kaloi në huazim te FC Thun.

Gjatë edicionit me Thunin, ai zhvilloi një sezon të jashtëzakonshëm, fitoi titullin e kampionit dhe kontribuoi në rikthimin e ekipit në elitën e futbollit zviceran.

Tashmë i rikthyer te Young Boys me synime të reja, Imeri tregoi që në paraqitjen e parë sezonale se mund të marrë një rol kryesor në skuadër gjatë garave të reja.

The post Kastriot Imeri shkëlqen në rikthimin te Young Boys, e hap sezonin me dy asistime appeared first on Albeu.com.

Vlen të theksohet fakti se te kampionët luajnë edhe dy lojtarë shqiptarë. Bëhet fjalë për Kastriot Imerin dhe Valmir Matoshin. Të dy luajtën një rol të jashtëzakonshëm në fitimin e këtij trofeu.

Imeri është aktivizuar 28 ndeshje duke shënuar 6 gola dhe 7 asiste, ndërsa Matoshi, numëron 31 ndeshje, 6 gola dhe 4 asiste.

The post Moment i artë në karrierë, dy futbollistët shqiptarë shpallen kampionë me… appeared first on Albeu.com.

Mediat në Itali raportojnë se klubi i Serie A ka ofruar 3 milion euro për Imerin, i cili ka edhe 18 muaj kontratë me zviceranët.

Imeri këtë sezon ka arritur të shënojë 8 gola me Servette në 14 ndeshje dhe ka fituar edhe një vend në kombëtaren e Zvicrës. 21-vjeccari ka luajtur me të gjitha kombëtaret e moshave helvete. /h.ll/albeu.com

The post Talenti me origjinë shqiptare pranë kalimit te Genova appeared first on Albeu.com.

Ishte një fitore e madhe me përmbysje nga Servette, ku të dy golat u shënuan nga talenti, Kastriot Imeri.

Mesfushori i talentuar po tregon formë të jashtëzakonshme këtë edicion në Zvicër dhe fillimisht ka barazuar rezultatin në 1-1 në minutën e 67-të nga penalltia.

Ndërkohë 11 minuta para fundit të ndeshjes, Imeri realizoi golin e fitores me anë të një goditje të lirë nga një kënd shumë i vështirë.

Imeri është duke kaluar një formë fantastike, pasi në 13 ndeshje në Superligën e Zvicrës ka shënuar 8 gola./h.ll/albeu.com

The post Kastriot Imeri realizon super gol si Juninho (VIDEO) appeared first on Albeu.com.