Dyshohet se ngjarja ka ndodhur për hakmarrje, pasi vëllai i të plagosurës, Kastriot Hasalla, rezulton të jetë i akuzuar për vrasjen e Romeo Hsallës në vitin 2021. Ai u dënua sot me 35 vite burgim.

Sot familja e Bajames ishte në gjyq për çështjen e Kastriot Hasullës, pasi Gjykata e Lushnjes dha sot vendimin për të.

Pikërisht pas këtij vendimi ka ndodhur një atentat në fshatin Ballagat ku mbeti e plagosur Bajame Senej, motra e Kastriotit.

Për këtë ngjarje, Afrim Hasalla, vëllai i Kastriotit, akuzon Shaip Hasallën, babain e Romeos që humbi jetën dy vite më parë.

“Policia nuk ka marrë masa. Shaip Hasalla me djemtë. Para dy vitesh na kanë qëlluar me armë. Edhe sot na kanë qëlluar me armë. Ishim në gjyq sot, për punë toke,. Mbaruam gjyqin u nisëm për në shtëpi dhe na bënë pritë. Ishim bashkë me avokatin nga Tirana. E gjitha ndodhi pas gjyqit. Unë kam qenë me avokatin. Nipi ishte pas nga mbrapa me motrën dhe qëlluan makinën ku ishte nipi. E gjitha ndodh për 2 hektarë tokë, sot ky zotëria do ta marrë”, tha Afrim Hasalla

Po kush është Kastriot Hasalla?

Kastriot Hasalla akuzohet për vrasjen e kushëririt të tij Romeo Hasalla,30 vjeç, më 29 Korrik të 2021-shit. Ai u vetëdorëzua në polici dy ditë pas ngjarjes ku u plagosën edhe babai i Romeos, Shaipi dhe dy vëllezërit e tij, Laerti dhe Emiljano.

Në lidhje me këtë ngjarje u arrestuan fillimisht edhe vëllai e djali i Kastriotit, Afrim dhe Marjo Hasalla.
Kur u vetëdorëzua, pranoi se ka qëlluar ndaj kushëririt të tij, Romeos. Por ai tha për Klan Neës asokohe, pak para se të shkonte në polici se ngjarjen e ka kryer ai dhe kërkoi të liroheshin vëllai dhe djali pasi nuk kanë përgjegjësi.

Shkak për sherrin që përfundoi në tragjedi mes familjeve ka qenë një pronë me ullinj./albeu.com/

The post Atentat për hakmarrje në Lushnjë? Pasi u dënua me 35 vjet burg i plagosën motrën, kush është Kastriot Hasalla appeared first on Albeu.com.

Hasalla ka pranuar krimin dhe ka kërkuar falje për atë që kë barë. Para togave të zeza tha se gjitha e kishte kryer në kushtet e rënda psikike.

Po ashtu ka kërkuar dhe lirimin e djalit dhe vëllait të tij, të cilët janë arrestuar bashkë për vrasjen e Romeo Hasallës.

Si ndodhi ngjarja:

Kutojmë se ngjarja e rëndë ndodhi me 29 korrik rreth orës 06:30. Konfikti për pronën ka bërë vëllezërit Kastriot Hasalla dhe Afrim Hasalla të qëllojnë me armë gjahu mbi Shuaip Hasallën dhe tre djemtë e tij, Romeos, Emiljanos dhe Laertit.

Romeo ka gjetur menjëherë vdekjen, ndërsa tre të plagosurit janë në spital, jashtë rrezikut për jetën.

Dy familjet mësohet se kishin konflikt prej vitesh për pronën e një toke. Ata janë konfliktuar verbalisht edhe disa ditë më parë, por mëngjesin e sotëm sherri degradoi në tragjedi.

Shuaip Hasalla dhe tre djemtë e tij kanë shkuar sot në mëngjes të punojnë tokën. Më pas aty kanë mbërritur me çifte Kastrioti dhe Afrimi, të cilët kanë hapur zjarr.

Viktima, baba i dy fëmijëve të mitur, kishte dy ditë që ishte kthyer nga Greqia./albeu.com

The post Vrau kushëririn për pronën, gjykata lë në burg Kastriot Hasallën appeared first on Albeu.com.

Dy ditë pasi policia e kërkonte për vrasjen e 30-vjeçarit, ai vendosi të dorëzohej përmes avokatit të tij, pasi është shprehur se nuk ka besim te policia. Në një intervistë me gazetaren e TvKlan, Anila Sefën, Hasalla ka pretenduar se ka qenë ai që ka qëlluar vetë me armë dhe ka vrarë të riun si dhe ka plagosur vëllezërit dhe babain e viktimës dhe vëllai dhe djali i tij, të cilët ndodhen në burg, duhet të lirohen pasi janë të pafajshëm. Lidhur me vetëdorëzimi në polici ka folur edhe avokati i tij, Ilir Dervishi, i cili tha se Hasalla e ka kryer krimin në kushtet e tronditjes së thellë psikologjike pasi jeta e djalit të tij është ërcënuar nga pala tjetër me armë.

Intervista me Kastriot Hasallën:

Gazetarja: Kush jeni ju?

Kastriot Hasalla: Unë quhem Kastriot Hasalla.

Gazetarja: Ju jeni autori që kryet vrasjen?

Kastriot Hasalla: Po! Unë them vetëm drejtësinë dhe si ka ndodhur do t’i tregoj më tutje.

Gazetarja: A keni qëlluar ju me armë?

Kastriot Hasalla: Po unë kam qëlluar.

Gazetarja: Pse u dorëzuat te avokati dhe jo te policia?

Kastriot Hasalla: Në polici nuk kisha besim, se nuk ka drejtësi. Për çfarë kam bërë mbaj përgjegjësi deri në fund. Çuni duhet të lirohet me gjithë vëllain se nuk ka përgjegjësi fare. Unë kam qëlluar, mbaj përgjegjësi deri në fund. Mjetet e mia duhet të lirohen, se nuk e kanë bërë mjetet krimin.

Dëshmia e avokatit:

Unë jam avokati Ilir Dervishi që përfaqësoj klientin tim. E rëndësishme është që klienti me vullnetin e tij të lirë po shkon të dorëzohet pranë organeve të drejtësisë. Ka dashur të dorëzohet që ditën e parë, por nuk e di arsyen pasi 50 minuta kemi që kemi kontaktuar bashkë. Kemi kontaktuar shefin e komisariatit, prokurorin e çështjes, drejtuesin e Prokurorisë së Lushnjes, për veprimin e klientit tim, por meqë jam përballë jush, edhe në emër të klientit tim dua të shpreh ngushëllimet më të sinqerta për humbjen e jetës së viktimës, por edhe shërim sa më të shpejtë të të plagosurve. Kjo është një ngjarje e rëndë, por edhe një ngjarje që nuk ka patur rrethana të tjera përveç atyre rastësore, që nuk ka pasur paramendim, por ka ndodhur në kushtet e tronditjes së thellë psikologjike të klientit tim dhe duke parë jetën e djalit që rrezikohej nga kërcënimi me armë i palës tjetër.

Ditën e sotme në Gjykatën e Lushnjes u dhanë masat e sigurisë për të arrestuarit. Gjykata dha masën e arrestit me burg për Afrim dhe Marjo Hasallën, të cilët akuzohen për ngjarjen e rëndë. Ngjarja e rëndë ndodhi paraditen e 29 Korrikut në Garunjas të Lushnjes. Autorët e dyshuar të ngjarjes u përplasën me viktimën, vëllezërit e tij dhe babain e tyre. Romeo Hasalla kishte vetëm dy ditë që kishte ardhur nga Greqia dhe ishte baba i dy fëmijëve. Familjet ishin në konflikt të vjetër për pronën teksa rezulton se viktima me autorët ishin kushërinj të largët.

The post Vrau kushëririn pas sherrit për tokën, flet Kastriot Hasalla: Nuk kam besim te policia, mbaj përgjegjësi deri në fund (VIDEO) appeared first on Albeu.com.