Sipas të dhënave zyrtare, gjatë periudhës 2005–2016, nën menaxhimin e Hochtief Airport GmbH, investimet arritën pothuajse 87.4 milionë euro, pra rreth 8 milionë euro në vit. Në vijim, gjatë viteve 2016–2020, me Real Fortress Private Limited, investimet ranë në 17.9 milionë euro, rreth 3,6 milionë euro në vit. Ndërsa, nga viti 2020-2025, Grupi Kastrati ka investuar rreth 110 milionë euro, përafërsisht 22 milionë euro në vit, duke u fokusuar në modernizimin e infrastrukturës së aeroportit dhe rritjen e eficiencës operacionale. Ky investim erdhi në një moment kyç, kur aeroporti kishte nevojë për një vizion të ri zhvillimi, përtej modelit tradicional të menaxhimit. Ndërhyrjet përfshinë zgjerimin e terminalit, përmirësimin e shërbimeve dhe rritjen e kapaciteteve për përballimin e flukseve në rritje, si edhe investime në proceset e digjitalizimit.

Në vijim, plani ambicioz i investimeve për periudhën 2026–2028, me një vlerë prej rreth 50 milionë euro në vit,pra 152 milionë eurosh total, e çon totalin e angazhimit të Grupit Kastrati në nivele që tejkalojnë ndjeshëm fazat e mëparshme të zhvillimit të aeroportit. Në total, krahasuar me periudhat e mëparshme koncesionare, vlera e investimeve të Grupit Kastrati përfaqëson një rritje prej rreth 249%, një tregues i qartë i intensitetit dhe ritmit të ri të zhvillimit.

Ky nivel investimesh nuk është thjesht një zgjerim fizik, por një transformim strukturor i aeroportit. Nga një infrastrukturë e kufizuar dhe e orientuar drejt një tregu relativisht të mbyllur, Aeroporti i Tiranës tashmë është kthyer në pikë referimi rajonale e fluturimeve, me kapacitete të rritura dhe standarde më të larta shërbimi.

Efektet e këtyre investimeve janë tashmë të dukshme në treg. Rritja e kapaciteteve ka krijuar hapësirë për hyrjen e operatorëve të rinj dhe zgjerimin e linjave ekzistuese, duke rritur ndjeshëm konkurrencën në tregun e fluturimeve. Kjo ka qenë një nga faktorët kryesorë që ka ndikuar në uljen e ndjeshme të çmimeve të biletave për destinacionet kryesore europiane.

Të dhënat tregojnë se krahasuar me vitin 2019, çmimet mesatare të biletave kanë pësuar ulje të konsiderueshme, me të paktën 50%, por në disa raste uljet janë edhe më drastike. Për shembull, për destinacionet që kanë edhe frekuencë më të lartë fluturimesh siç janë ato me qytetet italiane, ku shqiptarët udhëtojnë shpesh edhe për shkak të lidhjeve të forta dhe pranisë së madhe të emigrantëve, nëse në vitin 2019 një biletë me Milanon kushtonte 250 Euro, sot çmimi I një bilete nis nga 30 euro. Akoma më lirë sot kushton Londra, një tjetër destinacion me fluturime të shpeshta nga shqiptarët. Nëse në vitin 2019, një biletë kushtonte 340 Euro, aktualisht gjen bileta edhe për vetëm 90 Euro, pra rreth 4 herë më lirë. Në ditë dhe destinacione të caktuara, biletat variojnë mes 50-70 Euro vajtje-ardhje, shifra këto të pamendura 5 vite më parë. E njëjtë gjë vlen edhe për shumë qytete e destinacione evropiane, si Brukseli, Roma, Dyseldorfi, etj., ku çmimet e biletave kanë pësuar rënie dhe fluturimet janë bërë edhe më të shpeshta, për shkak të kërkesave në rritje, si edhe zgjerimit të linjave ajrore që operojnë me këto destinacione.

Në thelb, investimet e Grupit Kastrati kanë krijuar një cikël pozitiv zhvillimi: më shumë kapacitete sjellin më shumë kompani ajrore, rritja e konkurrencës ka sjellë uljen e çmimeve dhe çmimet më të ulëta kanë rritur kërkesën. Ky mekanizëm ka bërë që aeroporti të mos jetë më një pikë e shtrenjtë hyrjeje, por një portë më e aksesueshme për qytetarët dhe bizneset, madje edhe për mijëra qytetarë nga vendet e rajonit, nga Kosova, Maqedonia e Veriut dhe Mali i Zi, duke ndikuar drejtpërdrejt edhe në rritjen e turizmit dhe lidhjeve ekonomike të Shqipërisë me rajonin dhe Europën.

The post Aeroporti i Tiranës me ritmin më të shpejtë të rritjes në Europë: Cfarë sollën investimet e fundit appeared first on Albeu.com.

Burime bëjnë me dije se Tufa është arrestuar nga forcat operacionale të Fushë-Krujës.

40-vjeçari Shkëlzen Kastrati u ekzekutua në 1 shkurt të vitit 2021 pranë Rrethit në fshatin Sheq në Fier.

Ai u qëllua nga një makinë tip Range Rover, që pas vrasjes u gjet e djegur te Mbikalimi i Baltzës.

Dyshohet se ngjarja lidhet me një përplasje të vjetër mes familjeve Binjaku dhe Kastrati, për shkak të përfshirjes së vëllait të tij, Klementit në një sagë hakmarrjeje me Ermal Binjakun.

Njoftimi:

Falë inteligjencës policore, Komisariati i Policisë Krujë në bashkëpunim me shërbimet e Sektorit të Forcës së Posaçme të Operacioneve Speciale dhe Kërkimin në DVP Tiranë, lokalizojnë, kapin dhe vënë në pranga një shtetas të shumëkërkuar, me rrezikshmëri të lartë shoqërore.

I shpallur në kërkim për vrasje, kapet dhe vihet në pranga 31-vjeçari.

Shërbimet e Komisariatit të Policisë Krujë në bashkëpunim me ato të Sektorit të Forcës së Posaçme të Operacioneve Speciale dhe Kërkimin, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shumëkërkuar nga Policia, organizuan dhe finalizuan operacionin policor të koduar “Lokalizimi”.

Si rezultat i këtij operacioni, në aksin rrugor Fushë Krujë-Vorë, ditën e sotme, është lokalizuar, kapur dhe vënë në pranga shtetasi E. T., 31 vjeç, banues në Tiranë.

Ky shtetas ishte shpallur në kërkim pasi Gjykata e Shkallës së Parë të Juridiksionit të Përgjithshëm Fier, i ka caktuar masën e sigurisë “Arrest në burg”, për veprën penale “Vrasje me paramendim”, pasi ka vrarë me armë zjarri shtetasin Sh. K.

Materialet i kaluan Prokurorisë, për veprime të mëtejshme.

The post Arrestohet Elmir Tufa, akuzohet për vrasjen e Shkëlzen Kastratit në vitin 2021 appeared first on Albeu.com.

Nga pasqyrat financiare të dorëzuara nga Kastrati Aviation Holding më datë 30 korrik në Qendrën Kombëtare të Biznesit, shifra është fitimi neto, që me vendim të 29 qershorit të këtij viti të Shefqet Kastratit është kategorizuar në fitim të mbajtur 100 për qind.

Shuma është arkëtuar në një kohë që përgjatë vitit të kaluar qeveria u vu në shërbim të oligarkut, herë përmes eksperimentimit duke e bërë rrugën e Rinasit njëkalimëshe dhe më pas përmes ndërtimit me parët e qytetarëve të një rruge të re që i shërben plotësisht aeroportit të Kastratit.

Të dhënat e tjera financiare tregojnë se kompania ka një total të aktivëve të saj prej 6 miliardë lekësh, ose gati 60 milionë euro në vetëm 7 muaj që nga koha e krijimit, në fillim të dhjetorit të vitit të kaluar.

Nga pasqyrat e bilancit financiar, kompania thotë se ka humbur 2 milionë lekë nga rënia e kursit të këmbimit të euros, një shifër tallëse nëse kihet parasysh që rënia e euros nuk pasqyrohet në kursin e këmbimit që Shefqet Kastrati aplikon për qytetarët që kalojnë traun në Rrugën e Kombit e që pagesën e bëjnë në lekë. /Vox

The post Kastrati, 17 mln euro fitim në pak muaj nga aeroporti appeared first on Albeu.com.

Vasili shkruan se edhe pse në Shqipëri euro ka disa vite që shkëmbehet me 120 lekë, në Rrugën e Kombit jeta “ka mbetur në vend”, pasi aty akoma vijon që një euro të shkëmbehet me 132 lekë, që do të thotë se edhe pse është 5 euro çmimni i traut, qytetarët që paguajnë me lekë shqiptare kanë të detyruar të paguajnë 660 lekë.

Postimi i Vasilit:

Salillari dhe Kastrati perfitojne qindra milion leke nga Kursi i kembimit ne Rrugen e Kombit!Ja prova.

Qindra milion leke rremben Kompania koncesionare ne Rrugen e Kombit vetem prej kursit te kembimit.

Megjithese euro ka vite, qe kembehet me rreth 120 leke ne Rrugen e Kombit jeta “ka mbetur ne vend” dhe euro llogaritet me 132 leke per nje euro si ne asnje cep te globit.

Per mijra automjete, qe paguajne tarifen ne euro ajo u llogaritet me 132 leke sic eshte fiksuar kur eshte lidhur kontrata, ndonese ka me shume se 3 vjet e gjysem qe euro shkembehet me rreth 120 leke.

Pra per çdo autoveture e cila per 5 euro duhet te paguaje 600 leke ose edhe me pak, ne fakt ju duhet te paguajne 660 leke.

Pra 60 leke me shume per cdo automjet vetem per shkak te kursit abuziv te kembimit.

Mendoni per Kamionat ku perfitimi eshte edhe me i madh dhe llogaritni mijra e mijra autimjete qe kalojne cdo vit ne Rrugen e Kombit se sa shkon grabitja abuzive.

Pra brenda nje viti Salillari dhe Kastrati perfitojne vetem nga kursi qindra milion leke.

Po Qeveria dhe  Ministria e Financave nuk levizin gishtin, qe te mbrojne qytetaret nga vjedhja, por u bejne fresk milionave te Oligarkeve!

Po ky dreq SPAK cfare pret më kur grabitjen e ka perpara syve

SPAK qe te mos lodhesh ja ku e ke edhe Proven Kuponin e Pageses me vlere 660 leke per nje automjet paguar sot tek trau i Oligarkeve ne Morine.

The post “SPAK e ka grabitjen para syve”, denoncimi i Vasilit: Koncensionari përfiton qindra milionë lekë nga kursi i këmbimit në “Rrugën e Kombit” appeared first on Albeu.com.

Ndërkohë, gjykata ka caktuar masën e sigurisë “arrest me burg” për të dyshuar Alber Zaja, këtë herë për mbajtje pa leje të armëve luftarake.

Është e dyta herë që Alber Aaja paraqitet pranë togave të zeza në Fier, përsa i përket vrasjes së Shkëlzen Kastratit, një ngjarje e ndodhur në 1 shkurt, në Fier. Më parë, Zaja u njoh me masën e caktuar në mungesë nga Gjykata e Fierit, atë të vrasjes me paramendim të kryer në bashkëpunim.

Në kërkim vijojnë të mbeten edhe tre persona të tjerë të dyshuar për ngjarjen, Elson Xhecuka, Roland Cara dhe Elmir Tufa.

The post Policia blindon Gjykatën, lihet në burg autori i dyshuar i vrasjes së Kastratit appeared first on Albeu.com.