“Unë nuk do t’i përdorja ato fjalë,” tha Macron në një intervistë me stacionin France 3.

Presidenti francez theksoi se “duhet bërë gjithçka për të ndaluar përshkallëzimin e situatës” nëse do të ketë ndonjë shpresë për të ndaluar luftën e Rusisë në Ukrainë.

Macron tha për France 3 se ai e sheh detyrën e tij në “arritjen e armëpushimit dhe më pas tërheqjen e përgjithshme të trupave [ruse] me mjete diplomatike. Nëse duam ta bëjmë këtë, nuk mund të përshkallëzohemi as me fjalë, as me veprime,” ai tha.

Fjalimi në Varshavë

Gjatë një fjalimi të zjarrtëtë shtunën (26.03) në Varshavë Biden e quajti Putinin “kasap” dhe tha: “Ky njeri nuk mund të qëndrojë në pushtet”, sepse lufta e tij kundër Ukrainës ka qenë një dështim strategjik për Moskën. Ai gjithashtu paralajmëroi forcat ruse që të mos guxojnë të shkelin “asnjë centimetër të vetëm” të territorit të NATO-s.

Polen Warschau Rede von US Präsident Joe Biden zum Ukraine Krieg
Duke përdorur fjalët e Papës së parë nga Polonia, Gjon Pali II, i cili u zgjodh si kreu i Kishës Katolike në vitin 1978, Biden tha: “Mos kini frikë!” dhe shtoi: “Ne jemi pranë jush”. Këto fjalë u drejtohen shtetasve të Ukrainës, por edhe të Polonisë si dhe vendeve të tjera lindore të NATO-s.

Retorika jashtëzakonisht e fortë dhe e zjarrtë e presidentit Biden u relativizua shpejt nga Shtëpia e Bardhë, e cila tha se presidenti nuk po bënte thirrje për ndryshimin e regjimit në Rusi. “Ajo që donte të thoshte Presidentit ishte se Putini nuk mund të lejohet të ushtrojë pushtet mbi fqinjët e tij apo rajonin”, tha zyrtari i Shtëpisë. “Presidenti nuk po vë në diskutim pushtetin e Putinit në Rusi, apo ndryshimin e regjimit.”/DW

The post Macron distancohet nga fjalët e Bidenit për Putinin appeared first on Albeu.com.

Ati i Shenjtë foli për shijet e tij muzikore, për profesionin që ka ëndërruar dhe për mënyrën e jetesës.

“Dëgjoj muzikë, më pëlqejnë shumë klasikët, më pëlqen shumë edhe tango”, tha ai.

I pyetur nëse ka kërcyer tango u përgjigj: “Një portenjo që nuk kërcen tango nuk është i tillë”, thotë Papa duke iu referuar origjinës së tij, termi që i referohet banorëve te Buenos Airesit në spanjisht.

Ndërsa intervistën e tij, ai e përfundon me një kujtim nga fëmijëria e tij.

“Kur isha fëmijë doja të bëhesha kasap, pasi kur dilja në pazar me nënën dhe gjyshen, shihja që të gjithë paguanin kasapin. Dhe kur më pyesnin se çfarë doja të bëhesha kur të rritesha, unë përgjigjesha: ‘Kasap, sepse ka shumë para”, tha Papa.

85-vjeçari ka refuzuar gjithashtu të qëndrojë në apartamentet e izoluara, por me shumë hapësirë në pallatin apostolik të Vatikanit, si paraardhësit e tij. Kjo, pasi siç thotë, nuk është shenjtor.

“Një prej arsyeve përse nuk shkova të jetoj në apartamentin papnor, ishte pas nuk jam shenjtor, si ata që kanë qenë atje përpara meje. Unë dua të kem marrëdhënie njerëzore e prandaj jetoj në këtë hotel në Santa Maria, ku mund të takoj e të flas çdo ditë me njerëz apo miq. Kjo është një jetë më e lehtë për mua. Kam nevojë për miq; ata janë të paktë, por të vërtetë”, u shpreh Ati i Shenjtë./albeu.com/

The post Befason Papa Françesku: Kam kërcyer tango! Doja të bëhesha kasap, mendoja se kishte para appeared first on Albeu.com.