Në njoftimin zyrtar të uniformave blu bëhet me dije se në kuadër të operacionit policer të koduar “Liqeni” janë arrestuar shtetasit  L. S., 19 vjeç, dhe B. M., 24 vjeç, të dy banues në Tiranë, si dhe u shpall në kërkim shtetasi A. D., 53 vjeç, banues në Tiranë.

Nga veprimet hetimore dyshohet se këta tre shtetas, në bashkëpunim me njëri-tjetrin, më datë 12.06.2023, kanë vjedhur në një subjekt privat për tregtimin e pijeve alkoolike, një kasafortë, një aparat celular dhe dy njësi qendrore. Më pas, ata e kanë hedhur kasafortën e vjedhur, në liqenin artificial të Tiranës.

Në cilësinë e provës materiale u sekuestruan kasaforta e vjedhur, aparati celular i vjedhur dhe mjete (çekiç, levë) me të cilat autorët e dyshuar kanë realizuar vjedhjen.

Vijon puna për kapjen e shtetasit A. D. dhe për dokumentimin e plotë të kësaj vjedhjeje.

Materialet procedurale i kaluan Prokurorisë, për veprime të mëtejshme./Albeu.com.

The post Vodhi kasafortën, policia merr hajdutin natën dhe e çon te liqeni: Dalin pamjet appeared first on Albeu.com.

Policia bën me dije se shtetasi E.S vodhi në banesën e babait të tij, kasafortën me një shumë të konsiderueshme parash dhe aksesorë të ndryshëm floriri.

Në cilësinë e provës material u sekuestruan një pjesë e parave të vjedhura (10 530 paund dhe 27 030 euro).

“Në kuadër të operacionit policer të koduar “Kasaforra” u bë arrestimi i shtetasit E. S., 33 vjeç banues në Tiranë. Nga veprimet hetimore dyshohet se 33-vjeçari ka vjedhur në banesën e babait të tij, në rrugën “Riza Cuka”, kasafortën brenda së cilës kishte 27 200 euro, 11 000 paund, 910 000 lekë dhe aksesorë të ndryshëm floriri”, thuhet në njoftimin zyrtar të policisë.

Vijojnë veprimet hetimore për dokumentimin e plotë ligjor të këtij rasti.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. /Albeu.com.

The post Vodhi në banesën e babait të tij kasafortën me mijëra euro dhe paund, arrestohet 33-vjeçari në Tiranë appeared first on Albeu.com.