Edhe kur tërheqim lekë nga bankomati, në më të shumtën e rasteve prerja më e madhe dhe me shpeshtë që del është 5 mijë lekëshi. Por pse këtë kartëmonedhë e “shohim” kaq pak?

“Është prerja më e madhe që ne kemi. Si e tillë, qytetarët e përdorin si mënyrë thesarizimi. Pra përdoret më shumë për kursim. Por jo vetëm, është dhe pak e vështirë që ta kesh për përdorim ditor, pasi me 10 mijë lekë, nuk mund të shkosh tek marketi i lagjes. Përveç të tjerash kjo prerje është edhe më e pakët në treg në raport me kartëmonedhat e tjera”, sqaron Alba Gjoka, përgjegjëse e departamentit të emisionit në Bankën e Shqipërisë.

Aktualisht, sipas Bankës së Shqipërisë, një prerje më e madhe se 10 mijë lekë nuk është e nevojshme për ekonominë. Cikli i radhës për seri të reja kartëmonedhash mund të jetë pas 10-15 vitesh.

Me këtë kartmonedhë duhet të bëni gjithashtu shumë kujdes nëse e mbani në portofol. Për ata që nuk u është mësuar syri, ajo mund të ngatërrohet lehtësisht me një kartmonedhë 1 mijë lekëshe dhe të jepet në vend të saj në shkëmbime të ndryshme. Është mirë ta mbani brenda nënndarjes së veçantë të portofolit, ose të mos e mbani bashkë me kartëmonedha të tjera.

The post Kjo është kartëmonedha shqiptare që “rrallë na bie në dorë”, ja arsyet pse appeared first on Albeu.com.

Sejko ka thënë se duke filluar nga data 17 janar e vitit të ardhshëm, do të hidhen në treg kartëmonedhat e reja me 2 prerje të tjera, konkretisht ato me prerje 500 lekëshe dhe 2000 lekëshe.

“Po ashtu, ne kemi vijuar punën për plotësimin e serisë se re të kartëmonedhave. Në muajin qershor të vitit 2021 u hodhën ne qarkullim edhe 2 prerje të tjera, ato 1,000 dhe 10,000 Lekë. Shtimi i kësaj të fundit, pra i kartëmonedhës me prerjen më të madhe në vlerën 10,000 Lekë, përbën edhe një risi në procesin e prodhimit të parasë sonë. Njëkohësisht, vlen të theksohet se në vitin 2021, kemi prodhuar edhe 2 kartëmonedhat e fundit të serisë, ato me prerje 500 dhe 2000 Lekë, të cilat pritet të hidhen në qarkullim në ditët në vijim, duke realizuar përfundimisht kompletimin e serisë sonë të re të kartëmonedhave, të përbërë nga 6 prerje.

Duke filluar nga data 17 janar 2022, kartëmonedhat e reja do të jenë në duart e publikut dhe do të qarkullojnë paralelisht me kartëmonedhat e serisë aktuale. Ato janë dizajnuar dhe prodhuar me teknologjinë më të fundit të fushës dhe janë të pajisura me elemente bashkëkohore dhe të sofistikuara sigurie”, është shprehur Sejko./albeu.com/

The post Sejko bën njoftimin e rëndësishëm, tregon kur hidhen në treg kartmonedhat e reja appeared first on Albeu.com.