Fjala “mafia” është një term gjithnjë e më i njohur në Amerikën Latine.

Por çfarë e bën një strukturë kriminale të quhet “mafia”?

Për dy dekada, organizatat kriminale shqiptare kanë bërë biznes fitimprurës me kartelet në Amerikën Latine.

Shqiptarët  kanë krijuar kontakte me grupet e trafikut të drogës në vende si Kolumbia, Ekuadori, Meksika dhe Peruja, pa pasur nevojë për komandim të shumë burrave dhe armëve të kalibrit të lartë, si kartelet e Amerikës Latine.

Në qershor 2022, Policia Peruane Kundër Drogës sekuestroi 2.2 ton kokainë që do të dërgohej nga deti në Holandë.Droga ishte e kamufluar në kanaçe me asparagus që do të transportoheshin në një kamion nga Trujillo në Callao.

Shtatë peruan u arrestuan dhe u urdhërua kapja e dy shqiptarëve:  Franc Malo dhe Gentjan Meta, të cilët hynë ilegalisht në vend përmes Huaquillas, në kufi me Ekuadorin, në nëntor 2021.

Raporte të ndryshme në shtyp, duke cituar informacione nga kabineti i sigurisë së qeverisë meksikane, tregojnë se “el mayo” Zambada krijoi një shoqatë për qëllime pastrimi parash me anëtarë të klanit të vëllezërve Hysa.

Me ndihmën e tij ata krijuan kompani për pastrimin e parave, kazino, restorante dhe një kompani eksporti në shtetet e Baja California, Quintana Roo dhe Sonora, sipas dokumenteve të inteligjencës.

Por kriminelët shqiptarë jo vetëm që kanë lidhje të forta me “el mayo” Zambada, por edhe me Kartelin Jalisco Nueva Generación (CJNG) , sipas burimeve të inteligjencës, duke sugjeruar një rritje të operacioneve të paligjshme në Amerikën Latine./Albeu.com/ 

The post Trafikantët shqiptarë të drogës konkurrojnë për pozicione në Ekuador, i përfshirë dhe klani Hysa, si i fshihnin paratë e “pista” appeared first on Albeu.com.

Presidenti i Meksikës, Manuel Lopez Obrador, ka thënë se Meksika nuk dëshiron më helikopterë dhe armë tjera për luftim të trafikantëve të drogës, dhe u ka bërë thirrje Shteteve të Bashkuara që të investojnë në zhvillimin ekonomik rajonal.

Në vizitën e tij të parë në Meksikë si diplomat i lartë i SHBA-së, Blinken, i shoqëruar nga zyrtarë tjerë, përfshirë Sekretarin amerikan për Siguri Kombëtare, Alejandro Mayorkas, kanë diskutuar me presidentin meksikan për çështje të sigurisë.

Lopez Obrador e ka përshëndetur “fazën e re” të marrëdhënieve, duke përsëritur ftesën për presidentin amerikan, Joe Biden që të vizitojë Meksikën.

Uashingtoni ka dhënë shenja se është gati që të rindërtojë një program 13 vjet të vjetër të quajtur Iniciativa Merida, përmes së cilit SHBA-ja ka ofruar trajnime për sigurinë.

“Pas 13 vjetëve të Iniciativës Merida, është koha për një qasje të re në bashkëpunimin tonë për siguri, një që do të na paraqesë si partnerë të barabartë në definimin e prioriteteve të përbashkëta për të luftuar sfidat si mungesa e barazisë, korrupsioni dhe fokusimi në fuqizim, jo vetëm të zbatimit të ligjit, por edhe të sistemit shëndetësor, sundim të ligjit dhe mundësi ekonomike për të gjithë”, ka thënë Blinken.

Ai ka thënë se duhet bërë më shumë për të luftuar trafikimin e armëve, rritjen e sigurisë kufitare, shkatërrimin e sistemeve financiare të karteleve dhe abuzimet e të drejtave të njeriut.

Shtetet e Bashkuara i kanë dhënë Meksikës rreth 3 miliardë dollarë prej vitit 2008 për trajnime në fushën e zbatimit të ligjit, si dhe në pajisje, përfshirë helikopterët.

Lopez Obrador ka thënë se investimi në projekte zhvillimore në rajon do ta ndihmonte këtë vend, jo vetëm për ta luftuar trafikimin e drogës, por edhe valën e migrimit – një tjetër sfidë e madhe me të cilën përballen të dyja shtetet.

The post SHBA dhe Meksika synojnë të ripërtërijnë luftën kundër karteleve të drogës appeared first on Albeu.com.