Çokaj do të ishte transferim nga Panathinaikos. Kontrata e lidh me këto të fundit deri në fund të sezonit, edhe pse aktualisht është i huazuar te Levadiakos.

I lindur në Koplik, Çokaj e niste te moshat e Vllaznisë dhe Shkëndijës, para se të transferohej te Lokomotiva. Më pas, 27-vjeçari luajti edhe me Laçin në Abissnet Superiore si i huazuar nga klubi kroat.

Panathinaikos i bleu kartonin në vitin 2022. Tashmë është drejt eksperiencës për herë të parë në Gjermani. Kujtojmë se trajneri Silvinjo e ktheu te Kombëtarja përgjatë vitit të kaluar, ku mori minuta ndaj Gjibraltarit në miqësore.

The post Silvinjo e riktheu pasi ishte harruar, mesfushori i Kombëtares drejt firmës në Gjermani appeared first on Albeu.com.

Ajo ka treguar momentin kur performoi për herë të parë në Festivalin e Këngës kur ishte vetëm 15-vjeç dhe ‘përplasja’ që kishte me Vera Grabockën për veshjen e saj pak të ekspozuar, e cila bëri bujë asokohe.

Ajo ka treguar disa nga emrat e artistëve me të cilët ka punuar, ndërsa e veçon artin e ditëve të sotme me atë të viteve të hershme.

Sipas saj, ajo çfarë e ka bërë të famshme është pikërisht stili i saj dhe rebelizmi.

“Do të doja të veçoja, sot më ra në mend, unë isha 15-vjeç kur këndova në Festival dhe veshjen e pashë në Miss Europa 1995. Pa ditur njeri unë u pranova në Festival. Në atë kohë ishin vetëm pesë emra që të pranonin në Festival. Selim Ishmaku, Alfred Kaçinari, Vera Gabrocka, Zhani Ciko, Alqi Boshnjaku.

Veshja u përfol për përmasat dhe përmasat janë pjesë e maratonës. Unë dua të zgjas. Artisti që i reziston kohërave është vërtete artist. Ajo që unë kam qenë vërtete e vetëdijshme, është që di t’i rezistoj kohës.

Unë nuk do fokusohesha te elementi fizik, por te rezistenca në kohë, të dalësh me të njëjtin kostum pas 30 vitesh. Atëherë kishte vetëm një televizion. Sot është shumë e lehtë të bëhesh i famshëm.

Nëse këta emra të thonin që nuk pranoheshe në Festival, nuk kishe më një shans të dytë. Unë me atë rebelizmin tim, shkova te gardëroba dhe përgjegjësja më tha: ‘Nëse të sheh Vera Grabocka këtu, na mbyti të dyjave’. Unë shkoj, marr veshjen dhe ndërkohë që po mbyllja zinxhirin, aty hyn Vera Gabrocka dhe më tha: ‘Ku shkon ti gjysmë e zhveshur?’. Unë ngela, ndërkohë që Vera mbylli derën.

E kuptova që të dilja me këtë veshje në Festivalin ku Vera Grabocka ishte regjisore, përgjigja do ishte jo. Unë në mes të performancës, hoqa pelerinën dhe Vera Gabrocka e mbajti kamerën te unë dhe të nesërmen kur u zgjova, isha Bleona Qereti”, është shprehur Bleona.

Ajo ka treguar edhe si arriti të futet në coverin e revistës prestigjioze të modës, “Vogue Latina”, të cilën nuk e quan sukses personal apo çështje fati por një dëshmi që ‘ëndrrat duhet të kapen prej flokësh’.

“Unë jam mësuar që jam gjykuar dhe jam parë gjithmonë me lupë për vendimet dhe veprimet që kam bërë. Njerëzit këtu gjykonin me një tjetër kënd pa e dikur se me çfarë ideja mbrapa janë marrë vendimet. Jam gjykuar edhe për limitet e trurit të njerëzve që flisnin për mua. Limitet e tyre nuk janë perceptimi im. Arritjen në kopertinën e Vogue nuk do ta klasifikoja suksese personal, por një dëshmi që ëndrrat duhet të kapen prej flokësh, nuk është çështje fati. Suksesi është si ajsberg. Kjo është fryt i një pune shumëvjeçare e imja dhe një vet-sakrifikim, gjërat që shqiptarët nuk e dinë. Kam nisur një brend dikur në 2013 dhe kam bërë një fotoshoot me një fotograf të Vogue, sepse për brendin që unë doja ti paraqisja Amerikës, ishte ai që kishte fotografuar Monica Belluccin më shumë se çdo njeri tjetër.

Amerika nuk do një kopje të shëmtuar të emrave që kanë. Bëra një analize se çfarë do i ofrojë unë Amerikës dhe për çfarë mund të më dojë. Me llogarinë time më doli që Amerika nuk ka një Pop Singer, Një Monica Bellucci në një formë pop-singer me një personalitet të Gagës dhe Madonës. Asnjëherë nuk ka pasur një persona klasik me personalitet të çmendur. Bashkova look-un dhe personalitetin. Unë për Amerikën nuk do jem asnjëherë një artiste amerikane por një e huaj që është e famshme në Amerikë sepse është e famshme diku tjetër. Është kollaj të thuash unë shkoi dhe di, por e mira e njerëzve të suksesshëm është që ata e kuptojnë që ata nuk din. Profesionistëve u kam lënë të marrin vendimet e duhura për gjërat që unë nuk i dija”, u shpreh Bleona.

The post Bleona Qereti rrëfen detaje nga karriera e saj: Si u bëra e famshme appeared first on Albeu.com.

FORMA- Për të shënuar paguhem dhe atë po bëj. Jam shumë i fokusuar te ndeshjet një nga një. Mundohem gjithmonë të jap maksimumin tim, të ndihmoj ekipin dhe pse jo të bëj edhe statistika më të mira se sezonin e kaluar, sepse tashmë e njoh shumë më mirë ligën dhe kundërshtarët. Nuk kemi atë presionin e madh të titullit, thjesht përqendrohemi të nxjerrim më të mirën në çdo ndeshje dhe pastaj ecim hap pas hapi.

OBJEKTIVI PERSONAL- Për mua nuk ka objektiv personal të caktuar, përveçse të jap gjithmonë maksimumin në fushë. Si sulmues, obligimi im është të shënoj gola dhe të jem aty kur ekipi ka më shumë nevojë për mua. Në fund, gjithçka që dua është t’i ndihmoj skuadrës të arrijë rezultatet që kërkon.

MERKATOJA- Është e vërtetë që ka pasur shumë oferta nga klube të ndryshme, por vendosa të vazhdoj me Rubinin. Ata kanë treguar besim tek unë që në ditën e parë kur erdha dhe nuk desha t’ua kthej shpinën. Normalisht, pati edhe diskutime rreth kushteve, për çmimin dhe marrëveshjen, por nuk arritëm të gjejmë gjuhën e përbashkët me disa klube. Megjithatë, e gjitha ishte shumë korrekte dhe pjesë e futbollit. Vendimi im ishte të qëndroj këtu.

KAMPIONATI RUS- Rusia është e ndryshme nga shumë shtete të tjera të Evropës, por këtu ndjehem jashtëzakonisht mirë. Në klub më duan aq shumë sa që më duket sikur jam tek Llapi ose Ballkani, pra ndihem si në shtëpi. Këtë e kam falë edhe presidentit, trajnerit dhe gjithë lojtarëve që më kanë mbështetur prej ditës së parë. Edhe tifozët e qytetit më kanë pritur në mënyrën më të mirë dhe kjo më ka bërë të ndihem shumë i respektuar.

BOTËRORI- Tani na presin ndeshje shumë të rëndësishme me Kombëtaren. Jemi ende në garë për të shkuar në Botëror dhe do të luftojmë deri në fund për ta arritur këtë objektiv. Është një ëndërr dhe një dëshirë e secilit prej nesh dhe do të japim gjithçka që të bëhet realitet.

The post Karriera dhe jeta në Rusi/ Mirlind Daku: Paguhem për golat, kemi të gjithë një ëndërr appeared first on Albeu.com.

Aulona e pyet se pse u mor dhe pse doli nga përfshirja në Partinë Socialiste për Integrim.

“Jam marrë 13 vjet me politikë.”- tha këngëtari.

 Aulona Musta:  Pse dole nga politika? Je marrë me LSI-në.

 Klajdi Musabelliu: Po me Lëvizjen Socialiste për Integrim. Ky ka qenë edhe një ndër gabimet që unë kam bërë në jetën time. Më ka kushtuar artistikisht. Sepse u përzie gjëja. Nuk e di si ndodhi që u përzie kjo gjëja. Pra zëri me figurën. Kalova nga këngëtar në emigrant po nuk ka problem. Ishte një gabim që unë e di sa më ka kushtuar po nuk ka problem. Tashmë iku, ishte një eksperiencë.

The post “U mora 13 vjet me politikë”/ Klajdi Musabelliu: Më kushtoi artistikisht, kalova nga këngëtar në emigrant appeared first on Albeu.com.

Artan Lame, lindi në Tiranë në vitin 1967. I martuar dhe me dy fëmijë, ai është një figurë e njohur në fushat e administratës shtetërore, trashëgimisë kulturore dhe shoqërisë civile.

Arsimimi dhe Aktiviteti Profesional

Lame ka përfunduar Fakultetin e Gjeologjisë dhe Minierave, dega Inxhinieri Markshajderi. Ai ka shërbyer si publicist, opinionist dhe koleksionist, duke kontribuar në studimin e historisë shqiptare dhe mbrojtjen e trashëgimisë kulturore. Në vitin 2000, ai u emërua Drejtor i Trashëgimisë Kulturore në Ministrinë e Kulturës. Nga 2000 deri në 2002, ka mbajtur postin e Nënkryetarit të Bashkisë së Tiranës, dhe nga 2002 deri në 2005 ka qenë Zëvendësministër i Territorit dhe Turizmit. Në vitin 2013, ai u emërua Drejtor i Përgjithshëm i ALUIZNI-t, pozicion që mbajti deri në vitin 2023.

Aktiviteti Politik dhe Shoqëror

Artan Lame, ka qenë anëtar i Partisë Socialiste dhe ka kandiduar për deputet në zgjedhjet parlamentare të vitit 2005, 2009 dhe 2013. Nga viti 2011 deri në vitin 2013, ai ka qenë anëtar i grupit të punës për hartimin e Programit të PS-së. Në fushën e shoqërisë civile, ai ka shërbyer si Nënkryetar i Federatës së Koleksionistëve Shqiptarë dhe ka përfaqësuar Shqipërinë në organizata ndërkombëtare si “World Collectors Club” në Gjenovë dhe “Instituto degli Studi Araldici” në Milano. Gjithashtu, ai ka qenë Komisar për Shqipërinë në Panairin “IBRA ‘99” në Nuremberg.

Botimet dhe Kontributi Akademik

Artan Lame, ka kontribuar në botime të ndryshme, duke përfshirë rubrikat e përjavshme “Shqipni e harrume” në revistën “JAVA” (2005-2013) dhe “Shqipni tavolinash” në gazetën “SHQIP” (2006-2013). Ai ka bashkëautor në librin “TIRANA në kartolina deri më 1944” (2000) dhe ka botuar dy vëllime të titulluar “Medaljet shqiptare (1914-1944)” dhe “Medaljet shqiptare (1945-2002)” (2010). Gjithashtu, ai ka kontribuar në librin “TIRANA, Planin, Building, Living” (2011) dhe ka bashkëautor në librin “Piramida e Tiranës” (2011).

Dekorimet dhe Nderimet

Në vitin 2010, Lame u nderua me çmimin “Book of the Year” nga MIC London për librin “Medaljet shqiptare 1914-2002”. Në vitin 2012, ai u dekorua nga Presidenti i Republikës me “Medaljen e Mirënjohjes” për aktivitetet e tij në 100-vjetorin e Pavarësisë së Shqipërisë.

Artan Lame, ka lënë një gjurmë të thellë në administratën shtetërore dhe në fushën e trashëgimisë kulturore, duke kontribuar në ruajtjen dhe promovimin e vlerave historike dhe kulturore të Shqipërisë.

The post Ndërroi jetë në moshën 58-vjeçare, kush ishte Artan Lame dhe karriera e tij appeared first on Albeu.com.

Ajo ka treguar për lidhjen e ngushtë me familjarët, raportin me ta që në moshë të vogël dhe se si ka guxuar përherë të jetë ndryshe nga të tjerët pa një qëllim në vetvete. Artistja ka pohuar se mamaja e ndihmon me rritjen e dy vajzave dhe punët e shtëpisë e në këtë moment është suprizuar edhe nga një audiomesazh prej saj.

Në një moment të dytë, Aurela ka treguar se bashkëshorti i saj prej 14 vitesh, Skerdi është burri i ëndrrave dhe se e dashuron artisten si ditën e parë.

“Ai ka një 5 minutësh, unë e kam kuptuar, bëj tërheqjen”, tregoi Aurela duke qeshur për raportin me Skerdin.

The post Karriera e saj muzikore, Aurela Gaçe: S’më janë bërë gjërat me një kërcitje gishtash appeared first on Albeu.com.

“Dua Lipa dhe Rita Ora i përkasin sistemit amerikan; ato janë, teknikisht, këngëtare britanike apo amerikane me origjinë shqiptare,” tha Bleona. Në një intervistë për Living ajo ka theksuar se nuk gjen arsye për krahasime me to sepse karriera e saj ka nisur dhe është rritur në Shqipëri.

“Unë nuk kam arsye të krahasohem me to, sepse rrugëtimi ynë është tërësisht i ndryshëm. Ato nuk kanë ndenjur në radhë për bukë si të gjithë ne në vitet ’90, nuk kanë pasur një karrierë në Shqipëri dhe më pas të kenë kaluar në skenën ndërkombëtare. Ato janë formuar atje, ndërsa unë jam rritur dhe kam filluar këtu, në Shqipëri.”, është shprehur Qereti.

The post Bleona Qereti: Nuk ka arsye që karriera ime të krahasohet me atë Dua Lipës apo Rita Orës appeared first on Albeu.com.

Përtej daljeve në emisione, podiume apo protesta, Këlliçi tregon fillimin e rrugëtimit të tij menjëherë pas përfundimit të studimeve në SHBA dhe kthimit në Shqipëri.

Ai kujton se asokohe nuk kanë munguar as njerëzit që i kanë mbyllur derën.

Belind Këlliçi: “Më kanë pyetur jashtë mase, por edhe ata që janë bashkëpunëtorë ose janë miq e dinë rendimentin. Kur vijnë në orën 9 të mëngjesit dhe të shohin në zyrë, në punë dhe kur vijnë në orën 9 të darkës të shohin prapë në zyrë ose të shohin në emision, por në emisione këto vitet e fundit se për shkak të rritjes së aktivitetit publik në njëfarë mënyre, por më përpara ka qenë një punë e jashtëzakonshme terreni, kur të shohin ditë të shtune, ditë të  diele në punë e kuptojnë se çfarë ndodh

.Unë jam kthyer në 2009 në Shqipëri, kam ardhur pas studimeve që i përfundova në SHBA dhe nuk kam njohur askënd në Partinë Demokratike në sensin personal, i kam njohur figurat publike etj. Nuk është se më ka hapur dikush derën, përkundrazi më është mbyllur dera kur kam ardhur dhe për këtë nuk kam komplekse, e kam thënë përherë”.

Aldo: Ta kanë përplasur derën?

Belind Këlliçi: “Patjetërqë po”.

Aldo: Kush?

Belind Këlliçi: “Mos të hyjmë në emra”.

Këlliçi shton se gjithçka e nisi pa pretendime, pavarësisht prejardhjes nga një familje tiranase apo rrethit shoqëror.

“S’më shtruan tapet të kuq”, shprehet ai ndërsa kujton edhe sakrificat që i është dashur të bëjë për profesionin e tij, të cilat do t’i mbajë mend gjithmonë.

Belind Këlliçi: “Orët e jashtëzakonshme, javët pa të shtunë dhe pa të diel, ditët pa asnjë lloj orari”.

Aldo: Sanduiç, byrek me dhallë.

Belind Këlliçi: “Ajo s’bëhet fjalë. Vetëm në fushatën e vitit të kaluar që garoja për kryebashkiak në Tiranë,  pjesa kryesore e ushqimit ishte ndalo diku ha një sanduiç, ndalo ha në këmbë se s’ke kohë, patjetër. Ajo që mbaj mend janë protestat e jashtëzakonshme dhe qëndresa pafund, e kam seriozisht këtë, me qindra e qindra djem që janë goditur e arrestuar nga radhët e FRPD në këto 12 vite që kemi hyrë në opozitë.

Çfarë do të thotë, në 7 vite që unë kam drejtuar forumin rinor, pjesën kryesore, barrën kryesore edhesot për hir të së vërtetës, të protestave, të organizimeve, të terrenit, të përballjeve,e ka mbajtur rinia, e mban rinia, e mbajnë të rinjtë dhe e lodhshme, sinqerisht, përherë pjesa kur ti shkon në protestë, shkon me të rinj, merr pjesë dhe e di fare mirë që pavarësisht se protesta është paqësore, mund të ketë  momente tensioni etj por që asnjëherë nuk eskalojnë në pikën që do të ndalohet dikush, ti e di që do e përfundosh ditën jo kur të mbarojë protesta, por do e përfundosh në komisariat duke u interesuar për të rinjtë, duke ndjekur të rinjtë dhe shpeshherë ka pasur raste që kemi qenë në procese gjyqësore”.

The post Belind Këlliçi flet për rrugëtimin në karrierë: S’më shtruan tapet të kuq appeared first on Albeu.com.

Këngëtarja dhe aktorja bëri bujë në skenën muzikore në moshën 21-vjeçare me këngën e debutuese, Smile, në vitin 2006. Kënga ishte një sukses i menjëhershëm, duke arritur në vendin e parë në listat e Mbretërisë së Bashkuar dhe duke e bërë për disa vjet Allen një nga yjet kryesore të muzikës britanike.

Por, në një diskutim të kohëve të fundit Allen, tani 38 vjeçe, rrëfeu se karriera e saj muzikore u përplas me një pengesë kur u bë nënë. “Fëmijët e mi e shkatërruan karrierën time,” tha Lily. “I dua ata dhe më kompletojnë, por ata e shkatërruan yllin e popit që unë isha.”, shtoi ajo.

Allen e shtjelloi deklaratën e saj duke shprehur zhgënjimin me nocionin se dikush mund të shkëlqejë në mënyrë të barabartë si në karrierë ashtu edhe në prindërim. “Nuk përzihen,” theksoi ajo. “Unë mërzitem shumë kur njerëzit thonë se mund t’i kesh të gjitha, sepse, sinqerisht, nuk mundesh.”, thotë ajo.

The post Ylli i popit: Fëmijët më shkatërruan karrierën appeared first on Albeu.com.

GAFORRJA

Në fjalor, pranë fjalës familje, duhet të jetë simboli i Gaforres. Asnjë shenjë tjetër nuk është kaq besnike ndaj familjes së saj dhe nuk i adhuron kaq shumë njerëzit e saj. Kanceri do të bëhej jo thjesht një sakrificë, por një qilim që duhet shkelur. Ai nuk do të vinte asgjë mbi lumturinë dhe mirëqenien e familjes së tij.

PESHORJA

Gjithsesi, Peshorja nuk është një person i çmendur për karrierë. Ai do të sakrifikonte punën e tij për të favorizuar pak më shumë të dashurit e tij. Dhe ai nuk do të pendohej. Sepse po t’i shihte të lumtur do të ishte edhe më i lumtur.

PESHQIT

Peshqit nuk i intereson aq shumë karriera apo puna. Ai dëshiron që në jetën e tij të jetë i lumtur dhe familja e tij të jetë e lumtur. Ai do të sakrifikonte shumë për të parë njerëzit e tij të kënaqur dhe të lumtur. Në fund të fundit, Peshqit kanë pjesën e sakrificës në të. Për shumë gjëra ai do të sakrifikonte veten për të mirën e të tjerëve. Pra, po, ai do ta vendoste me lehtësi karrierën e tij në prapavijë.

The post Shenjat e horoskopit që do të sakrifikonin karrierën për hir të fëmijëve të tyre appeared first on Albeu.com.