Festimet mbyllen sot nga një spektakël me karvanin e karnavaleve që do të përshkojë rrugët e kryeqendrës së veriut. Qytetarët e veshur me kostume shumëngjyrëshe e maska do të parakalojnë në rrugët e qytetit duke dhënë një panoramë mbresëlënëse si në shumë qytete europaine ku festohen karnavalet.

Ndërkohë pasdite do të bëhet edhe djegia e dordolecit që simbolizon djegien e fenomeneve negative duke pritur ardhjen e stinës së pranverës. Festimeve iu bashkua një ditë më parë edhe kryeministri Edi Rama me familjen e tij.

Tradita e karnavaleve në Shkodër daton që në vitin 1864, ndërkohë që zbukurimet me një dekor shumëngjyrësh kanë përfshirë gjithë qytetin.

Padyshim që kjo është një nga festat që nuk njeh moshë e as gjini, por atmosfera festive i ka mbledhur të gjithë në Shkodër për të shijuar magjinë e maskave dhe kostumeve me personazhe.

The post Tre ditë festë në Shkodër, magjia e karnavaleve mbledh mijëra qytetarë! Paradë me maska veneciane dhe kostume shumëngjyrëshe në rrugët e qytetit (FOTOT) appeared first on Albeu.com.

Banda e qytetit dhe artistët shkodranë janë bërë pjesë e karvanit në qendër të komunë.

Artistët shkodranë janë pritur nga Kryetari i Komunës Tuz, Liridon Gjelaj.

Në emër të bashkisë Shkodër, Nënkryetari Rudin Beka, vlerësoi këtë bashkëpunim mes dy qyteteve Tuzit dhe Shkodrës, ndërkohë që i ftoi ata në javën e ardhshme në festimet 3 ditore të karnavaleve në Shkodër.

Festa e karnavaleve në Komunën e Tuzit është kthyer në një traditë të përvitshme që ka nisur që nga viti 1996. Artistët kanë interpretuar në qendër të komunës duke tërhequr interesin e banorëve të zonës të cilët kanë marrë pjesë në këtë ngjarje festive. Në Shkodër, Karnavalet do të mbahen për 3 ditë me radhë ku përveç ekipit të Tuzit që do të marrë pjesë do të ketë shumë surpriza në datat 23-24-25 Shkurt.

The post Karnavalet së bashku/ Pjesë e festimeve në Tuz të Malit të Zi edhe artistët dhe banda e qytetit të Shkodrës appeared first on Albeu.com.

Niveli i dhunës në karnavalin Notting Hill është bërë “i papranueshëm”, ka thënë Federata e Policisë Metropolitane.

Një oficere policie u sulmua seksualisht dhe gjashtë të tjerë u kafshuan këtë vit, ndërsa janë bërë publike pamjet e një të riu i cili vrapon nëpër rrugë me një hanxhar në dorë.

Videoja tregon një bandë të rinjsh, shumë prej të cilëve ishin të veshur me të zeza dhe me kapuç, duke luftuar.

Dy burra janë në spital, njëri në gjendje kritike, pas një morie  goditjesh me thikë ndërsa karnavalet po i afroheshin fundit.

Rick Prior, nënkryetar i federatës, tha se nivelet e dhunës në karnaval vitet e fundit ishin bërë të pamenaxhueshme.

Ai tha për The Telegraph: “Ky nivel i dhunës është i papranueshëm. Është vërtet e tmerrshme.”

Zoti Prior tha se e kuptonte rëndësinë e karnavalit, por shtoi se zhvendosja e ngjarjes diku tjetër duhet të konsiderohet.

Ai shtoi: “Ne jemi një shoqëri e lirë dhe, e dini, protestat, festimet dhe karnavalet janë gjëra ku ndodh krimi, dhe ne duhet ta pranojmë këtë.”

“Unë thjesht mendoj se nivelet e dhunës dhe nivelet e krimit dhe natyra e shtrirjes gjeografike të Notting Hill dhe me numrin e njerëzve që vijnë në këtë karnaval tani, thjesht lehtëson njerëzit me qëllime të liga.”

Ade Adelekan, zëvendës-ndihmës komisioneri që mbikëqyri operacionin policor, tha se ishte “për të ardhur keq” që për të dytin vit radhazi, festa e ishte “dominuar nga dhuna serioze”.

Adelekan tha se ndërsa atmosfera për pjesën më të madhe të fundjavës ishte “kryesisht pozitive”, fazat e fundit të festës në rrugë panë një sërë incidentesh të dhunshme.

Në total pati tetë goditje me thikë të hënën në incidente të veçanta dhe 275 arrestime gjatë dy ditëve të karnavalit për një sërë veprash.

Federata e Policisë Metropolitane tha se 75 oficerë u sulmuan, gjashtë u kafshuan, një u sulmua seksualisht dhe një tjetër ndodhet në spital./Albeu.com

The post VIDEO/ Kasaphanë me hanxharë në karnavalet e Londrës, policë të plagosur dhe të abuzuar seksualisht appeared first on Albeu.com.