Në pamje, Karçanaj shihet teksa hyn në ambientet e SPAK-ut e shoqëruar nga avokatja e saj. Për çështjen e AKSHI-t, ndaj saj është caktuar masa e sigurisë “detyrim paraqitje”.

Fillimisht, ish-drejtoresha ndodhej në arrest shtëpie, por Gjykata e Lartë vendosi t’ia zbusë masën, duke e kaluar në “detyrim paraqitje”. Karçanaj është një prej 8 të pandehurve për skandalin e tenderave të AKSHI-t.

Sipas akuzave, të pandehurit kanë vepruar si pjesë e një grupi të strukturuar kriminal, duke ndërhyrë në procedurat tenderuese, favorizuar kompani të caktuara dhe ushtruar presion mbi operatorët konkurrues.

Veprat penale të ngritura ndaj tyre janë konkurrenca e paligjshme nëpërmjet dhunës, heqja e paligjshme e lirisë, shkelja e barazisë në tendera, grupi i strukturuar kriminal dhe pastrimi i parave.

The post Hetimi për tenderat e AKSHI-t, Mirlinda Karçanaj paraqitet në SPAK appeared first on Albeu.com.