Shefi i gjyqësorit në provincën Hormozgan, Mojtaba Ghahremani, tha për mediat iraniane më 31 tetor se anija po bartte “karburante të kontrabanduara”. Ai shtoi se kapiteni dhe anëtarët e ekuipazhit të cisternës janë arrestuar.

Autoritetet iraniane ende nuk kanë bërë të ditur se çfarë nacionaliteti i përkasin personat e arrestuar, por as në cilin shtet është e regjistruar cisterna.

Ghahremani tha se konfiskimi i anijes “u bë pas një muaji punë të detajuar të verifikimit të informacioneve”, duke shtuar se vlera e anijes është afër 6.7 milionë dollarë.

“Të gjitha anijet që transportojnë karburante për cisternën e konfiskuar, do të ndiqen penalisht”, tha ky zyrtar i gjyqësorit.

Autoritetet iraniane kohë pas kohe njoftojnë për konfiskimin e dërgesave të kontrabanduara të karburanteve dhe për arrestimin e ekuipazhit.

Në maj, Garda Revolucionare iraniane konfiskoi cisternën Delta Poseidon dhe një cisternë tjetër të operuar nga Greqia. Ky konfiskim ishte në kundërpërgjigje të masave të njëjta të Greqisë, teksa tensionet me Iranin janë rritur.

Greqia në prill konfiskoi cisternën Pegas, e regjistruar në Iran, por e operuar nga stafi rus.

Konfiskimi i kësaj cisterne vjen teksa Irani dhe fuqitë botërore po negocionojnë mbi ringjalljen e marrëveshjes bërthamore, që Teherani arriti më 2015. REL

The post Irani konfiskon një cisternë “me karburante të kontrabanduara” appeared first on Albeu.com.