Në mesditë në orën 13:00, pritet të zhvillohet një protestë për uljen e çmimit të karburantëve.

Protesta pritet të zhvillohet në autostradën Tiranë-Durrës ku është lajmëruar se do të fiken makinat në mes të rrugës.

“Protestë! Fike makinën!,”-thuhet në lajmërimin e protestës.

E gjitha vjen pas rritjes së çmimit të gazit për litër pasi është dyfishyar brenda një viti. Në fillim të vitit 2021, gazi ishte nga 50-60 lekë për litër, por nga një vëzhgim në pikat e karburanteve rezulton se çmimi është rritur deri në 90 lekë për litër. Edhe nafta është shtrenjtuar sërish me 10 deri në 20 lekë për litër, duke ndikuar drejtpërdrejtë tek drejtuesit e makinave.

Konfederata e Industrive të Shqipërisë kanë paralajmëruar se kjo rritje rrezikon të marrë përmasat e një krize energjetike në vitin 2021-2022. /albeu.com/

The post Rritja e çmimit të karburanteve, nesër pritet protestë: Do të fiken makinat në autostradë! (FOTO LAJM) appeared first on Albeu.com.