Ministria e Bujqësisë, bëri të ditur se kjo fermë është prekur nga gripi i shpendëve, njohur në gjuhën veterinare si sëmundja e Influencës Aviare, tipi H5N1.

Në njoftim thuhet se “ferma është vendosur në karantinë”. Pulat dhe vezët do të asgjësohen, por ende nuk ka të dhëna për numrin e krerëve.

Transparenca për publikun, në këtë rast mungon, pasi media nuk u lejua të xhironte në ambientet e kësaj pularie.

Ministria e Bujqësisë, nuk informon për numrin e shpendëve dhe as vendin e groposjes së tyre. Veç “Rea’s” deri më tani nuk ka dyshime për ferma të tjera të prekura, por 68 stabilimente janë njoftuar të marrin masa mbrojtëse.

“Në kuadër të transparencës për publikun informojmë se në datën 3.3.2025, është konfirmuar me anë të testit RT-PCR sëmundja e Influencës Aviare, tipi H5N1, në vendin tonë.

Strukturat e Ministrisë së Bujqësisë dhe Zhvillimit Rural dhe institucionet përkatëse të varësisë, kanë marrë masat në mënyrë të menjëhershme, pas njoftimit të Drejtorisë Rajonale të Veterinarisë dhe Mbrojtjes së Bimëve Tiranë, se në Qarkun Durrës, në subjekti “Rea’s” shpk, me vendodhje në fshati Maliq Muҫo, Njësia Administrative Rashbull, ka patur ngordhje shpendësh:, thuhet në njoftim.

Gjithashtu, Ministria e Bujqësisë  ka urdhëruar ndalimin e importit të shpendëve të gjalla, zogjve, shpendëve, të vezëve, të mishit dhe nënprodukteve të tjera nga Çekia, Polonia, Belgjika, Bullgaria, Gjermania, Hungaria, Moldavia, Italia dhe Bosnje-Hercegovina pasi këto shtete janë të prekura nga influenca aviare.

Gripi i shpendëve është i rrezikshëm, sepse mund të prekë dhe njerëzit ku më të rrezikuarit janë fermerët dhe punëtorët e stabilimenteve.

Virusi transmetohet përmes kontaktit të drejtpërdrejt me shpendët e infektuara, si dhe përmes mishit ose vezëve të pa gatuara.

Specialistët thonë se nuk ka rrezik nëse ushqimet janë të gatuara në temperaturë të lartë. Gjithsesi, në rastet kur virusi i tipit H5N1 kalon tek njerëzit jep simptoma që prekin kryesisht traktin respirator, ethe dhe kollë por dhe pneumoni.

Ende nuk dihet numri i pulave që kanë ngordhur, teksa subjekti ka rreth 227 708 krerë në total, të mbarështuara në katër kapanone në pularinë e Njësisë Administrative Rrashbull dhe një kapanon në Njësinë Shënavlash, nga të cilët janë raportuar dëmtime vetëm në njërin prej tyre.

“Është ngritur qendra e krizës në Ministrinë e Bujqësisë për menaxhimin e situatës së gripit të shpendëve Pulat dhe vezët do të asgjësohen por ende nuk ka të dhëna për numrin e pulave të ngordhura dhe për numrin e vezëve që do të asgjësohen”, thuhet më tej në njoftim.

Autoriteti Kombëtar i Veterinarisë dhe Mbrojtjes së Bimëve, ka njoftuar gjithashtu 68-subjektet e mbarështimit të shpendëve, të cilët duhet të marrin masa për biosigurinë në stablimentet e tyre, si dhe ka njoftuar shërbimin veterinar rajonal në rang vendi, për rritjen e vigjilencës dhe monitorimin e situatës.

Pas konfirmimit, është mbajtur në MBZHR, është thirrur takimi i Qendrës Kombëtare të Krizës dhe ka hyrë menjëherë në fuqi Urdhri i Ministrit Nr. 200, datë 3.3.2025 “Për marrjen e masave kufizuese për parandalimin dhe kontrollin e sëmundjes së Infuencës aviare ne shpendë, në mjediset e hapura dhe tregjet e kafshëve e gjalla”.

Lidhur me rastin, informojmë publikun se strukturat qëndrore dhe rajonale ka vendosur fermën në karantinë, ku janë marrë mostra zyrtare dhe janë dërguar brenda ditës, për analizim në Institutin e Sigurisë Ushqimore dhe Veterinarisë.

Autoriteti Kombëtar i Veterinarisë dhe Mbrojtjes së Bimëve, ka njoftuar më herët në faqen zyrtare për konstatimin dhe ndjekjen e gjithë protokolleve veterinare për marrjen e masave në kohë.

AKVMB ka njoftuar gjithashtu, 68-subjektet e mbarështimit të shpendëve, të cilët duhet të marrin masa për biosigurinë në stablimentet e tyre, si dhe ka njoftuar shërbimin veterinar rajonal në rang vendi, për rritjen e vigjilencës dhe monitorimin e situatës.

Aktualisht, të pranishëm në terren janë strukturat veterinare Rajonale, të Drejtorisë së Përgjithshme të AKVMB dhe Ministrisë së Bujqësisë dhe Zhvillimit Rural.

Ministria e Bujqësisë dhe Zhvillimit Rural, fton fermerët dhe qytetarët të rrisin vigjilencën dhe të bashkëpunojnë me autoritetet me qëllim jo vetëm raportimin në kohë të cdo dyshimi nëpërmjet komunikimit të shpejtë në numrin e gjelbër 08003366, por dhe zbatimin rigoroz të masave të biosigurisë, kufizimin e ekspozimit të shpendëve të tyre në mjedise të hapura, për të ulur nivelin e riskut të kontaktit me shpendët bartës të virusit.

Kjo sëmundje ka shkaktuar dëme masive në një numër të lartë shpendësh oborresh, për prodhim, si dhe atyre të egër në mbarë botën.

Sipas Organizatave Botërore të Shëndetit të Kafshëve, asaj të Njeriut e me tej janë me qindra vatra aktive të virusit në shpendë dhe në specie të tjera.

The post Gripi i shpendëve/ Vihet në karantinë ferma ‘Rea’s’ në Durrës! appeared first on Albeu.com.

Udhëtarët e parë në Kinë u shprehën të lehtësuar që nuk duhej të kalonin nëpër masat e detyrueshme të karantinës.

Po ashtu kinezët nxituan të planifikonin udhëtime jashtë vendit pasi zyrtarët njoftuan muajin e kaluar nisën lehtësimin e masave, pas protestave kundër politikave për përballje me pandeminë.

Por, ndryshimi i papritur i politikës kundër koronavirusit, ekspozoi ndaj virusit shumë nga 1.4 miliard banorët e Kinës, duke nxitur një valë të re infektimesh që ka mbingarkuar spitalet, ka zbrazur raftet në barnatore dhe ka shkaktuar një alarm ndërkombëtar.

Rritja e pritshme e numrit të turistëve ka bërë që më shumë se shumë shtete në mbarë botën të kërkojnë që vizitorët nga Kina të paraqesin teste negative për COVID-19.

Kina i ka quajtur kufizimet e udhëtimit të vendosura nga vendet e tjera “të papranueshme”./REL/

The post Kina heq karantinimin e detyrueshëm për vizitorët appeared first on Albeu.com.

Pas tre vjetësh të mbylljes së kufijve, ky vendim në mënyrë efektive rihap shtetin ndaj atyre që janë të pajisur me viza pune dhe viza studimore, apo që dëshirojnë të vizitojnë familjarët e tyre në Kinë.

Megjithatë, ky vendim vjen në kohën kur Kina po përballet me një shpërthim të ri të virusit, pas lehtësimit të masave.

Raportohet se spitalet janë të stërngarkuara dhe personat më të moshuar po vdesin.

Numri i saktë i infektimeve ditore dhe vdekje aktualisht nuk dihet, pasi autoritetet kanë ndaluar së publikuari të dhëna për koronavirusin.

Javën e kaluar, për çdo ditë në Kinë janë raportuar rreth 4.000 infektime dhe disa vdekje.

Të dielën, autoritetet njoftuan se nuk do të publikonin të dhëna për sëmundjen COVID-19. Por, sipas të dhënave të kompanisë shëndetësore britanike, Airfinity, vlerësohet se Kina po regjistron mbi 1 milion infektime dhe 5.000 viktima në ditë, ka raportuar Reuters.

Kina është ekonomia e fundit e madhe në botë që ka lehtësuar masat, pas tre vjetësh të izolimit dhe masave të ashpra që përfshinin mbylljen e kufijve, karantinimin e detyrueshëm për të infektuarit dhe personat e kontaktit.

Politika e ashtuquajtur zero-COVID goditi ekonominë kineze dhe vendosi kufizime të ashpra ndaj qytetarëve.

Lehtësimi i disa masave kundër COVID-19 erdhi pas protestave në nëntor kundër presidentit Xi Jinpgin.

Por, mbyllja e kufijve ishte masa e fundit e ashpër në Kinë. Që nga marsi i vitit 2020, kushdo që ka hyrë në Kinë është futur në karantinim të detyrueshëm deri në tre javë. Por, periudha e karantinimit më pas u zvogëlua në pesë ditë.

Komisioni Kombëtar Shëndetësor tha se COVID-19 do të klasifikohet në Kategorinë B të sëmundjeve infektive më 8 janar.

Kjo nënkupton se masa e karantinës do të hiqet, edhe pse udhëtarët që shkojnë në Kinë do të duhet të kryejnë një test PCR. Po ashtu, sipas vendimit të ri, shteti do të heqë kufizimin se sa fluturime brenda dite mund të realizohen.

Autoritetet po ashtu thanë se janë “optimistë” se përmes marrëveshjeve për viza, të huajt mund të shkojnë në Kinë për punë apo studime, por edhe për të vizituar familjarët e tyre.

Është e paqartë nëse këtu përfshihen edhe vizat turistike, por autoritetet thanë se pilot-programi do të nisë me të huajt që udhëtojnë përmes anijeve ndërkombëtare.

Vendimi po ashtu lejon kinezët të udhëtojnë sërish jashtë vendit.

Rastet e para me sëmundjen COVID-19 fillimisht ishin regjistruar në Vuhan të Kinës në fund të vitit 2019. Kjo sëmundje ngjitëse u përhap shpejt nëpër botë dhe sipas të dhënave të Universitetit Johns Hopkins, në mbarë botën janë regjistruar mbi 600 milionë infektime dhe mbi 6.6 milionë viktima./rel

The post Kina do t’i japë fund karantinës për udhëtarët në janar appeared first on Albeu.com.

Komisioni i Sëmundjeve Infektive gjatë mbledhjes së djeshme rekomandoi vendosjen e izolimit në kushte shtëpie apo spitalore për të gjitha rastet e dyshuara dhe të konfirmuara me linë e majmunëve dhe monitorimin e përditshëm epidemiologjik të personave që kanë pasur kontakt me rastet e konfirmuara.

“Komisioni i Sëmundjeve Infektive rekomandoi vendosjen e masave të izolimit/karantinës dhe izolimin në kushte shtëpie apo spitalore të rasteve të dyshuara të lisë së majmunëve deri në testimin e tyre, izolimin e rasteve të konfirmuara në kushte shtëpie apo spitalore deri në përfundimin e sëmundjes apo shërimin. Monitorimi ditor epidemiologjik i kontakteve të rasteve të konfirmuara të lisë së majmunëve gjatë periudhës së inkubacionit prej 21 ditësh”, njoftuan nga KSI.

Kreu i KSI-së, Aleksandar Petliçkovski nuk pret që kjo sëmundje të bëhet problem si koronavirusi. Sipas tij, në vend ka teste për linë e majmunëve dhe tashmë Agjencia Evropiane e Barnave ka një vaksinë të miratuar, por vaksinimi masiv nuk është planifikuar.

“Zgjerimi nuk po shkon aq shpejt sa kishim frikë fillimisht, ndoshta për shkak se ishim të djegur nga korona. Transmetimi ndodh në grupe të caktuara. Vaksinat rekomandohen në mbarë botën për grupet e rrezikut, me kontakte rreziku. Imunizimi masiv për momentin nuk parashikohet askund”, tha Petliçkovski.

The post Në Maqedoni nuk presin që “Lija e Majmunit” të bëhet problem si Covid-19 appeared first on Albeu.com.

“Ne po shohim që qyteti mbyllet,” tha Petro Andryushchenko për United News TV.

“Fjala kolera po përmendet brenda qytetit, mes autoriteteve okupuese dhe mbajtësve të tyre”, tha ai.

BBC shkruan se nuk është në gjendje të verifikojë këto pretendime.

Kujtojmë se Mariupoli ra në duart e forcave ruse në maj ,pas muajsh bombardimesh.

Andryushchenko tha gjithashtu se situata humanitare në Mariupol po përkeqësohej, me mungesë ushqimi dhe uji./albeu.com

The post Rusët po vendosin Mariupolin në karantinë, shkak shpërthimi i mundshëm i kolerës appeared first on Albeu.com.

Kjo finale i ka rikthyer në memorie qytetarëve periudhën e karantinës të dy viteve më parë ku qyteti ishte plotësisht i boshatisur dhe i qetë, ndryshe nga ditët e zakonshme.

Tirana prej ditës së djeshme është e pushtur nga tifozë italianë dhe holandezë, të cilët kanë shkaktuar jo pak trazira.

Dita e sotme pritet të jetë një ditë feste, edhe pse ekziston frika e madhe e incidenteve të tjera.
Policia e Shtetit ka marrë masa, që tifozeritë të mos kenë asnjë pikë takimi, por se di do të shkojë mbetet për t’u parë./albeu.com/

The post Finalja e Conference League “rikthen” karantinën, si u zgjua sot Tirana (FOTO LAJM) appeared first on Albeu.com.

Shanghai, një qytet me 26 milionë banorë në bregun juglindor të Kinës, është një qendër kryesore financiare dhe porti më i madh i kontejnerëve në botë.

Masat e karantinës përfshijnë punën në distancë si dhe pezullimin e transportit publik .

Faza fillestare e bllokimit do të zgjasë nga sot deri në mëngjesin e së premtes dhe do të zbatohet në pjesën lindore të qytetit ku ndodhet qendra e tij financiare.

Faza e dytë do të përfshijë pjesën perëndimore të qytetit dhe do të zgjasë nga mëngjesi i së premtes deri në pasditen e së martës së ardhshme, 5 prill.

“Bllokimet dhe testet e detyrueshme të zonës në qytetin më të madh të Kinës ka shumë të ngjarë të prishin aktivitetin tregtar të qytetit,” tha Bruce Pang, kreu i kërkimit makroekonomik dhe strategjik në China Renaissance.

Kina ndjek një strategji strikte zero-Covid dhe vendos masa drastike. Shangai dhe provinca verilindore kineze e Jilin janë zonat më të prekura nga pandemia në Kinë.

The post Koronavirusi shpërthen sërish, futet në karantinë qyteti më i madh kinez appeared first on Albeu.com.

Rregulli i ri është që çdokush që futet në burg gjatë kësaj periudhe, duhet që të qendrojë 10 ditë deri në 2 javë i karantinuar në një ambient të institucionit para se të kalojë në qeli.

Tahiri është në gjendje të mirë shendetësorë dhe nuk ka probleme me koronavirusin, megjitatë do t’i duhet të qendrojë në një dhomë pa të burgosur të tjerë për 14 ditë. /albeu.com

The post Dje u nis drejt burgut të Fierit, 14 ditë karantinë për Saimir Tahirin appeared first on Albeu.com.

“Ky hap nuk është i lehtë, por i nevojshëm”, tha kancelari Alexander Schallenberg.

Personat e pavaksinuar do të lejohen të dalin nga shtëpia vetëm për arsye të kufizuara, si puna ose blerja e ushqimit.

Rreth 65% e popullsisë së Austrisë është plotësisht e vaksinuar, një nga vendet me normën më të ulët në Europën Perëndimore.

Ndërkohë, shkalla e infeksionit 7-ditor është më shumë se 800 raste për 100,000 njerëz, që është një nga më të lartat në Europë.

Në përgjithësi, Europa është bërë sërish rajoni më i prekur nga pandemia dhe disa vende po vendosin kufizime dhe paralajmërojnë për shtim të rasteve./albeu.com

The post Austria fut në karantinë të pavaksinuarit appeared first on Albeu.com.

Të gjithë udhëtarët e pavaksinuar, mund të hyjnë në Austri, por:

duhet të regjistrohen paraprakisht në (Pre Travel Clearance English) ? https://entry.ptc.gv.at/en.html ,

të paraqesin një test negativ të COVID-19  dhe të qëndrojnë në karantinim të detyruar për 10 ditë në një hotel ose vendbanim, me shpenzimet e tyre. Karantina mund të përfundojë pas 5 ditësh me një test negativ.

Kategoritë që përjashtohen nga kërkesat për regjistrim dhe karantinë janë:

▪️ Ata që udhëtojnë për qëllime biznesi;

▪️ Forca humanitare;

▪️ Të miturit midis moshës 12 dhe 18 vjeç që hyjnë në Austri nën mbikëqyrjen e personave plotësisht të imunizuar;

▪️ Ata që hyjnë në vend për arsye të paparashikueshme, urgjente, familjare si (sëmundje të rënda, vdekje në familje, funerale, lindje), të cilat do të vlerësohen dhe merren parasysh si të tilla nga autoritetet përkatëse.

The post COVID-19: Austria ndryshon masat për udhëtarët shqiptarë, kush përjashtohet nga karantina appeared first on Albeu.com.