Ky institucion thotë se NJPSR u dislokua në Kosovë si përgjigje ndaj nevojës së Misionit për të pasur forca shtesë në terren dhe për t’i mbështetur më mirë homologët tanë kosovarë, “nëse kjo kërkohet dhe nëse është e nevojshme”.

“NJPS-ja e rregullt e EULEX-it, e përbërë nga 105 policë polakë, është e stacionuar në Mitrovicë dhe është reaguesi i dytë i sigurisë në Kosovë, që është pjesë përbërëse e mekanizmit me tre nivele të reaguesve të sigurisë, ku Policia e Kosovës është reaguesi i parë i sigurisë, EULEX-i është i dyti kurse NATO/KFOR-i i treti”.

NJPSR-ja e sapozbarkuar aktualisht përbëhet nga 23 xhandarë nga karabinierët italianë dhe është e vendosur në Kompleksin Mbështetës të EULEX-it në Fushë Kosovë. NJPSR-ja është nën komandën e EULEX-it dhe do ta mbështesë Misionin në përmbushjen e detyrave të tij, përfshirë ato si reagues i dytë i sigurisë në Kosovë nëse është e nevojshme.

“Siguria e grave, burrave, vajzave dhe djemve nga të gjitha komunitetet në Kosovë është prioriteti kryesor i EULEX-it dhe zbarkimi i Njësisë Policore të Specializuar Rezervë e tregon vendosmërinë e EULEX-it që të vazhdojë ta mbështesë stabilitetin e Kosovës dhe të kontribuojë në sigurinë e popullatës së saj”, thuhet në njoftim.

Kjo është hera e dytë që një NJPSR zbarkohet në Kosovë: në mars 2022, EULEX-i e përforcoi përkohësisht NJPS-në e tij me një Njësi Rezervë prej 70 xhandarësh nga Portugalia dhe Franca. Xhandarët u larguan nga Kosova më 18 korrik .

Forca e Xhandarmërisë Evropiane është një forcë policore shumëkombëshe, operacionale, e organizuar paraprakisht, e fuqishme dhe e dislokueshme me shpejtësi./express

The post Karabinierët italianë zbarkojnë në veri të Kosovës, EULEX jep detaje appeared first on Albeu.com.

Mësohet si rrjeti funksiononte duke marrë kokainë nga Holanda dhe kanabis nga Shqipëria, dhe ka furnizuar me lëndë narkotike zonën e Venecias që prej vitit 2016. Mediat italiane kanë bërë me dije se Policia ka sekuestruar dhjetëra kilogramë drogë, ndërsa ka kërkuar prangosjen e 24 personave.

Gjykatësi Gilberto Sigliano Messuti, dënoi 33-vjeçarin shqiptar Bujar Sefa me 12 vjet, 9 muaj dhe 10 ditë burg, duke i konfiskuar 346 mijë euro. Për Prokurorinë italiane, ai është personi që drejtoi dhe organizoi grupin e trafikantëve dhe tregtarëve të drogës në Itali, në bashkëpunim me vëllezërit e tij.

Islam Sefa u dënua me 9 vite e 9 muaj burg dhe Jetmir Sefën me 5 vite e 4 muaj. Ndërkohë me 4 vjet e 5 muaj u dënua i arratisuri Vait Sana, i konsideruar dora e djathtë e “shefit” Bujar Sefa.

Me 6 vjet e 2 muaj dhe një gjobë prej 20 mijë eurosh është dënuar Nikoll Murrizi, 35 vjeç, i cili jetonte në Tessera. Një ndëshkim i vogël prej 10 muajsh është dhënë për një nga pjesëtarët e grupit, Luigj Makaj. Ndërkohë që të ngarkuar me detyrën e shpërndarjes së drogës ishin Elton Bakiu, i cili është dënuar me 5 vjet e 7 muaj burgim dhe Denis Albrino, i dënuar me 3 vjet e 4 muaj burg dhe një gjobë prej gati 13,000 euro.

The post Furnizuan për 5 vite Venecian me drogë, Italia fundos përgjithmonë bandën shqiptare appeared first on Albeu.com.