Një grup ligjvënësish nga të dyja palët u mblodhën sot në shkallët e krahut lindor të ndërtesës së Kapitolit, për të nderuar ata oficerë policie që humbën jetën, ose u plagosën si rezultat i sulmit.

Presidenti Joe Biden pritet ta shënojë këtë ditë me një ceremoninë në Shtëpinë e Bardhë. Ai pritet t’u japë 12 personave medaljen Presidenciale të Qytetarisë, një vlerësim për kontributin e tyre shembullor për demokracinë më 6 janar të vitit 2021.

Me medaljen Presidenciale të Qytetarisë, vlerësohen ata shtetas amerikanë “të cilët kanë kryer vepra shembullore në shërbim të vendit e bashkëqytetarëve të tyre”.

Mes atyre që priten të marrin këtë medalje është dhe një nënë së bashku me vajzën e saj, të cilat morën kërcënime me jetë gjatë kryerjes detyrës së tyre si punonjëse zgjedhore në kontenë Fulton të shtetit të Xhorxhias. Po kështu do të nderohen oficerë policie Kapitolit dhe Uashingtonit si dhe ligjvënës e një ish-nëpunës civil federal.

Presidenti do të nderojë me medalje pas vdekjes Brian Sicknick, një oficer i policisë së Kapitolit, për kontriburin e tij për të mbrojtur zyrtarët e zgjedhur të vendit. Ai vdiq më 7 janar./VOA/

The post Dy vjet nga sulmi i dhunshëm në Kapitol appeared first on Albeu.com.

“Precedenti dhe praktika e mbajtur prej kohësh tregojnë se ndarja e pushteteve e ndalon Kongresin të detyrojë një President të dëshmojë para tij,” tha avokati i zotit Trump, David A. Warrington në një deklaratë duke njoftuar synimet e klientit të tij.

Ai tha se Trumpi ishte “angazhuar me Komisionin në një përpjekje të mirëbesimit për të zgjidhur këto shqetësime në përputhje me privilegjet e Degës Ekzekutive dhe ndarjen e pushteteve”, por tha se paneli “insiston në ndjekjen e një rruge politike, duke e lënë Presidentin Trump pa zgjidhje veçse të përfshijë degën e tretë, gjyqësorin, në këtë mosmarrëveshje mes pushtetit ekzekutiv dhe legjislativ”.

Komisioni votoi për thirrjen e zotit Trump gjatë seancës së tij përfundimtare përpara zgjedhjeve për në Kongres dhe zyrtarisht e bëri këtë muajin e kaluar, duke kërkuar dëshmi nga ish-presidenti. Anëtarët e komisionit pretendojnë se zoti Trump “orkestroi personalisht” një përpjekje për të përmbysur rezultatet e zgjedhjeve të vitit 2020.
Ata thanë se zoti Trump duhej të dëshmonte, ose në Kapitol ose me videokonferencë, “duke filluar nga data 14 nëntor dhe duke vazhduar për shumë ditë nëse do të ishte e nevojshme.

Letra gjithashtu përshkruante një kërkesë për dokumente, duke përfshirë komunikimet personale midis zotit Trump dhe anëtarëve të Kongresit, si dhe grupeve ekstremiste.

Padia vjen pasi zoti Trump pritet të nisë një fushatë të tretë për president javën e ardhshme./VOA

The post Hetimi i sulmit të 6 janarit në Kapitol, Trumpi ngre padi për të shmangur thirrjen e komisionit appeared first on Albeu.com.