I riu me iniciale Xh.S., ishte shpallur në kërkim nga policia ndërsa tani do të hetohet në gjendje të lirë

“Në vijim të komunikatës së datës 05.05.2025, ku është shpallur në kërkim shtetasi Xh. S., 27 vjeç, si një nga autorët e dyshuar për veprat penale “Kanosja apo dhunimi i pjesëmarrësve në zgjedhje” dhe “Mbajtja pa leje dhe prodhimi i armëve, armëve shpërthyese dhe i municionit”, ju informojmë se: Më datë 18.05.2025, nga Forcat e Posaçme Shqiponja në DVP Lezhë, u bë e mundur lokalizimi dhe kapja e shtetasit të shpallur në kërkim policor, Xh. S., 27 vjeç, banues në Lezhë.

Në përfundim të veprimeve dhe pas konsultimit me Prokurorin, ky shtetas do ndiqet në gjendje të lirë. Materialet procedurale në ngarkim të këtij shtetasi i kaluan Prokurorisë pranë Gjykatës së Juridiksionit të Përgjithshëm Lezhë, për hetime të mëtejshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Lezhë, për veprime të mëtejshme”, njofton policia.

The post Kërcënoi qytetarët në zgjedhje, kapet 27-vjeçari në Lezhë appeared first on Albeu.com.

Rama me ironi tha se ata italianët që panë dhe inspektuan rrugët ishin “patronazhistë”.

“Rrugët janë copë? Po s’i shpjegohet që Giro d’Italia e bën nisjen e madhe nga Shqipëria. Erdhën italianët për të kontrolluar gjithë gjërat që duheshin. Si shpjegohet që jo vetëm s’i gjetën rrugët copë dhe kanë tre etapa për bërë në Shqipëri por përkundrazi thanë u impresionuam nga infrastruktura në Shqipëri. Apo thuaj patronazhistë nga Italia me biçikletë që vijnë këtu të thyejnë qafën me rrugët copë-copë”, tha Rama.

The post Rrugët janë copë-copë/ Rama kapet me komentuesin: Erdhën “patronazhistët” nga Italia appeared first on Albeu.com.

49-vjeçari është vënë në pranga nga efektivët e Komisariatit të Policisë Nr. 6 pas informacioneve të marra nga inteligjenca policore.

Daut Laze, u arratis nga Institucioni i Posaçëm Mjekësor në IEVP Lezhë, më datë 4 shkurt të këtij viti.

“Nga shërbimet e Komisariatit të Policisë Nr. 6, në Astir, u bë kapja e shtetasit të shpallur në kërkim Daut Laze, 49 vjeç, banues në Astir. Veprimet e mëtejshme do të kryhen nga Drejtoria Vendore e Policisë Lezhë”, thuhet në njoftim.

Pas arratisjes së 49-vjeçarit, i cilësuar me rrezikshmëri të lartë shoqërore, policia kreu kontrolle të shumta tek të afërmit e tij, objekte kulti, apo edhe në banesa e ambiente të braktisura, ndërsa në këmbim të çdo informacioni që në ditën e parë të arratisjes u vendos një shpërblim prej 10 mijë eurosh.

Nga ekspertiza bënë në burg hetuesit, rezultoi se Daut Laze, ishte larguar i qetë dhe i vetëm nga qelia, rreth orës 03:44 minuta të datës 4 shkurt.

Nga këqyrja e kamerave të sigurisë së burgut, u vërejt se 49-vjeçari kishte hasur vështirësi vetëm në momentin e kapërcimit të murit rrethues të institucionit, ndërsa e gjithë arratisja, sipas burimeve, nuk zgjati më shumë se 30 minuta.

Pas arratisjes së Lazes, u arrestuan tre punonjës të burgut të Shënkollit, për shpërdorim detyre, të cilët u lanë më pas me masa të buta sigurie nga gjykata.

Gjatë deklarimeve, punonjësit e burgut të Shënkollit kanë pohuar se gjatë kohës që kanë kaluar përballë dhomës ku Laze qëndronte i shtruar kanë kujtuar se ai ndodhej në gjumë në qeli.

49-vjeçari ishte arrestuar për dhunë në familje, por vitin e kaluar Gjykata e Tiranës kishte caktuar mjekim të detyrueshëm për të.

The post U arratis nga burgu i Shënkollit, kapet pas dy muajsh 49-vjeçari Daut Laze appeared first on Albeu.com.

Rama ka lexuar disa nga komentet kritike për të dhe qeverinë Rama, të cilët i ka akuzuar se janë komente nga profile fallso të hapura nga njerëz të “bufit të kënetës”, Berishës.

“Të bëhemi serioze, t’i lemë këto komente Vl. Të bëhemi seriozë, tani është momenti për të menduar si shqiptar. Mund të vazhdoni të bëni sa të doni nga këto. Këto komente i merr era, bëheni zëdhënës të bufit të kënetës, papagaj, gjinkalla dhe insekte të kënetës. Janë kot, janë humbje kohe, janë turpe pqë ju që hapni profile fallso. Ju lutem lërini broçkullat.

Ku e shikon ti që më ka zënë frika? Mua më zë frika që koha që kemi në dispozicion të mos shfrytëzohet maksimalisht. Kemi një dritare të hapur për të hyrë në BE. Është një dritare që është e hapur për ne, por që nuk do të jetë aty e hapur pafundësisht. Ne duhet ta shfrytëzojmë maksimalisht që të jemi të barabartë mes të barabartëve. Zoti na ka sprovuar duke pasur mbi kokë një sërë hajvanësh. Por tani është momenti për të menduar si shqiptar”, tha ZRama.

The post Kryqëzohet në rrjet/ Rama kapet me komentuesit: Jeni “vl” me profile false të kënetës appeared first on Albeu.com.

Policia njofton se 20-vjeçari, drejtuesi i automjetit tip “Audi” përplasi një 60-vjeçar i cili po lëvizte me karrocë, dhe më pas u largua nga vendngjarja.

Nga verifikimet rezultoi se ky shtetas drejtonte automjetin pa leje drejtimi.

Në vijim të informacionit paraprak të dhënë mbrëmjen e djeshme, i cili bën fjalë për një aksident të ndodhur pranë urës së fshatit Zvezdë, Maliq, ju informojmë se:

Shërbimet e Komisariatit të Policisë Maliq bënë të mundur identifikimin dhe kapjen e drejtuesit të automjetit tip “Audi”, i cili u largua nga vendi i aksidentit, konkretisht shtetasit K. F., 20-vjeç, banues në fshatin Pojan, Maliq.

Nga verifikimet e kryera rezultoi se ky shtetas duke drejtuar automjetin pa leje drejtimi, ka përplasur një karrocë me drejtues shtetasin F. D., i cili ndodhet nën kujdesin e mjekëve.

Aktualisht 20-vjeçari, ndodhet i shoqëruar në ambientet e Komisariatit për veprime të mëtejshme procedurale.

The post Përplasi 60-vjeçarin me karrocë dhe u largua, kapet drejtuesi, 20-vjeçari s’kishte patentë appeared first on Albeu.com.

Gjykata e Durham Croun, dëgjoi se agjenti vizitoi shtëpinë në Clarence Street më 14 dhjetor të vitit të kaluar.

Chris Morrison, prokuror, tha se i pandehuri u gjet në papafingo, ku po kultivohej kanabis, me bimë të tjera të gjetura në dy dhoma gjumi në katin e sipërm, ku kishte edhe pajisje të ndryshme kultivimi.

Agjenti thirri policinë që mori pjesë dhe arrestoi të pandehurin. Një total prej 50 bimësh u gjetën, të gjitha midis 1 dhe 2 metra lartësi, dhe u konsideruar se rritja kishte zgjatur për disa kohë.

Morrison tha se sistemi i energjisë elektrike u kontrollua dhe u zbulua se te njehsori ishte ndërhyrë, qartë për të fuqizuar funksionimin.

Zeneli nuk u përgjigj pyetjeve të policisë se pse ishte aty dhe çfarë po bënte. Morrison tha se konsiderohej se ishte “një operacion i drejtuar në mënyrë efikase”.

I pandehuri 24-vjeçar, u tha se ishte një shtetas shqiptar dhe qëndrimi i tij ishte i paligjshëm në Britaninë e Madhe.

Morrison tha se asgjë nuk dihej për jetën e tij të mëparshme, por ai nuk ka asnjë dënim të mëparshëm në Angli.

Zeneli u deklarua fajtor si për prodhimin e një droge të klasit B dhe për lidhje të paligjshme të energjisë elektrike, kur u paraqit para gjykatësve më 19 janar.

Çështja e të pandehurit, i cili është në paraburgim në burgun e Durhamit që nga momenti i arrestimit, është dërguar në gjykatën e kurorës.

Kate Barnes, tha se pavarësisht se i pandehuri kishte përfunduar një diplomë Bachelor of Arts në menaxhimin e marketingut në Shqipëri, ai nuk ishte në gjendje të gjente punë në vendin e tij të lindjes.

Ajo tha se ai, prandaj, vendosi të vinte në MB ilegalisht tre muaj para arrestimit të tij. Por ai mbeti i detyruar të shlyente një borxh ndaj atyre që e trafikuan në MB.

Për të shlyer borxhin, ai u vendos në këtë adresë dhe u ngarkua të ujiste dhe të kujdesej për të korrat e kanabisit.

Zonja Barnes tha se i pandehuri po vepronte nën drejtimin e të tjerëve dhe nuk kishte asnjë përfitim financiar, përveç përmbushjes së borxhit ndaj trafikantëve të tij.

Avokati Mark McKone, tha se i pandehuri po përfitonte financiarisht nga operacioni duke i paguar ardhjen e tij në Angli “kriminelëve që e ndihmuan që ai të vinte në MB”.

Ai tha se ishte merita e tij që kishte arritur një diplomë Bachelor të Arteve në Shqipëri, por sipas të gjitha gjasave do të përballet me dëbimin, pas dënimit. Avokati McKone, tha se shqiptari do ishte përballur me një dënim prej 21 muajsh, por, me një zbritje prej një të tretës për pranimin e fajësisë, gjykata dha një dënim përfundimtar prej 14 muajsh.

Por Recorder tha se çështja e statusit të imigracionit të të pandehurit nuk ishte një çështje mbi të cilën gjykata ka ndonjë autoritet.

The post I diplomuar për arte në Shqipëri, arrestohet shqiptari në fermë kanabisi në Angli appeared first on Albeu.com.